مشاهدة النتائج 1 الى 8 من 8
  1. #1

    من مذكرات في المدرسة ...

    السلام عليكم أخواني .. شحالكم...

    من مذكراتي في المدرسة ...

    اليوم : الأحد
    تاريخ: 9 – 9 - 2007

    نشيت الصبح الساعة 5 صليت وتميت واعية ( ما ارقد إذا صحيت ) ...... استوت الساعة 7
    لبست ثياب المدرسة وجهزت وفجأة راسي عوراني ( وااااااااااااااااااااااااااااااااااااااااااااايد )
    جان ارد ارقد ( كم من دقيقة ) وصحيت وأخواني راحوا المدرسة جان تقول لي أمي خلاص
    غيبي اليوم (وأول شيء فكرت فيه ( الله بدخل مكسات طول اليوم ) المهم بس راسي كان وايد
    يعورني طلعت أمي من الحجرة عقب ردت وقالت لي : ةعقب شوي بوديج المستشفى
    جان يدق قلبي ( لاااااااااااااااااااااااااا ) هذا آخر مكان أفكر أروحة ( أخاف من المستشفى )
    قمت بسرعة وخذت الشنطة وقلت لأمي : لا خلاص بروح المدرسة راسي الحن ما يعورني
    ( طبعاً كذب أسوي أي شيء ولا أروح المستشفى ) عقب عمي و صلني المدرسة وفي الطريق كان
    عمي بياخذني مدرسة المعلا ( خواتي ال2 هنالك وحده 2 ثنوي ووحده 3ثنوي ) وأنا 9 في مدرسة صفية
    يوم وصلنا باب مدرسة المعلا قلت لعمي: أنا في مدرسة صفية!! ويا حليلة وصلني مدرسة صفية
    في المدرسة:
    مدرستنا لازم اللي يتأخر يروح الادارة ويقول لهم ليش تأخر عاد أنا طنشت الناس ورحت الصف
    وصلت نص الحصة الأولى وكانت تاريخ دخلت يلست وحطيت راسي على الطاولة حلصت الحصة
    فسحة تغذية عقب رياضيات وكان عندنا ( كوز ) عقب دين أحلى حصة عاد في هذي الحصة
    ما عوراني راسي طبعاً نتضارب مع الابله كل يوم ( يا حليلها طيبة واااااااااااااااايد )
    عقب فسحة رحت المقصف أنا وربيعتي ( 1 ) وقفت 2 وحده في طابور المقصف وفجأة دزوني
    البنات ( زين ما طحت!! ) جان أرد ودزوني مرة ثانية ( همج ) جان أخلي ربيعتي تشتري لي
    عقب خذنا عربي وكان علينا امتحان نحو عقب خذنا علوم ( أحلى حصة عندي ) في هذي الحصة
    لعبتنا الابله لعبه اسمها ( رفاق ( ما عرف شو ) المهم اللعبة هي البنات ال 13 الأوائل كل وحده
    منهم بتاخذ بنت مب شاطرة وتعلمها مادة العلوم و تفهمها اذا ما فهمت شيء ( بالقرعة ) انا كنت من
    البنات ال 13 الأوائل وطلعت لي بنت مشااااااااغبة وااااااااااااااايد وتعصب بسرعة في الحصة
    قالت الابله كل بنتين يحلون الاسئلة والبنات ال13 الأوائل يفهمون البنات ال13 المتوسطين في الحل
    رحت مع البنت اللي طلعت لي ويالسة اشرح لها جان تعصب وتقول لي: شو عبالج أنا غبية؟
    دق الجرس وطلعت وانا يالسة اقول ( الحمدلله) والله فكه منها جني ميته عليها شكلي بروح عند الابله
    واشوف بنت ثانية المهم الحين كان علينا فسحت صلاه صلينا عقب جغرافيا وحضرتي نسيت الكتاب
    في البيت والحمدلله الابله ما انتبهت أوكي .... خلاص شو تبون رديت البيت عقب

    يلا سلامـ...
    إلى لا أين لا أدري..
    أجل أدري إلى لا أين..


  2. ...

  3. #2

  4. #3
    هههههههههههه

    ماشاء الله عليك يالفالحه ناسيه الكتاب

    ماتلامين ياأختي

    وش هالعقده من المستشفى

    ترى كلها وخزه إبره البقر الكبيره

    ولاتخافين

    زين


    أختك في الله :كازومي
    2a3cf10dcd206f10eb031858344d885e

    الدعاء الصادق يلهب الخيال ويدني المحال ومالا يخطر على بال..

    سَتُمْطِرُ السَمَاءُ يَومَـاً مَـآ بِ آمَانِينـَـآ

  5. #4
    قصه عجييبه

    مشكوره حبيبتي

    ولا تحرمينا من جديدك


    مع تحياتي
    space girl

  6. #5

  7. #6

  8. #7

  9. #8
    :


    ..روـوعهــ..

    ...يسلموو ع قصهـ الكوـولــ...


    :
    ﴿رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ(النَّمْل:19)

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter