ليلة البـرد والتخمين: معطف دفـا
إن قلت راحـت تجي وان قلت جاية... تروح
تتشرب الصبر لكن بالهنا والشفا
ياللي مقامه قلبي من مقام الجروح
شاعرك مهما تلحف بالغموض وغفا
ماهو بمعنى الكلام إنه يخاف الوضوح
لو كل ما ينكتب في الشعر شعر وكفى
ما ظل شاعر من الشعّار عنده طموح
كيف اضمّد الجرح لا صاب المشاعر جفا
حتى أصبح الشعر جثة هامدة دون طوح
كنت اتألم حماسٍ في الحنايا طفا
قبل اكتشف إن نجمي في عيونك يلوح
وأنا أتعلق لأجل وصلك بحبل الجفا
لا شفتك تصدّ جـدّ أقول هذي مزوح
كنت تقول لخفوقي: إنت ناقص وفا
واضحك وأنا أجاوبك: من قال إنك شحوح؟
شاعرك مايدفعه للبوح طيفٍ هفا
وما ينقصه للكتابه أي دافع وبوح
إما تجي في ليالي الـبـرد معطف دفـا
واللا تروح إن بغيت تروح وأنا بروح
المفضلات