مشاهدة النتائج 1 الى 10 من 10

المواضيع: رحلتي لباكستان

  1. #1

    Talking رحلتي لباكستان

    سالفتي فـــي باكــســـتــــان لاتــفــوتــكــم
    صبحكم الله بالخير

    شكلكم تقوووولون ياكثر سوالفه وانا بيني وبينكم ماعندي الا الدجه

    المهم مالكم بالطويله

    شهر من الآن كنت في باكستان كان عندي شغل هناك (مهوب عاقل) ... المهم وأنا أتجول في شوارع مدينة بيشاور لقيت لي هاك الباكستاني اسمه (غلام) وقال لي أبيك في كلمة راس ... رحت معاه ودخلني في بيته (بيني وبينكم بيت مظلم وقديم) عاد أنا بديت أخاف وشكيت إنه إرهابي...
    قال غلام: عندي لك آر بي جي يحبه قلبك للبيع ... تشتري
    قلت: وش ابي به
    غلام: يا غبي ... صار موضه هاليومين وبعدين في ضل الأزمه الحاليه يمكن تبيعه بعدين بعشر أضعاف سعره
    < ============== أكبر مخفه
    أنا: طيب بكم
    غلام: بألف دولار
    أنا: تـــــــــــــــــم
    واشتريه منه بألف ريال (توك تقول دولار يا نصاب) .... واطلع للشارع وحاطه على الكتف الأيمن ... (مهوب عاقل العربجي) المهم وانا ماشي لقيت واحد باكستاني ثاني
    قال: الكلاشنكوف للبيع
    قلت: يا حمار هذا آر بي جي
    قال: طيب الـ آر بي كوف للبيع (الرجال ممسكه معه على الكلاشنكوف)
    قلت: طيب وش تبي به
    قال: انت وش دخلك
    قلت: شكلك ارهابي .... صح
    قال: بكل فخر
    قلت: اقول انقلع تراني مانيب فاضي للمشاكل ... ما بقا الا اعادي امريكا بكبرها
    قال: كيفك يالله باي (ارهابي متطور ... يقول باي)
    قلت: في اللي ما يعقلك.

    المهم واكمل مشواري متجه لشقتي وشطفت قاعدة امريكية في لاهور (يلعن ام النصب توك تقول انك في بيشاور) المهم ويصيدني ذاك الامريكي برتبة لواء ويأمر الجنود بالقبض علي واحالوني للتقاعد قصدي للتحقيق.

    الضابط: وش عندك شاطفنا ومعك آر بي جي
    أنا: أبد والله توني شاريه وبحطه في شقتي لانهم يقولون انه الموضه هاليومين.
    الضابط :
    (did you joke with me, you and your face)
    وترجمتها... تمزح معي انت ووجهك
    أنا: والله الأخ غلام هو اللي يقول الكلام هذا
    الضابط: وين ساكن غلام هذا
    انا: والله ما ادري ... لقيته بالصدفه في السوق الشعبي
    الضابط: أنت ارهابي؟
    أنا: لا
    الضابط: طيب أنت تصلي
    أنا: ايه
    الضابط: أجل ارهابي
    أنا: ترى مهنا حرص بالحيل على الصلاة ... يعني يوم اصلي ويوم لا .... وبعض الأحيان أصلي بدون وضو.
    < =========== (خوااااااااااااااااف وقام يرقع)
    الضابط: طيب ليه حاط دقن
    أنا: ياخي ما تشوف انت ... تراه خليجي ومحدده بعد ... يعني داشر تسلاب ... وبعدين شف قصت الشعر واغسل يديك.... وعلشان تتأكد اني سربوت ... تراني والله مقطع البحرين وانشد جسر الملك فهد عني ودايم اسكن بفندق بيسان ووندسور تاور.
    الضابط: اقول ما دامك تصلي ومربي دقنك ومسلم .... أجل ارهابي واعتبر نفسك معتقل من الحين.

    اللي صار انهم اعتقلوني لمدة سنه وما طلعت الا الاسبوع اللي راح (مع العلم ان القصه هذي صايره الشهر اللي راح) (مانيب نصاب ابد)

    المهم طلعت من المعتقل وانا حاقد وقررت اني انظم لطالبان علشان اقهر الأمريكان .....عاد بعدها رحت وقابلت (برويز مشرّف) وقلت له قصتي ... ثم ضرب على صدره وقال ازهلها وانا اخوك واحنا مستعدين نهربك لأفغانستان .... وانا اللي انبسط لان ودي انتقم من ذاك اللوا

    المهم وياخذوني ويهربوني عن طريق الجبال (حتى اسمها Mountains بالإنجليزي) (وش ذا النشبه) .... واروح مع المقاتلين ونقاتل .... واخوكم في الله صار له صولات وجولات وقاعد انشد واهيجن واقول (انا الذي تعرف البيداء وطأتهُ)(مدري من وين جبت البيت هذا) المهم واحنا نقاتل رفعت الصوت وقلت (((تسقط المعارضة الشمالية وأمريكا اليونانية وبريطانيا العلمانيه))) .... قال لي واحد من اخوياي المقاتلين: انت ودك تقاتل حقين المعارضه .... قلت ايه بقاتل الشاه مسعود وربعه وامريكا وبريطانيا .... قال لي هلا ابوي والله ووقعت .... ويعتقلوني .... قلت وش السالفه يا طالبان مهيب هي ... قالوا: طالبان في عينك ... احنا المعارضه.... ويضيق صدري واقول في نفسي والله اللي رحت في رجلها.

    وياخذوني للمعتقل وقالوا قررنا اننا خلال الاسبوع هذا إما نعدمك أو نعدمك ... عاد انت اختر وحده منها .... قلت ممكن الاتصال بصديق ..... قالوا لي اخلص ولا يكثر .... قلت بكيفكم (مسوي قوي).
    واخيس في المعتقل شهر وشهرين وخمسه وسنه وبعدها قدرت انحاش من المعتقل بأعجوبه .... ويوم وصلت لحدود باكستان وادخل لمدينة بيشاور ... قلت يالله لك الحمد ....
    رحت وخذت وحده من الجرايد (ترى اخوكم بلبل أردو) ... واشوف صورتي في الجريده ومكتوب جنبها (THE TERRORIST) (وين الاردو يالشيخ) المهم الكلمه اللي كتبتها لكم معناها الارهابي.

    صرت بعدها اتخفى من اشرطة الباكستانية يمين ويسار بس ما فيه فايده ... وخاويت لي ارهابيين بالجمله علشان يزبنوني عندهم .... وبعد اسبوعين اعتقلوني في واحد من البارات (مخربها حيل) بتهمة الارهاب والكباب ... والى يومكم وانا بالمعتقل ... ولعلمكم بس انا اكتب لكم القصه هذي وانا في احد سجون اسلام اباد وبعد خمس دقايق بيعدموني بس قلت لهم لي طلب عندكم قبل الاعدام .... قالوا وشو .... قلت باكتب قصتي في الاقلاع وبودع الشباب اللي معي عالمسنجر .... قالوا لك ذلك وهذاني اكتب القصه لكم.

    قبل لا يعدموني ودي اقول لكم كلمة اخيره .... فيه واحد من اصدقائي >> حلوه اصدقائي اسمه سعود يطلبني 5000 ريال .... وانا موزي لي سبعة آلاف ريال تحت الفرشه حقت غرفتي (والله القروي) الناس تطور وانا فرشه .... الله لا يهينكم يا ليت واحد منكم يروح للبيت و ..... يقلع بليسهم هذوليهم جو ومعهم الخرقه الحمرا اللي يحطونها على راسي قبل لا يعدموني .... هييييييييه انت يا عسكري اتركني اكمل للشباب وصيتي قبل لا اموت ..... آآآآآآآآآآآآآآآآآآآآه ...... يقلع بليسك لحظه شوي .... انت يا هوووووووه ..... خلني اودعهم على الاقل .....

    يالله باااااااااااااااااااااااااااااااااااااااااااا

    ومات سعودي قبل لا يكتب آخر حرف في كلمة (باي).

    لاتلومني فيني نوووم ولا ادري وش اكتب
    ملحوظه>>>> صاير مثقف
    الاعدام يعني ابي انام
    ولا بعد كملت لين هنا الكذاب تو كان في المعتقل بيموووت وما كمل الياء ههههههههههههه


    مع تحياتي المجنونه>>JOKASY<<
    bbf61e5e2a9a9bee4086733050af510b


  2. ...

  3. #2
    ههااااااااااااااااي الله يرجك يالمرجوووووووووج

  4. #3
    يسلموووو يا عسل على الرجه حقتك

    وبعدين شكلك شورير ههااااااااااااااااي ضحكه جهنميه

    لا تزعل تراني أمزح

  5. #4
    هههههههههههههههههههههههههههههههههههههههه
    الله يرجك سالفه بطله خ خ خ خ خخ
    طالع فيها ابطل الابطلين وأكوس الاكوسين خ خ خخ خ خ


    يسلمو موضوع نايس smile





    تحياتي
    مهند الساهريsmile

  6. #5
    هههههههههه ... بصراحة من جد مرجوووجة
    CNw28517


  7. #6
    خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخ,,,
    صج عجيييبه القصه...
    يسلموووووووو

  8. #7
    هههههههههههههـ....

    رحلة جمييييييييييييلة ...شو جميلة..رائعة...

    هههههههـ..


    مشكووورة

    سلام
    f581bc31e6a65586e0dacc30f079f420
    f0b6f4d5cedf82cffbc4e08dcaa02165
    ac00a0e0a6e167baa896c726df4d1bb0

  9. #8
    ولكم وبصراحه الرحلة ولا أروع وأنصحكم لا تجربو هذا إلا بحضووور بالغييييين

    يعطيكم العافيه ربي على تنويركم صفختي

  10. #9
    ايش المواضيع هذي الفلته

    قسم بالله قصه تموووووت ضححك

    تحياااااااااااااتي


    miss.pink
    a46c345c6ed19a2dd0c424e43390f5e3

  11. #10

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter