كم تشتكي في الاصل عنوان لقصيدة معرووفه للشاعر المشهور ايليا ابو ماضي بس انا مش جاي عشان انشر قصيدته انا ألفت قصيدة على نفس القافية بس بطريقة ساخرة ودي مش سرقه دا نوع معروف من الشعر اسمه الشعر الحلمنتيشي شعر ساخر بيكون فيه خلط بين العامية والفصحى واحيانا ممكن الشاعر يجيب قصيدة مهورة ويطلع قصيدة على نفس النمط بس ساخره ولها نفس المطلع ومن اشهر القصايد في الشعر الحلمنتيشي ((المشعلقات )) للشاعر حسين شفيق المصري الي الفها على نفس نمط (( المعلقات ))
مطلع القصيده الاصليه للشاعر ايليا ابو ماضي بيقول
كم تشتكي وتقول انك معدم *** والارض ملكك والسما والانجم
<<< الميم مضمومه على فكره
اسف على الاطاله في المقدمه
بس يلا خليكو مع قصيدتي وماتنسوش الاراء في الاخر
------------------------------------------------------
كم تشتكي وتقول انك معدم *** وطول اليوم في الشوارع صايع تلعب
وليل نهار مابين البلاي ستيشن والنت *** في فلوس ابوك الشقيان تصرف وتنهب
ومن السايبر الى القهوه تقعد *** مع الشله وتمسك الشيشة وتشرب
وشوية شوية تروح حتة ضلمة وتتدارى *** وتطلع سجاير الحشيش وتضرب
ولو شفت ابوك او اي عسكري جاي *** على طول من الشارع التاني تزوغ وتهرب
ومنفض للدنيا خالص ولا شايل في دماغك *** والبلد قدامك خلاص بتخرب
وربك بعدت عنه وماتعرفش عن دينك *** ازاي حتى انك تركع وتسجد
فالح بس تزهق ابوك ليل نهار *** وتزن على دماغه وشاطر في الفلوس تطلب
زمان كان الي زيك نهارا يقود الجيش *** وليلا يسهر لكي يدعو يتعبد
ويقضي ليله ونهاره مابين *** صيام وقيام وصلاة وتهجد
هقول ايه بس غير ربنا يهديك *** ويرجعك لرشدك وتبطل تصيع وتلعب
او تيجي مصيبة تاخدك وتريح الدنيا منك *** مانت مافيش منك فايدة تطلب
بكره اهلك هيخلصو منك *** ويروحوا يدورولك على عروسه عشان تخطب
قولي ازاي هتربي عيالك *** وانت اصلا محتاج تتربى من جديد وتتعلم
نصيحه مني الحق نفسك قبل ما تندم *** في يوم ما ينفعش فيه التندم
يوم الحساب دا يوم عسير ومصيرك *** يا اما الى الجنه يا اما الى النار ستسحب
لسه ممكن تلحق نفسك وتختار *** تروح الجنه ولا توح جهنم
الجنه عاوزه عمل وعباده *** مش عيشة في رغد وترفيه وتنعم
اسيبك تفكر عساك توصل لقرار *** والاختيار سهل مافيهاش سهل واصعب
واوعى اسمعك تاني بعد كده *** بتشتكي وتقول انك معدم
----------------------------------------------------------



اضافة رد مع اقتباس





..الـلهم ارحمني برحمتك ووفقني بتوفيقك يارب العالمين ..
المفضلات