مشاهدة النتائج 1 الى 3 من 3
  1. #1

    سالفة الاسبوع من ام علي

    سوالف ام علي ( الشباب والحوادث )
    سلام عليكم ياحلوين ... اليوم سالفتنا عن الحوادث اللي زادت هالأيام في الشارع الكل يسأل من الرادع لهذي الحوادث وليش المرور والبلدية والداخليه والصحة ووزارة الاوقاف ( شدخلها ) ما يتدخلون ويحلون المشكلة على غيرهم لكن ليش الواحد ما يقول كلمة الحق .. انا بقولها !!!
    بصراحه كلنا نشترك في هالمشكله بس الاساس البيت .. يعني لما اسرة تعطي ولدها السياره وعمره 16 سنه ولما اسرة تخلي طموح ولدها قيادة السيارة لأنها تقول له انجح وانا اشترلك سيارة ولما الولد من صغره يشوف ابوه وعمه واخوه ما يلتزمون بقواعد وآداب المرور ولما الاهل يرفضون يدخلون ولدهم مدرسة سواقه لأن ولدهم تعلم السواقه على يد (ربعه) ... بعد كل هاي ما يحق لنا نلقي اللوم على غيرنا لأن الخلل في التربية من البيت اصلا ..
    خلين ياقول لكم بطريقة ثانيه .. ليش في شاب يصلي وشاب لا ... ليش في شاب يلتزم بالقوانين وشاب لا ... ليش في بنت محجبه وبنت لا .. لأن كل هذي الاشياء الواحد اول ما يتعلمها في البيت وتظل طول عمره معاه ويعلمها لأبنائه
    احنا ما ننكر القضاء والقدر .. لكن ما ننكر ان طريقة تربية ابنائنا في ان نخلي حلم كل شاب ان ينجح ونشتري له سيارة سبب من اهم اسباب الحوادث
    طبعا هذا الشي ما يخلي مسؤليه ادارة المرور اللي ماتكون حازمه في بعض المواقف واللي لازم تردع كل شخص يخالف القوانين.
    وفي نفس الوقت ما تخلي مسؤلييه وزارة البلدية اللي ما يعرفون الموظفين فيها حتى الان طرق السلامه ... فمثلا اذ كانوا ناويين يصلحون نقطه معينه في شارع او يرشون الشجر بمبيد او يسقونه ماي ما عليهم الا ان يوقفون في نص الشارع ويحطون على بعد مترين او ثلاثه حاجز صغير لا وعلى الخط السريع بعد
    اذا كل واحد فكر في اللي يسوييه واعترف بخطأه وصلح الخطأ راح نسلم من نسبة كبيرة من الحوادث اما اذا كل واحد بيدفن راسه في الرمل فعلينا السلام
    والحين خلوني اقول لكم نصايحي اللي بتنفعكم
    1- البنات : ياترى كل وحده منكم ايش جهزت للعيد من فساتين واكسسوارات وو.... وكم الف دفعته كل وحده فيكم حق هالعيد
    وكم يوم لفيتي في الاسواق والمجمعات ... وكم اخذ هذا كله من وقتج
    وسط كل هذا كم وحده فيكم فكرت تروح الحج !!!
    2- المتزوجين : اللي يعينكم على مطالب العيد ... ماخلص العيد اللي فات واعتدل الراتب الا نزلوا هالراتب مرة ثانيه قبل نهايه الشهر .. ودفتر مطالب العيال وامهم كل يوم تزيد ... احسن لك اخذهم وسافر احسن من مصاريف العيد
    3- العزاب: انت احسن واحد ... سهرة ليلة العيد ..رقاد يوم العيد .. تقوم تتغدا وتروح السينما ... ولا كأنه صاير شي ..

    (I'll never forget you (Mexat
    96c7c21334acc0f869f710b0e3f5456573750331b41b81d83f6d46104e170941



  2. ...

  3. #2

    رد : سالفة الاسبوع من ام علي

    lمشكور على الموضوع الحلو

    وكلامك صحيح 100%

  4. #3

    رد : سالفة الاسبوع من ام علي

    wink لووووووووول كثر من هالمواضيع اخوي

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter