جارك الله من غياب ضيق صدور المباني
قبل للوحشه تزعزع بيتك الصلب وتبيده

بيتك الي من رحلت وكل جدرانه تعاني
ما تحمل ينتظر شهرين وعيونك بعيده

الله العالم لو انك جيت متأخر ثواني
ما تشوف الا بقايا من حصاه ومن حديده

من عرفتك ونت تايه من مواني في مواني
وتارك قلبي مولع من وجيده في وجيده

ضاعت سنيني أحد بهاليالي وتحداني
وانت ما تشبع غياب وما تخاف من النجيده

ودي اتحمد لك الله بالسلامه ما مداني
كل ما توصل برحله ترجع برحله جديده

دام تدري كل وجه غير وجه الله فاني
ياخي اكسب لك ثواب وخاف ربك في عبيده

كان فينى عيب قلي فينى العيب الفلاني
كان هرجي مزعلك في شي قلي لا تعيده

ஐالصراحه قولها لي ماتبيني
لاتعلقني معاك قول ا لصراحه
مادريت البارحه وش صارفيني
لاسعاده عشتها ولاشفت راحه

ஐ

عيب تصغر في عيونى ونت برقاب الغواني
ليه تستسهل طعوني ونت خابرنى وليده

لعنبوك ان مت بيدك وش يفكك من خواني
لـ حزنو ربعي على فرقاي شـ الي تستفيدهانت مـنت الي عشقته انت اكيد انسان ثاني
ليه صرت بهالبرود وهالاحاسيس البليده

وين حبك لزعل وين العناد الاولاني
وين حنية زمانك وفرحة العمر الرغيده

وين ذاك الي ليـ أقبل ما يبات الا بماني
وين راح الي ليـ اقفى ما يروح الا فقيده

واحد من جابه الله بس يامر ويعصاني

ஐ
انت تنساني وتجي تسألني ويني
يعني همك ضيق صدري وانشراحه

ناوي تجرحني اجرحني ياعيني
وخلِ بين الجرح والثاني استراحه ஐ

الوحيد الي اخاف ازعله وامشي معه سيده

ما بغيت اطيح بيده لين ما ربي بلاني
ولا انا لو هي بكيفي ما بغيت اطيح بيده

ذاك بس الي ليا من جيتله لخبط كياني
الي بنظره ينشف دم قلبي في وريده
قبل اشوفه اجمع له احلى القصايد والمعاني
وان لقيته ما عرفت اقوله جمله مفيده
الف مره قبله اعد القصيده من لساني
ولعنبوه ان جيت عنده قمت اخربط بالقصيده

امدحه ونا ادري انه لو تباطاني نساني
انطحه ونا اعرفه مجنون وافكاره عنيده

ஐ

أدري ضاعت في سما حبك سنيني
وضاق في نفسي فضا الكون وبراحه

قلبي اتعبني يتمنى تجيني
ماكسر في خاطرك منك جراحه
ஐ

من يسويبي سواتك يالرهيف الاسمراني
من هو من الناس غيرك غلطته ترفع رصيده

من يقص جناح طيرك ونت اعز انسان جاني
ليه اخاف رماح غيرك ونت ضرباتك سديده

ان تبعتك اتبعك من طيبي وواسع ابطاني
ولا انا لاجيت اكيد انسان تدري كيف اكيده اكيدهاقدر انزعلك ثيابي والبس ثياب الاناني
واقدر اطلع من عذابي والعب بدورك وجيدهومستعد اكسب رهانى لو بغيت اكسب رهاني
واخدعك بحساس كاذب واتحدى من يصيده

ابكى انا لو شفت خلي حط غيري في مكاني
والله اني لتركه واصد واعشق سيد سيده

جيت ما بيك أتحقرني جيت ابيك تعز شاني
جيت ابي فزعت ضلوعك من مشاعرك البليده

خلني داخل حدودك واجبر بخاطر زماني
اكذب بباقي وعودك واصدق بلحظه سعيده

انتشلني من برودك لو تولع بالمحاني
عطني احساس بوجودك وخذ كل الي تريده

تكفى ون قلت تكفى بيع خلق الله عشاني
لا تضيع من يدينى فرصة العمر الوحيدهيعلم الله شفت منك ومن غيابك ما كفاني
كان ما تقدر تخفف هم قلبي لا تزيده

شف غيابك وش مسوي بالصدور وبالمباني
وانت تدرى كيف كانت صدمة غيابك شديده

والله انك لو وصلت البيت متاخر ثواني
ما تشوف الا بقايا من حصاه ومن حديده

وســـلامتكم...