مشاهدة النتائج 1 الى 9 من 9
  1. #1

    مـــــــــــــــــواقف×مـــــــــــــــــــــــــو اقف...

    الشغالة
    اتصلوا علينا المطار قالوا ترى شغالتكم وصلت .. وعلى شان
    نفتك من تفويض استلام رحت بنفسي أخذ الشغالة ... المهم وصلت المطار وخذت
    الشغالة بطبيعة الحال معها شنطه فيها ملابسها .. استلمت الشغاله وطلعنا
    للسيارة فتحت شنطة السيارة على شان تحط شنطتها .. تفاجأت ... أن الشغاله
    مدت رجلها بتركب في الشنطه قدام العالم .. وانا ما مسكت نفسي ما قلت لها لا
    قعدت اضحك وما مسكت نفسي وقمت أشر لها على شان تنزل والعالم تضحك ..
    المهم في الاخير نزلت من الشنطه .. بس بعد ما كل الموجودين جاهم مسيل
    الدمووع من الضحك

    ****

    ويش اللي صار/

    فيه وحده من القديم تستحي مرة مرة .. ولما تزوجت كانت
    تستحي حتى تتكلم مع زوجها .. وكانوا الحريم يلومونها على هالحياء الزايد
    ويقولون لها لازم تحكين مع زوجك و تمزحين معه تدفينه بيدك مثلاً .. وصممت
    هالمرأة على كسر هالحاجز من الحياء الزايد ... ومرة من المرات هي وزوجها
    بالسطح يوم جاء الزوج بينزل مع الدرج ألا وهي تسرع وتدفه ( تدفعه ) وهي
    تبسم .. تدحرج المسكين وترن ترن مع هالدرج الى ان وصل آخر درجة وهو بعد
    ما استوعب وش اللي صــــــار ...

    ****


    تحريك جو/

    فيه وحده تقول في اول ايام زواجي طلب مني زوجي ان افتح
    له علبة بيبسي .. وبغيت احرك الجو بشي من الفرفشة .. قمت وفتحت العلبة قدام
    وجهه و... يا للهول طاااااااش البيبسي على وجه وملابسه والجدار .. وانا مع
    خوفي جتني حاله هستيرية من الضحك وانا اشوف هالموقف ..

    ****


    تطبيق واقعي/

    وفيه وحده بعد تقول في الاسبوع الاول من زواجي حلمت اني
    العب مع اخواني وقام اخوي الصغير واخذ شي من اغراضي وقمت الحقه حتى
    مسكته وقمت اضربه واصفقه .. يوم توقظت لقيت اني اضرب زوجي !!

    ****


    سبب واحد /

    وحده تقول قبل المغرب كانت امي تامرنا بفتح الشبابيك حتى
    يطلع الذباب برا ومرة من الايام سالت المعلمة : لماذا نفتح النوافذ في منازلنا ؟
    ورفعت اختي الصغيرة يدها ، وقالت وهي متحمسة : علشان نطرد الذباب
    يااستاذه

    ****

    الحمد لله انتهت /

    كانت اختي جالسة عند التلفزيون أثناء استعراض برامج الغد
    وجاء في العرض ( ثم نقدم لكم نشرة الاخبار المصورة الثالثة والاخيرة ) فرحت
    أختي مرررة .. وراحت لأمي : يمه يمه الحمد لله خلصنا من الاخبار بكرة الحلقة
    الاخيرة ...

    ****

    الدش /

    واحد من الاطفال سمع كثير عن الدش ومخاطرة .. وانه فاسد
    وحرام .. وكان عند احد معارفهم ( دش ) وهالطفل ما يعرف وش هو بالضبط ..
    فقال : ال فلان عندهم دش اللي يغسل منه يصير كافر

    ****


    براءه/

    رن هاتف المنزل وردت اختي الصغيرة .. وسالتها المتصلة :
    وين الوالدة ؟ قالت اختي وببراءه : ماعندنا احد والد اليوم

    ****


    مع زود الفرحه /

    شرح لي أخوي مادة القواعد حتى فهمتها .. وفي الامتحان
    جاوبت تمام التمام ... وطلعت مسرعة من المدرسة لسيارة أخوي ركبت بالمقعد
    اللي وراء وطقيت كتفه وقلت مشكور يـ اخوي جاوبت زين بالامتحان .. رد علي
    بهدؤ وقال : أنا آسف ماني أخوك غلطانه في السيارة

    ****


    تونى شاربه /

    مرة جلست جنب عجوز كبيرة وأعطتني ميراندا .. وقالت :
    خذي افتحيه ، قلت : شكرا شكرا توني شاربه قالت : خذي افتحيه لي أنا !!
    وقتها ضاع وجهي وقلت : الحمد لله أني ما فتحته وشربته .

    ****


    نعم الهديه /

    في زواج أحد قريباتي أخذت لها هدية عبارة عن خاتم ...
    سلمت عليها وباركت لها وعطيتها الهدية .. وبعد ساعة احتجت للشنطة وفتحتها
    ولقيت علبة ثانية للخاتم بدا قلبي يخفق فتحت العلبة وإذا الخاتم فيها .. مصيبة
    أعطيت العروس علبة فارغة

    ****

    مستعجل/

    كان اخوي جالس في مكتب المدير .. اتصل واحد ( يبي
    المدير ) رد عليه أخوي وقال له : المدير في دورة المياة .. فقال المتصل : كم
    التحويلة

    ****


    باص البنات /

    هذا واحد ما ودي اقول اسم الشهرة حقه طبعا عندنا ... هذا
    مسوي مغزلجي كتب له رقم في ورقه كبيره على شان يكون رقمه واضح عند
    البنات مر من جنبه باص زجاجه مظلل شوي ومليان .. قال بس هو اللي انا ابغى
    طلع الرقم من الدرج وصار يشر للي في الباص وهم يطالعون وش عنده ومره
    يجي من يمي ن الباص ومره شمال وقف عند الاشارة قال فرصتي ويفتح
    الشباك حق السيارة على شان يكون رقمه اوضح فجأه انفتح شباك الباص اللي
    من جهته ... انبسط صاحبنا .. واكتمل فتح الشباك الا وصاحبنا يفتح عيونه زين
    الا صار باص عمال .. ويلملم قطع الغيار اللي طاحت من وجهه وياخذ يمين .....وبس

    ****


    من شب على شيء /

    فتاة قد تعودت هي وأخوتها إذا مـر أحدهم بجانب الثاني مـد
    رجله ليسقطه على الأرض ،،، فلما تزوجت وفي -الأسبوع الأول - من الزواج
    وحين نهض الزوج من وجبة الغداء لغسل يديه مــدت الفتاة رجلها - كالعادة -
    فسقط الزوج وكسرت ذراعــه واما الفتاة من شدة خجلـها من الموقف ذهبت
    لأهلهـا !!!!!

    ****


    الصدق زمان /

    فتاه سألت جدتها عندما سافرت بالطائرة لأول مرة ، حيث
    جاءت المضيفة وقدمت لها الطعام ، فما كان منها إلا أن قالت : والله لو أدري
    أني أبكلف عليكم ماجيت !!!

    ****


    تضـامن شديد /

    تقول بعد تخرجي من الجامعة عينت ( مرشدة تربوية ) في
    أحدى المدارس ، وفي أول عملي جاءتني طالبة وأخذت تحدثني عن شعورها
    تجاه فقدها لأمها التي توفيت منذ سنوات ، وأخذت تشرح لي شوقها إليها ،
    وافتقادها لها في كثير من المواقف التي تواجهها ، وأنها ..... وقامت الطالبة
    عن مقعدها ، وأمسكت بكتفي وهي تحاول تهدئتي ، وتطلب مني التوقف عن
    البكاء

    ****


    وينهــا /

    أختاي الصغيرتان كانتا تسمعان أن في المدرسة شيئاً
    يقولون له ( فسحة ) وفي يومهما الدراسي الأول جاء موعد الفسحة ، فأخذتا
    تبحثان في كل أنحاء المدرسة عن هذه ( الفسحة ) !! وانتهى الوقت وهما لم
    تجدا ضالتهم المنشوده

    ****


    تحياتي...


    **** الورده البيضاءgooood


  2. ...

  3. #2
    ههههههههههههههههههههههههههههههه
    وسعتيلي صدري كنت طفشانة والمواقف تموت من الضحكbiggrin biggrin biggrin biggrin biggrin biggrin biggrin biggrin tongue tongue tongue tongue tongue tongue tongue tongue

  4. #3

  5. #4
    والله تسلمي مرة تهبل
    ....يا ويلي ماني قادره أمسك نفسي من الضحك
    مشككككككككوره:biggrin biggrin biggrin biggrin biggrin biggrin gooood

    يرجى رفع التوقيع من مركز صور مكسات

    - تويتر


  6. #5

  7. #6

  8. #7

  9. #8

    رائع سبيشل

    مشكوره اختي

    ويعطيكي العافيه
    ............
    محبكم
    سبيشل

  10. #9

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter