السلام عليكم
أخواني و أخواتي أنا شايفة ان الموضوع خرج من سببه الاساسي
لنقاش أعذروني ملهوش أي فايدة . الموضوع متقلش لان سارة سعوديه
أصلا أمها و أخوالها مصريين يعني مش سعودية خالصة
بس بصراحة و انا بقرأ الموضوع آلمتني كلمة أختي ياماكي
إللي بتقول تخلصوا من الحقد أو الكره يا أختي على اي اساس بنيتي كلامك
مين قال ان المصريين بيكرهوا السعوديين . يا اختي المصري و ان كان في بلدك
فهو بيفيدك مش بيفيد نفسه هو بس . المصري أستاذك في المدرسة ودكتورك في الجامعة
و هو القائم بنصيب الأسد من الشغل في الشركات ........................... إلخ
طبعا انت اكيد عارفه الباقي . يا اختي أنا مصريه مقيمه في السعوديه من اكتر من نص عمري
يعني بعد إذنك بقت بلدي التانية إللي عشت فيها اكتر ما عشت في بلدي .
و قبل ما تحاسبي المصريين على الكره إسالي السعوديين على اسباب الكره
و أتوقع حتلاقيها واضحة جدا جدا جدا .
و اعتقد ان واحده ماشيه بسرعة 160 أكيد المتوقع ضحايا ان كانت هي او غيرها و كانت هي السبب
و صحيح ان القضاء المصري فيه ثغر و كتيرة كمان و ان القضاء السعودي بيطبق الشريعة
و احنا كعرب و مسلميين و مصريين كمان بنفخر بده
و طبعا يا اخي انصروا الله في بعض المصريين اخلاقهم منحطة زي ما قلت
مع اني مش معاك في اللفظ و كمان في بعض السعوديين مش حقول اخلاقهم منحطة
بس تعاملهم معانا كعرب و كمصريين خاصة شيء سيءلابعد حد و بما انك عايش في السعودية
مش حتقدر تنكر .
يا اخي معاك حق ان القضاء المصري مش عادل ميه بالميه
و كمان معاك حق ان الشباب عايزيين يهاجروا من البلد
بس أنا حاسة في كلامك سخريه . انت فرحان اننا وصلنا للدرجه دي ؟؟
و مش معنى انها عايزيين يهاجروا انهم بيحبوا الهجره بس ظروف مصر صعبه .
و أعتقد ان مفيش بلدغير مصر كل اخبارها على القنوات العربية . و الكل عارف الظروف .
ممكن تقول لي النسبة الغلابة من الكافليين للمصريين بيعاملوهم ازاي ؟؟
و لو الكفيل بتاع صاحبك كريم الاخلاق اوي كده هو بيشتمه ليه ؟؟
مفيش دخان من غير نار . صح ؟؟؟؟
و في الآخر لا فرق بين عربي و اعجمي الا بالتقوى ..
مش لأنه مصري او سعودي .
و طول ما حنفضل نقول مصري و سعودي مش عربي مسلم
مش حيكون في حتى امل في انتصار الإسلام . يا مسلميين راجعوا نفسكم .
أجامل ؟ , أنا عشت فى السعودية وعارف , طيب قوليلى ليه كل أصحابى
يعني جات على الهمر!!
المفضلات