السلامـــــــــــــــــــ ~~~ عليكمــــــــــــــــــــــــ
هذا شعر جبته لكم
يعني مفكر غيابك راح ينسيني هواك
أرجع الله لا يهينك لا تزيد الشوق شوق
حافظ ٍ رقمك وعنوانك وماسكني غلاك
لولا حبك وأحترامك مايعوق الرجل عوق
لولا خوفي من كلام ٍ ينقله هذا وذاك
كان من مبطي سرقتك سرق لو ماني سروق
الصبر له حد عندي .. وأنت معطيني قفاك
ألحقك لو كان طبعي ماني للمقفي لحوق
أدري أنك غبت عني والهوى حره شواك
الليالي فوق راسك جابت اللي تحت فوق
وأدري أنك قلت في صدرك وفي باطن خفاك
أني بعتك بالمحبه بيعة السلعه في سوق
مادريت أن الغصون اليبّس تقاوم جفاك
ودّعت أخر ورقها .. والحيا وسط العروق
طال صيفك مالمحت البرق يلمع في سماك
الجفا خلاّني أنسى بردك ولمع البروق
كل ما أذكر يوم قلت أن العمر كله فداك
أعترف بأن الزمن مهما عطى لازم يبوق
كبريائك وأتزانك رغم توَك في صباك
يعطي لشكلك مابين الناس شخصيه تلوق
وكل ما أذكر ياحبيبي ضحكك ومبسم شفاك
لوجميع الناس تضحك ضحكهم مافيه ذوق
من كثر شوقي لشوفك صرت أشكك وش وراك
يمكن مسوّي لقلبي سحْر منه مايفوق
أرجع الله لا يهينك مابقى غير الهلاك
صبري من دونك كفيل ٍ يضمن لحالي حقوق
والله أنك لو تجيني ماخسرت الا جفاك
الوصل ماهو خساره في حبيب ٍ لك صدوق
وكان ناوي بالقطاعه .. روح لكن .. هاك هاك
هاك قلب ٍ لو طعنته .. يم غيرك مايتوق
وسلامتكمـــــــــــــــــــــــــ





ـــــــــــ
اضافة رد مع اقتباس


..}











المفضلات