سيره وانفتحت في مكساتووووو......

[كاسح]

اهلين..جيت متأخر شكلي..

انا حاب اقول رأيي بس قبل كل شي اشكرك يا لورد على فتحك باب النقاش في هذا الموضوع فعلا موضوع جدا مهم..وموجود في واقعنا..

اولا..فعلا دائما لو تلاحظوا انه الاباء يحبون يقارنوا نفسهم بأولادهم بشكل غريب...انا من ناحيتي الحمدلله والحمدلله انه الوالد راضي علي بكل شي اسويه...بالدراسة مني مقصر وحتى تعاملي معاه..والحمدلله اعتقد انه راضي علي ونادرا لما يعاتبني..اما من ناحية انه يقارن جيله بجيلنا..ابوي متفتح والوظيفة اللي هو فيها خلته يشوف الدنيا من يوم هو صغير ويتفتح وعرف يدخل في جيلنا وصار فاهم كل شي جديد فما يتعبنا التعامل معاه..

المشكلة بالوالدة..فعلا احس بفراغ كبير بيني وبينها..كل شي في العصر هذا ما كانت تستعمله تكرهه..بمعنى الكلمة تكرهه..مثل الانترنت..ما الومها الوم جيلها لأنه حتى لو هي اقتنعت بالنت بيوم من الايام بتروح تقعد مع خوياتها وعاد اسمع الكلام: وش النت هذااا صاير كل شي فييه بيخرب عيااالنا..كله مواقع فااضحة فيه كثير يستغلون عيالنا....الخ

مممم هذا مثال يعني...غالبا اي شي جديد عليهم ما يعرفوه ..

ولو تلاحظوا يستندوا في الانتقادات على اي قصة يسمعوها والا اي خبر ويكون شي نااادر وهم بما انهم ما يعرفوا للشي نفسه ولا عندهم فكرة كيف هو راح يصدقوا الكلام...

اهم شي نحاول نتناقش معهم بالادب لأنه مافي حل ثاني..














تحياااااااتي

[سلطعون]

كاسح:

اولا..فعلا دائما لو تلاحظوا انه الاباء يحبون يقارنوا نفسهم بأولادهم بشكل غريب...

هذا شي طبيعي

انا من ناحيتي الحمدلله والحمدلله انه الوالد راضي علي بكل شي اسويه...بالدراسة مني مقصر وحتى تعاملي معاه..والحمدلله اعتقد انه راضي علي ونادرا لما يعاتبني..اما من ناحية انه يقارن جيله بجيلنا..ابوي متفتح والوظيفة اللي هو فيها خلته يشوف الدنيا من يوم هو صغير ويتفتح وعرف يدخل في جيلنا وصار فاهم كل شي جديد فما يتعبنا التعامل معاه..

زين الحمد لله انه فاهمك و معاك في كل شي
الله يخليه لك و يخليك له ان شا الله

المشكلة بالوالدة..فعلا احس بفراغ كبير بيني وبينها..كل شي في العصر هذا ما كانت تستعمله تكرهه..بمعنى الكلمة تكرهه..مثل الانترنت..ما الومها الوم جيلها لأنه حتى لو هي اقتنعت بالنت بيوم من الايام بتروح تقعد مع خوياتها وعاد اسمع الكلام: وش النت هذااا صاير كل شي فييه بيخرب عيااالنا..كله مواقع فااضحة فيه كثير يستغلون عيالنا....الخ

عدم معرفتها بيه هو الي يخليها ترفض فكرته

ولو تلاحظوا يستندوا في الانتقادات على اي قصة يسمعوها والا اي خبر ويكون شي نااادر وهم بما انهم ما يعرفوا للشي نفسه ولا عندهم فكرة كيف هو راح يصدقوا الكلام...

اهم شي نحاول نتناقش معهم بالادب لأنه مافي حل ثاني..

كلامك صحيح يا الربيع

-----------------

اذا اكتفيتو بالنقاش في هذي السالفه
يا (Allord) تقدر الحين تفتح سيره ثانيه

و اشكرك على فتح هذا الباب من النقاش

تحياتي
سلطان

[FIRE ANGEL]

أنا أؤيد هذه الفكرة

[Allord]

السلام عليكم ورحمة الله وبركاته.....

أود التنويه بأنه قد حان موعد طرح موضوعنا لهذا الأسبوع............

فأرجو من الجميع المشاركة معنا بآرائهم لكي نفيد ونستفيد........

أما موضوعنا لهذا الأسبوع فهو.....

.......( المعاكسات)........


أعتقد أن هذا الموضوع قد قدم عهده.., ولكن نجده يتكرر في مجتمعاتنا.....فدعونا نبدأ بنقاش هذه المشكلة...التي


غرق في أعماقها الكثيييير من إخواننا وأخواتنا...... وراح ضحيتها الكثير من الفتيات.....


ماهي دوافع هذه المشكلة..أوماالذي دفع إخواننا وأخواتنا لمثل هذا النوع من المشاكل..؟؟؟؟


من المخطئ...هل هم الشبان أم الفتيات...؟؟؟


من المسؤول عن كل هذا..؟؟؟؟


كيف نوعّي هؤلاء عن ماهم عليه...؟؟؟؟


ماهي الحلول والإجراءات التي يجب اتخاذها لتجنب هذه الظاهرة...؟؟؟؟



أسئلة تبحث عن من يجيب عنها...أفيدونا بآرائكم لعلنا نبدأ حلها في أنفسنا أولاً...




أخوكم:
Allord

[سلطعون]

السلام عليكم يا الربع

بالنسبه لهذي المشكله

فهي مشكله موجوده للاسف حوالينا بكثره في هذي الايام

فأه كبيره في ايامنا هذي ما يعرفون قيمة نفسهم

و اعتقد ان وقت الفراغ هو الي خلاهم يسوون هذا الشي

للاسف هذا الشي منتشر مب بس في اسواقنا و الاماكن العامه

لاسف هذا الشي منتشر حتى على النت و بدون ما يحسون بهذا الشي

و بذكر لكم مثال لضحية هذا الشي في ردي الياي

المخطأ في هذا الشي كلا الجنسين البنات و الشباب

تبدأ المشكله بالطرف الي يلمح على هذا الشي

و تكبر هذي المشكله اذا الطرف الثاني اتقبل هذا الشي

و للاسف انا شايف ان وايد الي يسوون هذا الشي و وايد الي يتقبلونه

و اهلهم هم اول المسؤلين عن هذا الشي

لان بأهمالهم لعيالهم وصلوهم لهالشي

عدم محاسبتهم على هذا الشي و قلة الرقابه عليهم وصلهم لهالشي

لانهم خذو و فسرو هذي الحريه الي اهلهم عطوهم اياها بشكل خاطىء

فقامو يسوون الي يعجبهم و مب منتبهين على سمعتهم و نفسهم و مستقبلهم

و كيف الناس بينظرون لهم بعد ما يعرفون انهم راعين هالسوالف

انوعيهم بنصحهم بترك هذا الشي

و للأسره دور فعال في توعيتهم بمراقبت كل تصرفاتهم

و انقول لهم كيف هذا الشي بأثر عليهم

و انخبرهم بسلبيات هذا الشي

بالنسبه للشباب قبل فتره كان عنا قانون نشر صورة الشاب المعاكس في الجريده

و هذا الشي يشوه سمعتهم في مجتمعنا و بينفضح لان الي يعرفه بفضحه

بدو يقللون من هذا الشي و فأه منهم تركو هذا الشي خوفا من الفضيحه

لاكن لاسف هالايام ماقامو ينشرون صورهم و الشرطه غافله عنهم

الحين البنات الله يستر عليهم في فأه منهم يتقبلون هذا الشي

و هذا الشي يشجع الشباب استغفر الله

و اعتقد ان ضعف دينهم هو الي خلاهم يسوون هذا الشي


ولا انتو شو رايكم؟

تحياتي
سلطان

[عاشقة شاروخ خان]

هلا اخوي اللورد

كيف الحاال اعضائناا ان شالله بخيير

ادري ان رديت متاخرة بس لان صارت عندي ظرووف

واول ما دخلت العاام سيدة مبااشرة دخلت على هاي الموضووع

الفكرة حلوة مووووووووووووووت

وحلو التفكير اخووي


تحياتي::
عاشقة شاروخ خان

[Allord]

السلام عليكم ورحمة اله وبركاته......

أبي اتاسف منك أخ سلطعون على الرد المتأخر ولكني أخذت ردك وحاولت إني افصله وادرسه دراسة دقيقه......


ممكن نقول انك لخصت أسباب هذه الظاهرة في ثلاث أسباب:

الفراغ....إهمال الأهل....وأخيرا الوازع الديني لديهم....صح؟؟؟؟

ولكني اعتقد أن هذه الأسباب غير كافيه لمثل هذا الضياع الذي وقع فيه الكثير من الأخوان والأخوات.....هناك أسباب أقوى جعلتهم يتشجعون....

وجهة نظري:

أوافقك الرأي في ان اهم الاسباب هو اهمال الاهل واحب اضيف في هذه النقطة بعض الملاحظات...

وهي ان اهمال الاب او الام وكذلك الاخوان لاخواتهم هو اهم دافع لانتشار مثل هذه الظاهره....واحب اوضح لكم كيف يكون هذا السبب من اهم الاسباب...:

عند بلوغ الفتاه لسن البلوغ تحتاج الى من يهتم بها ويسمع لها ويعطرها بكلمات الحب والغزل...ولاتجد ذلك الا مع هؤلاء الذئاب البشريه....نجد الآباء هداهم الله طالعين نازلين حش ببناتهم ويعاملوهم معاملة الاب لاصغر بناته...اي انهم يفرضون عليهم افعالهم...وهم بذلك يضعون حواجز بينهم وبين بناتهم...فتجد البنت اذا ماواجهت مشكلة او أي موضوع تريد من يسمع لها وتريد من ينصحها؟؟؟... لكنها تمتنع عن التحدث به امام والديها ..والسبب هو هذه الحواجز....
فهي تجد عكس ذلك تماما مع الشاب يعطرها بانواع الكلمات يلبي لها طلباتها ووالله العظيم قد تكون صعبه عليه لكنه يحاول بشتى الطرق تفادي ردها لاشباع رغباته...
فاتمنى من ابائنا ومن اخواننا ان يحدثوا اخواتهم لو كل ثلاث ايام مرره.....ياخي شوف اييش تبي اختك لاتعطيها مجال تبحث عن غيرك من الذئاب الملعونه....


************************************************** *********

أما السبب الثاني الذي اود التنويه باهميته...هو..

تقدم طرق التعارف وسهولتها...اعطيكم امثله كثيره,,,

اولهم الجوال...وخاصية البلوتوث فيه....النت والكمبيوتر...المراسلة عن طريق الايميل والماسنجر....المنتديات......الدردشة ...الأسواق......عدد ولاحرج....

************************************************** *********


أما السبب الثالث.:

..فكما أسلفت انت يا أخ سلطان هو الوازع الديني....

************************************************** *********

و اذا ممكن اطلب منك طلب:

وهو توضيح كيف يكون وقت الفراغ سبب للوقوع في مثل هذه الرذيلة...



وابي اخذ رايك في مساله ايش رايك لو كل يوم نناقش سؤال واحد من الاسئله..؟؟؟

لاني انا وبكل صراحه اخذ ردودكم واحاول الخصها عشان اطبعها واعلقها في مكتبه الجامعه...اوكي..


ومشكووور من الاعماق اخ سلطان على اهتمامك بالموضوع...


اخوك :
Allord

[Allord]

هلا اخوي اللورد

كيف الحاال اعضائناا ان شالله بخيير

ادري ان رديت متاخرة بس لان صارت عندي ظرووف

واول ما دخلت العاام سيدة مبااشرة دخلت على هاي الموضووع

الفكرة حلوة مووووووووووووووت

طيب لييش ماشاركتينا....

[سلطعون]

السلام عليكم ورحمة اله وبركاته......

عليكم السلام

أبي اتاسف منك أخ سلطعون على الرد المتأخر ولكني أخذت ردك وحاولت إني افصله وادرسه دراسة دقيقه......

يا الربيع مافي داعي للتأسف انا الي اتاخرت عليك في الرد
على العموم ما صار الى الخير

ممكن نقول انك لخصت أسباب هذه الظاهرة في ثلاث أسباب:
الفراغ....إهمال الأهل....وأخيرا الوازع الديني لديهم....صح؟؟؟؟

اي صح
و ازيدها بعد اعطاء الابناء الحريه الزايده و يمكن هذا الشي يكون فرع من فروع اهمال الاهل

أوافقك الرأي في ان اهم الاسباب هو اهمال الاهل واحب اضيف في هذه النقطة بعض الملاحظات...
وهي ان اهمال الاب او الام وكذلك الاخوان لاخواتهم هو اهم دافع لانتشار مثل هذه الظاهره....واحب اوضح لكم كيف يكون هذا السبب من اهم الاسباب...:

و انا قصدت بالاهل هم
الوالد و الوالده و الاخوان و كل الاسره
و حطيتهم في مسطلح (الاهل)

عند بلوغ الفتاه لسن البلوغ تحتاج الى من يهتم بها ويسمع لها ويعطرها بكلمات الحب والغزل...ولاتجد ذلك الا مع هؤلاء الذئاب البشريه....نجد الآباء هداهم الله طالعين نازلين حش ببناتهم ويعاملوهم معاملة الاب لاصغر بناته...اي انهم يفرضون عليهم افعالهم...وهم بذلك يضعون حواجز بينهم وبين بناتهم...فتجد البنت اذا ماواجهت مشكلة او أي موضوع تريد من يسمع لها وتريد من ينصحها؟؟؟... لكنها تمتنع عن التحدث به امام والديها ..والسبب هو هذه الحواجز....
فهي تجد عكس ذلك تماما مع الشاب يعطرها بانواع الكلمات يلبي لها طلباتها ووالله العظيم قد تكون صعبه عليه لكنه يحاول بشتى الطرق تفادي ردها لاشباع رغباته...
فاتمنى من ابائنا ومن اخواننا ان يحدثوا اخواتهم لو كل ثلاث ايام مرره.....ياخي شوف اييش تبي اختك لاتعطيها مجال تبحث عن غيرك من الذئاب الملعونه....

صح كلامك
لاكن البنت في سن المراهقه اذا محد راقب تصرفاتها اتضيع و تلجأ لمثل هذي السوالف مب بس الي وصلو سن البلوغ

اتصدق اني نبهت عضوه في المنتدى هذا لاني متأكد ان اهلها هاملينها و مب مهتمين لتصرفاتها
كلامها فعلا يدل على هذا الشي و تلميحها لاحد الاعضاء استغفر الله للمعاكسه
و الظاهر الربيع متقبل الموضوع بدل ما ينبها بالي اتسويه
حاولت بطريقه غير مباشره اني انبها للغلط الي اتسويه
لاكنها فهمت كلامي على اني ناوي اطلعها و اني اتعادى لها و ضدها في كل شي

ناس اتضيع نفسها بنفسها

أما السبب الثاني الذي اود التنويه باهميته...هو..
تقدم طرق التعارف وسهولتها...اعطيكم امثله كثيره,,,
اولهم الجوال...وخاصية البلوتوث فيه....النت والكمبيوتر...المراسلة عن طريق الايميل والماسنجر....المنتديات......الدردشة ...الأسواق......عدد ولاحرج....

بقول لك موقف صار لربيعي و السبب التعارف عن طريق المنتدى او الشات ما ادري
لاكن من الي فهمته انه من منتدى
المهم نحن الربع اذا في واحد منا حاب يناقش و ياخذ راي غيره في شي يتصل لكل واحد فينا عشان نجتمع و انقول راينا في هذا الشي
في واحد من الربع كان في فترة خطوبه لمده بعد فتره اتصل فينا و طلب منا ان نجتمع لسالفه
هذا الربيع خاطب بنت ناس معروفين بطيبتهم و سمعتهم زينه الحمد لله
بعد ما اتجمعنا في مكان معين قال لنا:
(انا من فتره كنت حاس باهتمام وحده بردودي و دايما اتكلمني بكل احترام و تعطيني اهتمام خاص عن البقيه
و مع الوقت كنت اذا شفتها تهتم بردود غيري اغار من هذا الشي و اقول لها بنفسي ليش هذا الشي ما ادري ليش
و خايف هذا الشي يأثر على علاقتي بزوجتي المستقبليه و اقلل اهتمامي بيها و السبب هذي البنت شو اسوي؟)

قلت له تعرف عن شي عن البنت؟ قال لا
تعرف اصلها و فصلها؟ قال لا
انت متاكد انها ما سوت هذا الشي مع مية شخص غيرك؟ قال لا
و اتقبلت هذا الشي بسرعه؟ قال بصراحه اي شدتني بأهتمامها فيني
و بتترك خطيبتك الي معروفه بنبل اخلاق اهلها و هي و بتهتم بوحده ما تعرف عنها شي و يمكن هذا الاهتمام صاير مع مية شخص غيرك؟
اهني سكت و ما قال شي تركت له الفرصه يفكر و يحاور نفسه
بعد دقايق رد علي و قال لي : (كلامك صح يا سلطان كيف ما قدرت افكر نفس تفكيرك لهالدرجه كنت عمي و ما اشوف الدنيا زين؟)

قلت له المشكله في الي بدى في هذا الشي و كبرت المشكله بعد ما اتقبلت هذا الشي
و انت كان لك دور كبير في هذي المشكله هو انك اتقبلت هذا الشي و اتصرفت غلط من البدايه
نصحته و اتقبل نصيحتي و ترك عنه هذي السوالف و هو ضد هذا الشي الحين
و بعد فتره بسيطه اتزوج و الحين عايش احسن عيشه الله يهنيه ان شا الله

و اذا ممكن اطلب منك طلب:
وهو توضيح كيف يكون وقت الفراغ سبب للوقوع في مثل هذه الرذيلة...

انت لو اتشوف شبابنا في الصيف كيف يكونون و السبب وقت الفراغ هذا
شوفهم كيف منتشرين في الاسواق و مب فالحين الى في المعاكسه
مب كلهم طبعا فأه منهم فقط

في شباب الله هادنهم و يشتغلون في الصيف عشان يكسبون الخبره و بقتلون وقت الفراغ
او يشتركون في انديه خاصه للشباب و يمارسون رياضات مختلفه
و اذا اهلهم عاطينهم اهتمام اتشوفهم ماخذينهم في سفره او ماخذنهم اي مكان عشان ما يلجؤن للمعاكسه

لاحظ ان للاهل دور كبير في كل المسببات
اذا انتبهو لها ما بصير هذا الشي

وابي اخذ رايك في مساله ايش رايك لو كل يوم نناقش سؤال واحد من الاسئله..؟؟؟

و ليش لا
فكره زينه عشان ندخل في تفاصيل الموضوع
من ردك الياي تقدر اتحط السؤال الي حاب اننا اناقش فيه
و نحن ان شا الله ما بنقصر معاك في شي

لاني انا وبكل صراحه اخذ ردودكم واحاول الخصها عشان اطبعها واعلقها في مكتبه الجامعه...اوكي..

ما شا الله عليك
بارك الله فيك
الله يخليك لاهلك و يحفظك

ومشكووور من الاعماق اخ سلطان على اهتمامك بالموضوع...

العفو انا ما سويت الى الواجب
و هذا تقدر اتقول انه اختصاصي
احب المناقشه الحاده و الحوار و ابداء الراي


تحياتي
سلطان

[Allord]

صح كلامك
لاكن البنت في سن المراهقه اذا محد راقب تصرفاتها اتضيع و تلجأ لمثل هذي السوالف مب بس الي وصلو سن البلوغ

اتصدق اني نبهت عضوه في المنتدى هذا لاني متأكد ان اهلها هاملينها و مب مهتمين لتصرفاتها
كلامها فعلا يدل على هذا الشي و تلميحها لاحد الاعضاء استغفر الله للمعاكسه
و الظاهر الربيع متقبل الموضوع بدل ما ينبها بالي اتسويه
حاولت بطريقه غير مباشره اني انبها للغلط الي اتسويه

ايه صح لسانك اخوي على هاي الملاحظه...يجب على الاهل ملاحظة بناتهم واولادهم...

وبالنسبه للعضوه اللي تتكلم عنها انا بعد اعرفها واعرف ميين تقصد الله هداهم.. .....يستغلون قسم الالعاب في هذا الشي....صح؟؟؟
لكن ياتي هنا السؤال وهو كيف لنا نحن ان نمنع مثل هذه الظاهره...؟؟

واحب استغل هاي الفرصه عشان اسالك سؤال سلطان وهو ...هل انت ممن يتركون اخواتهم في النت..(المنتديات..الدردشه..)..وما الى ذالك..ام انك معارض لهذه المسأله..؟؟؟ واخص بالذكر المنتديات لان ليس فيها مواجهة صريحه....

بقول لك موقف صار لربيعي و السبب التعارف عن طريق المنتدى او الشات ما ادري
لاكن من الي فهمته انه من منتدى

تعرف عجبتني طريقتكم لكن نادر تلاقي مثل هذول الشباب اللي يتناصحون بالخير....غير المطاوعه طبعاً...؟؟

وشكرا على نقلك طريقة اقناع هذا الشخص لاني والله العظيم استفدت منها كثييييير...مشكووووووور

مشكوووووووور تعرف انك ريحت قلبي بها المحادثة اللي صارت بينكم...لاني اعلنها صريحه انا بعد مثل


خويك ذا...

انت لو اتشوف شبابنا في الصيف كيف يكونون و السبب وقت الفراغ هذا
شوفهم كيف منتشرين في الاسواق و مب فالحين الى في المعاكسه
مب كلهم طبعا فأه منهم فقط

في شباب الله هادنهم و يشتغلون في الصيف عشان يكسبون الخبره و بقتلون وقت الفراغ
او يشتركون في انديه خاصه للشباب و يمارسون رياضات مختلفه
و اذا اهلهم عاطينهم اهتمام اتشوفهم ماخذينهم في سفره او ماخذنهم اي مكان عشان ما يلجؤن للمعاكسه

لاحظ ان للاهل دور كبير في كل المسببات
اذا انتبهو لها ما بصير هذا الشي

ياقلبي على توضيحك الرائع والله كانت رايحه عن بالي مررررره ...


طيب الحين وايش رايكم نناقش السؤال الثاني وهو...:



من المخطئ...هل هم الشبان أم الفتيات...؟؟؟

من المسؤول عن كل هذا..؟؟؟؟


ومنتظر ردودكم لكي نكمل النقاش.....



اخوكم:
Allord

[sleepmoon]

السلام عليكم ورحمة الله وبركاته.....
شكرا للأخ اللورد على طرح هذا الموضوع الحساس

ماهي دوافع هذه المشكلة..أوماالذي دفع إخواننا وأخواتنا لمثل هذا النوع من المشاكل..؟؟؟؟
الفراغ و قلة الوازع الديني
من المخطئ...هل هم الشبان أم الفتيات...؟؟؟
كلا الطرفين
الفتاة حين تخرج من منزلها و كأنها خارجة لعرس مو سوق عطور تشم من بعد 10 كيلو و فل ميكب و حركات
الشاب حين يسمح لنفسه و ينظر و يتمشى في المراكز دون هدف و لا يغض البصر
من المسؤول عن كل هذا..؟؟؟؟
الوالدين و وسائل الإعلام

كيف نوعّي هؤلاء عن ماهم عليه...؟؟؟؟

اعتقد بأن كل شاب لو أحس بالغيرة على عرضه لما أقدم على معكسات بنات الناس. فما لا ترضه لأهلك يجب أن لا ترضه لغيرك

ماهي الحلول والإجراءات التي يجب اتخاذها لتجنب هذه الظاهرة...؟؟؟؟
وضع قوانين صارم لمنع هذي الظاهرة
ملىء وقت الفراغ بما هو مفيد
زيادة الوعي الديني

هذا كل ما في جعبتي
و السلام عليكم ور حمة الله و بركاته
sleepmoon

[سلطعون]

ايه صح لسانك اخوي على هاي الملاحظه...يجب على الاهل ملاحظة بناتهم واولادهم...

وبالنسبه للعضوه اللي تتكلم عنها انا بعد اعرفها واعرف ميين تقصد الله هداهم.. .....يستغلون قسم الالعاب في هذا الشي....صح؟؟؟
لكن ياتي هنا السؤال وهو كيف لنا نحن ان نمنع مثل هذه الظاهره...؟؟

نمنعها بالنصح او بالتلميح المباشر او الغير مباشر
حتى لو بالكلام القاسي المهم اننا انحاول نهديهم بأي طريقه
الله سبحانه و تعالى بحاسبنا اذا ماشيناهم بطريقتهم هذي و ظيعناهم معانا
هم محتاجين من ينصحهم و يوقف عنهم هذا الشي
يمكن هم ما يعرفون ان الي يسوونه غلط لهذا نحن لازم انقول لهم ان هذا الشي غلط بالطريقه الي انشوفها مناسبه

واحب استغل هاي الفرصه عشان اسالك سؤال سلطان وهو ...هل انت ممن يتركون اخواتهم في النت..(المنتديات..الدردشه..)..وما الى ذالك..ام انك معارض لهذه المسأله..؟؟؟ واخص بالذكر المنتديات لان ليس فيها مواجهة صريحه....

تبي الصراحه انا ما عندي خوات عندي ثلاث اخوان الله يخليهم
فما ادري كيف والله لاكن اخواني انا دايما ايلس و ياهم و اشوف شو عندهم و شو يسوون
و مطمن منهم عارف تصرفاتهم عدل لانهم دايما يصارحوني و ما اتركهم دايما اسير لهم بالرغم من اشغالي لاكن الاسره تأتي بالاول دايما
لان ابوي-الله يرحمه- عرف يربينا الحمد لله و انا كملت عنه هذا الشي و مب تاركهم بروحهم

تعرف عجبتني طريقتكم لكن نادر تلاقي مثل هذول الشباب اللي يتناصحون بالخير....غير المطاوعه طبعاً...؟؟

لا والله مب بس المطاوعه مثل ما قلت
الصديق انت الي تختاره و اذا شفته مخلص لك تخلص له
عشان جذي نحن دايما نجتمع اذا حد منا عنده مشكله
تقدر اتقول لربعك يستخدمون هذي الطريقه في حل مشكله او اذا رغبوا في أخذ راي غيرهم في شي يهمهم
اقترح عليهم هذا الشي ما بتخسر شي بالعكس بتزيد الثقه الي بينكم

وشكرا على نقلك طريقة اقناع هذا الشخص لاني والله العظيم استفدت منها كثييييير...مشكووووووور
مشكوووووووور تعرف انك ريحت قلبي بها المحادثة اللي صارت بينكم...لاني اعلنها صريحه انا بعد مثل خويك ذا...

تدري اني لاحظت هذا الشي عليك؟
عشان جذي نقلت هذا الموقف لك
الانسان مب معصوم عن الغلط بس بشوية نفكير بالي يسويه يقدر يمنع نفسه عن الغلط

من المخطئ...هل هم الشبان أم الفتيات...؟؟؟
من المسؤول عن كل هذا..؟؟؟؟

المخطئين الاثنين الشباب و البنات
في بنات الله يستر عليهم يطلعون بمكياج كامل كأنهم سايرين حفله و يستخدمون نظراتهم استغفر الله
و الشباب مب امقصرين بعد متقبلين هذا الشي و معاهم بالسالفه
ما يفكرون ان هالبنات الي يسوون هذا الشي يسوون مع غيرهم

في شباب هم لي يسوون هذا الشي بحركاتهم الله يهديهم و في فئه من البنات الله هادنهم اتشوفهم محترمات نفسهم و ماشين في دربهم و مب متقبلين هذا الشي او مثل ما يقولون امطنشينهم الله يكثر من امثالهن و يخليهمن لاهلهن و في العكس مع الشباب
يعني تقدر اتقول رفاق السوء لهم تأثير على الاشخاص و ما ننسى اهمال الاهل لبناتهم و اولادهم

مره في واحد من الشباب يانا و يقول لنا و هو مستانس (البارحه كنا نمشي في المركز الفلاني و لو اتشوفون كيف كنا اناذي مجموعه من البنات كاشخات لين ما طلعو من المركز)
قلت له انت مستانس بهذا الشي؟
لو واحد امسوي هذا الشي ويا اختك و كان يلاحقها في المكان الفلاني و بالصدفه شفت هذا الشي شو بتسوي ؟
من بعد هذا الكلام لاحظت انه استحى من هذا الشي الي سواه سكت سكته و قال آسف

ادري اني قسيت معاه بكلامي لاكنه يستاهل هذا الشي واحد كان موجود قال لي ليش قلت له بهذي الطريقه قلت له زين ما ظربته
والله في ناس مب عارفين قيمة نفسهم ما يدرون بأنه مثل ما يعاملون الناس الناس بعاملونهم
اليوم انت اتسوي هذا الشي باجر هم الي بسوون فيك او في حد من اهلك محد يدري


-----------------

sleepmoon

كلامج كله صح ما شا الله عليج
الله يخليج لاهلج و يكثر من امثالج





تحياتي
سلطان

[Allord]

والله كلامكم رائع جدا شاكر لك اخت سليب موون مشاركتك الروعه وراح اضيف الحلول اللي حاطتها انتي عندي بالجامعه لانها رائعه.......من جد روعه..

اما انت اخ سلطان فما يحتاج ماشا الله عليك كل مرره تنورنا برايك الرائع.....وعجبتني طريقة معاملتك ويا خويك...<<هههههههه

واعيد صياغة سؤالي لك سلطان لو كان عندك اخوات هل سوف تتركهم يستخدمون النت...؟؟؟لانه يهمني رايك وانا مانع اختي لكن انقلها أي شي تبيه...

وبالنسبه لرايي في السؤال....:

من المخطئ...هل هم الشبان أم الفتيات...؟؟؟

من المسؤول عن كل هذا..؟؟؟؟

اوافقكم الراي بان كلا الطرفين مشتركيين بالجربمه...لكن اعتب على الفتيات اكثر وراح اقلكم لييش؟؟

لان الفتاة هيا مسببه المشاكل في المجتمعات واعذروني يافتيات ولكنها الحقيقه....؟؟
اوضح لكم اكثر....الحين لو ان الفتاه مشيت متحشمه (كخيمه سوداء متحركه)....بالله عليكم فيه احد بيطالع في خشتها ...انا عن نفسي ما اعتقد ؟؟؟

وهاي قصه حقيقيه صارت قدامي.....كنت ويا الشباب وكان فينا واحد مالنا مده نعرفه واول مرره نخرج وياه ...المهم هذا الشخص الله يهديه ماترك شي الا اذاه حتى القطو(القطه) اللي في شارع قام يآذيها لكن سبحان الله مرت من قدامنا امراه مو باين فيها ولا أي شي...والله العظيم ان وجيهنا كلنا صارت في الارض...(مالنا وجه نطالع ..لييش ؟؟؟...تتوقعوا..خايفين من التهزيء اللي بيجينا؟؟؟ ..ما اعتقد
احتراما لهذه المراة....كمان ما اعتقد...؟؟
ولكن والله خوف من الله لاتدعي علينا وتشوفونا متسدحين عند اقرب مستشفى.....لانها مالها يد في اللي نبيه....(مبين من لبسها)....

لكن تجييك وحد ه على قول الاخت سلييب العطر من 10 كيلو ووالله عطر لو تعطر فيه خرووف قاموا يلاحقوه الشباب...
والغطوه على الكتف ومادري ويش هو.....وبعد هذا كله يالله الشباب مزعجين مايتركون الوحده ترتاح في روحاتها وجياتها طيب يا اختي مو انتي السبب؟؟؟

ادعوا جميع عضوات هذا المنتدى الرائع....لييش ماتجربوا تتغطوا بحجاب كامل...؟؟؟
واللي متغطيه الله يعطيها العافيه....

واحب استغل هذي النقطه... عشان انقلكم قول احد الفلاسفه المستشرقين..يقول:

يصعب علينا مواجهة رجال المسلمين انفسهم باسلحتنا....ولكن يمكن لنا ان نهاجمهم في نقاط ضعفهم....(النساء)...

وطبعا هذا الكلام زمان اما الحين اعتقد انهم سووا اللي يبوه...

يرسلوا سلفستر وارنولد ودبابه وانتهينا...

هذا بالنسبه للفتيات...اما الشباب والله ماعندهم ماعند جدتي....كل واحد فرحان ارسلي مقطع فلم ارسلي نغمه....كم مقاس الجنط مال سيارتك وهاتك....

انا اعرف قبل 10 سنين او اكثر بقليل كان اللي متعرف على بنت هذا نادر جدا وهذا مذنب وضايع ...والحين رووحوا شوفوا كلام الشباب والله شباب يفتخروا انهم اتعرفوا على 5 بنات او على 10 كما اسلف الاخ سلطعون جزاه الله الف خير...
واصبح النادر وجود شخص غير متعرف ....سبحان الله...(وسيعود الاسلام كما كان غريبا)....



اخوكم اللورد...

[سلطعون]

واعيد صياغة سؤالي لك سلطان لو كان عندك اخوات هل سوف تتركهم يستخدمون النت...؟؟؟لانه يهمني رايك وانا مانع اختي لكن انقلها أي شي تبيه...

بالنسبه لهالسؤال
اذا كانت مصره انها تدخل على النت بخليها
لان مثل ما يقولون (كل ممنوع مرغوب)
لو كان لي اخت و مصره انها تتعلم على النت بخليها لاكن بشوية رقابه
او بالمعنى الاصح بشوية اهتمام لها عشان ما تلجأ للخرابيط
لاكن هي اختك و اكيد تعرف اذا كانت زينه او شينه ان شا الله زينه
اذا انت متطمن منها و عارف انها مب راعية هذي السوالف
مافي شي يمنع دخولها على النت

آسف اذا ما عطيت السؤال حقه لاكن لا اتلومني لاني مشغول هاليومين
و في احتمال اتصير لي سفره مفاجأه من الشغل و طبعا ما بقدر اعطي الموضوع حقه في النقاش


تحياتي
سلطان

[Warm Heart]

سلام عليكم

*^_^*

وصلت متأخره صح؟
يلا مب مشكله عادي
بس ما اشوف حد يشارك الموضوع وصل الصفحه الثالثه!!

بس حبيت اشارك بهذا الموضوع لانه فعلا منتشر وايد عنا

انا اقول و بكل صرراحه السبب يعود على البنات, ليش؟

لان في بنات الصراحه يمصخونها سواء بحركاتهم او بشكلهم

البنت المحترمه محد يقدر يقرب صوبها بس الي اتسير السوق بمكياجها الكامل كانها سايره العرس هي الي اتصير لها هالمواقف

دايما يقولون ان الشباب الي يكونون السبب في هذا الشي بس انا شايفه العكس

الحمد لله انا و خواتي دايما نطلع بروحنا بدون اخواني

و الحمد لله عمرنا ما اتعرضنا لهالمواقف

و في نفس الوقت ما انكر ان في شباب يحاولون انهم يتعرضون للبنات

بس البنت المحترمه مستحيل يقدرون عليها او حتى يقربون صوبها

و الحل لهذا الشي هو رقابة الاهل على عيالهم

*^_^*

هذا كل الي عندي الحين

ان شا الله اذا عندي اضافات بكتبها المره اليايه

*^_^*

اشوفكم على خير

[سلطعون]

ما شا الله

سافرت و رجعت و ما القى الى رد واحد!

شو صار فيك يا الربيع؟

لي رجعه للموضوع