حمدان يا حمدان امك توصيك
قصيده كتبتها ام بعد ان اودعها ابنها دار المسنين وطالت بها المده بها ثلاث سنوات بدون ان يزورها ورغم كل هذا كانت القصيده مليئه برحمة وعطف الام.
ويارب تكون هالقصيده درس للكثير من الابناء.
وين انت ياحمدان امك تناديك وراك ماتسمع شكايا وندايا
يامسندي قلبي على الدوم يطريك ماغبت عن عيني وطيفك سمايا
هذي ثلاث سنين والعين تبكيك ماشفت زولك زاير يا ضنايا
تذكر حياتي يوم اشيلك واداريك والاعبك دايم وتمشي ورايا
ترقد على صوتي وحضني يدفيك ماغيرك احد ساكن في حشايا
واليا مرضت اسهر بقربك واداريك ماذوق طعم النوم صبح ومسايا
ياما عطيتك من حناني وبعطيك تكبر وتكبر بالامل يامنايا
لكن خساره بعتني اليوم وشفيك واخلصت للزوجه وانا لي شقايا
انا ادري انها قاسيه ما تخليك قالت عجوز ما ابيها معايا
خليتني وسط المصحه وانا ارجيك هذا جزاء المعروف وهذا جزايا
ياليتني خدامه بين يديك من شان اشوفك كل يوم برضايا
مشكور يا ولدي وتشكر مساعيك وادعي لك الله دايم بالهدايا
حمدان يا حمدان امك توصيك اخاف ماتلحق تشوف الوصايا
وصيت دكتور المصحه بيعطيك رسالتي وحروفها من بكايا
وان مت لا تبخل علي بدعاويك واطلب لي الغفران وهذا رجايا
وامطر تراب القبر بدموع عينيك ماعاد ينفعك الندم والنعايا
(الله يخليلنا امهاتنا ولا يحرمنا برها)
...منقوووووووووووول...









المفضلات