إس إس إس إس السلام عليكم...طب السلام عليكم....
(تذكرت اول ماطلعت الأغنيه هذي واحد من الشباب جانا الاستراحة يقول سااا سااا سااا سلام عليكم) ياشينها يوم تلقط أول فيديو كليب وتطلع من البيت تغنيه..) وبعدها رفعت ضغط واحد كل ماأشوفه اقوله..وع وعع وعععععع...(يعني وعليكم السلام..) بعض الاحيان احس اني فلتة ...
المهم بعد السلام..(الله اكبر كل هذا كان سلام) المهم نبداء موضوعي وهو...؟؟؟ بدون عنوان بدون هدف.(احححححح يالهلال فضحتنا الله يجازيك بأسبابك) الله يستر على النمر (ابو يعقوب مضيع القلوب...هوّاااااا يارووح روووحي..) وللي مايعرفه نقولة يوسف الثنيان اللاعب الفنان...(شوووف شوووف شوووف اسمه من اربع حروف..ترررم ترررم ..شوووف شوووف شوووف جمهورة يتعدى اللألوف..//مدري هي كذا تنكتب..المهم عن الشكة نقول أؤؤ1000 // )
الله يستر لهالحين ماجت المقدمة...(والله من الحين اللي مهو فاضي يروح يشوف شي ينفعه من جد...بصراحة ودي ابري ذمتي ..مو اذا وصلتوا النهاية //هذا اذا كان فيه نهاية // تقولون وش الموضوع اللي يطفش هذا ماله داعي وخسارة الوقت اللي ضيعناه على قرايته) ومن حذر فقد انذر...(فيها شي غلط)..ايه صح اثاريها من اعذر فقد تشتهي السفن بما لا تشتهي الوقت من ذهب (ذهب ولم يعد) حفرة وقع فيها فالكلام من فضة وذنبك على جنبك والثعلب فات فات وبذيلة 7 لفات (يقولون انها لعبة يهودية...ومدري اذا كان اليهود يلعبون العابهم بالعبرية او العربية) المهم (صدقوني صرفوا حالكم مافيه شي مهم)
اليوم جالس اقلب (حادث) في القنوات الفضائية...طبعن السلك مادة من العزبة اللي بجنبي..(عزبة ابو الكلام البنقالي راعي بوفية حارتنا) واقولها لكم بحزن وآسى ولا يهون الاحباط..كل القنوات جاية من قمر (14) آسيا حق الهنود وبنقلاديش ...وياربي لك الحمد...24هندي..قصدي 24 ساعه افلام هندية..حتى من كثرها يقطعون الفيلم بوسط الفيلم الأول ويدخلونها على بعض..(حشى شغل دي/جي)..المهم مالكم بالقصيرة (آخر نداء للي مشغول ..يطلع من الموضوع)
يوم ورى يوم ورى يوم (تحداكم تقولونها 1000 مرة ورى بعض) ....ممكن افتح قوس ثاني..(يوم ورى يوم حاس انها اغنيه بس ماني ذاكرها..) لااااا خلاااااص لا تقولون تذكرتها هذي اغنيه سميرة الزغبي.(قصدي نوال سعيد).مسويتها دويتوو مع عمرو دياب (اصرررررف امههههها ) اقصد مع الشاب خالد..(ابووووك يالرصيييف) والله اني شايفه بمجلة بس ناسي اسمه...لااااااااا خلاااااااااص تذكرت كان له فيديو كليب مع الفنان البريطاني ستنج..(نمسك خط مع ستنج)؟؟؟
هذا ستنج والله رهييييب ..يعجبني ..(سحب السيفون) على اخوياه القديمييييين..(فرقة بوليس)..وتبون الحق...اصلن الفرقة هذي لفت يمين لفت يسار (شمال) ..ممكن قوس ثاني..(شمال اخو الفنانة شمايل...وصح على فكرة شمايل اعتزلت الفن وتحجبت حجاب (حجاب بن نحيت) لأن الشيخ القطان يقربلها وكان ينصحها إلييييين تحجبت واعتزلت ..الله يهدي الجميع..يعني لازم يكون فيه شيخ يقربلنا علشان نتوب) المهم الفرقة هذي طول سنينهااا ماطلعت إلا اغنيه وحدة حلوة (تذكرت أماني) لا يروح افكركم بعيد..هذي اماني حلوة..(أماني عدنان ولينا ولا يهون عبسي ناط بالخلفية)
والاغنيه هذي هي اللي غناها الأكس بوي/فرند حق جونيفر لوبيز...بف باف..احم احم..اقصد بف دادي..وغناها مسكين بالدب الداشر نتوريس....واسم الاغنيه هو : وش تنتظر يامحرق القلب بالنار..(قوية صح..) الاغنيه كان اسمها آي مسيوووو (وكانت بعد هذي الاغنيه مهداة في مراسيم اميرة ويلز...اللي فركتلها مع فوفوي..(اوووه لخبطه بف دادي و دودي الفايد..كلها دودوات وفوفوات) المهم الاغنيه كانت ضمن الالبوم لديانا كروزون..لاااا اقصد دياناحداد..لااا صح تذكرت ديانا سبنسر....وهذا سبنسر ياحليلة...راعي محلات سبنسر..(مدري انا ذكرت لكم انه رئيس منظمة يهودية)
وعن ديانة اليهودية ياحليهم الفنانين ...كل يوم زاحف لنا فنان على جنب (على كفرتين) داعس لليهودية..وهذا برنس طاحس وأعتنق اليهودية...(وقرر انه مايغني بعض أغانية القديمة علشانها تحتوي كلمات تخالف ديانته الجديدة) بس الرجال مزاجي (وإلا مزاجك) يوم لف ودار ...قرقر مرة ثانيه انه يهتدي ويتراجع ويصير نصراني..(ياحليلهم يلفون ويدورون وعلى جهنم وديني)
وأذكر مرة سويت مقلب بواحد من الشباب على الشات قابلتة (نعرف بعض بالحارة) قلت له خلاص يافلان انا غيرت ديانتي...الولد انصرع...وقعد يقول من جدك انت..؟؟؟ طبعن هو ماخذها بجدية علشانه يعرفني...(متهور على التندة) ؤؤؤف ؤؤؤف تذكرت طاري التندى اليوم الصبح لقيت بس راقي فوق السيارة...وأنا أتواساله بضربة سوبر فلكس (لكن البس قفز وجت ضربتي على تندة السيارة...وقعد يناظر فيني البس..كأنه يقول // يالله لك الحمد يعني بآكل سيارتك // المهم من الزعل..طالعت يمين وطالعت شمال..مافيه احد..وانا اضرب سيارة ولد جارنا بعد) مدري ليش انا حاقد عليه بس يكفي انه حاط علم النصر بسيارته...المهم الولد قال تكفى تراك تسويها وانتبه ياخي (نسيت اقولكم انه مطوع) المهم قلت خلاص يافلان اللي صار صار وانا مسافر بكرى على على البلاد الفلانيه علشان اروح اغير ديانتي...وفجاءة انقطع الأتصال..ومادريت الإ هو يدق الباب علي...انا فتحت الباب من هنا وقمت اضحك..وهوا يقول والله تسويها انت...قلت ادخل خلني اشرح لك ياخي عن الدين الجديد..قال اسمع والله لو ماتبطل سوالفك هذي ترى مافيها مزح..والله يطيرون رقيبتك...قلت والله لأغيّر واللي يصير يصير...وقام ينصحني..وقاطعته المسيكين وهو يشرح لي عن المرتدين وعقابهم..قلت له ليش ماتغير معاي...(دردم) والله ويتغير شكلة من اشكال كبامارووو...ويطيح فيني كنغفو ريمكس....وانا يوم حسيت باللي جاني...قلت امزح امزح انا بغيّر بصير من مسلم إلى مؤمن...
وقعدت بعدها اسوبع مكسر ( اسوبع =اسبوع ..بس حتى هي متكسرة معي) وهذيك الايام ماصرت اطلع كثيير وصرت اتابع الدش (ديجتل هندي) ومرة من المريرات ...جاء فيديو كليب..طبعن هندي...مغنيه اسمها هنووودي واغنيتها مرررة حلوووة حلوووة وتقول فيها...صديق انتا ليس سوي داري كدا داري كدا ..انتا مخ هيرني انتا أئيون سهرني...مافيه كلام كويس كدا كدا مافيه سوي مرى تاني...المهم انا نمت على الاغنية هذي....وماصحيت إلا على لجه وصراخ...(معلي التلفزيون على آخر شي..) إلا وجماعة بمشهد متجمعين راكبين سياكل....ومدري وش قصة الفيلم...لكن بالاخير عرفت انه يتكلم عن حياة الهنود القديمة...قال واحد فيهم...تليب تليب..انا كلام انتا ..انتا لازم شوف انا...مافيه يمشي سيكل سيدة...والله وتليب معطية طنش..المهم رد عليه هذا مرة ثانيه وقال..تليب تليب..انا فيه يئرف انت مافيه سوف ورى ممكن هازا فيه كتييير نفر سياكل..بس انتا لازم كلم انا زروري فيه مسكل كبير..المهم بالاخير هذاك تكلم وقال..دساس كلام مرة واهد بس ..روه بسرئة .انا مافيه سوف نفر واهد والله...
والله وانا استقعد بجلستي..شكل الفلم حماس (وإلا كتائب الاقصى) المهم دساس قال..تليب مافيه شوف انا ..انا فيه ضرب انتا..(والله ويطنشة تليب ويجليك دساس ويرمي عليه الكوع حق السيكل ويصيب تليب بالظهر..) تليب: آآآآآآآآآآآآآآآآي آآآآآآآآآآآآآخ ايس فيه...(ويحط رجلة دساس) ويقعد يزحف تليب إلين وصل عند بوفية مرسوم على لوحتها فلفل ذهبي..قال تليب..صديق صديق فيه شطة..قال صديق..ايس كلام هازا مسكل كبير(ويآشر على ظهر تليب النازف دم ) قال تليب مافيه مسكل انا صديق مافيه خوف..المهم اعطاه شطة ..وتليب يروح على جدار الحارة...ويكتب بالشطة بوسط الحارة..ابيات شعر (اشقر) :
لا تستحي قل احبك تعبت اسماعي..ارجوك لا تستحي ياصاحبي قلها
ضحي لجبينك لعينك نور وشعاعي..وإلا انت يابو ضحكتن بأديك كملها
اطلق حجاجك وخله يرسل الداعج..فرحة لقانا ترى مابيك تقتلهـــــــــــا
وبالاخير كتب (هذا ترى كله بالشطة).....إلى الزير كومار ....اخوك تليب....مافيه سامهه....
وبعد ماخلص....جاء مطر على الحارة وتنمسح الكتابة...ويموت تليب من القهر وهو يبكي...ويمشي وراسه لتحت (قافلة مع دين امة) وتجي سيارة فيها هنود يتخانقون على نتيجة فريق الهلال مع فرقة لنكن/بارك...اللي انتهت بالتعادل..علشان الحكم غش بكل وقاحة وصراحه مع فريق(اول ركن عريف متقاعد جندي ) فريق الاحلام الامريكي لدوري الجامعات الامريكية (دوري ولا دورك) المهم ان الغش كان واضح وبدون نقاش (قصدي مايحتاج نقاش)
ولكم الله ياغافلين..وتجي السيارة .وتصكة مع الصدام (ابو عدي؟) ويطير تليب ويطيح بعد 124كلم (سوريا 80كلم) أعشق اللوحة هذي كل ماأشوفها اقعد اناقز.....
المهم وصل الزير كومار وشاف اخوة تليب ميت..(مساكن برزة) وهوو ينجن ويجمع هنود الحارة ويقول..بصوت عالي وكله تهديد..:
أسمـئؤؤ كلوو كلااام نفر واهد واهد...انا مخ خربان...انا يرووه سزن مافيه مسكلة...مافيه كوف..
هازا نفر يسوي تليب كدا ميـــــن ؟ ( يسوي كدا = واساه بالرصيف على الزفلت) طبعن كان يأشر بيدة..
المهم وهوا قاعد يهدد الحارة وتجي سيارة مسرعة وتصدمة ...ويطيرلك ويتواسا عند اخوة....(مسكين قاعد يهدد ويتوعد ..ذكرني بحالة بعض الناس...يتهددوون ويتوعدووون وبالاخير ...فاشوشييييي)
وبعدها فرحوا اهل القرية...وفرح الاب وفرحت الام وفرح الاخ وفرحت الاخت ..وكانت ليلة ممتعة وجميلة..
بعدها انا بعد فرحت...
لكني قمت ورحت وطلعت برى..(مو برى الحدود..برى البيت عند العتبة) وقاعد في آمان الله...وجالس لحالي (هزني الشوق وذكرتك..يعني معقولة ياغالي كل هذا وماوحشتك)...وفجاءة وبدون سابق (ولاحق) انذار لقيت سيارة داخلة الحارة ولها صوت تفحيط وحرق ودخنه الكفرات..(طيب طيب ياكفرات اجل...دخنة المكينة) المهم والنور طافي ومشغلين شريط (دي-في-دي) نسخة مو اصلية لفهد عبد المحسن ..ريمكس كلوب..
ولا يوقفون إلا عندي...وينادوني بأسمي....ياهوووووووووووووووه طلعوا اثنين من الشباب قالوا بسرعه بسرعة ودك تطير الطفش...أركب معانا ترانا صدمنا عجوز وهربنا قدام الدورية...والله وانا انقز بالصندوق. مع ان الغمارة كانت فاضية..بس حسيت اني مغامر...ولا اخذت وضع الاستعداد بالصندوق (وفي رواية اخرى الحوض) إلا ونسمع صفارات الدورية بأول الحارة....وأنا اقول لخويي ادعسسسسسسسسسسسس...
......................يتبع.......................
شوترن لكم
اضافة رد مع اقتباس
.حتى لو مأعجبك الموضوع..
المفضلات