السلام عليكم
حبيت نكتب غناوي علم باللهجه الليبييه للاعضاء اليبين و الاعضاء الغير ليبين عشان يتعرفوا على شعرنا و انشاءالله يردوا علينا بشعرهم و ارجوا من الاعضاء اليبين و الغير ليبين اللي يعرفوا غناوة علم او شعر بنفس المعنى من لهجتهم يكتبوها لينا و انشاء الله نكتب الغناوة معا معناها وعالعموم تنفع مسجات للنقال
و نبدء على بركة الله
[GLOW]1-وش أخبارك يلي عليك العين دوم اتعارك.....اتريد تنضرك لكن بعيده دارك[/GLOW]
هنا تسئل عن شخص بعيد عنك و العين تريد اتشوفه و لكن هو بعيد
[GLOW]2-عندك علم ايام الزها و الصوب تمن فلم....تعال احظره[/GLOW]
هنا تبلغ شخص بينك وبينه موده وانقطعت
فتقوله ايام الزها بمعنى الفرح
وكلمة الصوب يعني العشق
تمن بمعنى اصبحت
فلم بمعنى فيلم
احظره اتفرج عليه
[GLOW]3- كيف الصيني عيوني بلاك اصغار يا ناسيني[/GLOW]
هنا يقصد انه عيونه اصبحت صغيره من كثر البكاؤك لانه حبيبه او صديقه نساه
نختم بهذي الغناوة و على حسب التفاعل في الموضوع نكتب غناوه اخرى ارجوا ان الجميع ايشارك حتى بشعر من عنده من جميع اللهجات![]()





اضافة رد مع اقتباس
المفضلات