مشاهدة النتائج 1 الى 9 من 9
  1. #1

    ::::: نآقتي يآنآقتي :::::

    الســـــلآلآلآم عليكم ورحمة الله وبركـــــــــآتـه


    بدون مقدمات << وين مستعجل ...؟


    المهم

    الكلمات


    ناقتي يـا ناقتـي .. لا ربـاع ولا سديـس
    وصليني لابتي مـن ورى هـاك الطعـوس
    حايل(ن) رابع سنه من خيار العيـس عيـس
    خفهـا لا درهمـت كنـه بالنـار محسـوس
    في دجى خالي خلا .. لا حسيس ولا نسيس
    تدوخك من شدة البـرد طقطقـة الضـروس
    في عيوني يكفـخ الطيـر ويطيـح الفريـس
    وانتهض جساس من دون خالتـه البسـوس
    وفي خفوقي فرخ جنية(ن) يضرس ضريـس
    يوم اوردها هجوس(ن) واصدرهـا هجـوس
    ديرتي دار ابن ضاري وابن غثلـم جريـس
    ديرة اللي دوجو فـي فيافـي نجـد جـوس
    ديرتي يا بنـت شيـخ(ن) ومعدنهـا نفيـس
    عيطمـوس(ن) دونهـا دثرتنـي عيطمـوس
    جادل(ن) مطرق جسدها مع الغربـي يميـس
    طينة(ن) من تربه الخلـد والـدم محمـوس
    نقشت خمس(ن) من الخمس في ليل الخميس
    ليـت شعـري مـا ارادت بهـذا دختنـوس
    كـم تمنـى امعـه مثلهـا فتـنـه ابلـيـس
    كان يمكن قد قلـب نصـف امتنـا مجـوس
    كن دماث الصـدر منهـا كنيسـه او كنيـس
    صومعة رهبان ديـن(ن) يـؤدون الطقـوس
    آتقـوس مـع تقـوس نواهدهـا واقـيـس
    قبتين(ن) قاب قوسين قوس(ن) جنـب قـوس
    خصرها يحكي لنـا واقـع القـوم التعيـس
    وردفها عن غطرسة بـوش يعطينـا دروس
    من رغـم قصرهـا مـا يجالسهـا جليـس
    تصبح اطول نسوه الارض في وضع الجلوس
    العروسه ماتبي غيـر ابـو تركـي عريـس
    العروسه نجـد ماهـي بحيـا الله عـروس
    نجد بنـت المجـد ونسـة مونسـة الونيـس
    ما عسفها الا معزي ضحـى يـوم العبـوس
    كل اهل نجد(ن) هلي من آجا حتى الخميـس
    في ذراهم بلتجـي عـن مقففـة الرسـوس
    وعيشتي ما بين اسود(ن) ولا مانـي رئيـس
    خير من كوني رئيس(ن) على شلقـه تيـوس
    وليس عيب ان خدعني بمكـره كـل هيـس
    لأن ما يفهـم بطبـع الهيـوس الا الهيـوس
    مصطفى فـي مأدبـه عمـه البابـا لويـس
    كبر اللقمه تحت ضـوء حمـراء الكـؤوس
    وطسم حدتها على حائـط المبكـى جديـس
    يوم شقـت ثوبهـا بنـت عفـار الشمـوس
    سيده هـاك القصـر اسمهـا الاول لميـس
    دونها سمـر الحناجـر بترهـا حـد مـوس
    قسقست لأحرارهم قيس قيـس قيـس قيـس
    والبستهـم مـن مهانتهـم انـواع اللـبـوس
    بين خدعه كعب أخيل(ن) ومولـد ادوريـس
    درسونـا الالـه والمـدرس هـو مـروس
    ويش لاقو من قناه السويس اهـل السويـس
    وويش لاقو مـن تلمسـان قـوم منسنـوس
    كلهم مـن شـدة الجـوع راحـو خندريـس
    بين غيبوبه مخدر وصحـوه عـرق سـوس
    ثورة(ن) راحـو سببهـا بتـوع الاوتوبيـس
    وش نبي فيها وهي مـا تهـز الا الغـروس
    آفه المرء اثنتان .. إلف كاس وحـب كيـس
    والنفوس اليـا بغيـت تعرفهـا ارم الفلـوس
    ينكشف زيف الشعارات لا حمـي الوطيـس
    ترجع الاذناب اذناب وتبقى الرؤوس رؤوس
    صدق لا قال العرب ما يحوص الا الخسيس
    ولا يوطي الرؤوس شي مثل ضعف النفوس
    ناقتـي يـا ناقتـي لا ربـاع ولا سـديـس
    وصليني لابتي مـن ورى هـاك الطعـوس



    http://www.sadanajd.com/poem-5537.ram

    للاستماع وكلك يمين للحفظ
    اخر تعديل كان بواسطة » ماله حل في يوم » 15-01-2008 عند الساعة » 19:40


  2. ...

  3. #2
    و عليكم السلاااااام و رحمة الله و بركاته

    وعيشتي ما بين اسود(ن) ولا مانـي رئيـس
    خير من كوني رئيس(ن) على شلقـه تيـوس

    a013


    آفه المرء اثنتان .. إلف كاس وحـب كيـس
    والنفوس اليـا بغيـت تعرفهـا ارم الفلـوس
    a075

    بصرااحة ذي أجمل بيتين

    و لا تهون القصيدة كلها

    فالك المليون و البريق يا ناصر الفراعنة

  4. #3

  5. #4
    وهواتو بيركض ورى شو؟؟؟؟ ورى اكوام ممن طلب الدنيا بالشعر...
    الشعراء يتبعهم الغاوون.. الا القليل الذين ذكروا الله وصدقوا فكانوا لامتهم منارة هداية مامحرقة فلووس. انظر لشعر الافذاذ الذي فيه الغزل الجميل والسياسة العاصفة وهموم امة كالعشماوي من الاحياء
    وحافظ ابراهيم وغيره من الاموات ,اما الي مضيع ناقته اكيد هربت منه ومن اعماله...شكرا
    شكرا الك اخي للاختيار
    وان كانت القصيدة في رأيي(وتلك مع حرية الراي)
    وفي خفوقي فرخ جنية(ن) يضرس ضريـس
    فخر بلامعنى..كلمات بلامبنى صحيح,,والهدف الفلوووس,,ويارخص النفوس لاراحت للفلوس تحووس,,
    ولن يكون يوما قدوة ولو لاغلاتك ياخيي ماله حل ماكانت تسوى حدا يطلع فيها لانها خارجة عن الشعر الغنائي والرجزي والفصحى,والنبطي وياليت فيها شيم حقيقية وانما الفعل يكذب دعاوى اولية.
    والكبر في الفدادين رعاة الابل. ولو المقام يسمح كانت الامثلة من نفس القصيدة والكسر الشنيع فيها في الاوزان النبطية. حفظك الله يامالو حل.
    اخر تعديل كان بواسطة » kakashihataki في يوم » 17-01-2008 عند الساعة » 19:16
    attachment

  6. #5
    قصيدة حلوة..
    مع اني ما فهمت شي confused eek frown


    بس شكلها مشوقة


    م.س.ك.ة biggrin
    sigpic280721_1اتق الأحمق أن تصحبه إنما الأحمق كالثوب الخلق كلما رقعت منه جانبا صفقته الريح وهنا فانخرق

  7. #6
    وعليكم السلام ورحمة الله وبركاته ^_^


    القصيده ماعليها كلام ومسكته attachment


    وفيها من الثقافه التاريخيه الشي الكثير cool


    هذي مايفهمها أي أحد وانا أختك attachment


    يعني علشان تلم بأفكارها وتعرف المغزا منها وما تكنه كلماتها من معاني لازم تكون عندك ثقافه تاريخيه وسياسيه واسعه attachment



    مشكووور أخوي على القصيده .. وصح لسان قايلها attachment
    يا أيها القوم ... يا جسدي وعاطفتي .. كفي ملاماً فجلد الذات أدماني

  8. #7
    هذه قصيدة ناصر الفراعنة ..

    كنت ادور عنها .. asian

    ثانكيوو على الموضوع .. gooood

    p.c
    2cb3d4eb1c6b6216f7bc022f8a0b9ad2
    Вαcк тό şcħόόĻ .. Вαcк тό đяαмα

  9. #8
    الله يعطيك العافية وماقصرت .. وإن شاء الله نشوف المزيد من إبداعاتك ..ودمت بخير
    ( إن الله يمهل ولا يهمل)
    .. تصدق من الحساب ليوم الحساب ..

    coolcool
    إذا ظلمك أحدهم فلا تقل لعنه الله بل قل سامحه الله وهداه
    فإن الحساب يوم الحساب ..والله لا يضيع حق عبده ..gooood

  10. #9

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter