مشاهدة النتائج 1 الى 5 من 5
  1. #1

    على الله يازمن بشكــي جروحي والليــالي طوال

    على الله يازمن بشكي جروحي والليالي طـوال
    عسى راعي العنا ينسى عناه وينشرح صـدره
    .

    على الله يازمن بشكي همومي و(الهموم جبال)
    تعدّت عاصمة حزنـي حـدود العالـم بأسـره
    .

    خساره يالسنين اللـي كتبتـي سيـرة الرحـال
    فرحت أمس وحزنت اليوم بس الخوف من بكره
    .

    لساني كم (شكى صمته) والى منّه حكى ماقـال
    طغى (طبع السكوت) بسيرة المحروم من صغره
    .

    سقى الله يوم كنت اضحك وبالي مستريح البـال
    ضحوكٍ ماعرفت الحزن وش معناه وش قـدره
    .

    وكبرت وكبرت أحلامي وصارت قصة الترحـال
    أماني في مهب الريح وحلـمٍ (ماكتمـل) بـدره
    .

    بعذر اللي مع أيامه جلس (يبكي) على الاطـلال
    تذكر ماضي أفراحـه اليـن (خنقتـه العبـره)
    .

    عزيزه يالعيون اللي حضنتي (دمعـة) الرجّـال
    حبستي دمعته بين المحاجر يوم (ضاع) امـره
    .

    عزيزه يالحروف اللي (سكتي) والكـلام يقـال
    حكيتي.. (ماشكيتي) الهمّ وهمّ القلب (ياكبـره)
    .

    عزيزه ياليدين اللي ثنيتك (باصعـب) الاحـوال
    اكفّك ساعة الحاجـه وامـدّك ساعـة القـدره
    .

    وعزيز النفس لو يصبر على (صبر) الليالي نال
    ابصبر والرجل يصبر ومقياس الرجـل صبـره
    .

    انا منهو (حمل همّه على راسه) تقـول عقـال
    مجاديف الزمن (دارت عليه) ونَسّـف الغتـره
    .

    وانا منهو فقد صوته وبعض الصوت به مـازال
    دعيـت الله يفرّجهـا علـيّ (وبحَّـت النبـره)
    .

    أشيل الحمل عن غيري وحملي صار (ما ينشال)
    كما الشيخ الهزيل اللي مشيبه (منقضٍ ظهـره)
    .

    (جروحي مزنةٍ ) منها هطل فيض الشعر همّال
    سقت جدب العروق اللي تبلـل ريقهـا قطـره
    .

    وعن (حر الزمن) صارت حروفي للجروح ظلال
    تذرّت عن (هبوب الياس) حلمٍ قد بنـى قصـره
    .

    عساها للمطر روحٍ بها وادي (الظما) ماسـال
    عروق سنينها جفّت وورّاها (الزمـن غـدره)
    .

    عساها للمطر روحٍ قضـى مرباعهـا ماطـال
    كساها (ثوبها الاصفر) .. وكانت تلبس الخضره
    .

    على الله ينجلي وقتٍ قضيته (همٍ) و (غربـال)
    ويشعّ النور في قلبٍ غشى (ليل الظَلَم) فجـره
    .

    (على الله) والولي الله وبامر الله يزيـن الحـال
    ويضحك للزمن قلبٍ مع (همومه) قضى عمره

    للشاعر :عبد الله بن عميره



    ramboramboramboramborambo


  2. ...

  3. #2

  4. #3
    خطيييييييييييييييييييييييييييييرة يا خالي مشاعر
    مشكوووووووووووووووووووووووووووووووووووور

  5. #4
    eekeekeek

    ما شاءء الله عليك تسلم

    والله عجبني يعطيك الف الف عافيه علىى الشعر

    سـ يــاا ـي
    attachment
    أستغفـر الله ربي و أتـووب أليه
    أي رساله بها استفسار عن اي شي في القسم اعتذر عن تجـآهلها sleeping
    منتدى نقاش العضو مع المراقبين والمشرفين
    من هل دنيا شفت الكثير من الشخصيات "الغريبه" ... تعلم كثير هل سنه

    MG Don`t Forgot you ... you know sleeping

  6. #5
    سلام مشكووووووووووووووووووور اخوي على الموضوع
    وتسلم
    thanks
    ســــــــــــــــــــــ ياـــــــــــي
    1199067540
    f87f5509a9dbec1a439faf4e8e55f79f

    1221534027
    شكرااا سيان على الإهداء الحلو

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter