من قبل ماتغفى عيون الليل ويحيـن الصبـاح
جت كنها سقيا مطـر يشتاقهـا حلـم المنـام
جت من شوارد فكري الضامي وشوقه للملاح
ثم استوت في مرقدي عذراء يراودها الغـرام
ودي أذوقه هالكرز ودي بما تحـت الوشـاح
ودي ويمنع غايتـي ذكـرى حبيبـي واللثـام
ول ياحلمـي علامـك ماحفظتـه يــوم راح
لا ما اتسلى عن غيابه لا بحـلال ولا بحـرام
( العطر توه مابرد ) والقلب باقـي مااستـراح
و شلون وده يستريح اللي فقـد أغلـى الأنـام
بالله ياطيفٍ تهيا لي علـى صـوت الجـراح
شيل اولك عن آخري وارحل مع اسراب الحمام
بياع والشاري حضورك ما اشعره باي ارتياح
حيث المواجع مابرت والجوع يطفيـه الصيـام
أقسمت ماخونه ولا لي في هوى غيره صـلاح
لا من عناقيد اليمن أو مـن بلـح اردن وشـام








المفضلات