ليكون حبي لك يختلف بشكله وبنوعه
لأنك حبيبتي الحقيقة..وشريكة حياتي
اذاما حبج انتي اشلون احب الناس
ياأول غرام ابصغري وبكبري
واذا ما شوفج انتي اشلون اشوف الناس
وآنه ابغير شوفج بي قصر نظري
حبيتج سهر وايامي غابة ليل
وبس وياج اسهر يابعد عمري
اذا موالج اكتب ما احس بالشوك
وآنه العله مودج اكتب ابشعري
جربتج اهواي وشفتج اوفى الناس
ياأول حبيبة اتحملت قهري
اسأليني ابحياتي اشكد تمر نسوان
ليش انتي الوحيدة الباقية ابفكري
وأسأليني ابحياتي اشبيها من اهموم
ليش آنه امنشوفج يطفه كل جمري
ياأجمل محطة البيها كلبي ارتاح
يانهر الحنان وبالكلبي يجري
تغفه اعيوني ياما وياما نامت ناس
وآنه ويهالاشواك وملتهي ابسهري
اقرب مني اشوفج واحترك مرات
احس مني بعيدة ويختنك صدري
ويمر طيفج هوى واحتار اشمه امنين
وشكو احلى يعمري من الهوى العذري
وتسأليني احبج؟اي نعم والله
بس ليش آنه احبج صدكي ماأدري
..............
للشاعر.محمد رحيمه الطائي






اضافة رد مع اقتباس


المفضلات