القصة اليوم قصة من خيالي الخصب وهي تتكلم حول امر منتشر بين البنات في مجتمعنا وهي حفلات

الرقص او ( الدي جيه ) 00 كما يسمونها البنات الكلاس والبنات القراوى يسمونها زيران

المهم القصه تتكلم عن حفلة من هالحفلات المنتشرة

بكل مافيها من خير ( ماعتقد ) وشر (اعتقد ) 000

طبعا القصه انا راح ارويها لكم كحكايه مالي فيها دخل لا من قريب ولا بعيد 000

يعني ماني في الفيلم ( والله قهر ) 00

المهم نشوف بعض المعلومات عن القصه او الفيلم حقنا 000

الزمان / في عطلة الصيف لعام 1422 هـ ( يعني طازجه )
المكان / مدينه ساحليه في المملكه ( اختر : الرياض او جدة صعب مرة )
الابطال / طبعا بنات بس 00
اماني : بنت بالجامعه تموت بشي اسمه اغاني غربيه ( ايه هين ماتدري وش يقولون
رهـــف : اخت اماني الصغيره وهي راعية الحفلة وتموت بشي اسمه جواد
العلي المطرب ( تراه يشبه لي 000 بس في نوع الشماغ )
باقي البنات :
نوسا – ندى – افنان – روزا - رغده – ميمي – لجين – نورا – فوفا – ( كنها اسماء قطط صغار
وكم بنت رفضو نحط اسمايهم(يستحون
مجموعه من السواقين اللي متسدحين في بيوتنا
مجموعه من الاشرطه الغربيه والعربيه
مجموعه من الشغالات لزوم البهرجه بس ماعرفت اسمايهم صعبه
التاليف / كريم ولد ام كريم
الاخراج / كريم كرميل ( عشان رمضان
انتاج / 2001
المده / من : 7 المغرب الى : 5 الفجر تقريبا ( طويل مره
النظام / بناتي بس
لاول مره القصه معها بوفيه مفتوح

ملاحظه / جهزوا شاي ومويه وعصيرات وفشار وحب
وبليله وعطوها جلسة او كنب وتمتعو مع الفيلم 000
الراعي الرسمي / محلات محمد عامر 00 لصاحبها احمد محمد



-------------------
في مدرسة من مدارس البنات الثانوي تحديد فصل ثالثه ثانوي /ج حوار بين بنتين هم
رهف وصديقتها نوسا 00 رهف انشاء الله لم تطلع النتيجه باسوي حفله دي جيه
نوسا الله فكرة تجنن ( تبي تنعزم وبس بس لازم تكون مميزه رهف اكيد انا ماحط أي
شي ( ياثقة انتي ماتعرفي بنت مين انا 00 نوسا عارفه عشان كذا اذكرك ( خوافه )
مرت الايام بسرعه وطلعت النتايج رهف في بيتهم تتكلم مع نوسا وتقول خلاص الخميس
الجاي قررت اسوي البارتي = حفله نوسا حلو بس نبغاء شي مميز رهف اكيد راح تنهبلو 00
رهف واختها اماني يتكلمون 00 اماني : تبغين تسوي حفلة رهف ايوه طيب بادعو كم صاحبه لي
رهف : اوكيه = نعم بس لازم تجهزي معي البارتي = حفله اماني : خلاص ايش تبغي نحط
رهف : فكري معي 00 اماني : شوفي البنات لازم مايطلعو اكثر من 15 الى 20 بنت بحد اقصى
وراح نعمل بوفيه مفتوح ونحط الحفله في الدور الاول لانه مفتوح على بعضه 00
( ماعتبره بيت  ماعندهم مجلس ولا مقلط وراح نسوي انوار ودخان وحركات زي البست
ونجنن فيهم ونخليهم يموتو من القهر ( عازمينهم عشان يقهرونهم الظاهر)
وراح نسوي كروت للحفله بالكميوتر عربي انقلش = انجليزي بشكل يجنن ( الظاهر عرس مو حفله)
رهف : حلو كذا ابي البنات يتكلمو عن الحفله سنه قدام عشان يعرفو مين هي
رهف بنت العز ( عايله جديده ) وابي نجيب اشرطه كثير اليوم راح اجيبهم من السوق 00
المهم في يوم الخميس يوم الحفله الساعه 2.30 ظهر الاخوات اماني ورهف
دوبهم صحيو ( خيشة نوم ) وبدو في التجهيز للحفلة طبعا الاهل طلعو سافرو اليوم
عشان يفضى لهم الجو ( قمة الاخلاق ) طبعاكرت الحفله مكتوب عليه /
---------
اماني ورهف تدعونكم لقضاء اجمل بارتي معهم 00 اجمل برنامج راح
تشوفونه (اكل ومغناء وقلة صنعه ) الحفله من الساعه 8 مساءً الى نور الصباح ( توقيت جديد 0
الدعوه خاصه جداُ 00
---------
المهم البيت فيه طاوله كبيره عامره بانواع الاكل والمشروبات ( بديت اسعبل )
الاضاءه خافته ( ماشوف ولعو اللمبه والجدران محطوط عليها اوراق وقصدير وحركات مع الاضاه تحس
انك في ديسكو وفيه بالركن حق الصاله استريو كبير ( كنه سيارة صغينونه احسب ثلاجه )
وكيس مليان من
الاشرطه المنوعه من كل نوع ( قصدي محل اشرطه في كيس ) المهم الساعه قربت من السابعه
والنصف ورهف و اماني قاعدين يجهزون في حالهم من لبس ومكياج وشعر وتعديل
في ملامحهم ( سلمني على الثوب والشماغ
المهم الساعه 8 وخمسة دقايق جرس الباب يرن الشغاله فتحت الباب بنتين هم نوسا وروزا دخلو
( الظاهر مو مصدقين انهم انعزمو ومعهم شغاله شايل شنطه ؟؟ معها البنات دخلو وجلسو في
الصالون ( الكنب مو السيارة ) نزلت رهف واماني اهلين ايش الحلاوه هاذي تجنني 00
( ينصبون على بعض) المهم كل شوي الجرس يرن يدخل بنات ومعهم شغالات وشناط ؟؟
( حفلة شغالات وشناط شكلها ) المهم البيت مليان بنات والموسيقى تدهر تهددني تحب ثاني
وتنساء الحب 000 وبنات مدهرين رقص (فيهم من النشاط اللي يبني بيت واللي تلعب في شعرها
الطويل واللي تهز كتوفها ( ماعندها شعر واللي تسوي 0000 (ماقدر اقولها الرقابه )
طبعا اللبس الله واكبر عرض ازياء عيني بارده اشي بناطيل اشي ملابس اشي جزم اشي
مكياج و عطور ( تقول قناة Lbc اللبنانيه) طبعا راح نختار عينات من البنات ونتكلم عن اشكالهم 00
اماني : لابسه تنورة سوداء ضيقه وقصيره ( مدري كيف تتحرك ) وبلوزه لونها فاتح فاكه
شعرها وحاط مكياج فاتح وطن كحل ومحدده عيونها تحديد ( ولا حدود دوله على خريطه ) ولابسه
جزمه اطول من الفيصليه شوي ( احس انها تقول نزلوني )
رهف لابسه بنطلون جينز موف وتي شرت كت على صورة جواد فنانها المفضل و قاصه شعرها كاريه
وحاطه مكياج ومحدده عيونها بظل ازرق ( احسبها BMW ) وبوت سبور عالي
نوسا : لابسه بودي بيج وبنطلون ضيق ( تحس انها راح تموت فيه ) وبوت سبور عالي
لجين : لابسه تنوره جلد وتي شيرت بدي وحاطه عدسات زرقاء ( شكلها تحب الهلال ) وبوت عالي
ميمي ورغده : لابسين لبس واحد مطقمين زي بعض لابسين شيال جينز وقبوع وتي شيرت ابيض
وبوت بيج صغير ( الظاهر يبونه ارخص لهم )
فوفا و افنان : حالقين ولد ولابسين جينز مقطع ( احسبهما طفرانات اثرها الموضه )
والي لابسه قصير والي مقطع واللي احسبها لابسه مايوه من قل الملابس عليها

(اشكال ماعمري شفتها غير بالدش )
المهم افنان : تبي اغنيه غربي وتقول من يتحداني في الرقص عليها اماني : انا بس لو غلبتك ايش لي افنان اعطيكي
شريط فرقة ( D – O – M ) اماني : اوكيه 00
رهف : بدلة الشريط أي اغانيه تبغين يافنان : افنان ابي اغنيه راب اشتغل الشريط
والانوار تتحرك على الارض السيراميك وعامله جو وافنان تدهر اشي يمين اشي شمال اشي فوق
وتحت قلبت راسي (وانواع المطامر ) الين انتهت والبنات اوه اوه افنان افنان جاء دور اماني
تبي اغنيه لسبيك جيرل وتبداء تدهر انواع الرشاقه الى ان انتهت ( ترقص كويس الحق حق )
البنات بصوت واحد اماني وبس وافنان خس ( هم اللي يقولون ) المهم فيهه بنتين طلعو برا البيت راحو
جهة المسبح ايش عندهم اسمعي هاتيه انا الاوله ؟؟ لا انا ؟؟ دخاني وانا حره فيه طيب يالله
هاتي سيجارة و مافيه غير تدخين وحرق ( كنهم اصحاب تاكسي ) تصدقين راسي بينفجر مادخنت
اليوم بس الحين مخمخت ( الظاهر ابوعرب مو بنت ) نخليهم لا نطيح فيه 00
فيه روزا جالسه بالركن البعيد الهادي وتكلم فبي الجوال الو هلا قلبي كيفك لا لس دوبي بالحفله
ياليتك معي بس قهر حفلة بنات بس احبك تسمع الاغنيه الموجوده دحين بالحفله هديه لك 00
احبك حب جنوني واضمك بعيوني 000
يالله حبيبي باي البنات ينادوني طبت عليها نورا ايش عندك مين تكلمي قاعده اكلم حبيبي 00
بالله من متى تعرفيه اعرفه من اسبوعين اوه فترة طويله والله
نرجع للرقص مع اغنيه عاشقه لنجوى كرم ونشوف بنتين يرقصو عليها رقص بس كنهم ولد وبنت
مو بنتين 00 رهف تكلم رغده وتقول شوفي البنتين اللي بيرقصو على الاغنيه عاملين لي فيها حبيبه
الاخوات هاهاهاها ( اهل العقول في نعمه )
فيه بنت جالسه على الكنبه وتقول لوحده مافيه اغاني شعبيه ( تبي تنطرد شكلها )
شوي نوسا تحط اغنيه لجواد وتهديها لرهف 00 غبت والشوق طول 000 رهف بتصيح من الفرحه
ماهي مصدقه حالها 00 شوي وتنحط اغنيه الله يازين اللي حضرت 000 لراشد الماجد والبنات كلهم
يرقصون عليها يحبون راشد وكل وحده في نفسها تقول انا اللي حضرت
وشوي اكل وشوي رقص مايتعبون ( انا تعبت من الكتابه وهم لا ) فيه بنتين عند ركن الصاله
يسولفون وحده تقول بالله ذا بيت الثانيه لا والله حلو الاوله انتي وش فهمك في الذوق بالله شوي
لبسهم الكبيره كنها عامله بمكادونلدز والصغيره كنها من البزران
اللي يجوبون كور بملعب تنس الثانيه هاهاهاهاها حرام عليكي ( الحقد عاده بشريه ) الساعه تقترب من 3.30 ليلا وهم ماتعبو
طبعا الحين فهمت ليش الشغالات والشناط البنات جايبين معهم لبس ثاني لازم يكشخون والشغالات
يشيلون لهم الشناط تقل راح يسافرو ياحياتي البنات غيرو لبس كم مرة ( عرض ازياء منزلي )
شوي ندى : تحط اغنيه لخالد عبدالرحمن 00 انتظرت وقلبي احساسه يقول 000 يوم فيه بنت جتها
حاله الظاهر بيغمى عليها تموت بشي اسمه خالد عبدالرحمن اشوى تحملت الصدمه
وعلى هالمنوال اغنيتين غربي ووحده عربي طوال الليل الين قرب الصبح يطلع البنات قررو يمشون
الى بيوتهم ( بدري ياجماعه ) ويطلعون الى بيوتهم ويخبطونها نومه العاقله فيهم بتقوم المغرب
وطبعا الحفله صاير فيها اشياء 00 طبعا فيه اشياء مانقدر نقولها عشان الرقابه بس معروفه
المهم انه هالحفلات فيها الزين والشين وتعتمد على مجتمع البنات ومن هم والاهم انتبهو لنفسكم
الاسماء اللي في القصة لاتمت للواقع باي صله وهي من الخيال يعني لاحد يقول انااللي بالقصه

النهايه