نعم خوان احنـــــــــــــــــــــه
نعم خوّان احنه وياك آني بهاي
بس مو من بعد تفجير سامرّه
بعد تفجير سامرّه العراقيين
مثل فلم الرعب ودمايته الحمره
مو فتنه صحيح الصايره ابّغداد
سونامي الفتن بغداد منتشره
قتل مو عالهويه هواي متوهمين
صارت عالاسم گص راسه ويشمره
واليگلي تبالغ انته حيل بهاي
جبت حجه ودليل وياي هالمرّه
اتحده بكر واتحده ابو الخطاب
افن واحد البيهُم يوصل الثوره
واتحده على واتحده هم حسين
اذا فلوجه طبهه ومنكسر ضهره
صـــــــــفر كل النتايج
غتصبوهه الكُفر ... ما تسمعوهه تصيح
آنه ام الــــــــــــشرف واليوم مو عذره
بعد والله ما يــــــــــــــنفعنه قيل وقال
لات كـــلشي انتهه وانكــــسرت الجرّه
مرحوم الـــــــعراق استشهد من سنين
يا وسفه صفـــت أشلائه مـــــتنثره
متنـــثره بمزابل يمـــهه كوم چلاب
اكلت من لــــــحومه وما درت سرّه
صــــير وياي بس هالمره اترجاك
عيب من الــــــــــــعراق اليوم نتبرّه
صعبه بمزبله جثة الــــــــعراق تصير
خلي نشــــــــــيله منهه وندفنه بگبره
اللهم ارحم العراق واهل العراق
وارجع لم الشمل بينهم
ولعن الله كل من اثار الفتنه بيننا
منقول






اضافة رد مع اقتباس
المفضلات