ليش دخلتوا موضوعي؟
ليش ما ناكل القيمات إلا في رمضان ؟
ليش البرحي صنف موقر من بين أنواع التمور عند جدي؟
وراه أظافيرك طوال ما قصيتيهن؟
لماذا أبو ريالين غير اسمه من "كل شي بريالين" إلى "كل شي للكماليات" ؟
وراه هرفي غيروا لوحتهم؟
ليش في ورقة الامتحان ما يسمح إلا باللون الأزرق؟
ليش طيب ممنوع الطامس وحاطين لنا أعلى الصفحة الترتيب و حسن الخط لها جزء من الدرجة؟
لماذا تختفي الأقلام ذات اللون الأزرق قبيل الامتحان و تظهر يوم استلام الشهادات؟
ليه في كل اختبار نهائي للرياضيات نشتري علبة هندسة جديدة ؟
ليش طلاب العلمي يدرسون مادة الأدب؟
ليه الإستاذ ما يخطط لنا؟
لماذا الأساتذة مؤمنين بنظرية "الكسالى يجلسون ورا و الدفارة يجلسون قدام"؟ أوليست هذه النظرية تظلم الأذكياء اللي مسنترين ورا؟ أمثالي
ليش ما لحقنا على نظام التقييم في المدارس؟
ليش ما مسحتوا السبورة قبل ما أدخل؟
ليش كتبنا الدراسية توزع مجاناً ولا تباع؟ افرضوا إن بينا واحد يبي كتاب ثاني يحل فيه التمارين وإلا ضاع الكتاب قبل يوم الاختبار بساعتين؟
ليش دمجوا وزارة المعارف مع الرئاسة العامة وصاروا وزارة التربية و التعليم؟
ليه ( الواسطة ) ماخذه السيادة العظمى وهي الكل بالكل في التعليم و التوظيف و الحجوزات الجوية وفي كل شؤون الحياة المختلفة حتى في المجال الصحي؟
ليش مسلسل ( جزيرة الكنز ) ما دخل مزاجي؟
ليه قناة السعودية يعيدون الكرتون نفسه بالسنة الوحدة شليون مرة والدليل إن أي سعودي يقدر يسرد لكم كل الأقوال ويقلد لكم الأصوات ويسمع لكم الأغاني اللي اعرضتها هالقناة بدون ما يناظر للدفتر؟
ليش طلاليب المدارس الحكومية يحسون طلاليب المدارس الأهلية مدلعين و خكاريا ؟
ليش طلاليب المدارس الأهلية يحسون طلاليب المدارس الحكومية وحشيين و تدريسهم غير راقي؟
لماذا حقوق الأعسريين مهضومة في المدارس و الجامعات ؟ الطاولات غالباً تكون على جهة اليمين واللي يكتب باليسار عليه أن يقلب المكان رأساً على عقب حتى يجد مقعداً أعسراً وإلا سيقضي يومه معكوف الظهر ملتوي الرقبة؟ أين الرحمة و الإنسانية؟
لماذا لا أفرق بين اليمين و اليسار إلا بعد التفكير ملياً؟
لماذا يفرح الطلاليب بغياب الأساتذة فرحاً أكثر من فرحهم بالعيد؟
ليش إذا جابوا طاري المعاجين قالوا سيجنال2 ليه ما يقولون سنسوداين مثلاً ؟
ليه اللي اشتهر من الشامبوهات شامبو صانسيلك ليش مو شامبو هيربل ليسنس؟
ليش العروس تلبس فستان أبيض؟
ليش يسمى شهر العرسان الأول بشهر العسل؟
ليه أبو غزاله ما يفتح ( البيك ) في بريده وإلا في الرياض عالأقل؟ [بالله اسمعوا مشاعر البريداويه هههه]
ليش الفيل دب وهو طول عمره ياكل خضروات و فواكه؟
وراه يوم الجمعة هو اليوم العالمي للاستحمام؟
لماذا نشم ريحة البخور و الروايح الزينه يوم الجمعة وإذا جونا ضيوف بس؟
ليش دايماً يقولون إن ركبنا سوده واحنا ما عمرنا لبسنا قصير؟ وش دراهم؟
ليش المحقق كونان عيا يخلص؟
ليه أحب أسامة بن لادن؟
وراي بكيت يوم شنقوا صدام حسين؟
لماذا نسي العالم محمد الدرة؟
ليش الإمارات شعبها محبوب من قِبل الجميع؟
لماذا هذه النظرية موجودة في أواسطنا: الأخ الكبير متسلط والأخ الصغير مدلل والأخ الأوسط مزلب؟
ولماذا هذه النظرية موجودة في أواسطنا: الأخت الكبرى متسلطة والأخت الصغرى مدللة والأخت الوسطى مزلبه؟
لماذا إيكيا-الرياض غيروا موقعهم و راحوا لقريح؟
وراكم إلى الحين مستمرين تقرون موضوعي؟ اعترفوا عجبكم؟
لماذا سميت النواشف نواشف؟ ولماذا سميت الشكشوكة شكشوكة؟
وراه يعجبني فيدل كاسترو ؟
ليش الكويتيين يومهم الوطني شهر كااامل واحنا يوم واحد بس؟
ليش NAZ ما عمرنا شفناه بالمتواجدين دايم يحط وضع التخفي؟
ليش الوردة الجوريه تكره هيكارو؟
ليش missme تحب ألمانيا؟
ليش ياقوت شخصية محبوبة من قبل الجميع؟ لا يكون إمارتية وإحنا ما ندري؟
ليش صدى الصوت يحب الصالحين وليس منهم ويرجو أن ينال بهم شفاعة؟
ليش ثلاث أرباع مواضيع قسم المشاكل و الاقتراحات معنونه بـ لووووليييتاااا ؟
وراه Emily Rashy ما تترك خلق الله بحالهم و تبطل حش؟
ليه الميجاتوون و منتدى الأصدقاء و المرح أكثر عدد للمتواجدين؟
ليش سجلت أنت في مكسات؟
ليه المشرف السابق ما يقدر يغير صفة العضوية؟
وراه في قائمة المتواجدين عدد الزوار أكبر من عدد الأعضاء بكثير؟
ليه الموضوع يتقفل لو وصل لـ 1000 مشاركة؟
ليش نقار الخشب ضحكته ترفع الضغط؟ [لسماع الضحكه ارفع ضغطك هنا]
ليه بنك باثر و أغنيته ينرفزون؟
ليه المصريين يحبون إمام الحرم السوديس وبس؟
وراه سرقات النعال ما تحدث إلا عند بيوت الله؟
لماذا يوجد مظاهر التسول في بلاد الأنفاط؟
ليش ( الجبيل ) هي المدينة الذكية الوحيدة في السعودية النت عندهم لا سلكي في كل مكان؟ وش حيثهم؟
لماذا فرحة الأم بطفلها لا توصف في ثلاث لحظات: أولاها بمشيه على قدميه و ثانيها بتعلمه يروح لَم الباث روم وثالثها بتعلمه للسباحة بدون لاستك؟
ليه يوم كنت صغيرة ما كنت أحب ألبس هيلا هوب؟
ليه اسمه هيلاهوب؟
ليه كل طفل في الدنيا لازم يشخبط على جدران بيتهم؟
ليه ماشي بالحوش حافي؟
لماذا كثر الفساد وكثرت الفتن؟
لماذا إذا وصفوا امرأة بالجمال قالوا "كالقمر" والقمر مابه زود؟
لماذا يعتقد الآباء أن من البر بالوالدين التسمية بأسماء الأجداد؟
ليش تغيير الأسماء على أرض الواقع صارت موضة العصر؟
ليه الأندومي الأكلة المفضل لدى الشغالات و البزارين؟
وراه ما عندنا ملاهي والت ديزني؟
ليه نصف شعبنا عاطلين باطلين والعمالة الأجنبية تشكل نصف السكان؟
ليش الإيرانيين و الماليزيين إذا جو للحرم جو في جماعات ساحقة؟
لماذا الإيرانيين يرفعون أصواتهم بالدعاء في الطواف و السعي؟ خربطوني ما عرفت أدعي <__>
ليش شالوا الخط الأسود اللي يمتد من عند الحجر الأسود؟ صرت أضيع أعدي الحجر و لا أكبّر
وراه الجدات دايماً يوزعون حلاو بقر وعلك غندور؟
ليش الجدات يستخدمون الشامبو الأحمر؟
لماذا شعري يتساقط؟
وراه الباكستانيين مستحيل يتخلون عن زيهم الشعبي حتى لو راحوا لباريس؟
لماذا إذا شفت سيكل في الشارع شفت اللي راكبه باكستاني؟
ليه الهنود إذا تكلموا يهزون روسهم؟
ليه ما في هندي إلا ويحب الحار؟
ليه الطيور تهاجر على شكل سبعه مدري ثمنيه؟
ليش القائمة أرقامها بالانجليزي والحروف بالعربي؟
ليه حظ أمك حطه بكمك؟
لماذا إذا فتحنا سيرة الملك فيصل واغتياله قالوا اللي حولنا إش إش سكروا الموضوع بالسوق رجال؟
ليش جدتي تحب الملك فيصل وإذا شافت صورته أو جت سيرته خنقتها العبرة؟
ليش إذا ما بغينا البزارين يضيعون بالحرم قلنا لهم إذا ضعتوا روحوا لباب الملك عبد العزيز عند اللوحة الخضرا ليه ما نقول عند باب الملك فهد طيب؟
ليش إذا شفنا عبده تمشي ورا حرمة قلنا ذيك الحرمة أكيد أميرة؟
ليه الطلاب يعشقون النحشات من المدرسة و الطالبات يستغفلون المراقبات علشان يهربون لمباني الصفوف الثانية؟
ليه صرت أنا مستشارة وفي ملفي الشخصي ملاحظتين؟ < متعقدة تنسأل هالسؤال كل يوم مرتين
وراه الأولاد للحين ما سووا لنا احنا يا البنات حفلة بمناسبة فوز منتخبنا في المسابقة؟
ليه لوليتا و Aslessandro متآمرين علي مع العراقيين ورافضين يقولون لي معنى "راشي" ؟
ليش الحرمه تلبس عباية مزكرشة والعباية أصلاً علشان تغطية الزكرشة؟
وراه جامعاتنا تفشل وفي أزفت حارات البلد؟
ليه الدولة ما تهتم بالتعليم اهتماماً كبيراً وكل همها في الاقتصاد و تجميع القروش؟
ليش يقصون علينا ويقولون إن جامعتنا حكومية من أملاك الدولة ومن خلف الكواليس تدعمها القطاعات الخاصة؟
101 ليـش وراه لمـاذا و ليـه؟
عجبكم؟
اضافة رد مع اقتباس
..
المفضلات