مشاهدة النتائج 1 الى 10 من 10
  1. #1

    Talking للبنات (( كيف تصطادين تمساحاَ )) مع الاعتذار للتماسيح


    كيف تصطادين
    7
    7
    7




    12




    كل حلوه ناشبة(ن) في حلق أهلها وماتصرفت مع انهم حاطين معها أختها مجانا (لترويج البضاعة المتحرجمة في البيت )

    اليك عصارة راسي وبنات أفكاري أضعها بين يديك
    كيف تصطادين تمساح دون اللجوء للأساليب المعهودة والسقيمة (المغازل ،الترقيم،التميلح اللي ماله سنع،الترزز بالاسواق .الخ )


    للاجابة على هذا السؤال اليك مايلي :
    أهم نقطة :انشبي على العجوز اللي حاطة(ن) عينك على ولدها ثمن نفذي مايلي :

    1-خليك مع أمك لاتروحين مع البنات وتهيبلين ماورى ماتهيبلتي اصبري عنهن كم شهر لين تتم العملية

    2-امشي وانتي حاطة(ن) راسك بين كتوفك لاترفعينه أبدا حتى لو يصير كله صعارير (خلي الفكس دائما في متناول اليد ) علشان يقولون مؤدبة ومب متكبرة
    3-كلمة خالة خليها على لسانك وخاصة(ن) لأم التمساح علشان تحس بنوع من التميز عن بقية العجز .لامانع تنادين وحدة ثانية بخالة علشان إذا مانجحت الخطة
    مع العجوز نمبر ون تنجح مع الثانية اتبعيها كخطة احتياطية (يعني ستبنة )

    4-إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل (كثر الطق يكسر الحديد) أدري إن المثل ماله داعي بس مالقيت غيره

    5-اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك

    6-مهما أكلت أمك من أكلة زينة خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي )

    7-اذا جيتي بتمدين ايدك جعلها الكسر< (خربتها) اعبطي خشتك وتويجعي (مب قوة علشان مايقولون جوارة) وخلي أمك تقول :قايلة (ن) لك وأنا أمك لاتنظفين جدران الفلةالخارجية بس أنتي الله يهديك ذابحتك النظافة (جعلي ماأبكيك أجل بتنظفين جدران الفلة نظفي غرفتك أول اللي تقولين ثايرة فيها قنبلة ذرية )

    8-دايم ارتزي كأنك بالعة(ن) قصبة علشان ماينقص من طولك ولا سنتيمتر (للقصيرات)

    9-اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمين نفسك مرة أخاف تروحين فيها وأصير قتلت نفس بغير حق

    10-مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة 11-شعرك افرديه لين يتحسحس لاتخلينه طاير وشوشة مهما كانت الموضة لأن العجز مايدورون الا اللي شعورهن ناعمة والا ياعمري اللي شوشهن طايره ماحد يلتفت يمهن

    12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي مثلا تقول العجوز:أمس بوش متقهوي عندنا قولي لها :وليه ماعلمتينا ياخاله نجي نعاونكم

    13-في العروس لاترقصين اربضي واقضبي ارضك واعتبري الرقص عيب وشق جيب


    14-اذا جا طاري السوق وطبعا هو لازم يجي الطاري لأنه ملح الجلسة عند الحريم خلي أمك (الله يعظم أجر أميمتك)بناتي مايطلعون للسوق أغراضهم أبوهن يجيبها (وانتي شكلك مقطعه السوق تقطيع ) احتمال وارد الحدوث
    ممكن تكون العجوز منشنة على بنت غيرك لكن بعد النقاط السابق ذكرها بتصرف نظر عنك وعنها < (أمزح لاتصدقين )
    الحين بتكون العجوز وقعت باالفخ


    نرووووووووح للتمساح الحين :
    اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له :والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعة علشان ماتقول بعدين غشيتوني (ايه هين ياالشايب لو يحصل حطيت بدالها باسكال مشعلاني والا أليسا والا مايا هالي مطيراتن عقول عيالنا
    وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك ) ادهري من مشغل لمشغل (صبغه ،فرد،تنظيف بشره،الخ) لاتخلين على روحك قاصر
    ولما يجي المعرس خلي أخوك ياقف بجنبه عند الشباك علشان مايطول بالتبحلق ويبان المستخبي وذلك تطبيق(ن) لنظرية اللمحة ذبحة
    بعدها عاد كيف بيشوفك هذي عليك مب كل شيء بعلمك اياه دبري عمرك
    بس خلي أبوك في نهاية المشاهدة يقول:العذر والسموحه وأنا عمك (الأخ ضمن الولد يوم انه يقول وأنا عمك ) ترا البنت حوسة (مع انك طاقة (ن) كل زينك بس يعني اني )
    في هاللحظة الولد بينط على راس أبوك وبيمطخه لين يشفط مخه وبيقول متى العرس ياعم (اللهم ارحمه فقد كان ولدا بار (ن) بوالديه )
    عاد الله يوفقك ولاتنسينا من حلاو العرس والكليجا واياني واياك تعلمين الولد من اللي معلمك هالعلوم ولا حتى باسم المنتدى لأني أعتقد انه بيسوى مصيبه وأخاف يحط حرته فيني

    تحذير
    ابعدي عن أمهات العيال اللي متعلمات راعيات الشنطة مثل لون الجزمة لأن هذولي يبيلهم خطط بعيدة المدى
    نصيحه
    رفيقاتك بيلاحظون التغيرات المفاجئة اللي صارت لك فانتي قولي لهم :انك خلاص انسانه عرفتي درب السنع والعداله (فاصل دعايه للطقاقه فطومه )
    تدرين ليه؟؟خوفا من سرقة الفكرة الادبية
    عاد ادعي لي لأني من العطلة الصيفية اللي راحت وأنا حاطة(ن) عيني على عجيز وببدا أنسج خيوطي العنكبوتية حولها والله يفوفقكن يابنات
    ( الي حاطه عينهااا صاحبه الموضوع مو اناا انا صايده تمساح ومخلصه عقبالكم يا بنات ))


  2. ...

  3. #2
    بالله اذا وحده تتخطط عليا ترا الخطه هاي ماتنفع معاي...<<<<<<<<<<<<<<<<ههههههههههههههههههههههههههه هههه





    امزح لاتاخذونها جد الحيين...
    فمان الله مكسات

  4. #3
    والله الحركه حلوه بس قديمه موجوده من زمان عندنا ههههههههههههههههههههههههههه

  5. #4
    يا خي انت تعرفها غيرك مايدري عن امها حتى......



    خلى البنات يتعلموون...... بس نحنا.................<<<<<<<<<< ههههههههههههههههه...امزح

  6. #5
    هذه قصه حقيقيه وتبين مدى كره السحليه للشباب والاولاد :يحكي ان سحليه ((بنت)) تمنت وانتظرت ان يأتي فارسها الملثم حتى لو كان مغبرا منفرا في شكله ومظهره ان يأتيها في اسرع وقت فقد ملت الانتظار (( ملاحظه : يوجد مليون و800الف عانس وسحليه طايحه في كبود اهلهم بالسعوديه فقط)) المهم انها حاولت الذهاب للاسواق لعل وعسى وذهبت للزواجات وتمايلت وتغنجت لكل عجوز تعلم ان لديها صبي حتى حارسه بوابه قصر الافراح ومع ذالك لم يأتيها لا فارس ولا سطل , في احد الايام علمت ان احد ابنأ جارهم يريد ان يخطبها ولكنه لايعلم اي شيء عن اخلاقها لان ليس لديه اخت لكي تتعرف عليها وتخبر اخيها ,كيف الحيله ؟؟ لابد من شن الهجوم المكثف على ام الولد ولتتصنع ماتشأ حتى لو لم تعجبه يكون الفأس قد وقع بالرأس المهم انها علمت ان ام الولد ستذهب للحج فقالت انها فكره رائعه وبدأت تعد العده , وذهب الى ابيها وذرفت دمعتين بسهوله وتم قبول ذهابها للحج ((مع انها ثالث مره)) وعلى نفس رحله ام الولد بنفس الحمله ,ولم يكن يهمها ان الحمله هذه كانت غاليه الثمن وباهضه
    المهم انها في الباص وبجانب ام الولد فاخذت طوال الطريق تتدلس للعجوز وتنافق معها و(( امري ياخاله , سمي بسم الله عليكي, اجيب لكي بطانيه ,تبين مويه ,انزل الكرسي , ارفع الكرسي ,انظف نظارتكي , اوسخ نظارتكي ,خاله انا مانمت لي يوم كامل وماراح انام لين اتطمن انكي مرتاحه ومبوسطه في مكه , خاله انا احبك , خاله يازين الكف اللي عطيتيني,خاله تبين تكلمين ولدكي بجوالي ترى عاد الفاتوره يدفعها بابا ,خاله انتي لما عطستي حسيت ان اللي يوجعه صدره انا مو انتي ,.....))
    اكثر من الف كيلو متر وهي على هذه الحال (( انظروا للسحالي كيف تحصل على ماتريد مهما بلغ منها الثمن ))
    وعند العوده مثلما حصل عند الذهاب ,
    وعندما وصلوا للرياض اخذ الولد امه من مواقف الباص وكانت السحليه تنزل امتعتها وتعطيها لوالدها وهي تضحك ومبسوطه بنجاح مهمتها وتنظر بعينيها الى زوجها المستقبلي وحماتها ....عندما تناهى الى مسمعها الولد وهو يسأل امه: يمه هذي مو بنت جارنا ابوصالح ؟؟
    فردت امه : ايه ياوليدي, هذي عواطف ,,الله يعطف رقبتها ويعين زوجها اللي بياخذها .
    قال الولد : ليش يمه ؟
    ردت امه : ياوليدي البنيه هذي مطفوقه ومطيوره ورفلا والظاهر ان في راسها باقي شويه خبال وهبال وذبحتني بالسوالف والهذره وهذا هي تحبني عاد كيف زوجها لما تصير بينهم مشكله او اي شي ثاني ؟ مااقول الا الله يعين اهلهاعليها ولايبلاك ياوليدي بوحده مثلها .

    منظر : في مواقف الباص الاب يصرخ: عواطف وش فيكي ؟؟ عواطف ؟؟؟ ثم يمسك بيد ابنته اللتي ترتجف وتتشنج وهي تهذي وتقول :


    (( الرد جدا قوي وعنيف واخاف ان انا كتبته ان يصيب بعض الاعضأ الصدمه))



    هذا الرد كتب بدون علم MOONWALKER واعتذر له وارجوه ان لايقوم بمسحه .

    قبلاتي واشواقي : الخزان الاسود
    اشتقت لك يامكسات frown

  7. #6
    هههههههههههههههههههههههههه
    الله يقطع ابليسك يامون خليتني افطس من الضحك هههههههههههههههههههههههه
    هههههههههههههههههههههههههههههههههههههههه

  8. #7
    rolleyes هههههه يسلموو على مروركم


    هههههههههههههههههههه رهيبه رهيبه رهيبه مون

    بس برضوو احسها قصه خرافيه tongue

    ياتماااااااااااااااسيح tongue

  9. #8
    خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ






















    هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههه

  10. #9
    يعطيك العااااااافية خيتو على الموضوع ^______^

    يسلمووووووووو

    مع اطيب امنياتي

    سراب الروووح
    رسالة الى ابي الراحل

    لان طالت بنا الغربة وحاالت دون لقيانا ..

    وعاد الطير للغصن ..يغني النصر جلانا ..

    اعود اليك في زمن شغف ابث القبر تحنانا ..

    انثر فوق مثواك دموع الشوق ريحانا ..

    ياحلمي الموعود قد عدت فلاترحل

    ولاتجرح بحد الوجد وجداني ..وجداني

  11. #10
    مشكورة على الموضوع
    ايش الخطط هادي اسمحيلي ترا الخطط مرررررة بلهة اسمحيلي عاد
    ومشكووووووووورة
    STOP AM TOP

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter