مشاهدة النتائج 1 الى 4 من 4
  1. #1

    تخيلو العكس الحرمه تقوم بدور الرجل .....

    تخيلو العكس الحرمه تقوم بنفس اعمال الرجال والرجال يقوم بنفس اعمال الحرمه...
    مو هذا موضوعنا......


    و الحين أنشوف المواقف الي ممكن تصير
    1
    ------------------------------------------
    سعد عمرة 26 سنة خلص دراسته وقاعد ينتظر بنت الحلال الي تضفه

    (الله من واحد بيقعد بها لو الوضع كذا )... سعد تعبان نفسيا كل

    ماجو ناس يخطبونه لبنتهم وشافته بنتهم راحو ومعاد رجعو (وجه

    واحد رايح في خرايطها)...واخر وحده جتهم ام فهد تبي تخطب سعد

    لبنتها نوره ... نوره شارطة انها لازم تشوف سعد (الحمد لله على

    النعمة الي انحن فيها )... جت نوره وقعدت في المجلس ودخل

    عليها سعد ومعه العصير ... حط العصير عند نوره ... وطلع يركض

    لغرفته ... صك باب الغرفه وتسند عليه وخدوده حمر وهو يدعي

    يارب اعجبها وتاخذني .. .. وراحت نوره تشوف غيره... وجلس سعد اسابيع ينتظر رد نوره ؟؟؟؟؟

    2
    ـــــــــــــــــــــ
    ابو محمد يقوم من الساعة 6 الصباح …. ويسوي في فطور ام محمد واذا جهز الفطور راح لام محمد يناديها …

    ابو محمد: قومي يا ام محمد … قومي يابعد عمري افطري وروحي للدوام …

    وبعد ربع ساعه من التدليع قامت ام محمد ….

    التفت عليها ابو محمد وقال: صباح الخير ….

    ام محمد: ردت برومانسيتها المعتاده كل يوم أي خير هو الي يشوف

    وجهك يشوف خير جهزت الفطور والشاهي يالدبشه والا لا ….

    ابو محمد: يرد ويقول نعم ياحبيبتي كل حاجه جاهزة ….

    ام محمد : طيب اقلب وجهك عني ابغسل وجهي واجي افطر هاالحين ....

    ابو محمد: شوفي يا ام محمد هذي الوريقه فيها بعض المقاضي للبيت

    ام محمد : هذا الي انت فالح فيه يالثور

    ابو محمد : الله يسامحك ياام محمد ويخليك لي ولعيالك … شو بنسوي حنا بدونك.

    ام محمد : المهم بكره انا عندي مشوير قريب وبوديك عند اهلك يومين .

    ابو محمد : وين بتروحين … (خايف تتزوج عليه )

    ام محمد : ابروح لجهنم … ماني قايلتلك لا تسالني وين ابروح وين ابجي … وان عاد سمعت كلمة وين رايح منك … ترى والله مايردك الا بيت اهلك …. والا والله لاصك لك جار او ضر اعصر به قلبك .

    ابو محمد : العذر والسموحه طال عمرتك … شو تبين اصلح لك على الغدا طال عمرك …

    ام محمد : صلح سم … طرقع (لطخت بالباب وطلعت)؟؟؟؟

    3
    ــــــــــــــــــــــــــــــــــــــــــ
    ناصر قاعد في غرفته ... منسدح على بطنه يقرا مجلة سيدي ولك انتَ ...وفجئه التلفون ترررررررررررررررررررررن

    ناصر / الو مين

    ساره/ هلا ومرحبا بها الصوت .. انا ساره

    ناصر / عفوا من تبغيين

    ساره / ابغاك انت

    ناصر / قلة حيا … مالكي اخوان تخافين عليهم وعلى سمعتهم بعدين ترضين وحده تكلم اخوانك يا قليلة الادب طوط طوط طوط

    ترررن ترررن

    ساره / اسمع لاتسكر السماعه انا اعرفك واعرف كل شي عنك … وانت بعد تعرفني زين

    ناصر / انا ما اعرفك ولا ابغى اعرفك. طوط طوط طوط

    تررن تررن

    ساره /الو اسمع انت تتذكر رسايلك الي عندي وصورك ايام الثانوي … تراها موجوده لحد الان عندي محتفظة بها كل ها السنين

    ناصر / ارجوك انا عرفك هالحيين ارجوك انا كبرت وعقلت وذيك الحركات كانت ايام المراهقه … ارجوك رجعي صوري ورسايلي ارجوك والله لو يدرون خواتي ان يقطعون راسي .

    ساره / انا ابعطيك كل شي بس ابغاك تواعدني في محل اعطيك فيه الصور … والا والله لانشرها في كل مكان …

    ناصر / ارجوك لا تفضحيني … ارجوك … وين طيب اواعدك علشان تعطيني الصور والرسايل .

    ساره / اسمع انا اعرف ان عندكم زواج الخميس الجاي بتروحون له … سو نفسك مريض ولا تروح معهم وانا اجيب الصور والرسايل لك

    ناصر / طيب خلاص الخميس (مكسور الجناح)

    وفي يوم الخميس ماراح ناصر مع اهله للزواج تعذر ان هدومه خربها الخياط … وقعد ناصر لوحده في المنزل …. وفي تمام الساعه 10 واذا بجرس الباب

    تررررررررررررررررررررررررررررررن


    ناصر بخطوات متثاقله وبصوت يشوبه الخوف من المجهول يرد ويقول / مين

    ساره / انا ساره افتح الباب

    ناصر / لا استطيع لايوجد في المنزل سواي … ادخلي الرسايل والصور من تحت الباب

    ساره / اذا لم تفتح الباب فستندم طول عمرك وبتصير سمعتك على كل لسان هذا اذا ماذبحوك خواتك .

    فتح ناصر الباب … ودفعته ساره بقوه …. ودخلت المنزل لتستفرد

    بهذا الضعيف المسكين اللذي لاحول له ولا قوه … اخذ ناصر يرجع

    للخلف وهو خائف من ساره حتى دخل الى داخل المنزل هربا منها

    ولكنها لم تتركه في حاله … وبعد ان اخذت مبتغاها … همت

    بالخروج … وقال لها ناصر والدموع ملىء عينيه لماذا لماذا

    انهيت حياتي ماذا تريدين مني ارجوك اخرجي اخرجي ولكن قبل ان تخرجين اعطيني الصور والرسايل …

    ساره / أي صور واي رسايل … هل جننت حتى اعطيك اياها ؟؟؟؟؟

    لقد اصبح ناصر ضحية استهتاره ايام المراهقة ؟؟؟؟؟؟؟؟؟



    ــــــــــــــــــــــــــــــ
    4
    ـــــــــــــــــــــــــــــ
    ابو خالد يترجى ام خالد انها توديه لهله …. يشوف اخوه مرتفعه حرارته …

    ام خالد رافضه ... تقول انا تعبانه وماني فاضيه لك ... وفجئه رن التلفون


    تررررررررررررررررررررررررررررن

    ام خالد/ الو مين

    ام حمد / هلا ام خالد انا شاريه نخلتين أخلاص من الحسا وابغى

    نروح انا وياأنت نجيبها بكره على سيارتك

    ام خالد / ابشري والله لو تبين للقمر ؟؟؟؟؟؟؟؟


  2. ...

  3. #2

  4. #3

  5. #4
    وشهو ذا والله هيصه ...wink asian
    كان ضربت كل رجال وأتأمر زي ما أبغى WOOOOOW
    it's a funy gooood gooood WWWWWWWOW

    يرجى رفع التوقيع من مركز صور مكسات

    - تويتر


بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter