طلاب قطر يعانون من....................

[LADY REBECCA]

أوافق أختي الباكيه على رأيها
البنت لازم تتعدل وتكون متعدله
قبل ما تروح المدرسه
ومشكوررررررررررررررر
على الموضوع والله يعين طلاب المدراس
المستقله

[BLUE $TAR]

..

السلام عليكم..
شخبارك اخوي..؟..ان شا الله بخير..

..

بصراحة انا معارضه عاللي قلته بس صح ان المدارس الحكومية اسهل وبالعربي..
بس المدرسين هم نفسهم حتى في المدارس المستقلة يساعدون الطلاب والطالبات لانهم يدرون ان النظام جديد ويمكن تكون في لخبطة..

بس انا صايرلي 3 صفوف دارسه في المستقلة وان شا الله هالسنه بتكون الرابعه و عادي عندي..
بس يمكن انت عندك صعوبة في اللغه الانجليزيه شوي..
انا اشوف ان الطلاب و الطالبات هم اللي يخرعون نفسهم و يقولون ان المنهج بيكون صعب ومادري شلون..
انتو بس حاولوا تشجعون نفسكم انكم تقدرون تتعلمون..ولا ليش رايحين المدرسة..

اما عن الامتحانات وعدد الصفحات فــ من وجهة نظري ان احسن تكون وايد عشان تكون الاسئله اقصر واسهل..
ولا اذا كانت الصفحات شوي بيحطون لك اسئله واايد و بتكون اصعب لانهم ما يقدرون يجمعون المنهج في صفحات شوي..

و الوقت عادي صح اطول بس عادي..

ومثل ماقالت الاخت -sealed pearl- ان الانجليزي لغة عالمية و بتضيع اذا ما تعرف تتكلم انجليزي..

عالعموم شكرا عالموضوع..
واتمنى لك التوفيق..

..

مع الف سلامه..

..

[vip-yahri]

هذا ردي للاخت-sealed pearl-



إذا كنت تقصد السلوك في الصف و مع الأستاذ فأنا أرى ذلك بأنه جيد لأن أستغفر الله في طالبات يجوون المدرسة كأنهم جايين لحظيرة أستغفر الله خاطري لما يجوون الأهل عشان يسجلون عيالهم في المدرسة المدير أو المديرة يعطونهم ورقة مكتوب عليها "هل طفلك فعلاً يريد أن يأتي للمدرسة؟ و هل أنت متأكد؟"




اختي انا انظلمت من استاذ والله ستر وربعي انظلموا من استاذ وكان برسبهم لولا انه جاب ابوه


هههه أرجوووووك حتى اللي في الحكومة يقولون ان الإنجليزي صعب. أنا لآ أرى بأنه صعب بل أظن بأنه سخيف, هناك فتيات يقولون لي بأن الإنجليزي سهل علي لأنني درست في أمريكا منذ الصغر و لكن هذا ليس سبب بأنني متفوقة في هذه المادة! لا و ألف لا فأنا رأيت فتيات يحاولون و يستجدون في دراسة المادة و يحصلون على علامات ممتازة فأما الكسالى ربما يرسبون. اتصدق يا اخوي أنا اخواني الصغار في مدرسة مستقلة في صف الرابع ابتدائي و اكتشفت ان نفس اللي يعلمونهم إياه يعلمونّا احنا في ثالث ثانوي!!!!! و يقولون البنات انه صعب؟!؟!؟!؟



ههههههههه؟؟؟ اختي مناهج انجليزي المستقله اصعب

أنا لم أدرس في المستقلة قط و لكن في أشياء عجبتني فيها و كنت أتمنى بأن أدرس في المستقلة و لكن الحمدلله على كل حال و الله يوقكم و يسهل عليكم الدراسة و لكن يجب أن تكون مستعداً و جاد في دراستك و ليس فقط الدعاء بالتوفيق و النجاح


اختي لالزم تجربي قبل ما تعطي رايك لازم تجربي بنفسك وانا اتمنى انك تدخلي مدرسه مستقله وبعدين ان شاء الله تغيري رايك



على فكره المدارس المستقله تعني كل مدرسه مناهجها تختلف عن المدرسه الثانيه وانا احكم على المدرسه الي ادرس فيها

[vip-yahri]

اخوي كريمس
ممكن المدرس يكون ظالم واذا كان ظالم رحت فيييييييييييييييييهاااااااااااا
برسبك بعد مادرست المنهج

[vip-yahri]

اختي مشكوووره على المرور واسمحيلي الخط كان صغير


ومشكووووووره على المرور

[HAYYEN]

أختي -sealed pearl- أنا ما قصد أكشخ
بس الواحد ما يطلع من البيت وهو مبهدل
أنا أبغى أكون أنيقه بزي ألي ألبسه مو يكون علي ضخم ولا قصير
هذا رأيي
وبعدين مثل ما قال أخوي vip-yahri أنتي أول أدخلي المدارس المستقله بعدين أحكمي عليها
وتسلمين

[vip-yahri]

مشكووورين على الردوووووود


والردووووود ليست محصوره على اهل الدوحه ولا الخليج
بل هي محصوووووره على اعضاء مكسات

وان شاء الله تعطوني رايكم بهل الموضوع

[The killer-101]

السلام عليكم ورحمه الله وبركاته
مشكور اخي الكريم على طرح مثل هذا الموضوع
واحب ان اتكلم عن نفسي قليلا
اول ما دخلت المستقله كان في صعوبه قليله
ولكن الحمدلله مع مرور الوقت تأقلمت مع الوضع

م.المستقله

الدوام من 7 الي2.30
اي والله صح كلامك كل عائلتي ترجع البيت الا انا ارجع آخر وحده

العلوم الرياضيات بالانجليزي واصعب
بالنسبه لي الانجليزي اصعب

الانجليزي اصعب من مما تتوقع نعتبر ان الكتاب سرق من الجامعه
كانوا يدرسونا منهج ثالث ثانوي ونحن لا نزال في الاعدادي
والاستاذ لن يتكلم الا بالانجليزي
هذا كان اصعب شي بس مع الوقت الحمدلله تأقلمت

والحصه تتكون من 45د زياده خمس دقائق عن الحكوميه
كانوا لا يعطونا اي وقت فراغ بين الحصص

[/center]

مشكور اخي على الموضوع مره اخرى

[ساسكي الوحيد]

ما احلى ايام المدارس الحكوميه وما اسهلها لكن
اتى الغزو من المدارس المستقله تفرح لرؤية النظام داخل الصف وفي الساحه لكنعندما تتفاجىء وترى الملازم تفرح وتقول في خاطرك سوف تكون الفصل اسهل مما توقعناه ولكن سوف يطلب منك الاستاذ ان تكمل الملزمه في اسبوع والملزمه تتكون من (30الي50ص)ترى المناهج قنبله كارثه للااااااااااااااااااااااااااااااااا ما هذا تتذكر الكتب وما كنت تفعل بها من رسم وتصميم مناهج انا خطلتها مع الفولاذ لذاب الفولاذ من شدت حرارة المناهج
الآن سترون الفرق الشاسع بين المستقله والحكوميه

احم احم

انا ف مستقله ولا شي من كلامك صار احسن من المدرسه مافي انا من اليرموك والحكوميه شيستفادون منها من كثرة هوشاته من اساتذتها درس شرح مرة والله لايعينكم تقصد المدارس الحكوميه اهي الظالمه الي ماتدرسنا


ولمعلوماتك انا اليرموك المستقله

[vip-yahri]

والله انا احاول اتغلم بس ما اقدر والله انت ارتحت

بس مشكلتي صفر بالانجليزي تعرف معنى صفر بعد سالب لو تبي تقول



ومشكوووور على المرور

[vip-yahri]

اخوي انت يمكن كلامك صح
بس لو سمحت بدون تسميه المدارس لو تبي اذكر المنطقه

انا صوب الجنوب ويا ريت تكون تعرف مستوايتنا

والمدارس المستقله كل مدرسه مناهجها غير





ومشكووووور على المرور

[vip-yahri]

وانا اقول انه مستقبل المدارس المستقله راح تظمن لك مستقبل سهل وكبير

بس انا اتكلم عن الحاضر

[-sealed pearl-]

هذا ردي للاخت-sealed pearl-

حياك الله اخوي قول اللي تبيه ^_^

اختي انا انظلمت من استاذ والله ستر وربعي انظلموا من استاذ وكان برسبهم لولا انه جاب ابوه

لا حول و لا قوة إلا بالله, الاستاذ اللي يظلم الطلاب سوف يعاقبه الله فالله يمهل ولا يهمل و مب على كيفه يقعد يرسب الطلاب الله يهدينا كلنا

ههههههههه؟؟؟ اختي مناهج انجليزي المستقله اصعب

إن شاء الله الله يسهل عليكم و أنا يمكن شايفة ان الموضوع عادي لأني أصلاً ما فتحت كتاب انجليزي من مدرسة مستقلة بس أنا عندي قريبات يروحون مدرسة مستقلة و صديقتي بعد كانت فيها و الحمدلله خلصت و يقولون لي عن مناهجهم و شفت ان كتبهم كأنها على كبر قاموس ما شاء الله.

اختي لالزم تجربي قبل ما تعطي رايك لازم تجربي بنفسك وانا اتمنى انك تدخلي مدرسه مستقله وبعدين ان شاء الله تغيري رايك

للأسف ما أقدر أدش مدرسة مستقلة يقولون ما يقبلون ثالث ثانوي و أصلاً المدرسة وايد بعيدة عن بيتنا و أمي مب متقبلة هذا الشي(ان المدرسة بعيدة عن البيت لأسباب كثييييرة) و أنا سمعت أكثر من وحدة اتقول لي عن المدرسة المستقلة اللي هي فيها.

على فكره المدارس المستقله تعني كل مدرسه مناهجها تختلف عن المدرسه الثانيه

صحيح

انا احكم على المدرسه الي ادرس فيها

الله يعينك يا اخوي بس هي المسألة تحتاج إلى شوية صبر و تذكر قول الله تعالى:

((وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ))
سورة البقرة الآية رقم 216

[-sealed pearl-]

أختي -sealed pearl- أنا ما قصد أكشخ
بس الواحد ما يطلع من البيت وهو مبهدل

اختي تشوفي هاي الرد اللي انتي كتبتيه قبل:

لا اخوي تكفى لا تقول ان اطالبات ما يعانون
والله احنانعاتي وااايد لا نقدر نسرح شعرنا ولا نقدر نكشخ مثل ما نبغى ولا عاد المدرسات كل وحده شايفه نفسها واحنا المساكين

أنا اللي فهمته من كلامج انج تبين تسرحين شعرج و تكشخين في المدرسة كأنه ما كان عندج وقت اتسوين كل هذا في البيت قبل ما اتروحين المدرسة فهاي ليش المدرسات ما يخلونج اتسووين اللي تبينه. شي أكيد الواحد لازم ما يطلع من البيت و حالته حالة فالرسول عليه الصلاة و السلام كان يطلع بأحسن صورة قدام الناس سواء كان في مناسبة أو غير ذلك.

أنا أبغى أكون أنيقه بزي ألي ألبسه مو يكون علي ضخم ولا قصير

الحمدلله ما شاء الله لأن هذه فطرة في البنت انها اتحب تتعدل الله يحفظج من كل شر

هذا رأيي

و أنا أتقبل رأيج الحلو مثلج

وبعدين مثل ما قال أخوي vip-yahri أنتي أول أدخلي المدارس المستقله بعدين أحكمي عليها

صحيح إني ما أقدر أحكم على شي قبل ما أمر أنا فيه بنفسي و لكن هناك الكثير من الناس قالوا عنه زين و شين و أنا أحب أكون متفائلة في كل شي بس بحدود

وتسلمين

الله يسلمج و اسمحي لي لأن نص كلامي عامّي و باللغة العربية الفصحة خخخ

[The killer-101]

والله انا احاول اتغلم بس ما اقدر والله انت ارتحت

بس مشكلتي صفر بالانجليزي تعرف معنى صفر بعد سالب لو تبي تقول



ومشكوووور على المرور

صفــــر
الانجليزي ليس صعب لهذه الدرجه
ولدي ملحوضه انا بــــنت مب ولد

[missme]

السلام عليكم ورحمة الله وبركاته

اخوي موضوعك يخرع ويضحك ..

لنك واايد مكبر الموضوع ..

انت ذاكر ايجابيات المدارس المستقله .. على انها سلبيات

الدوام من 7 الي2.30

في هاي معاك حق
بس في مدارس يخلصون قبل ^^
لن في الحكومة نخلص 1 وفي رمضان 12 ونص ..

العلوم الرياضيات بالانجليزي واصعب

حراام
انا يوم اشوف كتاب اختي مال الرياضيات اصييح على كتبنا في الحكومة
تعرف يعني المسائل يعطونهم ايااها على شكل اشعار ..
ودروسهم سهلة .. وعندهم المناهج المتعه قبل العليم
يعني مب بس احفظ واحفظ
اهم يدرسون بطريقة ممتعه ..تخلي الطلاب يندمجون
امم وكل اخواني في مستقلة ..
امم يعني عندي اخو في الابتدائية ييبي يروح المدرسه 5 ونص والله بس مانخليه يروح الا 6
وهم يخلصون 2 اظن .. هو مايرجع الا 3 الا ربع ..
مستخف عالمدرسه
يقول وناسة وجي

وماننسى الرحلات ..
والاكل اللي يبيعونه عندهم
يالهوتي

واحنا بيزتنا فيها حبه زيتون ونص حبه فطر


===

والحصه تتكون من 45د زياده خمس دقائق عن الحكوميه

الحكومة 45 !

وامتحان العلوم لن تفهم منه شيء

بس الامتحانات ماعليها وايد


على فكرة ..ترى المدارس المستقله أفضل من المدارس الخاصة وأرقى
والطالب له حقوق في المدرسة
حتى عندهم ان الطالب اهم من المدرس ..

بس تقدر تقول عيوب المدرسه
ان كل صف 25 طالب بس
فبهذي الطريقة تضيع فرص كثير من الطلاب ويضطرون يدورون مدارس بعيدة عن بيتهم ..

وطول الدوام مثل ماقلت ..
يعني هم يداومون اول ناس ويخلصون آخر ناس ..

وفوق هاي كله .. جامعه قطر ماتعترف بشهادة المستقله <<

المهم
انا ان شاء الله يوم بتبدأ المدرسه
بكون في مستقله
صج اني متفاءله ..
لكن اللي مضيق خلقي طول الدوام ..
واخاف يحاسبونا عالغياب
بس في اشياء بتعوض
مثل ان مدرستنا بتكون مكيفه ..قبل كنا نموت في الحر
امم وبيهتمون فينا اكثر

[Last Genius]

السلام عليكم..
مشــكور اخوي على الموضوع..
وانا الصراحة افضل المستقلة على الحكومية..
لان الصراحة الحكومية ملل..
صحيح ان المستقلة ساعات الدراسة كثيره
بس افضل من الحكومية في اشياء كثيره ومنها..ا
الصف المتحرك
(اقصد التنقل بين الصفوف من مادة الى مادة)..
وانا ايضا المدارس المستقلة تعطي لكل شيء درجات ..
مثل السلوك والنشاط..
وحكومية ما اظن لان الصــراحة انا لاحظت انها بس تحسب..
المتحانات مهما كان سلوكك او نشاطك..
مثلا انا جبت في الاجتماعيات في الفصل الاولى 50-50 ..
وفي الفصل الثاني تقريبا نقصت درجة..
وفي الشهادة النهايئة طلع مجموعي هو
99-100 ..

[Gintoki]

وفوق هاي كله .. جامعه قطر ماتعترف بشهادة المستقله <<

جامعة قطر ماتعترف فيها
انا كنت بروح جامعة قطر بس رحت البترول و ودوني North Atlantic
زين اني مارحت...صج جامعة فاشلة

[واثق الخطى]

السلام عليكم



اولا الحمد لله انا افتكيت من المدارس من فترة



عقبالكم



ثانيا


الدولة محتاجة كفاءات وناس على مستوى والتعليم الحكومي ما عاد ينفع

الطلاب يطلعون من المدارس الحكومية وهم ربي كما خلقتني

مستواهم زفت في اكثر المواد

الا من رحم ربي

مع اني ما درست في المستقلة لكن الدراسة بالانجليزي احسن

تعلم اللغة من وانت صغير ترتاح عقب

الحين لو بتروح اي مكان تشتغل فيه راح يطلبون فيه الانجليزي

وفوق هاي كله .. جامعه قطر ماتعترف بشهادة المستقله <<

هذا شي طبيعي

بعض المدارس المستقلة احسن من الجامعة نفسها



جامعة حكومية + مدارس حكومية = طالب خبر خير في كل شي




إلى الملتقى

[دمعة الشوق2]

السلام عليكم..
صراحة الموضوع وايد حلو..
واسمحلي اني ابدي رايي..
بعد الردود اللي قريتها لاحظت ان كثير منكم مايبون المستقلة .. ويقولون انها صعبة .. انا درست الابتدائية في مدرسة حكومية والاعدادية مستقلة ورايحة على ثانوية مستقلة.. وصراحة المستقلة احسن بوااااايد من الحكومية يعني المستقلة صج ان بعض المواد مثل العلوم والرياضيات بالانجليزي بس احس ان الدروس صارت اسهل بالانجليزي انا يوم صارت مدرستنا مستقلة كنت مب فاهمة شي بالانجليزي بس الحمد لله تاقلمت الحين وصرت متفوقة في الانجليزي..
وبعدين صح ان وقت الدوام اطول بس وناسة وبعد في نقطة حابة اذكرها في المدرسة اللي كنت ادرس فيها كان في شي اسمه نشاط لا صفي يعني نتعلم اشياء مالها خص بمنهجنا الدراسي يعني برامج جديدة في الكومبيوتر وغيرها الكثير.. بس ماعرف اذا هالنظام متواجد في المدارس المستقلة الثانية .. وشكرا
واسفة على الاطالة..