عجيبة يا دنيا
عجيبه تشوف واحد من الشباب واقف يتضارب مع الخياط لأن الخياط عنده دفتر يسجل فيه المقاسات والأسعار بالتسلسل والحبيب يبغا الرقم اللي تكون فيه مقاساته يكون رقم مرتب
من أبسط حقوقة...
عجيبه أنك تشوف بنت موظفة تحب واحد من الشباب تدفع فواتير تلفونه وتشتريله الهدايا ( في الغالب أغلى تلفون في السوق ) ومع هذا تكون النهاية أن الشاب الوفي يخليها ويروح يتزوج بنت ثانية يصرف عليها دم قلبه !!
بنت ماصانت عرض أهلها ...ماتصون عرضها..
عجيبه لما تشوف حرمة ( عجوز شمطاء ) والكحل من الأذن للأذن والروج ( روج عيد الحب ) والعطر ( Wish ) والمشية ( خوز عنها ) والمصيبة أن الملف في المستشفى يثبت أنها مصابة بالضغط والسكري وتصلب الشرايين !!
أطلب الميك أب من المهد إلى اللحد
عجيبه لما تشوف واحد من الشباب يرجع من أمريكا يشغلوه مدير قسم مع امتيازات ما يحلم بها رئيس أي دولة ثانية في العالم وواحد ثاني يدرس في جامعة بلاده ( يعفن ) في البيت وآخرتها ما يشتغل إلا بعد ما يمسحون بكرامته الأرض
ليت عيوني زرق
عجيبه من أم خليجية متعلمة ويبدو أنها مثقفة جالسة مع زوجها وأطفالها في كنتاكي وتشوفها تتكلم في التلفون بلهجه خليجية قحة وعلى الجانب الآخر تكلم العيال بلغة انجليزية أمريكية فصحى ... صحيح أنها امرأة عصرية ..!!
أجل كيف لو كانت أمرأة مغربية هههههههههههههههههاهاها
عجيبة أنك تشوف وقت أذان المغرب كل الناس رايحين باتجاه المسجد ماعدا اثنين جايين في الاتجاه العكسي يضحكو ويتكلمو وكأنهم ماهم حاسيين بأي اختلاف بينهم وبين غيرهم !!
الله يهديهم ويهدينا.......
عجيبه أنك تشوف الدنيا كلها تقوم ولا تقعد لأن المسلمين يذبحو الخرفان والأبقار في عيد الأضحى بينما يسكت الجميع عندما يرتكب الهندوس واليهود أكبر المذابح ضد المسلمين وعلى مدار العام !!
هههههههاهاها تذكرت مرة خليت عامل المزرعة يأكل جبنة...وكنت افطر معاه..(تهل دمعة على التواضع) المهم..وبعد ماخلصنا...وريته صورة البقرة الضاحكة...وقام يصيح علي ويبكي وانا اضحك....المسكين خليته ياكل ربة..
عجيبه لما تشوف شرطي يعطي مخالفة لأحد سائقي التكاسي وبعين باردة لأنه يقف في الممنوع بينما تقف أمام التاكسي مرسيدس مكتمه وتقف في ( أم الممنوع ) ولا يكلم سائقها أحد !!
ههههههاهاها إذا كلم هذا الأحد....بيقضي يومة بالتوقيف بعد الاهانات (طبعن) وحتى لو ماكان فيها اهانات بتكبر القضية وبالاخير يطلع ضابط ..داخل عرض..ويتوسط بالموضوع وانتهت.... إرفع راسك انت سعودي غير يتخالف وأنت تقودي..
.................................................. ...................
أؤؤؤؤف تعبت بخلية التكملة بعدين....
شوترن لكم
^_^
المفضلات