مشاهدة النتائج 1 الى 4 من 4
  1. #1

    غمزه يوميات طالب راسب في الإختبار

    يوميات طالب راسب في الإختبار





    خلص العام الدراسي وطلعت راسب في الامتحان
    رجعت البيت وحصلت الأسد منتظرني وهو غضبان
    أتاريه عارف بالنتيجة من إبن عمي شحفان
    قلت في قلبي بوريه الدب دومه شغال فتان
    عطاني الوالد كفين وبوكس وقال لي: ما في منك فايدة إنته ولد خربان
    تميت بغرفتي فوق سريري ملان
    أسمع أغاني إيرانية لعلي دريان
    قلت: شو يقول هذا بعد... والله إنه مغني تعبان
    قلت لنفسي: اسمع يا ولد روح شغل الكمبيوتر بدون ما يدري أبوك الطفشان
    فتحت باب غرفتي وركضت شوي شوي مثل ركضت الفيران
    وصلت للكمبيوتر وفتحته وأنا أضحك مثل السبلان
    قالي الكمبيوتر: يا هلا والله دومك مو شايف خير يا جربان
    قلت له: سوي الكونكشن وأنته ساكت لسانك طويل ما منه أمان
    قالي: عشان أبوك الطيب بسويه لكن إنته ولد فسدان
    دخلت النت وفتحت على الشات إلي بالناس عمران
    حصلت أسامي وايد دلوعة سمسومة ونملة ما ناقص إلا أشوف عايلة خان
    جلست أدور وفي النهاية طاحت عيني على وحدة مسمية نفسها كهرمان
    سويت كليك على إسمها وكلمتها برايفيت .... وقلت لها: يا هلا والله بالرمان
    تميت أدعي يا رب ترد عليَّ وتكلمني تراني وايد عطشان
    نطرت وبعد خمس ثواني حصلت رد صغير وحلو يقول: تسلم لي يا جنتل مان
    قلبي دق وطرت من الكرسي مثل الغراب الفرحان
    قلت لها: من وين أنتي يا زمرد يا فرقدان ؟
    ردت عليَّ من البلاد العربية ... وأنت يا فلان؟
    قلت لها: من بلاد العرب المليانة ظلم وطغيان
    قالت لي: صدجت ...والله إنك إنسان فهمان
    قلت لها: شو إسمك وكم عمرك ووين تدرسي ؟؟ إذا بالإمكان
    بعد هذا السؤال سألت نفسي ..أنا شايف خير ولا بعدني جوعان
    ردت عليَّ وبكل ذوق ...أنا اسمي (........) 22 سنه ..جامعية وأنت يا فلان
    قلت: أخ هذي أكبر مني وجامعية بعد وأنا بعدني أحوس في الثانوية مثل الجربوع العرقان
    رديت عليها وقلت: أنا إسمي (......) 23 سنة ..وأشتغل في مدينة كان
    وأنا بيني وبينكم ما أعرف شو هذي كان ووين موجودة بس سمعت انه يسوا فيها مهرجان
    قالت لي: وشو تسوي يا (......) في كان
    قلت لها: الوالد عنده فندق ومخليني مدير عليه وفي الحقيقة الوالد دومه طفشان
    قالت لي: على كذا أكيد لفيت أوروبا وأنت حيران
    قلت لها: أنا ما أحب أروح إلا لندن وباريس مع أني ما رحت إلا السودان
    قالت لي: أكيد كونت صداقات في وايد بلدان
    قلت لها: إتعرفت على كثير بس ما أذكر إلا جون وميتران
    وأنا صراحة ما أعرف إلا واحد مأذيني إسمه عصمان
    كل يوم يتسلف مني على باله بسوي شركه ألبان
    سألتني شو نوع السيارة إلي تسوقها يا (.......) يا إبن فلان
    قلت لها بورش موديل 2002 وأنا ما أسوق إلا بيك أب موديل 79 مال أيام زمان وزمان
    قالت لي: الله يزيدك من نعيمه كمان وكمان
    ما إنتظرت ردي وسألتني ....أنت مرتبط ولا بعدك عايش في عالم العزوبية والتوهان
    قلت لها: أنا وحيد وما في حد يشارك قلبي بالأحزان
    قالت لي: أنا هنا جنبك ما رحت ولا بروح مكان
    رديت عليها وقلت: أنا كلني لك قلباً وعقلا ً ووجدان
    قالت لي: أبى أسمع صوتك تراك وايد عجبتني حسيت إنك إنسان فنان
    قلت لها: وأنا أكثر لأني صرت بحبك هيمان
    بس أخاف تسمعي صوتي وتقولي شو هالطرزان
    قالت لي: ولا يهمك أنا قابلة فيك حتى لو كنت حيوان
    عطني رقمك وأنا أتصل لك خلال ثوان
    قلت لنفسي: خلاص البنت ذابت وصار حبي في قلبها مليان
    توني بكتب الرقم وأحس بهالساطور فوق كتفي غليان
    رفعت رأسي فوق مثل الأهبل فزعان
    ما أشوف إلا الأسد جاي لي من عرينه زحفان
    قالي يا ملعون يابن الملعون جالس فوق الكمبيوتر مثل البريعصي الهربان
    إمشي للغرفة بوريك أنا بخليك تغني أغنية كنت نسيان
    وهو يسحبني من رقبتي مثل الكلب الصعران
    حصلت رسالة منها تقول: وينك حبيبي عطني رقمك خليت قلبي ولهان
    قلت: مسكينة حبيبتي أنا رايح جهنم وهي تحسبني في كان
    وما أقول إلا آه منك يالشات خليت الناس عايشين في
    عالم الكذب والخذلان


  2. ...

  3. #2

    رد : يوميات طالب راسب في الإختبار

    مشكورة عالموضوع الرهيييييييييييييييب

  4. #3

    رد : يوميات طالب راسب في الإختبار

    شكرا على الموضوع الحلو

  5. #4

    رد : يوميات طالب راسب في الإختبار

    شكرا اخي الموضوع فعلا روعه

    مشكوووووووووووووووووووووووور

    اخوك مازنجرز المارد الشجاع

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter