السلام عليكم ورحمه الله وبركاته
وشلونكم بنااااات و اولاد
اعزائي .. الاحياء منكم والاموات ( الله يرحمهم ) نظراً لأرتفاع نسبة العانسين
والعانسات في مكسااااااات الحبيب .. اجتمعنا انا وانا ... اليوم وقمنا بدراسة
هذا البروبلم سنتساعد في وضع حل للأزمــــه الراهنه في المنتدى
اللي يبي يتقدم يجيب معه صور
الآن نبدأ مع ما وصلنا من ..
... صور العانسين والعانسات ...
-1- Malina Robinson
فتاة عربيه ، شقرا(صبغه)، بيضا لهبا(مكياج)، زرقا العيون(عدسات) ، رشيقة القوام
( انظر الصوره)، عمري شي 35 سنه ( تجميل وشد)، اتمنى اتجوز شاب سعودي
عمره فوق العشرين سنه ، مو مهم كيف يكون شكله.. المهم يكون جيبه عمران
<<-- لا تعليق...المهر المطلوب / فرن ابو اربع عيون
-2-christian vieri
شاب سعودي ،العب ملاكمه على خفيف بس اكثر شي احب العب بلوت مع الشباب
معرس وودي اعرس على الثانيه ، ماهنا وقت اقعد احتسي فيه عن مواصفاتي الزينه
بس ابي اقول اني ودي بحرمتن سنعه ، تعاون حرمتي الاوله على الذبايح والمفاطيح
وابيها موظفه وراتبها واجد علشان تصرف علي ، ولامانع لو معها مرسدس
( ونيت ويخب هع ) .. عاد اقصرو الهرج ولا تبطون علينا ...
-3- لوليتا
بنيه سعوديه حنطية اللون ،عمري ثلاث وعشرين سنه واربع شهورونص ، فيني
اثر فلقتن قديمتن في راسي يوم اخوي يكمخن بحصاة وحنا صغار(علامه فارقه )
طولي ميه وربع ، يقولون اني اشبه باسكال بس انا اقول انها تخسي لأني احلى منها
( وانا اقول مداح نفسه ...هع )، ودي برجلن ينقلني من وظيفتي الى السعوديه
وذا مابوه فواحدن يسكن في السعوديه اقرب لي من هالمشاوير ( عرس مصلحه )
وسلامتكم .المهر المطلوب/ ثلاث اكياس تمر صقعي وكيس برحي ونخلة سلج.
-4- Gary oak
زول سوداني اتمتع بجمال وجزابيه غير طبيعية ويسموني في الحارة محطم غلوب
الزولات آآآي ،حاصل على شهادة خامس ليلي بس كنت ساغط في الاناشيد، ماداير
اكتوب كتير عن حالتي آآآآي ، ليكن بقول ليك ابحس عن فتاة سمرا زات الشي<<--
متعيجز يكتب الشروط اللي يبيها ،والسلامو عليكو .
-5- زينب
فتاة سعوديه الجنسيه ، عمري 20عام ، اشتغل مراقبة المنتديات العامه في وحدتن من
المنتديات <<-- تنفع واسطه سمرا بس مانيب حلوه مره .. لأن كلي ملح يكب
ودي اعرس على مراقبة المنتديات العامه من نفس الفصيله علشان نجيب مشرفين صغار
يمسكون المنتدا اذا عجزنا ( ياهي نشبه ) ومايخالف لو اصير انا حرمته الثانيه
او الثالثه والسلامو عليكم
المهر المطلوب/مكيف صحراوي
هؤلاء هم العانسين والعانسات في المنتدى
-----------------------------------
... بريد العانسات ...
الأخت((المرعبه)) :-
نحنو لا نتحمل اي مسؤوليه .. دامتس شفتيه وعرفتي انه مهوب اطخم
على كلامه وشوله اعرستي عليه ؟ ، الله يعينتس على اللي طاح في تسبدتس .
الأخت((سويت ))
نبشرتس لقد وجدنا المواصفات التي طلبتيها وان شاءالله خلال
يومين راح يتقدم لتس .
الاخت (( المجهوله ))
انااسف لان الزوج الذي تم اختياره لتس صدمته سيارة ومات وابشري
بالعوض لو نزوجتس ياسر عرفات .
-------------------------
الى هذا الحد نكتفي بهذا القدر وان شاءالله ... نوعدكم ببذل مجهود اكبر في المرات
القادمه ..إنتظرونا وياليت اللي بريده مليان يحاول يفضيه لانا نعاني من هذه المشكله
وتقبلوا تحياااااااااااتي... ^^كليييييييير^^
((والدعوه كلها مززززززوووح))
ماابغى احد يزعل
-----------------------
انتظروا المجموعه الثانيه من العانسييييييين والعانسااااااااااااات
بااااااااااااااااااااااااااااااي ^^
المفضلات