يا صباح الفل على كل اعضاء وعضوات منتدى مكسات
انا بصراحه النهارده جايبلكم قصيده من تأليفي
قصيدة سياسية بعنوان (( بحبك يا مصر ))
المهم خليكو مع القصيده وقولو لي ارائكم لما تقروها
-------------------------------------------------------
في كل زمن وكل عصر *** هفضل اقول بحبك يا مصر
بحبك برغم عيشتك العذاب *** بحبك برغم حكومتك الهباب
حكومه ظالمة وكلها فساد *** خلت عيشتنا كلها سواد
والمسئولين في الهنا نايمين *** قايمين نايمين شاربين واكلين
ويا شعب انت روح في داهيه *** تاكل تراب تاكل زلابيا
وناس في السجون بريئه *** ذنبهم انهم قالوا الحقيقة
متعذبين شايفين الذل *** وقال ايه : هنخلي عيشتكو فل !!!
وهنطبق شرع الله والدين *** طب يلا روحوا يا كدابين
ديـــن الله وحـــــاربتوه *** وكـــــل متـدين واعتقلتــوه
والعدل دا دسوتوه بالجزمة *** ماهو عندكو مالهوش اي لازمة
وكل معارض بهدلتوه *** وفي اقذر السجون وسجنتوه
بس مهما عملتو وبذلتو جهود *** صوت الحق هيفضل موجود
وفي كل الازمان والعصور *** صاحب الحق كان دايما منصور
فمهما حاولتو ومهما بذلتو *** صوت الحق هيفضل فوقكو
والتعليم بقى حالته طين *** كله منكو انتو يا فاسدين
خرجتولنـا افـشـل نــاس *** ناس ميته معندهــاش احســاس
ماهو التوربيني وعمايله الفظيعه *** نتيجة عمايلوك السوده الشنيعه
خرجتولنا جيل نانسي وهيفا *** وشباب مشغول بحاجات هايفه
الله يرحم ايام العقاد ونجيب محفوظ *** ايام ما كان العلم في صدورنا محفوظ
وكـــان لينـــا بين الامم مكـــان *** الله يرحمهـــا ايام زمـــــان
والسلطة بتخططو لتوريثها *** من محمد لخديجة وجمال عريسها
والبلد واخدينها في ايدكو حلاوة *** والشعب عندكو ارخص من البقلاوة
صنــاعــه زراعــه سياســه اقتصــاد *** كله اتدهور وبقى اخر فســـاد
ويا شعب لو مش عاجبك غور *** واشرب عندك السبع بحور
واخبط دماغك في اكبر حيط *** مش كفايه انك عايش وعندك بيت
فمنكو لله يا شوية ظلمة *** نزلتونا بعد ما كنا اخر عظمه
ومكانتنا اتدهورت بين الامم *** بعد ما كنا في اعلى القمم
لــكــن لـحـــد فين الــهــروب *** عنـــد الله حقنـــا مكتوب
واكيد اكيد هييجي يوم *** يرجع فيه الحق لكل مظلوم
وفي كل زمن وكل عصر *** هفضل اقول بحبك يا مصر
بحبك يا مصر
----------------------------------------------------------
دلوقتي انا مستني ارائكم وانتقاداتكم في شعري



اضافة رد مع اقتباس
..الـلهم ارحمني برحمتك ووفقني بتوفيقك يارب العالمين ..




المفضلات