مشاهدة النتائج 1 الى 8 من 8

المواضيع: يـا صانع المكياج

  1. #1

    يـا صانع المكياج

    السلام عليكم ورجمة الله وبركاته


    قصيده عجبتني فحبيت انقلها لكم

    اتمنى انها تعجبكم


    يـا صانـع المكيـاج الله يجـازيـك
    خليتني مخـدوع فـي شكـل خلـي

    الله يحـرق مصنعـك مـع مبانيـك
    والمعرض الموجـود في بيكاديلي

    ادعي عسى تعمى وتنشـل رجليـك
    هـذا دعائـي دوم لا جيـت اصلـي

    خليتني اركـض ورا البنت هاذيـك
    واشوفها اجمل غـرام ٍ حصـل لـي

    قلبي عشقها ياحبيبي توماتيك
    وان شافها قلبـي يرحـب يهلـي

    هي رحبت بـي وقالـت الله يحييـك
    وقالت هلا باللي عشق زيـن شكلـي

    وقالت انا اجمل بنت في اللي حواليك
    شف حسني الاخاذ وروجي العسلّـي


    طالعتها ثـم قلـت هالقلـب يبغيـك
    ومن شاف حسنك خلى غيرك يولـي


    ابغي اشوفـك دون مكيـاج يكسيـك
    وابغـي اشوفـك بالجمـال المحلـي


    قالت تبينـي افـرك الوجـه تفريـك
    واشيل هالبـودر وروجـي وكحلـي


    قلت أي نعم قومي عسى الروح تفديك
    ابغـي جمالـك هالطبيعـي يهـلّـي

    قالت دقايق راجعـه لـك واراويـك
    ذاك الجمـال اللـي لعينـك يسـلّـي

    ويوم رجعت لي شربكتني الشرابيـك
    وحسيت الارض تدور وانـا بمحلـي

    الخد كنه ياحياتي سيراميـك
    والوجه شارع مثـل شـارع حولـي

    الوجـه كنـه بيـت كلـه شبابيـك
    من هالحفر في وجهها اللـي يعلّـي

    كلـه سبـب مكياجـك الله يجازيـك
    خليتني مخـدوع فـي شكـل خلـي

    ونصيحتي لكل شاب من غير تشكيك
    لا لا اتسـرع ثـم تنغـش مثـلـي

    اللـي بـلا مكيـاج خلهـا حواليـك
    واللـي تحـط مكيـاج خلهـا تولـي



    اجل التحايا لمن مر من هنا





    انشالله عجبتكم..wink


    "منقولــ"


  2. ...

  3. #2

  4. #3
    ههههههههههههههههههههههههههه
    الله يصيب الشيطان
    وربي قصيدة تضحك ..........هههههه

    مدري ليش بعض البنات يحطوا نص كيلو ماكياج في وجههم ... بالنسبة لي أحب الجمال الطبيعي الهادئ

    عالعموم شكرا عالكلمات الحلوة
    أنتظر جديدك

    تحياتي : نقنق كوول أو سوسو كوول
    ((اعذروني قد أرد في وقت متأخر لأني لاأستطيع دخول النت إلا كل أربعاء وخميس وجمعة بسبب الدراسة ))

  5. #4
    ههههههه مشكووره اختي نقنق كوول على مرورج الحلوو وتسلمين يل غاليه.

  6. #5
    biggrin
    مشكورة ع القصيدة..
    وننتظر جديدك..
    اخر تعديل كان بواسطة » أوراق الـــورد في يوم » 23-11-2007 عند الساعة » 03:40
    attachment




  7. #6
    مشكوره على مرورج يا اوراق الورد و دمتي بألف خير

  8. #7
    خخخخخخخخخخخخخ... قصيدة عجيبة تموت من الضحك!

    تسلمين حياتي على الموضوع الكول! ^^

  9. #8
    مشكوووووره يا نوريكو ساما على مرورج الحلو يا حلوه وتسلمين يل غاليه

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter