سيره وانفتحت في مكساتووووو......

[عاشق التحدي]

كيفك لوردووووو

والله لك وحشة

ممكن إقتراح بسيط من ( دون زعل )
( اطلع على موضوعي اللي في التوقيع ( ضع أنت العنوان ) وأعطيني رأيك ينفع للنقاش ولا لأ )

[سلطعون]

انا اسف اخ سلطعون بس انا كنت مشغوول شوي.....وراح انشغل بعد اكثر ...لكن راح احاول ادش اشيك على المواضيع المهمه مثل

هاي في اوقات فراغي......اوكي بس لاتزعل....

اهلا بالربيع

وين انت توه يبين راسك

دام انك كنت مشغول فعاذرينك

بس قلت يمكن شارد عن موضوعك و مب حاب اتناقشنا

لا افا عليك هذا الشي ما ينزعل منه

وعشان لاتزعلو ولا يزعل سلطعوون راح اناقشكم فيه حتى النهايه....شذي اوكي...؟

تسلم يا الربيع
صح اني مستحيل اتزوج على زوجتي
بس حاب اناقش هذي السالفه
و اعرف شو الي يخلي الشباب يتزوجون اكثر من مره

تحياتي

[Allord]

السلام عليكم ورحمة الله وبركاته

ستكون قضيتنا الثانية لهذا الأسبوع موضوع تعدد الزوجات



دار النقاش قديمآ وحديثآ حول تعدد الزوجات , هل هو ضرورة ام مجرد تكملة اجتماعية !! ..

هل نحتاجه في وقتنا الحاضر ؟ ..

هل تقبل به النساء ؟ ..

ماذا لو ان المرأة العانس هي اختك او احدى قريباتك هل سترضى ام انك ستؤيد تعدد الزوجات ؟ ..

هل تقبل اخي بالمرأة المطلقة او الأرملة ام انك تفضل المرأة التي لم تتزوج من قبل ؟..

هل ستوافقي اختي على ان يتزوج زوجكي عليكي ام انكي ستعلنين العداء عليه ؟ ..

فقد سمعنا بالكثير من القصص التي تخطب فيها الزوجة لزوجها , فهل هذه حقيقة ام انها من نسج الخيال ؟ ..

الكثير من الأسئلة التي تطرح نفسها وتنتظر الإجابة عليها ..

فلنبدأ أخواني واخواتي حوارنا بهذا الموضوع على بركة الله ..

تقبلوا تحياتي ...

[سلطعون]

اولا مشكور يا الربيع على هذا الموضوع النقاشي الي اعتبره مهم بالنسبه لي انا

و بعدين بالنسبه لي انا ما شايفنه شي ضروري ابد

بس مرات الواحد يضطر انه يتزوج على مرته و السبب الضروف

و من هذي الضروف مرات اتكون الزوجه مب متفاهمه مع الزوج

و كل الي يفكر فيه الزوج في مجتمعنا مثل ما يقولون (بتزوج عليها عشان اكسر راسها)

و من بين هذي الضروف بعد هو ان الزوج يشوف نفسه عنده الخير و يقول لنفسه ليش ما اتزوج

انزين فكر بزوجتك الاوليه و عيالك ماشي مجال عنده الخير و ليش ما يتزوج

و في الضروف مثل ضروفي يعني

متزوج صار لي سنين و للحين الله سبحانه و تعالى ما رزقني بأي ولد

بس ما يطاوعني قلبي اتزوج على زوجتي لاني ما اعتقد بلقى حد له نفس طيبتها و تفاهمها

الربع ما يقصرون و يشجعوني على هذا الشي عشان مسألة العيال بس مب قادر اقتنع بالسالفه ابد

و انت قلت الزوجه الي تخطب لزوجها

و زوجتي قالت لي مره اذا شاغله بالك مسألة العيال تقدر تتزوج علي

ما اعتقد اقدر اسوي هذا الشي

و اذا اتزوجت مره ثانيه الله يعلم كيف بتكون هذي الزوجه

يمكن اتكون قاسيه او مثل ما انشوف في المسلسلات انها اتسوي فتنه مع الزوجه الاولى

و الزوج يصدقها بكل سهوله و انا ما ارضى على زوجتي انها تنهان لانها ما تستحق هذا الشي

و بالنسبه لي انا ضد هذي الفكره

انت يا الربيع شو اتقول اتزوج عليها ولا اعيش بدون عيال؟

[سلطعون]

ولا شخص!

اساسا انا وجودي غلط في هذا المنتدى

لازم ادور لي منتدى ثاني فيه من في عمري

تحياتي

[Allord]

ياسلطعون واله انا مشغوول وخذييت ردك وياي في اللاب توب عشان ارد عليه وانا في الدرس...طيب

[واحد من الشباب]

اول شي شكرا على الموضوع الصراحة وايد حلو

ثاني شي آسف على التأخير

ثالث شي
والله الصراحة من وجهه نظري اظن ان مرأة وحدة كفايه جان وحدة وتعور الراس عيل 2 شبيصير

الصراحه هي للطرفين افضل

لأني ما اعتقد حريم هالزمان مثل زمان اول يحبون الواحد يتزوج عليهم

الصراحه انا مخالف هذي الفكرة 100%

اي وبالنسبة للصوب الثاني

الصراحه انا ارفض اتزج ارمله او مطلقة لحد ماشوف الحالة

وايش سبب الطلاق

واذا عندها عيال ولا لا واكيد اذا عندها راح ارفض لأن عيالها بيكرهوني صح ولا لا ؟

وبس هذا تعليقي على الموضوع

وشكرا

[سلطعون]

يا Allord

انا ما قصدتك انت لانك قلت لي من قبل انك مشغول

و انا عاذرك

بس ولا عضو يرد و يناقش!

[سلطعون]

لأني ما اعتقد حريم هالزمان مثل زمان اول يحبون الواحد يتزوج عليهم

بس في ظروف مثل ظروفي الزوجه ترضى بهذا الشي
ولو انه مب من قلبها بس مجبوره تترك زوجها يتزوج عليها

الصراحه انا مخالف هذي الفكرة 100%

و انا بعد معارض لها 100%

[Allord]

و بعدين بالنسبه لي انا ما شايفنه شي ضروري ابد

انا معاك اخ سلطعون اعتقد انه شي غير ضروري...لكن هناك حالات كثيره تستدعي تعدد الزوجات هذا....اقرب مثال انت...اعتقد من حقك انك تتزوج زوجه ثانيه...وانا اسف اذا كنت صرييح وجريء وياك...

ولكن اعتقد ان حبك لزوجتك هو مانعك من الزواج وهذا راح يخلي زوجتك تمووت فيك خاصه اذا كان الخلل منها.....فهنيئا لك...

من هذي الضروف مرات اتكون الزوجه مب متفاهمه مع الزوج

و كل الي يفكر فيه الزوج في مجتمعنا مثل ما يقولون (بتزوج عليها عشان اكسر راسها)

و من بين هذي الضروف بعد هو ان الزوج يشوف نفسه عنده الخير و يقول لنفسه ليش ما اتزوج

انزين فكر بزوجتك الاوليه و عيالك ماشي مجال عنده الخير و ليش ما يتزوج

و في الضروف مثل ضروفي يعني

متزوج صار لي سنين و للحين الله سبحانه و تعالى ما رزقني بأي ولد

اسباب صريحه ومقنعه للزواج من اخرى....خاصه اخر سبب كما وضحت سابقا...

ولكن ياتي هنا دور المراه....والله العظيم انه في حريم الواحد يفكر مليوون مره قبل يتزوج عليهم....قد تكون اسبابك واضحه وجريئه ومقنعه......ولكن هناك اسباب تمنعك قد تجهلها انت ذاتك.....

انت يا الربيع شو اتقول اتزوج عليها ولا اعيش بدون عيال؟

والله العظيم سؤال صعب جداً...يعني انا درست هندسه بس عمره مامر عليا سؤال بها الصعوبه......لكن راح احاول اجاوب....

شوف اخ سلطعون انت من حقك تتزوج زوجه اخرى وزوجتك نفسها قالت هذا الشي.....لكن اذا حاس انك ماراح تعدل بينهم او انك

خايف من اخلاق هاي الجديده فانصحك تتحمد ربك على زوجتك هذي وتكمل حياتك.......عصفور في اليد ولاعشره فوق الشجره.....

و انا بعد معارض لها 100%

انا لا اعارض هذه الفكره ابدا.....ولكن باسباب مقنعه ومقنعه جداً....

