مشاهدة النتائج 1 الى 12 من 12
  1. #1

    ==== يــاخاين العـهد ====

    brrosebar1

    الـــــــــسلام عليكم ورحمة الله وبركاتة

    ياللي زعلت إزعل ولاني مراضـيك ..... أشرب كدر ماي البحر كانه أرضـاك

    لا تحسب أني عقب صدك بداريـك ..... بأعز نفسي عنك مـدراك مــدراك

    أربـع ســنين وأنا متحمـل تغليك ..... راضي بتعذيبك لأجـل قلبٍ أغـلاك

    وخليتني واليــوم والله لأخـليـك ..... وأدوس قـلبي لينـه يقـول خـلاك

    قبـل توريني الحسـاير بأوريــك ..... ليمن يقـال فـلان هانـك و ورآك

    كـانك تحداني فأنـا أقبـل تحـديك ..... وأنسى الغـرام اللي مـضى وأتحداك

    مـاني بقايـل لك عسى الله يهنيـك ..... الله يحـرمك كـل مـا كان هنّــاك

    عـسى العمـى ياخاين العهد يعميـك ..... فوق الغرور اللي عن الماضي أعماك

    وعسـاك ما تسمـع قريب يناديـك ..... حيثك تجاهل صوت محـروم نـاداك

    وعسى الشلل يعـوق رجـلٍ تمشيك ..... لـينك تنـدم ليـه غـيرت ممشـاك

    وعسى حياتك بس فرحـة لشـانيك ..... يلقى بها الفـرصـة عدوك ويشناك

    وعسى الليـالي اللي تجيني بطاريك ..... يصبح عليها الصبح ويموت طريـاك

    وعسى المنـام وكل راحة تجافيـك ..... آمين حتى اللي تمنــاه يجفـــاك

    وعساك ما تفـرح وتكثر بـلاويـك ..... وأمك تشـق الجيب من عظم بلـواك

    وإلى مت جعلك في جهنم تصـاليـك ..... نار الجحيم ونار دنياك تصـــلاك

    الله يكـره فـيك حـتى دوانيــك ..... غشـاش خـاين من من الناس داناك

    هذه النهايـة روح والله يجازيــك ..... أمسـك ويومـك عنهم الغد يجـزاك

    brrosebar1

    وتقــبـــلو خـالـص تحيـاتي ،،،


  2. ...

  3. #2

    رد : ==== يــاخاين العـهد ====

    مشكووووووووووووووووور اخوي على هذه الكلمات الجميله

    بس مو كأنك عطيته إللي يستاهله وأكثر

    وماعليك يا خوي الضربه إللي ماتكسر الظهر تزيده صلابه

    وأن شاء الله نشوف المزيد من مواضيعك الحلوة

    تسلم أخوي ولا تقاطعنا

  4. #3

    رد : ==== يــاخاين العـهد ====

    اخوي عاشق السراب

    اذا كان هناك شئ جميل فهو ربحي لقلمك النابض بالاحسـاس ،،،،


    اشــكرك على مــــرورك العـــطر ،،،


    تحياتي لكـــ ،،،

  5. #4

    رد : ==== يــاخاين العـهد ====

    مشكووووووور أخوي على هذي
    الابيات الجميلة والرئعه .

  6. #5

    رد : ==== يــاخاين العـهد ====

    كـانك تحداني فأنـا أقبـل تحـديك ..... وأنسى الغـرام اللي مـضى وأتحداك
    صح لسانك اخوي (....) بس مو معقول يستاهل منك كل هذا وانت كاتب فيه
    هذي القصيدة اللي لو هي هجر ودعاوي رائعه وشلون لو كانت حنونه ومن
    قلب محب ........... اتصور حتكون اكبر من الخيال gooood
    اتمنى أقرى المزيد والمزيد لك وللأمام انشاء الله embarrassed embarrassed embarrassed

  7. #6

    رد : ==== يــاخاين العـهد ====

    بصراحة قمه ورائعة جداً
    عجبتني كثير بس حرام ماخليت دعوة مادعيتها
    ومشكوووووووووووووور على الكلام الحلو

  8. #7

    رد : ==== يــاخاين العـهد ====

    صح السانك يا الشاعر الكبير ][][oOooOo][][
    مره حلو

  9. #8

    رد : ==== يــاخاين العـهد ====

    اشكركم على مروركم الجــميل وتعــلقيكم الاجمل

  10. #9

    رد : ==== يــاخاين العـهد ====

    الله يسلم يمينك

    على هل همسات

    الحلوه

    بليز لاتحرمنا من ابداعك

  11. #10

    رد : ==== يــاخاين العـهد ====

    تســلم لي والله على مرورك العطــر

    وتعقيبك الجمــيل

    تقــبل خــالص تحيـــاتي ،،،،

  12. #11

    رد : ==== يــاخاين العـهد ====

    حلوة الكلمات

    بس مو كأنك ياخوي قسيت عليه وايد

    وتسلم

    دانة

  13. #12

    رد : ==== يــاخاين العـهد ====

    اختي دانة

    اذا كان هناك شئ حــلو فهو وجودك في صفحتي ،،،

    اشكرك على مرورك العطر ،،

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter