السلام عليكم
صباح الخير
و انا قاعد زي الناس و بذاكر الطب الشرعي رفعت رأسي للتلفزيون و قولت اتفرج على اغنية الحاجة أم كلثوم و بدور على قنوات الأغاني فجأة طلعتلي قناة ميلودي هيتس
و فجأة طلع لي واحد لابس أصفر و سبه سوبر مان و حط النظارة بتاعته على عينه و سمعت صوت (ميلوي تتحدى الملل).
و خير اللهم أجعله خير طلعت واحدة موزة و راجل راكب في سيارة و عمال يعكسها قلت ماشي اكيد بعدها هيكتبوا تحت ان الكلام دا غلط بس ما كتبوش
و طلعت واحدة تانية سمينة جدا انا قولت الراجل دا قاعد قدام بيت طالبات و لا ايه ؟؟!! و عاكسها بردوا و قولت ماشي
و اخير طلعت بنت لابسة اصفر و موزة بجد و جيبة قصيرة الواد عينه وسعت و عاكسها و قال : اكيد مامس نحلة علشان تجيب العسل دا كله
و ظهر الرجل الأصفر من جديد و ضربه على وجهه قولت يا سلام الخير لازم ينتصر في النهاية ... لكن الرجل أبو عين زائغة طلع من سيارته و المفأجاة انه طلع قزم قام الرجل الأصفر ضحك عليه سخرية و بعدين الرجل أبو عين زائغة ضربة ضرب مبرحاً .... جاءت زوجة الرجل الأصفر بسرعة و كان طلقة موزة جدا و اكتشفت انها جوليا خطيبة لاعب منتخب مصر القومي إبراهيم سعيد و نعم النسب و الله يا ست جوليا.
طيب
انا عايز اعرف ايه المطلوب من المشاهد؟
يعني بالعربي كده .... أنا أستفدت إيه؟
قنوات ميلودي المملوكة لحفيد الزعيم الراحل جمال عبد الناصر لطالما و ستظل تشوه ثقافتنا و تستورد أفكار غير إسلامية
بل ان شركة انتاجها للاغاني لطالما شوهت سمعة بلادنا العربية و غالبا مصر و لبنان
يعني لما يجي الحاج جاد شويري اللهم تب عليه و يغني مصرية مصرية و جانبه واحدة بنت (مودل) لابسة 25 سم و كان كل بنات مصر في تلك الموديل و هي فرحانة انها تمثل بنات مصر
يتبع بإذن الله





اضافة رد مع اقتباس






.. 







المفضلات