مشاهدة النتائج 1 الى 8 من 8
  1. #1

    عادي.. طاح الحطب.. وحلوة الحياة!!

    هذا الموضوع مرسل وجرى تعديل بسيط على آخر سطر
    ---------------------------------------------------

    طاح الحطب
    لمشهد الأول:
    وحدة مزيونة بالحيل.. وحبيبة..
    بس تخون!!
    شو أسوي بجمالها؟؟
    بياخذها الزمان وتبقى عجوز..
    عادي.. طاح الحطب.. وحلوة الحياة
    *****************************
    المشهد الثاني:
    سيارة مسرعة.. وتدعس لها واحد.. مسكين هندي..
    والعسكري صديق الطايش.. والخطأ نصه على الهندي..
    والباقي على أبو الطايش..
    وفي الليل.. الطايش يلعب ورقة
    عادي.. طاح الحطب.. وحلوة الحياة
    *****************************
    المشهد الثالث:
    غني وظالم.. يطرد المساكين.. ويستغل الضعاف..
    مغرور وفاسق.. ومجلسه عامر..
    ومع ذلك يجمع حسنات.. من كثر اللي يسبونه..
    عادي.. طاح الحطب.. وحلوة الحياة
    *****************************
    المشهد الرابع:
    يكد يدرس ويشتغل.. عشان يبني مستقبله..
    تزوج وجاب عيال.. ثم تقاعـد..
    صار يسكن في مكان.. وأم عياله في مكان..
    والسبب العيال..
    صار دار المسنين بيتهم ..
    عادي.. طاح الحطب.. وحلوة الحياة
    *****************************
    المشهد الخامس
    تغازل وتأخذ أرقام.. وتطلع مع هذا.. وتواعد ذاك..
    ويوم طاح الفأس في الرأس.. بكت..
    وراحت تشكي لأمها غدر الزمان.. طبطبت عليها وقالت:
    ولا يهمك.. سفرة لمصر.. وشوية سيولة وترجعين بنت..
    عادي.. طاح الحطب.. وحلوة الحياة
    *****************************
    المشهد السادس:
    مرفوع الكفن أبيض.. وصاحبه وسط البياض..
    بعضهم يبكي.. وبعضهم عادي..
    دفنوه.. وتبكـبكـوا شوي..
    وآخر الليل سكارى..
    عادي.. طاح الحطب.. وحلوة الحياة
    *****************************
    المشهد السابع:
    ملتزم.. يصلي كل الفروض..
    وإذا تعب.. فاتـته صلاة الفجر.. وإذا شبع راحت صلاة العصر..
    وعنده دش.. ويكذب كثير.. وإذا صحا الصبح.. مشط اللحية
    عادي.. طاح الحطب.. وحلوة الحياة
    *****************************
    المشهد الثامن:
    قارورة ماي.. ما تضره.. طايحة في السيارة
    يناظرها بغضب.. زعلان منها.. فتح الشباك.. ورماها وسط الطريق..
    وإذا اجتمع مع الشباب قال: متى بنـتـحـضـر؟؟
    عادي.. طاح الحطب.. وحلوة الحياة
    *****************************
    المشهد التاسع:
    أهم شي الثوب نظيف.. والغـترة مكوية..
    والقلم ماركة.. والساعة تضوي..
    والنعال جلد.. والسيارة عجب..
    و تلفونه ما يسكت.. إما بنات..
    أو البنوك تبي فلوسها..
    عادي.. طاح الحطب.. وحلوة الحياة
    *****************************
    المشهد العاشر:
    سطحية.. و مغرورة.. غبية.. ومتكبرة..
    وياريتها حلوة.. تبي زوج مواصفاته:
    ما يقول "لا".. ويكره الاستراحات
    لازم وسيم وأنيق.. ومتعلم.. ودخله ممتاز ويحب السفر..
    و بعد سنين.. تلاقي نفسها في الإنترنت..
    تدور واحد يقبل بها..
    عادي.. طاح الحطب.. وحلوة الحياة
    *****************************
    المشهد الحادي عشر:
    فتح الكمبيوتر.. ودخل المنتدى.. وكلامه ما يتعدى "إن الموضوع روعة ورهيب"
    وهو ما قراه ولا يعرف منو كاتبه..
    بس يبي يزيد المواضيع موضوع .. ويزيد همومنا هم..
    علشان يصير صاحب الألف موضوع..
    و يتميز.. والمشكلة إنه يتميز..
    عادي.. طاح الحطب.. وحلوة الحياة
    *****************************
    المشهد الرابع عشر...
    فهد ابن مزارع بسيط يجد ويجتهد ويذاكر
    يحلم بالتخرج ومتى يصير ظابط كبير
    ويوم قرب يصبح الحلم حقيقه
    صادروا احلامه في غياب الضمير
    اصل الرقم الخاص بفهد
    اصبح من نصيب ابن معالي الوزير
    بس فهد حطوه في الانتظار وماعطوه الرقم الاخير ..
    عادي ... طاح الحطب والحياه حلوه
    *********************************
    المشهد الخامس عشر ...
    بنت عاشت حياه شبه معدمه
    وبين ليلة وضحها صارت في المقدمه
    اصلها تزوجت عقبال عندكم تاجر كبير
    صاحب مؤسسات وشركات لغزل الحرير
    وبدل ماتقول هذا من فضل ربي العظيم
    تبطرت على النعمه ...!!!!
    وكل من يحاول يذكرها كرهته
    ونقمت عليه اشد نقمه
    ياشين الفقر اذا عقبه غنى فاحش وحياة رغده ؟؟!!
    عادي ... طاح الحطب والحياه حلوه
    *********************************
    المشهد السادس عشر ....
    خالد وش فيك الليله اجازه ولا نسيت ان
    الليله خميس ليلة البسط والتنفيس
    تدري يامحمد اليوم مات اثنين عندنا بالمستشفى
    عادي ماجبت جديد
    بس سبب الوفاه هو الغريب
    وبدون يامحمد ما ادخل معك بتفاصيل طبيه
    راح اقولها لك بلغة الشارع
    واحد مات من التخمه والثاني مات من الجوع
    اكرر عليك ياخالد ماجبت جديد
    ناس تموت تخمه وناس تموت جوع
    ناس ماتلقى تبني غرفه وناس تبني قصور
    ناس تلعلع وناس صوتها مخنوق
    وعاااااااااااادي طاح الحطب والحياه حلوه
    المشهد الأخير:
    الكذب إثم.. ومع ذلك نستخدمه
    و ندري إن هذا حرام.. ومع ذلك نجربه
    نتذكر السهر والفرح والسفر..
    و ننسى الجالسين على أكتافنا..
    و نتناسى إن معهم كتاب يسجل أفعالنا ونوايانا..
    كل شي محسوب.. حتى النظر..
    نسينا إن ورانا يوم.. علاماته قربت..
    ومع ذلك كلنا ناسين..
    أن بقيت على حالك تتناسى.. لازم تعرف إن:
    ذاك اليوم ليس بيومٍ عادي..
    وأنت الحطب.. والعالم الله بيصير لك حياة والا حياة عذاب
    ================================================== ==


  2. ...

  3. #2

    رد: عادي.. طاح الحطب.. وحلوة الحياة!!

    والله إن كلامك صحيح..

    الناس بدا كل شئ عندها عادي عادي >ــ<

    صحيح إن في بعض الأشياء ممكن ناخذها ببساطة بس مب كل شئ.. ermm
    اخر تعديل كان بواسطة » اتكـاءة حـرف في يوم » 29-12-2003 عند الساعة » 09:47
    attachment

  4. #3

    رد: عادي.. طاح الحطب.. وحلوة الحياة!!

    هههههههههههه

    تسميات على مستوى

    مشكور اخوي
    sigpic5452_1

    :: كلمات من القلب ::
    "اللهم إن كانت الحياه خير لي فأحيني وإن كان الممات خير لي فأمتني"

  5. #4

    رد: عادي.. طاح الحطب.. وحلوة الحياة!!

    مييييييييسري عالموضوع


    صح كلامك مذهلة انتي

  6. #5

    رد : عادي.. طاح الحطب.. وحلوة الحياة!!

    شكراً على الموضوع

  7. #6

    رد : عادي.. طاح الحطب.. وحلوة الحياة!!

    لا حول و لا قوة إلا باالله ... مشاهد حقيقية تجيب القهر ..
    و لكن ما نقول إلا الحمدلله على كل حال فما في عالم ( كامل ) و الكامل وجه الله ...

  8. #7

    رد : عادي.. طاح الحطب.. وحلوة الحياة!!

    في أشياء صح بالموضوع وفي أشياء يبغالها تعديل
    بس عن كلامك اللي مات بالمستشفى من التخمه واللي مات من الجوع
    ما نقدر ننكر ^ _ ^
    شكرا ع الموضوع أخي

  9. #8

    تحقيق أو نبذه او قصه رد : عادي.. طاح الحطب.. وحلوة الحياة!!

    مشكور اخي مشكور على الفكاها


    http://www.arabiatel.net/wala_lee_haq2.mid
    الصور المرفقة الصور المرفقة attachment 

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter