هلا فيكم شباب واقدر اقول بنات ( فضيحتكم)
أول شي شخباركم ؟شعلومك ؟شو مسوين؟ <<< ادري بخير وبعافيه اوكي لا تتفلسف
طبعا انتوا قريتوا حال الاولاد على طاولة الاكل ( يلي كتبته حبيبة كوربيكا) ...صح ( هيه صح فضيحه ) وقلتوا حق نوف نوف تييب لكم فضايح البنات ترى هي هونت وقالت لي ما بفضح عمري استحي موقف بايخ
وعلشان انا احبكم واقدركم واحترم طلباتكم ( قصدي شريف) حبيت اطلع فضايح البنات ( نوف وبنات عمي ) <<< شوق اختصري
طبعا كنا يالسين في الميلس ويا الاهل ( يا فضيحتنا ) يعني بنات عمي كانوا ويانا والمشكله ولد عمي موجود واخوي وعمي وخالي وعماتي وامي وابوي ( أكملت ) ... وكان خالي يايب وياه من البحرين هدايا اول شي بدا يعطي الاولاد ( الحمدلله ما تضارب ولد عمي واخوي على الساعه الرجوليه )
وبعدين حق امي ...و. وبعدين بدا يقول حق البنات يلا اختاروا انا يت عيني عى الفستان ( شكله وايد حلو) بس بنات عمي و اختي نوف عينهم على شي واحد غير الاغراض الثانيه ( نفس حالة اللحمه) عيونهم على الميك اب يلي توه نزل في البحرين وما نزل عندنا ( طاح البكس بينهن) كل وحده تقول حق خالي انا يت عيني عليها اول وانا يلي يت وانا اكبر عنج بيوم والثانيه انا اكبر عنج بثانيه ( خريطات كل ها عشان الميك اب) الزبده كل وحده تمت تسحب علبة الميك أب ..
والله واحنا هيه بس كل ها عشان الميك أب ( والله كل وحده تطيح الثانيه ) بس نوف حست بان الموقف محرج واتخلت عن الميك أب ( توه الناس ولد عمي وخالي وعمي شافوا دلعك الزايد) الزبده ... خالي عصب وأخذ الميك أب من البنات يلي بقوا يضاربوا عليه وعطى للبشكاره ( بكشارتنا طارت من الفرحه ) تمت تقول لخالي : أنت في زين بابا انت في كريم واازد وازد شكريا شكريا ههههههه
مرده للبشكاره ونوف تمت تضحك تمت تقول انتوا فضيحه ( ما تدري إنها هي بعد كانت في السالفه بس تراجعت) بس احنا ضحكنا ومتنا من الضحك والله موقف يضحك بلد آخر شي كل وحده قامت تدعي على البشكاره ( كانوا يقولوا يعل الميك أب يخرب ويهها ) ههههه ما عليكم منهن غيورات فضييييحه
تبون تعرفون كم اعمارهن بنت عمي عمرها19 والثانيات 20 و 18 و17
على بالكم يهال ( بس سالفة اللحمه كانت اخس من جي صح)
وانشالله اكون فضحت البنات على أصوله <<< انتي ياشوق من البنات
انشالله ما اكون طولت <<<< طولت ومت
ابي اشوف ردوودكم <<< ممممم انا قلت ردودكم مو ردك اتفلسف)
سلام <<<< سلام الله عليك
المفضلات