[خالتكم مزينه]

انا قاعده لي سنه اقول اللورد ليش ماينزل موضوع للنقاش اثره هنا احسبك بتنزله لحاله

تعدد الزوجات ااااااااه الحريم المتزوجات يكرهون طاريه

بس انا بجاوب بعض الاسئله لاني انا ماجربت الزواج عشان اجاوب كل الاسئله

ببدا بهذا السؤال

فقد سمعنا بالكثير من القصص التي تخطب فيها الزوجة لزوجها , فهل هذه حقيقة ام انها من نسج الخيال ؟ ..

اي صحيح هذي صايره وبعايلتنا بعد

هل هو ضرورة ام مجرد تكملة اجتماعية !! ..

هل نحتاجه في وقتنا الحاضر ؟ ..

انا اشوف انه اي لانو صار في بنات كثار مو متزوجين

هل تقبل به النساء ؟ ..

اغلب النساء لا

ماذا لو ان المرأة العانس هي اختك او احدى قريباتك هل سترضى ام انك ستؤيد تعدد الزوجات ؟ ..

انا حاليا اوافق عليه لكن ماادري بعدين ..

هل ستوافقي اختي على ان يتزوج زوجكي عليكي ام انكي ستعلنين العداء عليه ؟ ..

ليش العداء انا اشوف انو عادي يعني لو تزوج علي يمكن ازعل بس مااعلن العداء يمكن تكون زوجته كيووووت وتصير لي اخت

.....................................

مبروووك على تثبيت الموضوع

[شهد الدموع]

بصراحه...
اختيار حلو اخوي اللورد..

وعن رأيي..
ما أعتقد أي امرأه توافق ان زوجها يتزوّج عليها..
احتمال توافق في حاله وحده بس..لما يكون الخلل والتقصير منها..فهالحاله..
اذا كانت تملك قلب (حجري) بتعرض عليه انه يتزوج عليها..

لكن في غير هالحاله ما أعتقد توافق أو ترضى..

أخوي (سلطعون)
أتمنى ماتزعل لأن محد رد عليك..
عن نفسي كل يوووم معسكره..بس هالثلاث أيام ماسمحت لي الظروف..

مشكلتك حسّاسه مره..
أخوي...
دامك مرتاح معها والبنت أخلاقها طيبه وشايلتك بعيونها..وماتقصرمعاك..

أنصحك..أنك ماتفرّط فيها ابدااا..
نادر تلقى بهالزمن بنت أخلاقها عاليه وتضحي بكل شي عشان شريك حياتها...

وغير كل شي انها متفهمه<<وهذي أكبر نعمه

بعدين صلي صلاة الاستخاره..
وشوف وضعك..
تخيّل وضعك لوتزوجت كيف بيسير..(حط كل الإحتمالات)زينها وشينها..
وحدد..

*مع إني أنصحك انك تصون اللي بين يديك أفضل لك..بدل ماتكسر قلبها..


هذي وجهة نظر ربما تعتبر(قاصره)..
وجهة نظر لا أقل ولا أكثر...

أختـــــك..

[سلطعون]

انا معاك اخ سلطعون اعتقد انه شي غير ضروري...لكن هناك حالات كثيره تستدعي تعدد الزوجات هذا....اقرب مثال انت...اعتقد من حقك انك تتزوج زوجه ثانيه...وانا اسف اذا كنت صرييح وجريء وياك...

ولكن اعتقد ان حبك لزوجتك هو مانعك من الزواج وهذا راح يخلي زوجتك تمووت فيك خاصه اذا كان الخلل منها.....فهنيئا لك...

لا الخلل لا فيني ولا فيها الحمد لله
بس هذي ارادة ربنا سبحانه و تعالى

اسباب صريحه ومقنعه للزواج من اخرى....خاصه اخر سبب كما وضحت سابقا...

ولكن ياتي هنا دور المراه....والله العظيم انه في حريم الواحد يفكر مليوون مره قبل يتزوج عليهم....قد تكون اسبابك واضحه وجريئه ومقنعه......ولكن هناك اسباب تمنعك قد تجهلها انت ذاتك.....

صدق و الربع يحاولون معاي لاكني امعاند و مب مقتنع بالسالفه من اساسها
الله يعلم كيف بتكون الزوجه الثانيه لاني شايف ان زوجتي نادر وجود مثلها في الدنيا

والله العظيم سؤال صعب جداً...يعني انا درست هندسه بس عمره مامر عليا سؤال بها الصعوبه......لكن راح احاول اجاوب....

شوف اخ سلطعون انت من حقك تتزوج زوجه اخرى وزوجتك نفسها قالت هذا الشي.....لكن اذا حاس انك ماراح تعدل بينهم او انك

خايف من اخلاق هاي الجديده فانصحك تتحمد ربك على زوجتك هذي وتكمل حياتك.......عصفور في اليد ولاعشره فوق الشجره.....

في هذي معاك حق
احمد ربي و اشكره لانه رزقني بزوجه اتحملت مني كل شي
اتحملت تعصيبي و خلتني اترك التدخين الي كنت ما افوت ولا لحظه الى و في ايدي سجاره
ما اقدر اقول غير الحمد لله على هذي النعمه

انا لا اعارض هذه الفكره ابدا.....ولكن باسباب مقنعه ومقنعه جداً....

و انا يا الربيع بعدني مب مقتنع بالسالفه

[سلطعون]

أخوي (سلطعون)
أتمنى ماتزعل لأن محد رد عليك..
عن نفسي كل يوووم معسكره..بس هالثلاث أيام ماسمحت لي الظروف..

عادي ولا يهمج يا الاخت
الغايب عذره معاه

مشكلتك حسّاسه مره..
أخوي...
دامك مرتاح معها والبنت أخلاقها طيبه وشايلتك بعيونها..وماتقصرمعاك..

و انا عمري ما قصرت معاها
يمكن في بداية زواجي كنت عصبي عليها و اكثر من جذي بس استحملت مني كل شي و اصلحتني

أنصحك..أنك ماتفرّط فيها ابدااا..
نادر تلقى بهالزمن بنت أخلاقها عاليه وتضحي بكل شي عشان شريك حياتها...

وغير كل شي انها متفهمه<<وهذي أكبر نعمه

الحمد لله على هذي النعمه

بعدين صلي صلاة الاستخاره..
وشوف وضعك..
تخيّل وضعك لوتزوجت كيف بيسير..(حط كل الإحتمالات)زينها وشينها..
وحدد..

انا عمري ما سويت شي مب مقتنع فيه

*مع إني أنصحك انك تصون اللي بين يديك أفضل لك..بدل ماتكسر قلبها..

صح انها قالت لي اتزوج علي اذا شايل هم مسألت العيال
بس انا عارف ان مب من قلبها و انا ما ابغيها تتضايق من شي مثل هذا
شي انا اصلا مب مقتنع فيه

هذي وجهة نظر ربما تعتبر(قاصره)..
وجهة نظر لا أقل ولا أكثر...

أختـــــك..

شكرا يا الاخت على كلامج

تحياتي

[Allord]

دامك مرتاح معها والبنت أخلاقها طيبه وشايلتك بعيونها..وماتقصرمعاك..

أنصحك..أنك ماتفرّط فيها ابدااا..
نادر تلقى بهالزمن بنت أخلاقها عاليه وتضحي بكل شي عشان شريك حياتها...

وغير كل شي انها متفهمه<<وهذي أكبر نعمه

وجهة نظر جميله جداً......انا من نظري اذا كانت البنت او بمعنى اصح الزوجه مو مقصره ويا الرجل ابداً.....مو من حقه يتزوج عليها.....

خاصه اذا عطته كل الحب والحنان اللي محتاجه ...واهم شي الراحه النفسيه والا لا...؟؟؟؟

فاذا كانت معطيتك ها الراحه اعتقد انه مافيه سبب يخليك تتزوج عليها....واعيد واقول نصيحه لكل شاب يبي يتعدد في

الزوجات ...فكر في سلبيات التعدد.....ماديا..نفسيا...وغيرها كثييير...

[شهد الدموع]

كلامك جميل أخوي اللورد..

أخوي سلطعون..
أنا متأكده انك مب مسوي شي مقتنع فيه...
بس اذا حسيت ان (أخوياك) ضغطوا عليك..
وبديت تتضايق من كلامهم وكلام اللي حولك<<<<حتى لو ماحسيت ماراح تخسر شي
صلي..
صلاة الاستخاره ماتضرك أبدا..
كلها ركعتين مع دعاء..وبس
منها انت ترتاح نفسيا...صدقني
ولاراح تخسر شي..

عشان اذا حصل شي(لاسمح الله){<<بس انا اتوقع أفضل وأسوا الاحتمالات بنفس الوقت}
بتكون مقتنع تماما وراضي أكثر باللي حصل..لأنك صليت..وبتكون متأكد ان الله بيكتب لك كل اللي فيه خير لك لمالك وزوجتك وذريتك ودينك..وأهلك..

صدقني...
صلي
وماراح تخسر شي أبدا..
بس مزيدا من الراحه النفسيه(لانها تتعلق بالله)والتوكل...
لاأقل...ولا أكثر..
وهذا الأفضل لك..


وتأكد اني عارفه انك ماراح تسوي شي الا وانت مقتنع فيه..محد يقدر يجبرك..
ودمت سالما..
وفقك الله لما تحبه وترضاه..












*لن استطيع الرد ولا متابعة أي موضوع من اليوم وصاعدا......لسفري..وعدم تواجدي في منطقتي...سامحوني...أختكم

[سلطعون]

وجهة نظر جميله جداً......انا من نظري اذا كانت البنت او بمعنى اصح الزوجه مو مقصره ويا الرجل ابداً.....مو من حقه يتزوج عليها.....

خاصه اذا عطته كل الحب والحنان اللي محتاجه ...واهم شي الراحه النفسيه والا لا...؟؟؟؟

اكيد هذا الشي ما يبغيله كلام

فاذا كانت معطيتك ها الراحه اعتقد انه مافيه سبب يخليك تتزوج عليها....واعيد واقول نصيحه لكل شاب يبي يتعدد في

الزوجات ...فكر في سلبيات التعدد.....ماديا..نفسيا...وغيرها كثييير...

و يوم اقول للربع هذا الكلام يقولون لي انت مقتدر
بمعنى اني قادر افتح بيت ثاني و من هذا الكلام

كيف اتزوج على زوجتي و هي ما امقصره معاي في شي
ما اعتقد الزوجه الثانيه بتقدر تستحملني لاني وايد عصبي و متسلط
اعتقد انها ثاني يوم بترجع لاهلها

كنت ما اودر السجاير ولا لحظه
و الي خلتني اتركه هي زوجتي
خلتني في موقف محرج انجبرت اتركه في فتره شوي طويله لاني كنت ادخن لدرجه فضيعه
و تركته و اتندمت على كل دقيقه دخنت فيها لان آثاره للحين موجوده
بما معناه اني للحين ماسكني لسعال من كثر التدخين قبل بس وايد اخف عن قبل

حتى وقت الي اتوفى الوالد -الله يرحمه- وقفت معاي لان كنت وايد متعلق بالوالد كان هو لي بالدنيا كلها
صارت لي حاله نفسيه و ما انكر هذا الشي و وقفت معاي لين ما طبت و عدت الحاله
و الحين انا في احسن ما يمكن و هي السبب في هذا الشي



ما قلتولي شو السلبيات لتعدد الزوجات؟

شو الي ينتج عن هذا الشي و منو المستفيد و منو المتضرر؟

[سلطعون]

أخوي سلطعون..
أنا متأكده انك مب مسوي شي مقتنع فيه...
بس اذا حسيت ان (أخوياك) ضغطوا عليك..
وبديت تتضايق من كلامهم وكلام اللي حولك<<<<حتى لو ماحسيت ماراح تخسر شي
صلي..
صلاة الاستخاره ماتضرك أبدا..
كلها ركعتين مع دعاء..وبس
منها انت ترتاح نفسيا...صدقني
ولاراح تخسر شي..

اي وليش لا
بس ما اعتقد ان في وحده بتستحملني مثل زوجتي لاني وايد عصبي و افور ابسرعه

عشان اذا حصل شي(لاسمح الله){<<بس انا اتوقع أفضل وأسوا الاحتمالات بنفس الوقت}
بتكون مقتنع تماما وراضي أكثر باللي حصل..لأنك صليت..وبتكون متأكد ان الله بيكتب لك كل اللي فيه خير لك لمالك وزوجتك وذريتك ودينك..وأهلك..

صدقني...
صلي
وماراح تخسر شي أبدا..
بس مزيدا من الراحه النفسيه(لانها تتعلق بالله)والتوكل...
لاأقل...ولا أكثر..
وهذا الأفضل لك..

خلاص ولا يهمج يا الاخت
من باجر بصلي استخاره
و بشوف الي الله كاتبه لي بصير

وتأكد اني عارفه انك ماراح تسوي شي الا وانت مقتنع فيه..محد يقدر يجبرك..
ودمت سالما..
وفقك الله لما تحبه وترضاه..

والله يوفق الجميع ان شا الله

*لن استطيع الرد ولا متابعة أي موضوع من اليوم وصاعدا......لسفري..وعدم تواجدي في منطقتي...سامحوني...أختكم

اتسافرين و ترجعين بالسلامه ان شا الله يا الاخت

[شهد الدموع]

هههههههههه

ماشاءالله
ردك..حامي حامي

توني طالعه من الموضوع وأرجع..الا القى آخر رد سلطعون...سبحان الله

أخوي سلطعون..
هو صلاة الاستخاره ماتضر شي..عشان كذا أقولك..

والواضح ان زوجتك_الله يخليها لك ويحفظها ويرزقكم براحة البال يارب_أخلاقها عاليه ورفيعه..
ووقفت معاك بأكثر من موقف كما ذكرت..
في ترك تدخينك..كان لها يد..
وفي وفاة والدك_الله يرحمه_ماقصرت معاك

فمن الأولى والمنطقي انك توقّف معاها فاللي انتو فيه الحين_وان كان الخلل لامنك ولامنها انما ارادة الله_
موقصدي ماتتزوج عليها ...لا..أبدا..
يعني مثلا..تصبرها بكلامك..وانك راضي بكل اللي يسير..
ولايمكن انك تفرط فيها..وانك لقيتها هالدره بين أشيا كثيره حلوه بس أُعجبت فيها اهي..
وانكم(ستبقون معا)مهما تكون الظروف..

يعني انك تعطيها الأمان الداخلي..
صحيح اهي طلبت منك تتزوج..لكن صدقني..
يمكن كانت تقولها وهي تبكي..
والأكيد ان قلبها يــعتصر من الألم والوجع..وتحاول تثبت لك العكس..

بس بكل الحالين هي داخليا متألمه...هي تبي تسعدك..تبي تفرحك..
وقدرت على شي بسيط..بس ماتم اللي فبالها..انه يربط بينكم أطفال..هذا من الله..
بس هي ماتبي تكون عائق أو يمكن تأثرت بهالقصص (اللي واحد متزوج ولاجاب عيال والعيب مو منهم بس لما تزوج غيرها جا..ووو..)
يمكن سمعتلها كم قصه..
وماحبت انها تكون عائق..أوشي يمنع فرحتك

وعرضها عليك انك تتزوج أكبر دليل على محبتها لك..ولو كان على حسابها..

عموما..
أنا ملاحظه
والله ملاحظه
لاتقولها

ان كلامي كثير..

بس معليش
أنا أتفاعل كثير مع هالنوعيه من المشاكل الحساسه
وقلبي يوجعني..والله


بصراحه زوجتك هذي (حرمه)ولاكل (الحريم)..

وانا حبيتها والله...لأخلاقها..ووفائها..اللي يندر وجوده..

قوول آآمين

الله يديم ويخلق السعادع بينكم والمحبه..
والتفاهم
ويرزقكم يارب...بالذريه الصالحه..





*شكلي تفاعلت مره مع الموضوع..بس اعذرني غصب عني..




أختك

[شهد الدموع]

بالنسبه للسلبيات..
زيادة مسؤوليه للزوج ويمكن يكون مو أهل لها..
فبدل مايضيّع بيت...يضيّع بيتين..
وان الزوج يمكن ماتكون لديه القدره عالعدل..
وخاصه اذا حب وحده أكثر من الثانيه..نادرا بيقدر يوفق..
لأنه يميل قلبيا لوحده دون الأخرى..
واشياء كثيره
حرق قلب الزوجه الأولى..وتحطيم أملها انه يكون زوجها ماله الا هي..
واذا كانت الزوجه قنوووعه مره..بتطلب منك اما
تطلقها اهي
أو الثانيه..
وبتجلس بين نارين..مكتوي منها
واذا كانت نكديه,,
بتطفش الثانيه
وبتأذيها
<<لأن الغيره عاميتها..

وبتتأثر نفسيا..ونفسيا ينعكس على جسديا..
و..
أشياء كثيره

ما أعرفها..


ودمتم

أختكم