أحس أني وسط ليليٍ طويــلٍ ناسـي فجـــــــــره
أعيش بظلمته واسرح بافكاري إلى المجهـــــول
أفكر وانتظر صبحي الجميـل الباســم وعطــــره
وتصــدمـنـي هــواجيسي ولا ألقـي لهمِّي حلــول
أنا مليت واحساسي معــك ارهف مـن الشعــره
وألوم القـــلب لكنّه يعــاند وانته المـــســــــؤول
اريــد ابكـي علـى قلبـي وتخنقنــي أنا العبـــــره
واحس بدمعتي الحرَّى على محجر عيوني تجــول
تبي تنزل واعاتبها تقـــول اش فيـك مغتَّــــــــره
واقــول الصبر يا دمــعه انا وانتي نخل وخيــــول
أنا يا ليل وش ذنبي تصبَّرني علــى القمـــــــره
وتجبرني على همومك اعايشها بعرض وطــــول
أهوجس واحسب نجومك وقلبي يلتهب جمـــره
واضيّع حسبتي وفكري على باب الوصل مشـغول
أنا يا صبحي اترقّب طلوعك والأمل بكـــــــــره
أريد اتكــحّل بنــورك وليلي ينجــلي ويــــــــزول
حقيقه أو سراب انته انا ما ادري وش الفكــره
انا صــــبري بدى ينــفذ واخاف انك أمل مقتــول
أريد تعيد لي وقتي القديم وشمســه وبـــــــدره
أريد اعـــرف أنا منهو.. أريــد اتفــسِّر المجهـول
م
ن
ق
و
ل
المفضلات