مشاهدة النتائج 1 الى 9 من 9

المواضيع: مغامرات في الصين

  1. #1

    Talking مغامرات في الصين

    السلام عليكم ورحمة الله وبركاته

    شارع السويلم (( هو الشارع اللي يبيعون فيه بضاعة ابوريالين بالجمله في الرياض ))

    مقدمه قويه صح


    يالربع قدر الله علي وخاويت واحد

    صديقي ذا عنده محلات ابو ريالين

    وكل ست او سبع شهور يروح للصين يجيب بضاعه

    المهم قالي يافتى بني زيد ورى ماتخاويني صدق للصين

    قلت الحين مارحت مطعم الصيني هنا تبين اروح للصين بكبرها

    قلت وش تبي فيني لا لغه ولا شخص تكشخ فيه

    حتى لو البس بدله يحسبوني احمد بدير <<< يحسب الصين يعرفون احمد بدير



    المهم الرجال لزم علي

    وقص التذاكر وماعاد فيها رجعه ركبنا الطياره وطيران اجنبي

    كل شي فيه احمر حتى مضيفاته

    ماندري وش ذا الطيران

    المهم يوم وصلنا قالي رفيقي انزل

    قلت تعال صدق هذي الصين ولا اليابان

    قال اي والله ترى من كثر مااجي ترى مدري وين انا فيه

    المشكله يالربع ياكثر جياته عندهم ولا يفهم شي

    قايلكم قدر الله علي وصادقته

    المهم قلت له خلاص انا ابتصرف واسال وين حنا فيه

    والقى ذيك الصينيه المنكسره قصدي صينيه حرمه في الصين وشفيكم انتم

    قلت ياحرمه وين شارع السويلم حقكم اللي فيه يبيعون الجمله لمحلات ابو ريالين

    قالت .. اتسو اووما اكوها سوهي اتتاهو

    تدرون وش تقصد قالت وش جابكم هماكم تقولون صيفنا مع اهلنا احلى

    يعني كلمة سوهي تعني اهلنا بالصيني <<< قالك ذي فايده


    قال رفيقي وخر بس انا دايم اجي هنا بس بيوتهم تتشابه مدري وين الله حاطني

    ولقى خويي ذاك الصيني الحبيب وقاله لو سمحت وين احنا فيه تشاينا ولا شبان

    يعني الصين ولا اليابان

    قال الصيني يس يس يس يس يس يس يس

    ورحنا وخليناه وهو يقول يس يس يس يس

    وتوهقنا ماندري وين احنا بالصين ولا اليابان

    قلت لرفيقي لقيت خطه جهنميه

    قلت اسمع الصينيين يكرهون ماجد عبدالله

    واليابانيين يكرهون مالك معاذ

    قلت ابكتب على ظهرك مالك معاذ

    وانا ابكتب على ظهري ماجد عبدالله

    ونشتري كوره ب15 ريال ونلعب فيها بالشارع

    اذا زلقوا عليك نصير احنا باليابان

    واذا زلقوا علي نصير بالصين

    انهبل صديقي من الفكره

    وراح وشرى الكوره وهات يافت بالشارع

    ونلعب ساعه ساعتين ماحولك احد

    وكل واحد يشوفنا يضحك ويصفق

    يحسبونا نسوي دعاية كوكا كولا




    تحطمنا ورجعنا وش الحل وين احنا فيه

    قال رفيقي اسمع هذولا ميزتهم يلبسون من صناعتهم مهوب مثلنا

    يعني اذا شفت بزر ابمسكه كني امزح معه والقط بدلته واشوف وش صناعتها من ورى ظهره

    قلت والله يجي منك << هذا الخبل من ذاك الابل ::154:

    المهم واطمر يارفيقي على ذاك البزر وامسكه ويضحكه ويلعب معه

    ويرمي البزر كوره علينا ورفيقي يلاحقه ويتعلق بعلباه وشافه ابو البزر

    وصار مع ابو البزر الحزام اللي اقوى لون بالعالم حق الكراتيه

    وهات تفقيع وجيه وانا خايف من منظر التفقيع حطيت الكوره قدام وجهي

    والقى مدي ان شاينا

    قلت بس بس بس خلوها

    جاء ذاك الصيني اللي سالناه وقال يس يس يس

    يحسبني اتحداه يوم قلت بس بس بس

    جبت رفيقي وهو مكسر وقلت اسمع حنا بالصين

    قال وش دراك قلت الكوره مكتوب عليها

    قال اجل مشينا لشارع السويلم حقهم وسوق الزل

    يوم وصلنا هناك وتشوف اوادم فيها سوق مهوب سوق فيه اوادم

    ياكثرهم كثراااااااااااااااه

    قلت الحين وين اللي انت دايم تشري منه

    قال هو ابيض شعره ناعم وعيونه صغار

    قلت ايه بس واضح هذاهو

    قمت وسألت واحد ابيض وشعره ناعم وعيونه صغار

    قلت انت اللي دايم تمول محلنا هناك

    عجل علينا في ذاك حريم قاعدين على كراسي خشب عند باب المحل يحترونه يفتح

    قال الصيني .. كتوتو داهو ماكاميتا اوولا اوسي هاسو تاها

    يعني عندي لكم اواني منزليه تبيعونها بريال بس وفيها ميزه تخرب قبل الاستخدام يعني الحرمه ترجع تشتري منكم مره ثانيه وانا ابيعها لكم ببلاش من عندي <<< الله من الفك كل هذي ترجمه

    اللي قاهرني كلمة ببلاش تراها عندهم مثلنا يقولونها بوبولاشو

    قلت لخويي يالله وش تحتري حمل ومشينا قرب الدييينه <<< صدق انه بشارع السويلم

    قال رفيقي اصبر لازم نقعد اسبوع نشوف وش الجديد عندهم <<< امش والله مخ تاجر

    قلت مشينا للفندق ورحنا للفندق وتعبانين لاعبين كوره وزحمة سوق وجوعانين بعد

    قال وش رايك نطلب عشا

    قلت ياليت بس خلنا نروح لكودو عندهم ولا الطازج نلقى سعوديين هناك هماهم سعودوا التوظيف

    مادريت الا هو ساحبني مع اذني وداخلين ذاك المطعم

    اللون احمر وشمعات وحركات

    قلت الحين حنا بالعليا حقتهم

    قال رفيقي يابن الحلال اسكت وبس

    قلت شفهم كلهم يناظرونا ياغبي شكلنا دخلنا قسم العوائل

    قال خويي ياغبي قسم العوائل فوق بالدور الثاني << هذا الذكي اللي دايم يجيهم

    قلت طيب خلهم يعطونا ساتر <<< استحى منهم امحق رجاجيل

    وطلبنا عشا وجابوا لنا خمس صحون شوربه وثلاث صحون شوربه ثانيه

    يعني كلهم شوربه بشوربه

    قلت الحين عندهم رمضان

    قال خويي يارجال شوربتهم تنوكل ماتنشرب

    قلت وشلون وين الخبز نغط

    راحوا وجابوا لنا عودين اسنان كبار

    قال خويي كل

    قلت الحين تلعب معي عظيم سرى ارمي العود وتروح تجيبه

    وين اكل معه شوربه اكلها بعود اسنان لوانه عود بخور كان اهون شوي

    المهم خويي قام يغط العود بالشوربه ويمص العود

    كنه يعاير زيت السياره

    جاني راعي المطعم الصيني يوم شافني مااكل

    وقال .. شو دا كو مي شا فو سو سو ها كومي

    يعني حظكم معكم مالك معاذ ولا كان خذنا الكاس من العراق

    قلت لخويي صرنا باليابان

    قال يابن الحلال اسكت هذا مديرهم يحب الكوره ويعد شرق اسيا واحد <<< عاش مصرف

    قلتله المهم ابي اكل

    قال الصيني .. غو طو ساها غوطو

    اكتشفنا ان كلمة غط في القدر عندهم مثلنا بس هم يقولونها غوطو

    طلعنا بعد ماشبعنا واكلنا شوربه


    قلت اخلص علينا ورانا اهل بالرياض

    رحنا للسوق واشوى لقينا رفيقنا على طول لانهم مايتشابهون ابد

    قلت لخوينا الصيني ليه انتم تتشابهون مررررررررررره

    قال .. ساهو تاهي ماهي شاهي نعناع شورو راشد الماجد

    يعني مثلكم يالسعوديين كلكم تشبهون راشد الماجد

    قلت الله يعميه انا اشبه راشد الماجد

    ياخوي نانسي اقرب يامالا العمى

    طبعا تكرمون اعزاء القراء عنهم

    بس قهرني ذا الصيني يبيله صينيه براسه

    بعد مارحنا للفندق وجينا بنرجع للرياض

    وشرينا البضاعه وكل شي




    قال لنا المترجم ترى اللي تاخذونه هذا فضلت صناعتهم اللي هم مايبونه يبيعونه لكم برخص التراب لكن بينهم ذا البضاعه ماتمشي انتبهو لاتستخدمون اشيائهم الرخيصه في اماكن خطره مثل توصيلات الكهرب وغيرها




    وين الصفقه حقت الكلام العاقل ::145:

    المهم ورجعنا بحفظ الله ورعايته الى ارض الوطن

    وكان معنا صيني جاي للرياض

    ويوم وصلنا للمطار قال لو سمحتم

    اين اجد الشركه الصينيه لصناعة وتركيبات الاسنان

    جاء خويي بيوصف له

    قلت خله علي

    قالي اين هي

    قلت .. يس يس يس يس رحله خله ينفعك
    bbf61e5e2a9a9bee4086733050af510b


  2. ...

  3. #2
    مشكور والله حالة وش وداك
    هناك مع صاحب ماهو بدنيا.....

  4. #3

  5. #4

  6. #5
    هههههههههههههههههههههههههههههههه

    تلاقيك حرمت تروح على الصين مرة تانية
    و إنك تكون صفر على الشمال...شعور رائع فعلًا classic
    مع الوقت تتعود ويصير شي غريب إذا حد عبرك أصلًا tired

  7. #6
    ...................

    مشكـــــــــــــور على الموضوع العســـــــــــل

    و تقبل مروري

    ..................

  8. #7
    ههههههههههه حاله والله هذا وهو في الصين عاد كيف لو كان في اليابان والله يستر

    مشكوره أختي الحلوه
    على تعليقكم على القصه ولكم تحياتي >>جوكسي<<
    مشكور أخي magician070

  9. #8
    +++++++++++++++++

    NARUTO&JOKASY

    الله يرجك يا اني مت من الضحك biggrin biggrin

    تسلم على الموضوع المقلع biggrin asian و كثر من هالمواضيع gooood

    تحيااااااااااااااااااتي لك smile

    miss.pink

    +++++++++++++++++
    a46c345c6ed19a2dd0c424e43390f5e3

  10. #9
    هههههههه الله يسلمك يا مس بينك والله يرجك على رجتك وتصيري أكبر مرجوجه ههههههههههههه

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter