هلا فيكم شباب واقدر اقول بنات ( تعرفوا على حالهم)
هذا الموضوع ما جبته من راسي ولا من تأليفي تستوي عند الاهل وخاصة الاولاد<<< لان البنات كيوت ما يضاربوا على الاكل
والله حاله انا سمعت عن ناس يضاربوا عشان الموبايل عشان الموتر عشان الغتره عشان النعال ( واايد تصير عندنا )
السالفه
يلا بقول لكم <<<< نوف بدون مقدمات
كنا يالسين على طاولة الاكل ( مع الاهل) وكان اخوي وولد عمي عينهم على اللحم المشوي إلا ياكلوها فقال اخوي لبنت عمي لو سمحتي عطيني اللحمه شو هالجرأه
جان ولد عمي يقول عطيني انا ( طاح البكس على اللحمه ) وكل واحد يقول لو ما عطيتيني بزعل وكل واحد يقول انا يلي باخذها ترى عيني كانت عليها قبلك واحنا مستغربين شو السالفه كل ها على اللحمه ( اللحمه لو عندها ريول كانت هربت من كلامهم ) طبعا بنت عمي قالت لا انت ولا انت ( عجبتني هالبنت ) جان اقول لهم انا باخذها والله طالعوني بنظره مت منهم الحمدلله ما يت لي جلطه فقلت احس لي ما اتدخل والله بينقع في ويهي كف حرام
فكل واحد قام وحط الشوكه على اللحمه .. المشكله الاثنين حاطين شوكتهم على اللحمه وقاموا يتقاسموها وكل واحد يقول مالك اكبر ومالك اكبر وآخر شي طاحت اللحمه على الارض هههه والله نقعنا من الضحك وخاصة عمي تم يضحك ( الحمدلله مستواله شي ) وقال كل هالضرابه وآخر شي اللحمه على الارض ... بعدين كل واحد قام من الطاوله وهو شايل في ويهه ضحكه واستغراب والله تمنيت لو اني صورتهم وارسلت الفيديو لكم
والله حال الاولاد عجيب كل ها عشان اللحمه <<< صدقوني المره اليايه بيضاربوا عشان السمبوسه ( في رمضان) الله يعينا
شو رايكم في حال الاولاد يلي عندنا عجيبين صح ومشكله نفس العمر 19 سنه << لو انا في مكانهم بشوف من يلي انولد اول شي ومن حقه ياخذ اللحمه
يلا انشالله ما اكون طولت عليكم وبحال اولاد اهلنا <<< طولتي يا نوف
وانا انتظر ردودكم <<<< مممم لاحظوا انا قلت ردودكم يعني مو ردك اتفلسف
يلا سلاااام <<< سلام الله عليك
المفضلات