الصفحة رقم 1 من 2 12 الأخيرةالأخيرة
مشاهدة النتائج 1 الى 20 من 21
  1. #1

    Talking +..][.. يوميـ ـات حـ ـاج مـ كـ ـاوي ..][..+

    §®*§[•.*.•][ بسم الله الرحمن الرحيم ][•.*.•]§®*§

    السلام عليكم ورحمة الله وبركاته ... وبعد :-

    صباحكم عسل ، ومسائكم سكر .. كيفك أخواني وأخواتي إن شاء الله تمام ^_~!

    والله ما أعرف كيف أبدأ هذا الموضوع أحترت بألف مقدمة بس خلينا طبيعيين كدا زي الحلوين tongue ، طبعاً الموضوع راح يكون عن حج هادي السنة و المغامرات الي حصلت فيه لي أنا شخصياً وكيف تم دخول عرفة وإجتياح مزدلفة والهروب إلى منى biggrin،

    من دحينا وإلي أولو شرط آخرو نور .. أنا راح أتكلم مكاوي على طبيعتي وراح أسرد الموضوع بالهجتنا الحجازية التوحفة جداً ، الله يعينكم rolleyes.

    •.+.• مصطلحات مكاوية •.+.•

    هرجت : سالفة

    قداااام : يلا واحنا كمان

    كعابي : مشي على الأقدام

    أتهبقت : تحمست و وافقت

    مسنترين : جالسين

    زيهم : مثلهم

    نورط : نكون في موقف لا يحسد عليه

    دحدرنا : حركنا

    رجالة : يعني ما فيها غيرها

    تكارنة : نيجريا والأخوة من جنوب أفريقيا

    نكبة : مشكلة

    بوخ : حراراة طالعة فجاءة

    نحنحن : امم يعني يا الله يا الله ما بقي إلا شوي ونوصل tongue

    كراعيني : رجولي

    صنقرت : عصبت

    يرطن : يتكلم

    طبعاً أي مشكلة بالكلام أو أي حاجة ما فهمتوها ياريت تقولها ليا عشان أوضحها لكم tongue


    اخر تعديل كان بواسطة » X Kaito Kid X في يوم » 29-12-2007 عند الساعة » 23:38


  2. ...

  3. #2

    تحقيق أو نبذه او قصه


    •.+.• القصة •.+.•

    واللهِ وزي ما تعرفون الحج فريضة لمن استطاع إليه سبيلاً .. و أنا نويت الحج وكلمت أبويا وقال أصلاً كدا كدا لازم نحج أنا وأخواتك عشان فريضتهم .. حلو مره !

    عموماً أخترنا حملة عشان نحج و كل حاجة .. وفجاءة لمن كنت مع الشباب وفتحنا هرجت الحج قالوا والله قداااام احنا كمان نبغى نحج ، قلت طيب حملة ولا كيف؟

    قالوا لا يا حلو ، الشغل كعابي ! .. قلت لهم : نعم يا أخويا كعابي مين يا حمزة أنتا من جدك !!

    والله وقام واحد وقال الحج تعب و جهاد و أشعث وأغبر وخد من هذا الكلام ولازم نتعب بالحج وعشان الأجر وغير كدا راح توفر على نفسك 10 آلاف حقت الحملة للنفر الواحد smoker،

    الموهيم .. والله وأتهبقت وكلمت أبويا وقلت له أنا راح أحج مع الشباب ، قال : روح الله يوفقك !

    قبل يوم عرفة أمي وأخواني الصغار زي ما هما مسنترين بجده وأنا وأبويا والبقية في بيتنا بمكة ، وآحلا حاجة بيتنا قريب من الحرم وقريب من منى بنفس الوقت يعني منطقة استراتيجية !

    تجمعوا الشباب وعددهم 3 و أنا رابعهم بالبيت عندي من الصباح وجلسنا بحديقة الفيلا وقلت لهم ها كيف البطون أهم حاجة !!

    كل واحد قال أنا ما أكلت من أمس وأنا كمان زيهم عشان لا نورط بالحمامات بعدين بعرفة وربي من فين أجيب حمام من جد نكبة خخخ biggrin.

    صارت الساعه 9 صباح و أبويا راح مع أخواتي الحملة بالباص والمكيفيات والراحة التامة خخخ وإحنا دحدرنا محرمين وكل واحد شعره أطول من الثاني ولا كمان كل شعر غير عن التاني إلي كيرلي والي سبايكي والي مفرود كأننا أبطال الديجتال لابسين إحرام biggrin،

    وقفنا راعي جيب قلنا له عرفة قال طيب كل واحد يدفع خمسين !

    قلت تعرف العشرين رجالة ! .. غيرها مافي تبغى ولا لأ ، قال : لا .. ومشي بعدين رجع لنا قال أركبوا خخخ .. الموهيم احنا طول الطريق نلبي ونذكر الله ( لبيك اللهم لبيك لبيك لا شريك لك لبيك إن الحمد والنعمة لك والملك لاشريك لك ) ،

    بالخط و احنا ماشيين راعي السيارة قال لي بالله تكفلني ! ، قلت له نعم يا أخويا ؟

    قلت : أنا ما أكفل أحد يا أبويا بالله لا تحرجني ، الموهيم وصلنا لحد حدود عرفة ودقينها مشي لحد مسجد نمرة وسط الزحمة و السيارات ، لقيت واحد يبيع مظلات وأشتريت من عندو ، وأنا ماشي ما أشوف غير باص قفل عليا وحشرني جنب الجدر وشويا يذبحني .. أقوم أنا أفتح المظلة وأرخي نفسي ( كأني بفلم ماتركس cool) .. وفجاءه سمع السواق حاجة تنكسر فوقف الباص !!

    بالنهاية مظلتي أنكسرت وأنا فتحتها عشان ينتبه الآدمي أنو في أحد هنا dead.

    سوينا لنا خيمة بسيطة قريبة من المسجد زي بقية الناس وجلسنا والناس توزع لبعض موية وفواكه و كتب مجانية ومناظر إيمانية تجسد معاني الأخوة في الإسلام !!

    كان باقي على الصلاة نص ساعه .. وأنا أشتريت معايا من السوبر ماركت تفاح .. قلت خليني أوزع ، وما أشوف غير جيش تكارنة داخلين فيني و باكستانيين فوق رأسي ، وي وي أنا على طول أعطيتهم الكيس كلو وشردت خخ ،

    الموهيم .. صلينا والحمد لله ، وعندها تبدأ رحلة الشواء الطبيعي تحت الشمس .. و شوفوا كيف حالتنا مع الشمس الله لا يوريكم و ما ندري بنفسنا غير أننا برا حدود عرفة !! ولازم ما تغرب الشمس واحنا هنا dead.

    ونقوم ونفك الخيمة ونشيل عفشنا وسط الزحمة والناس والروائح العطرة جداً .. و ندخل بالزحمة ودف ما تدف لحد ما دخلنا حدود عرفة لكن ..؟

    مافي مكان نجلس فيه هههه ، من جد نكبة طيب إش نسوي ؟

    جلسنا نمشي بالزحمة وسط الباصات ورائحة عوادم السيارات الذي ذبحتني وظلينا على كدا تخيلوا من الساعه 1.30 لحد الساعه 4 واحنا عالقين نمشي بالزحمة لحد ما لقينا باص ، قال النفر يركب فوق بخمسين قلت له يا هوو اش دا ، وبالنهاية طلعنا على أساس نجلس ندعي فوق ونذكر ربنا براحتنا وغير كدا يوصلنا مره وحده لمزدلفة ..

    بدأ الغروب ، والناس بدأت تتحرك لمزدلفة واحنا فوق الباص ، وربي من الزحمة الباص يتحرك من الناس الي يدفون بعضهم تحتنا لدرجة حسيت بـ بوخ طالع وحرارة من تحت خخخ ، زحمة بشكل فظيع !

    حمد ربي أللف مره أني فوق وبعيد عن هادي الزحمة ، صارت الساعه 6.30 والباص ما يقدر يتحرك بسبب الناس الي مملية الخط وعاملة زحمة للسيارات ، و ما أشوف غير قررنا نأخذها كعابي من عرفة لمزدلفة والمشكلة ما نقدر ننزل من الباص بسبب الزحمة مافي مجال أصلاً !!

    عاد كلنا قمنا وصرنا نقول زي ( قاي الي بنارتو ) قوووة ربيع الشباب هياااا خخخ biggrin

    وتخيلوا أننا نطينا من فوق الباص لتحت وتمت العملية بسلام ولله الحمد ، و أمشي ما تمشي 5 كيلو يا عالم وإحنا نحنحن بالطريق ويا رجلي ويا قلبي خخ لحد ما وصلنا وما درينا بنفسنا غير أننا بوسط زحمة كلمة فظيعة قليلة بحقها .. يعني تخيلوا معاية ما أقدر أمشي خطوة وحده أو نص خطوة بسبب الزحمة وظلينا واقفين بالزحمة والدف و البهدلة حبه حبه لحد ما وصلنا لمنطقة وعلى طول حطينا فراشنا فيه وجلسنا وكانت الساعه وقتها 12 بالليل خخ !!

    ما تخيلت أني من الصباح يا عالم لحد هذا الوقت وأنا أمشي بس ، جلسنا وأرتحنا ومن الساعه 3 حركنا لمنى و ما وصلنا غير الساعه 6 ، طبعاً بعد ما مشينا 3 كيلو هههه !

    رمينا ولله الحمد وبعدها صرنا نمشي زي السكرانين من التعب والجوع ، وخد ما تاخد لحد ما جلسنا فجاءة من التعب ، وجا عسكري وقال ياحاج يا حاج ممنوع الجلوس ، قلت له يا أبويا وربي كراعيني وصلت حدها ومافيني حيل ! قال : الأخوان مكاوية ؟

    قلت له ايوا والله ، قال : أجلسوا بس خخخ ..

    بعد 10 دقائق حركنا وبالقوة نمشي لحد ما طلعنا من منى وقلت لهم هنا في مطعم يا شباب ، قالوا بالله يلا قدام ، بس دخلنا المطعم كلنا بصوت واحد .. في عندك أكل ؟؟؟؟

    خخخ الرجال أنفجع ، قال في في .. والحمد لله أكلنا وبعدها مشينا كيلو تقريباً لبيتي وجلسوا الشباب عندي وأنا رحت خففت شعري وأخذت دش وعلى السرير asian،

    ونصحى مغرب ونحرك من بيتي لمنى وجلسنا هناك ليلة بشكنا فيها وهرج لحد الفجر وبعدها حركنا لبيتي وكل واحد رجع بيته واليوم الي بعده نفس الكلام رحنا منى وجلسنا لحد الظهر ورجمنا وخلصنا آخيراً !!

    طبعاً أحداث كثيرة صارت في منى من مغامرات بس خلوها على ربكم tongue،

    بعدها بيومين رحنا الحرم ، وطفنا من السطوح مع الزحمة خخ ، وخلصنا السعي ولله الحمد وبعدها كل واحد يقول للثاني مبروك يا حجي مبروك يا حاج خخخ،

    و رحنا لبيتي عند سيارتي وعلى طووول حركنا على جده biggrin،
    اخر تعديل كان بواسطة » X Kaito Kid X في يوم » 29-12-2007 عند الساعة » 23:35

  4. #3

    تحقيق أو نبذه او قصه

    •.+.• الحج والمواقف •.+.•

    مره واحنا ماشيين .. كانت في شاحنة حقت توزيع الأكل و الغداء والعصيرات سبيل لله ، الموهيم ما أشوف غير الي متعود عليهم الباكستانية والتكارنة وكل واحد يأخد كرتون كامل !!

    والكرتون فيه أكثر من 10 وجبات للفرد الواحد ، قام جاه واحد من الأخوان المصريين وقال هات وجبه ياحاج ربنا يكرمك ، قال له رووه رروه مافي ermm

    أنا صنقرت وقلت للشباب أستنوني شوية وراجع لكم .. جيت عن الباكستانية وقلت له سلام عليكم يا حاج ، مارد عليا السلام dead ، ما أهتميت وقلت له ليش مأخذ كرتون لوحدك هذا مو حرام !!

    هذا حج مو حرب ، قام يرطن وهو معصب عليا خخخ ، قلت له أعطي الحاج وجبه وقول لا إله إلا الله .. قام رفض وبشدة sleeping.

    قلت يا ولد شكلو مافي فايدة حتى بالحج لازم تسوي هادي الحركات الهبلة tongue،

    قمت طلعت له بطاقة أحوالي وطلعت له بطاقة عضوية VIP بالبنك الأهلي ، وكان شكلهم كدا شبهة خصوصاً لمن شافها تلمع !!

    قلت له : أنا حكومة ، والله بعدين سجن .. أنا فيدرالي معلوم اش فيدرالي smoker،

    ههههه ما أشوف غير الباكستاني يرمي الكرتون ويشرد وما أشوف غير غباره و الحاج المصري تسدح ضحك وقال ربنا يستر عليك يا ابني laugh،

    قلت له خد الكرتون وأنت وزعه للي يحتاج ، قال ماتأخذ وحده قلت له سوري ما أقدر .. زعل شوية بعدين فهمته أني ما أقدر أخذ أي وجبه سبيل أو صدقة redface،

    •.+.• صور حية بواسطة عدستي •.+.•

    attachment

    attachment

    attachment

    attachment

    attachment

    attachment

    attachment

    attachment

    attachment

    attachment

    attachment
    احم ، لا تسألوا من يصور معاية smoker

    attachment

    attachment

    attachment
    اخر تعديل كان بواسطة » X Kaito Kid X في يوم » 29-12-2007 عند الساعة » 23:39

  5. #4

    تحقيق أو نبذه او قصه

    •.+.• الخاتمة •.+.•

    لبيك اللهم لبيك .. لبيك لا شريك لك لبيك .. إن الحمدا والنعمة لك والملك لاشريك لك ،

    أحمد الله أولاً وآخيراً على توفيقه لي بأدائه هذا النسك العظيم ، راجي من المولى القدير بأن يتقبل منا صالح الأعمل ويغفر لنا بواسع رحمته يارب ..

    ما أقدر أوصف فرحتي بالحج ، على قد ما تعبت وإلى الآن والله مشط رجلي يوجعني .. بس والله الفرحة الي بقلبي ما أقدر أعبر عنها بأداء هذا النسك وإجتماعي مع المسلمين من جميع أنحاء العالم وكيف عشت الجو الإيماني في هذه الأيام القلائل ونحن نحمد ونشكر ونلبي ونكبر بإسم الله ..

    وبالمناسبة أكثر ناس قابلتهم بالحج أخواني وحبايبي وأهلي السعوديين ، و أخواني وحبايبي وأهلي كمان العراقيين ، والأخوة المصريين والجزائريين والمغربيين و البحرينين والعمانيين والكوتيين والخليج بصفة عامة بس هؤلاء أشكل الناس الي قابلتهم من الدول العربية ^_^

    إن شاء الله ما أكون ثقلت عليكم بموضوعي المتواضع .. وأتمنى من قام بأداء الحج لهذه السنة بأن يشاركنا فرحته gooood،

    تحياتي لكم ... أخوكم : كايتو كيد ^^
    اخر تعديل كان بواسطة » X Kaito Kid X في يوم » 29-12-2007 عند الساعة » 12:57
    attachment
    The Low Of Attraction ~
    Just .. Feel Good

  6. #5
    لبيك اللهم لبيك

    لبيك لاشريك لك لبيك

    .................بعدني متاثرة


    طافة علي وايد كلمات مافهمتا بس يالله مشيناها
    حولة لغة عربية


    قمت طلعت له بطاقة أحوالي وطلعت له بطاقة عضوية VIP بالبنك الأهلي ، وكان شكلهم كدا شبهة خصوصاً لمن شافها تلمع !!

    قلت له : أنا حكومة ، والله بعدين سجن .. أنا فيدرالي معلوم اش فيدرالي ،

    ههههه ما أشوف غير الباكستاني يرمي الكرتون ويشرد وما أشوف غير غباره و الحاج المصري تسدح ضحك وقال ربنا يستر عليك يا ابني ،

    قلت له خد الكرتون وأنت وزعه للي يحتاج ، قال ماتأخذ وحده قلت له سوري ما أقدر .. زعل شوية بعدين فهمته أني ما أقدر أخذ أي وجبه سبيل أو صدقة ،

    اهم شيء بطاقة في اي بي

    لاماشاء الله عندنا ناس في المنتدى فدراليين الله يعينا

    طيب لا تخبر احد علي

    خلني اطلع الجواز (الطوبلوماسي
    خخخخخخخخخخخخخخخ


    خلاص

    اهلين


    والحمد لله على السلامة

    بس وين ماء زمزم ؟

    ليش ماحطيت صورته ؟


    طيب

    حاسة اني طولة في الكلام ؟


    عادي طوف الموضوع

    بس
    صح
    انا اول من يرد عليك
    هذا انجاز عالمي
    دومي متاخرة ؟





    تحاتي
    مديرة مدرسة مسكات
    smoker
    24-6-2011
    يااصبر [ قلب ] يحلم بالتخرج كـ كـ كـ ليله ~|
    وها نحن نوودع الجميع من اجل ذلك اليوم }~
    سوف ابقي احمل ذكريات جميله لك وعنكم}~
    اتمنى لي ولكم التوفيق
    لا تنسوونـــي من دعائكم }~

  7. #6
    و علــيكم الســـلاام ورحمــة لله وبركاته..

    أخــي الكــريم smile


    ثــاانكس ع المــوضوع الرآآئع بمعنـى اقوى من الكــلمه

    والكــــلام في بعض كم حـرف ما فهمتهن

    بس من معنى الكلام اللي قبله حسيت انه المعنى اللي جاه ع باليrolleyes

    خليناا بصلب الموضوع


    موضوع حلو ماعليه كلاام

    وانا واقرئ احس حاالي انا بالمدينه مو انت^^biggrin

    يسلموو .. وآسفه ع التطويلgooood


    سي يوو..
    6a0aec47612183446238d0525621986b

    اللي مايحب مكــسات احــسن له يضغط ctrl+wsleeping


  8. #7
    وعليكم السلام ورحمة الله وبركاته ^^

    اهلين كايتو كيفك وأخبارك بعد الحج ؟؟ والله وصرت حاج ^_^

    الله يتقبل asian

    للأسف ماحجيت بس اعتمرت .. وتكسرنا يادوب .. الله يعين

    إن شاء الله قريب نسويها بعد التخرج biggrin >> وش دخل خخ

    وي وي أنا على طول أعطيتهم الكيس كلو وشردت خخ
    هههههههه biggrinbiggrinbiggrin

    ملاحظة بعض الكلمات مافهمتها وأنا أقرأ البداية عشان كذا ماكملت خخbiggrin

    عاد أنت وشطارتك بترجمها عربية فصحة فهنا مستعدين نقرأ biggrin

    لالا أمزح عآآد مو تصدق

    يعطيك العافية شكلك تكسرت من الكتابة ^^

    سلام


    sigpic52362_2


  9. #8
    محجوز ^^ لي باك ^^

    بكرة >.< أن الله أحيانا ^^
    c896a9536e8d5d549d3cc72b44fcac8f
    I NEED YOU MORE THAN ANYTHING !

  10. #9
    السلام عليكم ورحمة الله وبركاته ...

    قلب ابوظبي

    لبيك اللهم لبيك
    لبيك لاشريك لك لبيك
    .................بعدني متاثرة
    طافة علي وايد كلمات مافهمتا بس يالله مشيناها
    حولة لغة عربية
    أهلين أختي ، خلاص أنا وضعت المصطلحات المعقدة نسبياً ومعانيها ^_^

    اهم شيء بطاقة في اي بي
    لاماشاء الله عندنا ناس في المنتدى فدراليين الله يعينا
    طيب لا تخبر احد علي
    خلني اطلع الجواز (الطوبلوماسي
    خخخخخخخخخخخخخخخ
    هههه tongue،

    والحمد لله على السلامة
    بس وين ماء زمزم ؟
    ليش ماحطيت صورته ؟
    الله يسلمك يارب ، امم والله ما قدرت أصور جهة ماء زمزم وما جا على بالي بحكم أنو ماء زمزم عندنا بشكل مستمر ولله الحمد وغير كدا جهة بئر زمزم تقفل حالياً وصارت مجرد برادات ..

    طيب
    حاسة اني طولة في الكلام ؟
    عادي طوف الموضوع
    بس
    صح
    انا اول من يرد عليك
    هذا انجاز عالمي
    دومي متاخرة ؟
    تحاتي
    مديرة مدرسة مسكات
    لا عادي أختي ، خذي راحتك ^_^

    تحياتي .. وزير التربية والتعليم بمكسات smoker،

    LebAneSe cole

    أخــي الكــريم
    ثــاانكس ع المــوضوع الرآآئع بمعنـى اقوى من الكــلمه
    أهلين أختي ، يسلمو والله أخجلتي تواضعي redface.

    والكــــلام في بعض كم حـرف ما فهمتهن
    إن شاء الله هلأ بعض التوضيحات راح تفهميها ^_~

    بس من معنى الكلام اللي قبله حسيت انه المعنى اللي جاه ع بالي
    ^_^

    خليناا بصلب الموضوع
    موضوع حلو ماعليه كلاام
    وانا واقرئ احس حاالي انا بالمدينه مو انت^^
    يسلمو خيتو .. و أهل المدينة ومكة لهجتهم وحده عشان هيك مافي فرق ^^!

    يسلموو .. وآسفه ع التطويل
    سي يوو..
    الله يسلمك ولا تطويل ولا حاجة خذي راحتك ..

    Kaitou_Jeanne

    اهلين كايتو كيفك وأخبارك بعد الحج ؟؟ والله وصرت حاج ^_^
    الله يتقبل
    أهلين آنسة جنية .. الحمد لله أنا بخير ، كيفك أنتِ إن شاء الله تمام ^^!

    لا تقولي لأحد أني صرت حاج خصوصاً أفراد العصابة ninja

    للأسف ماحجيت بس اعتمرت .. وتكسرنا يادوب .. الله يعين
    إن شاء الله قريب نسويها بعد التخرج >> وش دخل خخ
    الله يتقبل يارب ^^ .. ويارب تتوفقي وتأدي هذا النسك العظيم ، بس أحسن لك قولي لبابا يأخذ حملة محترمة عشان ترتاحوا tongue،

    ملاحظة بعض الكلمات مافهمتها وأنا أقرأ البداية عشان كذا ماكملت خخ
    عاد أنت وشطارتك بترجمها عربية فصحة فهنا مستعدين نقرأ
    أفااا .. يعني ما كملتي ، خلاص ترجمتها ألحين rambo

    لالا أمزح عآآد مو تصدق
    خلاص صدقت ^^!

    يعطيك العافية شكلك تكسرت من الكتابة ^^
    الله يعافيكِ يارب .. ولا تكسرت ولا حاجة والله طبيعي ^_^

    شكراً على مرورك آنسة جنية smile،

    ramrooom

    محجوز ^^ لي باك ^^

    بكرة >.< أن الله أحيانا ^^
    أوكيه بإنتظارك ^_^


    ســلام ،،

  11. #10
    وعليكم السلام ورحمة الله وبركاته

    حج مبرور و سعي مشكور و ذنب مغفور
    الله يتقبلها و يرزقنا و اللي ما حج مثلنا بحجة مثلها ^.^ + أريح منها ^_^"

    طبعاً أي مشكلة بالكلام أو أي حاجة ما فهمتوها ياريت تقولها ليا عشان أوضحها لكم tongue
    لا الحمد لله فهمنا .. و اللي ما فهمناها .. عرفنا معناها من سياق الجملة << مثل الانجليزي tongue

    الموهيم .. والله وأتهبقت وكلمت أبويا وقلت له أنا راح أحج مع الشباب ، قال : روح الله يوفقك !
    رحلة العمر و الله .. أحسدكم على جرأتكم cheeky
    وآحلا حاجة بيتنا قريب من الحرم وقريب من منى بنفس الوقت يعني منطقة استراتيجية !
    أنا مرة رفضت عرض قبل سنتين من أحد قرايبي ساكن في مكة .. نفس حجتكم تمام
    قلت لا .. بحج مع أهلي في حملة بعدين .. nervous
    دحدرنا محرمين وكل واحد شعره أطول من الثاني ولا كمان كل شعر غير عن التاني إلي كيرلي والي سبايكي والي مفرود كأننا أبطال الديجتال لابسين إحرام biggrin،
    وجا عسكري وقال ياحاج يا حاج ممنوع الجلوس ، قلت له يا أبويا وربي كراعيني وصلت حدها ومافيني حيل ! قال : الأخوان مكاوية ؟

    قلت له ايوا والله ، قال : أجلسوا بس خخخ ..
    قلت له : أنا حكومة ، والله بعدين سجن .. أنا فيدرالي معلوم اش فيدرالي smoker،
    ^
    ^
    ^

    ههههههههههه .. و الله مواقف تحفة .. biggrin

    ..

    في النهاية الله يتقبل منا و منكم صالح الأعمال ^_^
    و شكراً لك على مشاركتك لنا بأحداث رحلتك ^^

    attachment


    attachment

  12. #11
    مسلم وأفتخر gnmhS4gnmhS4gnmhS4
    الصورة الرمزية الخاصة بـ أوروتشيمارو ساما








    مقالات المدونة
    1

    وسام شهر النور وسام شهر النور
    مسابقة معاً نحو القمة مسابقة معاً نحو القمة
    وسام روح التــعاون وسام روح التــعاون
    مشاهدة البقية
    السلام عليكم

    محجوز

    smile

    مع السلامة

  13. #12
    أهلين أختي ، خلاص أنا وضعت المصطلحات المعقدة نسبياً ومعانيها ^_^
    اممممم

    رجعت وقعدة اقراها مرة ثانية
    الحين فهمت المواقف
    smoker








    الله يسلمك يارب ، امم والله ما قدرت أصور جهة ماء زمزم وما جا على بالي بحكم أنو ماء زمزم عندنا بشكل مستمر ولله الحمد وغير كدا جهة بئر زمزم تقفل حالياً وصارت مجرد برادات ..
    تعرف شو في خاطري اشوف ماء زمزم
    ياحظكم عندكم دايم
    مب نحن
    مدو لنا فرع
    خخخخخخخخخ
    surprised





    لا عادي أختي ، خذي راحتك ^_^
    ربي يسلم^_^

    تحياتي .. وزير التربية والتعليم بمكسات ،
    انت الوزير
    يا اخي تعرف من زمان كنت ادورك
    biggrinbiggrinbiggrin

    خلاص
    لو تكرمت اريد ترقية


    تحاتي
    مديرة مدرسة مكسات
    smoker

  14. #13
    وعليكم السلام ورحمه الله وبركاته ،،

    أهـلاً باللص الطائر X Kaito Kid X كيف حالك ^^ إن شاء الله بخير ؟!

    حج مبرور و سعي مشكور و ذنب مغفور
    وتقبل الله منا ومنكم


    ماشاء الله تبارك الله شو هالمفاجأة الخطيرة اللي فاجئتنا بها أخوي الغالي كـايتو .. فجأة اختفيت عنا كلمح البصر .. ومرة أخرى تظهر من جديد بشكل مفاجئ وكأنك تتـلاعب كالأشباح ( هل تؤمن بوجودها ؟ tongue ) ^^ المهم ، لك معزة خاصة وكبيرة ووحـشه .. ولا تقاطعنا وخلينا نشوف شو سر مفاجئتك المكـاوية ؟!

    storm_1511024362_1983417006

    امممم ^^ أعجبتني قصتك وخصوصاً في قرارك بالحج مع أصدقائك ، كان أفضل قرار حتى تشعر بـراحه وحريّة أكبر دون إنشغالك بإهتمامك لباقي أسرتك وخصوصاً بأنها بـلا حملة .. وإن شاء الله تتـكرر يارب مع أهلك وتعيشون معاً أحلى النفحات المكاوية في الحج ’’ والحقيقية بشكل عام دائماً نـلاحظ تطورات جديدة وتنظيم أكبر في مواقع مناسك الحج لأداء الحجاج فريضة الحج وفي هذا العام ، شهدنا عدد كبير من الحجاج وعلى ما أتوقع كان يفوق الــ 3 ملايين ماشاء الله من كل بلاد العالم smile ^^ وأما بالنسبة للحمـامات ( الله يكرمك ) كما ذكرت .. ففي عرفة شاهدت الــ TV ولاحظت في إحدى اللقطات أن كل الحممات مملوءة وبالصفوف أيضاً .. وبالنسبة لرحلتك مع أصدقاءك فهي أحلى وكـأنك تعيش مغامرة وأجواء رائعه مهما كانت صعبه أو سهلة بـروحانية الإيمان الزكيّة ..!

    =

    وقفنا راعي جيب قلنا له عرفة قال طيب كل واحد يدفع خمسين !

    قلت تعرف العشرين رجالة ! .. غيرها مافي تبغى ولا لأ ، قال : لا .. ومشي بعدين رجع لنا قال أركبوا خخخ
    biggrin

    لقيت واحد يبيع مظلات وأشتريت من عندو ، وأنا ماشي ما أشوف غير باص قفل عليا وحشرني جنب الجدر وشويا يذبحني .. أقوم أنا أفتح المظلة وأرخي نفسي ( كأني بفلم ماتركس ) .. وفجاءه سمع السواق حاجة تنكسر فوقف الباص !!

    بالنهاية مظلتي أنكسرت وأنا فتحتها عشان ينتبه الآدمي أنو في أحد هنا .
    لحـظة لـحظة .. مقطع طريف ورهيب حقيقية ^^!

    كـم دقيقية / ساعه ، كـانت المظلة سليمة قبل أن تنـكسر ؟!


    tongue

    سوينا لنا خيمة بسيطة قريبة من المسجد زي بقية الناس وجلسنا والناس توزع لبعض موية وفواكه و كتب مجانية ومناظر إيمانية تجسد معاني الأخوة في الإسلام !!
    رائع والله شوقتني كـايتو ،

    من ألحـين .. إش رأيك نخـطط معاً ونجهز للحج القادم ؟!

    ونـأخذ معانا بارون الليل


    rambo

    وتخيلوا أننا نطينا من فوق الباص لتحت وتمت العملية بسلام ولله الحمد
    Stand By: Action !

    أحـلى مقطع بالقطة .. وحيـكسر كل أفلام 2008


    cheeky

    وجا عسكري وقال ياحاج يا حاج ممنوع الجلوس ، قلت له يا أبويا وربي كراعيني وصلت حدها ومافيني حيل ! قال : الأخوان مكاوية ؟

    قلت له ايوا والله ، قال : أجلسوا بس خخخ ..
    biggrin

    وأنا رحت خففت شعري
    آه يا خـسارة ، كانت فرصة لو نشوفك على الصفر asian

    ^__^


    وبعدها كل واحد يقول للثاني مبروك يا حجي مبروك يا حاج خخخ،
    وألف مبروك لكـم وتقبل الله منا ومنكم

    وأحلى تحـيّة لأحلى رحلة مكـاوية مع كـايتو

    gooood

    إش رأيك تـرجع من أول وجديد ، وترجع الزحمة ، وتحـج من أول ؟!

    قـدها والا مو قـدها wink ..!


    •.+.• الحج والمواقف •.+.•
    كـلك حركات كـايتو .. لكن والله كسرت خاطري على الهندي ؟!

    آخــاف dead ..!

    ان الهندي شـرد .. ورجع مرة ثانية ومعاه 10 من اصحابه ، وتكون أنت الضحـية ؟!

    من قـدك يا بـويا rolleyes ^^!


    •.+.• الخاتمة •.+.•
    قال عليه الصلاة والسلام ’’ الحج المبرور ليس له جزاء إلا الجنة ’’

    الله أحلى رحله روحـانية في الحج .. بصراحه قابلت الكثير من زملائي اللي حجوا هذه السنة وكانوا جداً مبسوطين وطبعاً دائماً أحب أجتمع معهم وأدعوهم ونضحك معاً ^^ وها هي أجتمع بها معك عزيزي كايتو فتذكر بأنك الآن بروح جديدة وكأنك ولـدت من جديد بتوفيق الله وقبوله ، وأشعر بما تشعر فيه تماماً فحال المسلمين بعد الحج يكون بطمأنينة وسعادة تغمر قلوبهم وتملأ صدورهم بلا هم أو غم ، وكأنك في حياة جديدة كلها بجنات الإيمان والتقوى .. فهذه هي لذة الطاعة ولذة الإيمان ولذة أحلى من العسل والسكر ’’ والكثير يا عزيزي يتمنـوا أن يحجوا ولو مرة واحدة wink ؟! .. عسى الله تتحقق كل الأمنيات والطيبات ، ويبارك فيك أخوي كـايتو وكل أصحابك وأسرتك ومبروك عليكم جميعاً .. عقبالنا يارب بإذن الله تعالى ، وبصراحه أسعدتني كثيراً بهذا الموضوع وبشوفتك اللي نـورت كل أركان مكسات .. الله يسعدك ونشوفك على خير ^^!"

    ولا تنـسى .. مـذكرة /

    إقــرأ ~ تفضل هنـا !

    ســلام ،،
    اخر تعديل كان بواسطة » أواب في يوم » 05-01-2008 عند الساعة » 17:06

  15. #14
    «®°•.¸.•°°•.¸.•°®»[ السلام عليكم ورحمة الله وبركاته ]«®°•.¸.•°°•.¸.•°®»

    حمدلله ع السلآمــــهـ يآ حاج كاتيو كيد biggrin
    تقبــــــل الله منآ ومنكمـ صالح الأعمـــــآل ...


    «®°•.¸.•°°•.¸.•°®»[ في أمان الله ]«®°•.¸.•°°•.¸.•°®»

  16. #15
    حج مبرور وسعي مشكور


    تسلم على الموضوع
    بدون توقيع

  17. #16
    مسلم وأفتخر gnmhS4gnmhS4gnmhS4
    الصورة الرمزية الخاصة بـ أوروتشيمارو ساما








    مقالات المدونة
    1

    وسام شهر النور وسام شهر النور
    مسابقة معاً نحو القمة مسابقة معاً نحو القمة
    وسام روح التــعاون وسام روح التــعاون
    مشاهدة البقية
    السلام عليكم

    ما شاء الله أخوي كايتو على الموضوع

    وآسف على التأخير ،، صارت لي ظروف

    ^_^

    موضوعك روعهـ وتحفهـ ،، فعلاً أدهشني وأضحكني وأسعدني

    جزاك الله خير على هذا التصور الحي للمشاعر المقدسهـ

    أتمنى لك الفوز بالمسابقهـ والفوز بالمركز الأول

    ^_^

    مع السلامة

  18. #17
    و عـليكم السـلام ورحمه الله وبـركاته ،،
    هـلا كـايتو ،، اخـبارك .. الحمدالله على السـلامه
    والله ياخـوي ماتتوقع قد فـرحتي للموضوع
    خـليتني اعـيش بالأجواء هـناك .. خصيصا لاني احب السياحه والسـفر و الامـاكن المقدسه .. تصلني بالمـشاعر
    قـريت الموضوع مـرتين و بتمعـن لانه حـلوو جدن .. رووعـه .. يســـلمووو هالايادي

    و لـو سمـحت حبيت ارد على كل موقف عـجبني منك biggrin .. طلـعت خـطير ..


    صباحكم عسل ، ومسائكم سكر .. كيفك أخواني وأخواتي إن شاء الله تمام ^_~!
    صـباحك نور و قـشطه و شوكولاتـه ^^ ،، كـيفك انت كايتو ،،

    والله ما أعرف كيف أبدأ هذا الموضوع أحترت بألف مقدمة بس خلينا طبيعيين كدا زي الحلوين ، طبعاً الموضوع راح يكون عن حج هادي السنة و المغامرات الي حصلت فيه لي أنا شخصياً وكيف تم دخول عرفة وإجتياح مزدلفة والهروب إلى منى ،
    آآه والله .. خـلك بسيط بكل بساطه مبسوط تكون مسبوط << مافهمت tongue

    من دحينا وإلي أولو شرط آخرو نور .. أنا راح أتكلم مكاوي على طبيعتي وراح أسرد الموضوع بالهجتنا الحجازية التوحفة جداً ، الله يعينكم .
    لـكن حـلوو gooood

    •.+.• مصطلحات مكاوية •.+.•
    هرجت : سالفة
    قداااام : يلا واحنا كمان
    كعابي : مشي على الأقدام
    أتهبقت : تحمست و وافقت
    مسنترين : جالسين
    زيهم : مثلهم
    نورط : نكون في موقف لا يحسد عليه
    دحدرنا : حركنا
    رجالة : يعني ما فيها غيرها
    تكارنة : نيجريا والأخوة من جنوب أفريقيا
    نكبة : مشكلة
    بوخ : حراراة طالعة فجاءة
    نحنحن : امم يعني يا الله يا الله ما بقي إلا شوي ونوصل
    كراعيني : رجولي
    صنقرت : عصبت
    يرطن : يتكلم
    يــسلموو على المعـلومات الغاويـة .. بس مو اصعب من الغه الجداويه nervous


    عموماً أخترنا حملة عشان نحج و كل حاجة .. وفجاءة لمن كنت مع الشباب وفتحنا هرجت الحج قالوا والله قداااام احنا كمان نبغى نحج ، قلت طيب حملة ولا كيف؟
    مممـ .. كـيف كـانت الحمـله .. زينه .. سيئه ^^ ،، الشباب من يقرون لك devious ،،

    والله وقام واحد وقال الحج تعب و جهاد و أشعث وأغبر وخد من هذا الكلام ولازم نتعب بالحج وعشان الأجر وغير كدا راح توفر على نفسك 10 آلاف حقت الحملة للنفر الواحد ،
    اعتـرف انه كـسلان .. لكن على الاقل يقتصد على فلوسه tongue

    الموهيم .. والله وأتهبقت وكلمت أبويا وقلت له أنا راح أحج مع الشباب ، قال : روح الله يوفقك !
    كـايتو .. يعني مارحت مع اهلك disappointed؟؟

    قبل يوم عرفة أمي وأخواني الصغار زي ما هما مسنترين بجده وأنا وأبويا والبقية في بيتنا بمكة ، وآحلا حاجة بيتنا قريب من الحرم وقريب من منى بنفس الوقت يعني منطقة استراتيجية !
    حــلو والله ^^ ،، اريح و انسب لكـم .. ياليت لو قايله لاهلي الي راحـوا .. biggrin لان الي راح من اهلي تعـب .. مسـاكين .

    تجمعوا الشباب وعددهم 3 و أنا رابعهم بالبيت عندي من الصباح وجلسنا بحديقة الفيلا وقلت لهم ها كيف البطون أهم حاجة !!
    biggrinbiggrinbiggrin ،، الله يعـينكم .. ايه والله الاكـل حاجه صعبه .. ان شاء الله تخطيتو مشكله الاكـل

    كل واحد قال أنا ما أكلت من أمس وأنا كمان زيهم عشان لا نورط بالحمامات بعدين بعرفة وربي من فين أجيب حمام من جد نكبة خخخ .
    laughlaughlaughlaughlaugh

    صارت الساعه 9 صباح و أبويا راح مع أخواتي الحملة بالباص والمكيفيات والراحة التامة خخخ وإحنا دحدرنا محرمين وكل واحد شعره أطول من الثاني ولا كمان كل شعر غير عن التاني إلي كيرلي والي سبايكي والي مفرود كأننا أبطال الديجتال لابسين إحرام ،
    انـت اختـرت هذا الشيئ biggrin .. و لكـن biggrin اعـجبني بقـولك عن تساريح شعوركم و كـأنكم أبطال الديجيتال .

    وقفنا راعي جيب قلنا له عرفة قال طيب كل واحد يدفع خمسين !
    خمسين بعينه .. حـرامي .. شايف نفسه ايه mad

    قلت تعرف العشرين رجالة ! .. غيرها مافي تبغى ولا لأ ، قال : لا .. ومشي بعدين رجع لنا قال أركبوا خخخ .. الموهيم احنا طول الطريق نلبي ونذكر الله ( لبيك اللهم لبيك لبيك لا شريك لك لبيك إن الحمد والنعمة لك والملك لاشريك لك ) ،
    مسكين .. اشفق عـليكم cheeky .. ^^ لبيك اللهم لبيك .. لبيك لاشريك لك لبيك ان الحمد و النعمه لك .. والملك .. لاشريك لك .


    قلت : أنا ما أكفل أحد يا أبويا بالله لا تحرجني ، الموهيم وصلنا لحد حدود عرفة ودقينها مشي لحد مسجد نمرة وسط الزحمة و السيارات ، لقيت واحد يبيع مظلات وأشتريت من عندو ، وأنا ماشي ما أشوف غير باص قفل عليا وحشرني جنب الجدر وشويا يذبحني .. أقوم أنا أفتح المظلة وأرخي نفسي ( كأني بفلم ماتركس ) .. وفجاءه سمع السواق حاجة تنكسر فوقف الباص !!
    كـايتو .. شنو يعني اكفل .. ^^
    لكن لماذا المظله .. لتغطيك عن حراره اشعه الشمسredface ؟
    شـدخل مـاتريكـس بالحدث laugh

    بالنهاية مظلتي أنكسرت وأنا فتحتها عشان ينتبه الآدمي أنو في أحد هنا .
    لاحـول .. اوادم متـهوره sleeping .. بس زين انك حـطيت تنبيه له gooood .. لو ماشريت المظله شنو راح بيصير cool.
    سوينا لنا خيمة بسيطة قريبة من المسجد زي بقية الناس وجلسنا والناس توزع لبعض موية وفواكه و كتب مجانية ومناظر إيمانية تجسد معاني الأخوة في الإسلام !!
    مشــــاعـــر .. لــيتني كـــنت هنـــاك .. ^^

    كان باقي على الصلاة نص ساعه .. وأنا أشتريت معايا من السوبر ماركت تفاح .. قلت خليني أوزع ، وما أشوف غير جيش تكارنة داخلين فيني و باكستانيين فوق رأسي ، وي وي أنا على طول أعطيتهم الكيس كلو وشردت خخ ،
    صـلاه اي توقيت .. العصر ام ماذا ^^ ،، هل السـوبر ماركت مفتوح طوال الوقـت .. هـل الاسعار غاليه .. هل داخل السوبر ماركت شي عدل .. يزدحم بالناس .. و يالكثر اسئلتي tongue لمجرد الفضول << عشان تعيش الجو كـامل .. ماذا يالله هل هـم اتباع اسامه بن لادن biggrin .. لما يفعلون ذلك mad .. مكفخين .. يبغون كل شيئ ببلاش .. مسـكين كايتـو .. هل اصابك مكـروه بعد ان اعطيتهم الكـيس tongue .. و ان لم تعطهم الكـيس تتوقع ماذا يفعلون بك ؟؟ sleeping

    الموهيم .. صلينا والحمد لله ، وعندها تبدأ رحلة الشواء الطبيعي تحت الشمس .. و شوفوا كيف حالتنا مع الشمس الله لا يوريكم و ما ندري بنفسنا غير أننا برا حدود عرفة !! ولازم ما تغرب الشمس واحنا هنا .
    الله يـــعينكم cry .. الـحمدالله انكم تخـطيتوا هالـمرحله الصعبه عـلى خـير ^^ ..

    مافي مكان نجلس فيه هههه ، من جد نكبة طيب إش نسوي ؟
    ياسـاتر .. مآدري والله nervous

    جلسنا نمشي بالزحمة وسط الباصات ورائحة عوادم السيارات الذي ذبحتني وظلينا على كدا تخيلوا من الساعه 1.30 لحد الساعه 4 واحنا عالقين نمشي بالزحمة لحد ما لقينا باص ، قال النفر يركب فوق بخمسين قلت له يا هوو اش دا ، وبالنهاية طلعنا على أساس نجلس ندعي فوق ونذكر ربنا براحتنا وغير كدا يوصلنا مره وحده لمزدلفة ..
    ليش ماحطيتوا لكم اكمـام تمنع التلوث الرائحي من السيارات و الناس tongue .. يعني تميتوا كذا على هالحال مده 3 ساعات ونصف .. و انا اعتقد ان الباص بامر من الله لانكم تحملتوا الكثير .. ركبتوا فوق الباص .. من جد .. اشفق عـليكم .

    بدأ الغروب ، والناس بدأت تتحرك لمزدلفة واحنا فوق الباص ، وربي من الزحمة الباص يتحرك من الناس الي يدفون بعضهم تحتنا لدرجة حسيت بـ بوخ طالع وحرارة من تحت خخخ ، زحمة بشكل فظيع !
    حمد ربي أللف مره أني فوق وبعيد عن هادي الزحمة ، صارت الساعه 6.30 والباص ما يقدر يتحرك بسبب الناس الي مملية الخط وعاملة زحمة للسيارات ، و ما أشوف غير قررنا نأخذها كعابي من عرفة لمزدلفة والمشكلة ما نقدر ننزل من الباص بسبب الزحمة مافي مجال أصلاً !!
    هو كـان في اي يوم ؟ اول يوم العـيد الناس بالفرحه .. وانتوا تعانووون surprised.

    عاد كلنا قمنا وصرنا نقول زي ( قاي الي بنارتو ) قوووة ربيع الشباب هياااا خخخ
    laughlaughlaugh يا حافظ

    وتخيلوا أننا نطينا من فوق الباص لتحت وتمت العملية بسلام ولله الحمد ، و أمشي ما تمشي 5 كيلو يا عالم وإحنا نحنحن بالطريق ويا رجلي ويا قلبي خخ لحد ما وصلنا وما درينا بنفسنا غير أننا بوسط زحمة كلمة فظيعة قليلة بحقها .. يعني تخيلوا معاية ما أقدر أمشي خطوة وحده أو نص خطوة بسبب الزحمة وظلينا واقفين بالزحمة والدف و البهدلة حبه حبه لحد ما وصلنا لمنطقة وعلى طول حطينا فراشنا فيه وجلسنا وكانت الساعه وقتها 12 بالليل خخ !!
    >_< ســلامات .. ســلامات .. لــيش .. قفزتوا .. تهور .. لكـن الحمدالله نهايه حلوه .. انكم وصـلتوا بسـلام لكن بساعه متأخره tongue .

    ما تخيلت أني من الصباح يا عالم لحد هذا الوقت وأنا أمشي بس ، جلسنا وأرتحنا ومن الساعه 3 حركنا لمنى و ما وصلنا غير الساعه 6 ، طبعاً بعد ما مشينا 3 كيلو هههه !
    كم ساعه نمتوا confused .. و الله يعين بعض الناس الي ماخلصوا من العرفه

    رمينا ولله الحمد وبعدها صرنا نمشي زي السكرانين من التعب والجوع ، وخد ما تاخد لحد ما جلسنا فجاءة من التعب ، وجا عسكري وقال ياحاج يا حاج ممنوع الجلوس ، قلت له يا أبويا وربي كراعيني وصلت حدها ومافيني حيل ! قال : الأخوان مكاوية ؟

    قلت له ايوا والله ، قال : أجلسوا بس خخخ ..
    تكـسرون الخـاطر كـــلش tongue .. و هالعسـكري خوش عـسكري .. يقعد ناس فقط من مكـه .. طيب و الباقي rolleyes

    بعد 10 دقائق حركنا وبالقوة نمشي لحد ما طلعنا من منى وقلت لهم هنا في مطعم يا شباب ، قالوا بالله يلا قدام ، بس دخلنا المطعم كلنا بصوت واحد .. في عندك أكل ؟؟؟؟
    حـركه و ايقاع و تناغـم بسبب الجـوووووعـ ..

    خخخ الرجال أنفجع ، قال في في .. والحمد لله أكلنا وبعدها مشينا كيلو تقريباً لبيتي وجلسوا الشباب عندي وأنا رحت خففت شعري وأخذت دش وعلى السرير ،
    زين انكم ما اكلتوه biggrin

    ونصحى مغرب ونحرك من بيتي لمنى وجلسنا هناك ليلة بشكنا فيها وهرج لحد الفجر وبعدها حركنا لبيتي وكل واحد رجع بيته واليوم الي بعده نفس الكلام رحنا منى وجلسنا لحد الظهر ورجمنا وخلصنا آخيراً !!

    طبعاً أحداث كثيرة صارت في منى من مغامرات بس خلوها على ربكم ،

    بعدها بيومين رحنا الحرم ، وطفنا من السطوح مع الزحمة خخ ، وخلصنا السعي ولله الحمد وبعدها كل واحد يقول للثاني مبروك يا حجي مبروك يا حاج خخخ،

    و رحنا لبيتي عند سيارتي وعلى طووول حركنا على جده
    و نهـايه الرحـله .. كم هي رائعه رحـلتك ^^
    اخر تعديل كان بواسطة » ЯOSEL!A في يوم » 06-01-2008 عند الساعة » 07:24

  19. #18
    /\//

    يسلمو ع الموزووع النآيس ... ^ biggrin

    وتقبل الله .. rolleyes

    تحياتوو عموو بيبوو

    \/\\

  20. #19
    السلام عليكم ورحمة الله وبركاته ..

    لك شو هيدي المفاجئة الفنتاستيكا ، كم نفر في يدخل موضوع مال أنا وأنا في نوم tongue،

    أهلين أعزائي ^_^

    بوران

    حج مبرور و سعي مشكور و ذنب مغفور
    الله يتقبلها و يرزقنا و اللي ما حج مثلنا بحجة مثلها ^.^ + أريح منها ^_^"
    هلا بوران .. الله يسمع منك يارب ويرزقك بحجة تكون رمي الجمرات فيها بالسيارات ^_~

    لا الحمد لله فهمنا .. و اللي ما فهمناها .. عرفنا معناها من سياق الجملة << مثل الانجليزي
    ههه .. الحمد لله ، ولكن لازم تفهميها لأنك سعودية ولا راح أحط تحت المراقبة tongue،

    أنا مرة رفضت عرض قبل سنتين من أحد قرايبي ساكن في مكة .. نفس حجتكم تمام
    قلت لا .. بحج مع أهلي في حملة بعدين ..
    فاتك كثير وربي ^^! ، بس بالنسبة لي أفضل البنات يحجون بحملات لأنو تعب عليهم .. حتى أخواتي أصريت أنهم يحجون بحملة محترمة وقتها ^^

    ههههههههههه .. و الله مواقف تحفة ..
    في النهاية الله يتقبل منا و منكم صالح الأعمال ^_^
    و شكراً لك على مشاركتك لنا بأحداث رحلتك
    الشكر لكِ أختي الكريمة على مشاركتك ^_^

    قلب ابوظبي

    رجعت وقعدة اقراها مرة ثانية
    الحين فهمت المواقف
    تمام gooood

    تعرف شو في خاطري اشوف ماء زمزم
    ياحظكم عندكم دايم
    مب نحن
    مدو لنا فرع
    خخخخخخخخخ
    كم تدفعي smoker

    انت الوزير
    يا اخي تعرف من زمان كنت ادورك
    خلاص
    لو تكرمت اريد ترقية
    اممم راجعي مقر التعليم بمنطقتكم ويصير خير tongue.

    أواب

    أهـلاً باللص الطائر X Kaito Kid X كيف حالك ^^ إن شاء الله بخير ؟!

    حج مبرور و سعي مشكور و ذنب مغفور
    وتقبل الله منا ومنكم
    هلا والله بالغالي العزيز .. أنا بخير دامك بخير حبيبي ، كيفك أنت ^^!

    ماشاء الله تبارك الله شو هالمفاجأة الخطيرة اللي فاجئتنا بها أخوي الغالي كـايتو .. فجأة اختفيت عنا كلمح البصر .. ومرة أخرى تظهر من جديد بشكل مفاجئ وكأنك تتـلاعب كالأشباح
    هههه .. شفت كيف !

    خروج بارد ودخول بارد لحد ما كل شي يصير بارد rolleyes،

    ( هل تؤمن بوجودها ؟ )
    والله أنا أ أومن باليوفو يا Bro tongue هل تؤمن أنت بها خخ ^^!

    ^^ المهم ، لك معزة خاصة وكبيرة ووحـشه .. ولا تقاطعنا وخلينا نشوف شو سر مفاجئتك المكـاوية ؟!
    والله الحال من بعضه ، والله يديم الود والمحبة بيناتنا يارب ^_^

    امممم ^^ أعجبتني قصتك وخصوصاً في قرارك بالحج مع أصدقائك ، كان أفضل قرار حتى تشعر بـراحه وحريّة أكبر دون إنشغالك بإهتمامك لباقي أسرتك وخصوصاً بأنها بـلا حملة .. وإن شاء الله تتـكرر يارب مع أهلك وتعيشون معاً أحلى النفحات المكاوية في الحج ’’ والحقيقية بشكل عام دائماً نـلاحظ تطورات جديدة وتنظيم أكبر في مواقع مناسك الحج لأداء الحجاج فريضة الحج وفي هذا العام ، شهدنا عدد كبير من الحجاج وعلى ما أتوقع كان يفوق الــ 3 ملايين ماشاء الله من كل بلاد العالم ^^ وأما بالنسبة للحمـامات ( الله يكرمك ) كما ذكرت .. ففي عرفة شاهدت الــ TV ولاحظت في إحدى اللقطات أن كل الحممات مملوءة وبالصفوف أيضاً .. وبالنسبة لرحلتك مع أصدقاءك فهي أحلى وكـأنك تعيش مغامرة وأجواء رائعه مهما كانت صعبه أو سهلة بـروحانية الإيمان الزكيّة ..!
    ههه تسلم لي حبيبي .. من جد الواحد لمن يكون مع شباب و لوحده يكون حر وكأنه بمغامرة .. وبالنسبة للتنظيم ما شاء الله هالسنة مره جيد ^^
    تصدق أني دقيت صحبة مع العسكر الي كانوا بمنى وصايرين يعزموني على الغداء عندهم biggrin،

    والحمامات ( الله يكرمك ) الله لا يوريك .. في ناس ذوق وجينتل وفي ناس >__<

    عشان كذا أحمد ربي ألف مره أنو لنا بيت قريب من المشاعر أقدر أخذ راحتي فيه زي ما أبغى ^^!

    لحـظة لـحظة .. مقطع طريف ورهيب حقيقية ^^!

    كـم دقيقية / ساعه ، كـانت المظلة سليمة قبل أن تنـكسر ؟!
    والله ما أدري .. خخ بس الي أذكره أن السواق المصري تفجع biggrin،

    يا حرام 15 ريال روحت frown.

    رائع والله شوقتني كـايتو ،

    من ألحـين .. إش رأيك نخـطط معاً ونجهز للحج القادم ؟!

    ونـأخذ معانا بارون الليل
    قدااام ، ليش لأ .. حياكم الله عندي ^_^

    Stand By: Action !

    أحـلى مقطع بالقطة .. وحيـكسر كل أفلام 2008
    بروس لي ما قدر يوسيها يا شيخ بس خلينا متواضعين smoker

    آه يا خـسارة ، كانت فرصة لو نشوفك على الصفر
    وي وي .. لا الله يخليك ، أذكر مره عملت عمرة برمضان وسويته على الصفر .. شكلي صار تحفة مررره !

    قلت ما في غير حل عشان يتعدل الستايل عملت زي ( مساري ) >> مغني لو تذكر أيام الدشرة biggrin،

    وألف مبروك لكـم وتقبل الله منا ومنكم

    وأحلى تحـيّة لأحلى رحلة مكـاوية مع كـايتو
    إش رأيك تـرجع من أول وجديد ، وترجع الزحمة ، وتحـج من أول ؟!

    قـدها والا مو قـدها ..!
    الله يبارك فيك يارب ، وقدها ونص بس خليك أنت قدامي بوجه الزحمة عشان تذوق طعمها cheeky،

    كـلك حركات كـايتو .. لكن والله كسرت خاطري على الهندي ؟!
    آخــاف ..!
    ان الهندي شـرد .. ورجع مرة ثانية ومعاه 10 من اصحابه ، وتكون أنت الضحـية ؟!
    من قـدك يا بـويا ^^!
    هههه وربي ما يقدر وراح يكره عمره مع جماعته لو سواها .. رئيس قوات الحج بمنطقة مكة صاحب أبويا شخصياً من أيام الطفولة لا أجمع عليه العسكر الي بالمنطقة وغير كدا أنا فعلاً VIP smoker

    قال عليه الصلاة والسلام ’’ الحج المبرور ليس له جزاء إلا الجنة ’’

    الله أحلى رحله روحـانية في الحج .. بصراحه قابلت الكثير من زملائي اللي حجوا هذه السنة وكانوا جداً مبسوطين وطبعاً دائماً أحب أجتمع معهم وأدعوهم ونضحك معاً ^^ وها هي أجتمع بها معك عزيزي كايتو فتذكر بأنك الآن بروح جديدة وكأنك ولـدت من جديد بتوفيق الله وقبوله ، وأشعر بما تشعر فيه تماماً فحال المسلمين بعد الحج يكون بطمأنينة وسعادة تغمر قلوبهم وتملأ صدورهم بلا هم أو غم ، وكأنك في حياة جديدة كلها بجنات الإيمان والتقوى .. فهذه هي لذة الطاعة ولذة الإيمان ولذة أحلى من العسل والسكر ’’ والكثير يا عزيزي يتمنـوا أن يحجوا ولو مرة واحدة ؟! .. عسى الله تتحقق كل الأمنيات والطيبات ، ويبارك فيك أخوي كـايتو وكل أصحابك وأسرتك ومبروك عليكم جميعاً .. عقبالنا يارب بإذن الله تعالى ، وبصراحه أسعدتني كثيراً بهذا الموضوع وبشوفتك اللي نـورت كل أركان مكسات .. الله يسعدك ونشوفك على خير ^^!"
    عليه وعلى آله وصحبه الصلاوات والتسليم .. لك مني جزيل الشكر عزيزي أواب على كلماتك العطرة ومشاركاتك التي أسعدتني حقاً .. عجز التعبير يا غالي ..

    ولا تنـسى .. مـذكرة /
    ياااه .. تسلم لي والله يا أواب ما أدري شقول لك .. الله لا يحرمني منك يارب redface،

    فردوس الامارات

    «®°•.¸.•°°•.¸.•°®»[ السلام عليكم ورحمة الله وبركاته ]«®°•.¸.•°°•.¸.•°®»

    حمدلله ع السلآمــــهـ يآ حاج كاتيو كيد
    تقبــــــل الله منآ ومنكمـ صالح الأعمـــــآل ...
    وعليكم السلام ورحمة الله وبركاته ..

    الله يسلمك حجية فردوس tongue ، وجزاكِ الله كل الخير على مشاركتك smile،



    ســلام ،،

  21. #20
    .
    .
    .

    mAn-C4

    حج مبرور وسعي مشكور
    تسلم على الموضوع
    تسلم لي يالغالي .. ومشكور على مرورك الطيب smile،

    أوروتشيمارو ساما

    السلام عليكم
    ما شاء الله أخوي كايتو على الموضوع
    وآسف على التأخير ،، صارت لي ظروف
    وعليكم السلام ورحمة الله وبركاته ..

    لا عادي عزيزي .. مقدر ظروفك أهم شي شفناك gooood

    موضوعك روعهـ وتحفهـ ،، فعلاً أدهشني وأضحكني وأسعدني
    جزاك الله خير على هذا التصور الحي للمشاعر المقدسهـ
    أتمنى لك الفوز بالمسابقهـ والفوز بالمركز الأول
    تسلم لي يالغالي على مشاركتك الطيبة .. وخلينا نشوفك على طول ^_~

    ЯOSEL!A

    هـلا كـايتو ،، اخـبارك .. الحمدالله على السـلامه
    والله ياخـوي ماتتوقع قد فـرحتي للموضوع
    خـليتني اعـيش بالأجواء هـناك .. خصيصا لاني احب السياحه والسـفر و الامـاكن المقدسه .. تصلني بالمـشاعر
    أهلين حريقو .. الله يسلمك يارب ، والله يزيدك فرح يارب ^_^

    قـريت الموضوع مـرتين و بتمعـن لانه حـلوو جدن .. رووعـه .. يســـلمووو هالايادي
    و لـو سمـحت حبيت ارد على كل موقف عـجبني منك .. طلـعت خـطير ..
    الحمد لله أنه عجبك .. والله يسلمك يارب ^^!

    صـباحك نور و قـشطه و شوكولاتـه ^^ ،، كـيفك انت كايتو ،،
    تمام .. كيفك أنتِ ؟

    والله .. خـلك بسيط بكل بساطه مبسوط تكون مسبوط << مافهمت
    ههه ، من قلك أني مافهمت .. فهمت ونص tongue

    يــسلموو على المعـلومات الغاويـة .. بس مو اصعب من الغه الجداويه
    أوف ! .. صباح الخير ؟

    لهجة أهل مكة وجده وحده ترى ^_~

    مممـ .. كـيف كـانت الحمـله .. زينه .. سيئه ^^ ،، الشباب من يقرون لك
    الحملة الي أخذوها أهلي الحمد لله مره كانت كويسة .. الباقي ما فهمته خخ ^^!

    اعتـرف انه كـسلان .. لكن على الاقل يقتصد على فلوسه
    من جد ههه،

    كـايتو .. يعني مارحت مع اهلك ؟؟
    لا بس قابلتهم بالمشاعر ^_^

    الله يعـينكم .. ايه والله الاكـل حاجه صعبه .. ان شاء الله تخطيتو مشكله الاكـل
    تخطينها ونص ^^!

    انـت اختـرت هذا الشيئ .. و لكـن اعـجبني بقـولك عن تساريح شعوركم و كـأنكم أبطال الديجيتال
    هههه .. من جد كأننا أبطال الديجتال وقتها tongue

    كـايتو .. شنو يعني اكفل .. ^^
    يعني أصير كفيله بالسعودية لأنه أجنبي ^^

    لكن لماذا المظله .. لتغطيك عن حراره اشعه الشمس ؟
    yup

    شـدخل مـاتريكـس بالحدث
    تشبيه لا أكثر خخ ^^!

    لاحـول .. اوادم متـهوره .. بس زين انك حـطيت تنبيه له .. لو ماشريت المظله شنو راح بيصير
    ما أدري .. بس أكيد كنت بأسوي حركة هبلة .. إما أدخل من تحت الباص ولا شي زي كدا خخ tongue،

    صـلاه اي توقيت .. العصر ام ماذا ^^ ،، هل السـوبر ماركت مفتوح طوال الوقـت .. هـل الاسعار غاليه .. هل داخل السوبر ماركت شي عدل .. يزدحم بالناس .. و يالكثر اسئلتي لمجرد الفضول << عشان تعيش الجو كـامل .. ماذا يالله هل هـم اتباع اسامه بن لادن .. لما يفعلون ذلك .. مكفخين .. يبغون كل شيئ ببلاش .. مسـكين كايتـو .. هل اصابك مكـروه بعد ان اعطيتهم الكـيس .. و ان لم تعطهم الكـيس تتوقع ماذا يفعلون بك ؟؟
    يؤ يؤ .. الظهر طبعاً ، ومافي سوبر ماركت بعرفة خخ ، هذا أنا أشتريته قبل ما أروح عرفة .. وبصراحة أحمد ربي أني أعطيتهم الكيس عشان ما يأخذوني أنا كمان يأكلوني tongue

    ليش ماحطيتوا لكم اكمـام تمنع التلوث الرائحي من السيارات و الناس .. يعني تميتوا كذا على هالحال مده 3 ساعات ونصف .. و انا اعتقد ان الباص بامر من الله لانكم تحملتوا الكثير .. ركبتوا فوق الباص .. من جد .. اشفق عـليكم .
    والله أشتريت وحاطين بس برضو مش متحملين قوة الروائح >__<

    هو كـان في اي يوم ؟ اول يوم العـيد الناس بالفرحه .. وانتوا تعانووون
    بالضبط ! ، بس متعتنا غير ^_~

    كم ساعه نمتوا .. و الله يعين بعض الناس الي ماخلصوا من العرفه
    اممم .. ممكن 7 ساعات ^^!

    تكـسرون الخـاطر كـــلش .. و هالعسـكري خوش عـسكري .. يقعد ناس فقط من مكـه .. طيب و الباقي
    tongue

    و نهـايه الرحـله .. كم هي رائعه رحـلتك ^^
    وكم هي رائعة مشاركتك أختي .. شكراً جزيلاً على مرورك الكريم ^__^

    Mr.bebo

    يسلمو ع الموزووع النآيس ... ^

    وتقبل الله ..

    تحياتوو عموو بيبوو
    الله يسلمك يارب .. ويتقبل منا ومنك صالح الأعمال ^_^



    ســلام ،،

الصفحة رقم 1 من 2 12 الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter