السلام عليـكم ورحمـة الله وبركاتـه
أهليــن شعـراء مكسـات, شخبـاركم؟ ان شاء الله تمـام
طبعاً هذا ثاني مووضوع لـي بالقسـم والموضـوع الأول حطيته بعام2003
وطبعاً مو من تأليفي, هذا ديـوان من تأليـف خالـي القميـلبعنـوان "نور دنيتي", وطبعاً فيه أشعار أكثر من جذي في الديوان, لكن ماحطيتهم
أتركــكم مع الديـوان
![]()
من بعيـد إليا بعيـد
بسألك يا نور عيني والعـذر موصـول
من بعد ما غاب نورك تحسبينـي ايـش
من بعيد اليا بعيـد استـدرج المؤمـول
واخذ اخبارك عسى يستبعـد التطفيـش
مااقتنع باللي رفضته وان غـدى مقبـول
مااصدق من يقـول ان الحيـاه تطنيـش
من يطنش جرحه اللي في الجسد مغلول!
من يقول ان الزمن يعطي بلا بخشيـش
بعض من جد انتهى فيما وجد من هـول
ما حصد غير التعب ينبي على التهميـش
في زمن صار الطموح اكبر من المعقول
وينه اللي مكتفي بس بالخبـر والعيـش
نحمد الله عالعباده و قسمـة المحصـول
نسأله يغفر لنـا كـلّ الزلـل والطيـش
اتركينا مـن سوالـف هرجهـا بيطـول
دام تزيّـن الحقيقـه يقبـل التشـويـش
من ليالي الهمّ جيتـك والامـل مقفـول
اسمعيني ياالغلا من غيـر ويـن وليـش
ليلة البـارح سألنـي خافـي المجهـول
لو بكت مجنونتك كيف الحـزن بيعيـش
وقتها زاد التسـاؤل والحشـا مذهـول
وش حصل في قلبها لو صوّبه تخديـش
لـعـبـة الأشـواق </B>
اعاند لهفة اشواقي و اخبـي رقـة الاحسـاس
أصارع عاطفة عشقي لجل لعبي يشب جمـرك
أصد بعيد و اتغلى و اولـع فيـكِ الوسـواس
يداعب غيرتـك قلبـي اذا بـدل حـلا بـدرك
نسيتي يوم تجفيني على مرضاة غيـري نـاس
نسيتي وقفتك ضدي و انا شاري علـو قـدرك
مـادام انـك تفنّنتـي انـا فنـي تـرى درّاس
بعلمك السهر والشوق واسكب في الهوى حبرك
ابادلك الشعور اللي سكن فيني و انـا محتـاس
و ابين لك ثقل ما شفت من تقصير في امـرك
شريتك جوهرة ماسه تحلت في السما نبـراس
ابي اعوض ثمن تعبي و ازيّن بالسهر عمـرك
ترى مالي سوى قلبك أجنن نبضـه الحسـاس
ابَرد باللعب صدري و اشب النار في صـدرك
انا قصدي من افعالي يحارب عينـك الانعـاس
ابي شوقك يغنّي لي و يفضح في الثقل ستـرك
بعد ما بانت اللعبه و شاب القلب قبـل الـراس
عرفت شلون اتحايل لجل اكسب شجن عطـرك
طلبتك اقبلي عذري و لو شابه غصـن يبّـاس
كبير القلب يتسامح .. ترى قلبي قبـل عـذرك
مافي ابشع من مكابر تشتت ثروتـه الافـلاس
ولا اظنك تهجريني وانا اللي مسكني قصـرك
اذا قلبي ذهب خالص ترى قلبك خُلـق ألمـاس
انا كلي لو اتجمل صعب اوصل ضفر شبـرك
ترى مهما زعل قلبك أبد صوب الجفا مـا داس
خبرته في الغنج مبدع و لا يقـوى أبـد يتـرك
صدى نبضي نغم رايق و صوته عالي الاجراس
أحبك موت يا حلوه و كلـي مدمـن ٍ ذكـرك
سـوالـيـف الـقـصـيـد
وش بقى في خافقي من غرامك ما ظهـر
والهوى تفضح غلاته سواليـف القصيـد
عاطفة حبك روت لي من امطارك نهـر
والشعر رتب لي اسهر على الطرق المديد
حبّ بذره في الصحاري نبت منها زهـر
مثل شمس ٍ اشرقت في شتا وهج الجليـد
من ألم دافي شقا مع فـرح ميـت قهـر
شاعر ٍ يوصف متاهـات قلبـه بالوريـد
الاسير اللـي غيابـه تعـدى لـه دهـر
لو يجيب السلم اسرى بقـى بـدره فقيـد
التعاسه والكرب حاصرتنـي مـن شهـر
لا مدادٍ من ديـارك يوَصـل لـي مفيـد
لو فرضنا كل غبي قال حكمـه واشتهـر
كيف يمكـن للنوابـغ تحقـق مـا تريـد
كل طامح لو خسر يدفـع احلامـه مهـر
والمشاعر لا طغت تفقد الـراي السديـد
ضيم قلبي في اللقا نـال همـه وازدهـر
دام طبعك في المواعيد ما يعطـي اكيـد
نلت من طول المشاوير دمعـات السهـر
كيف بنجح من شتاتي وانـا طالـب بليـد
الجمال اليوسفي
اسـمـك يـحـلــي فــي الـغــزل أحـلــى دلال
لـو بـوصـف اطـبـاعـك حـلا اسـمـك يـضـيـف
زيـن ( الـجـمـال الـيـوسـفـي ) فـيـك امـتـثـال
أي وا لـلـه انـك مـضـرب الـزيـن الـعـفـيــف
نـظـرات عـيـنــك تـسـقــي الـعـاشــق زلال
و انـفـاس ثـغـرك عـطـرهـا لـلـبـرد صـيــف
لامـن مـشـيـتـي يـفـتـخـر فـيــك الـظــلال
و لامـن حـكـيـتـي تـنـثـري هـمـس ٍ لـطـيـف
لـبــى فــؤادك لا عـشــق سـهــر الـلـيــال
يـنـبـض بـحـبـي أسـئـلـه كـمــا ً و كـيــف
كـأنـك حـصـرتـي شـوق قـلـبـي فــي ســؤال
اشـتـاق لـك شـوق الـنـظـر عـنـد الـكـفـيــف
اوراق شـعـري لـو غــزت وصــف الـجـمــال
مـهـمـا غـزت حـسـنـك تـرى قـصـدي شـريـف
مـن فـاز قـربـك عــاش فــي جـنــة وصــال
و مـن نـال قـلـبـك مـا اخـذ غـيــرك ولـيــف
لـلـطـيـب بـذره تـنـزرع تـحــت الـخـصــال
و انـتـي خـصـالـك أثـمـرت قـلــبٍ نـظـيــف
يـا لـلأســف وصـلــك مــا رده بـانـفـصــال
اعـمـاق حـبـك مـوطـنـه غـامــض مـخـيــف
لــك عـاشــق ٍ غــازي فــؤادك بـالــحــلال
امـا انـا كــل مـكـسـبــي عـاشــق وصـيــف
حـظـي فـقـيــر ٍ مــا لـقــى لـلــرزق فــال
مـثـل الـيـتـيـم الـلـي ورث كـنـز الـرغـيــف
لا صــار قـلـبــك مــن ورق عـنــد الـجــدال
كـيــف الــفــراق يـريــحــك بالله كــيــف
قـلـبـي مـجـاهـد و الـوفــا جـنــد الـرجــال
ذكـراك يـبـقــى وان غــدى حـبــي عـفـيــف




بعنـوان "نور دنيتي", وطبعاً فيه أشعار أكثر من جذي في الديوان, لكن ماحطيتهم
اضافة رد مع اقتباس














المفضلات