قال انتبه باقي على شفتك روج
ارجوا ان تحوز على اعجابكم مع العلم اني ماأعرف الشاعر ومن يعرفه لا يبخل علينا بإسمه ومشكورين .
ياعين من حطيت عيني بعينه
وابطيت في بحر عينه أموج
أبحرت في عينه بليا سفينه
سجيت فيها لين ضيعني الموج
حاولت ألد الشوف عما يهينه
ولا انتبهت إلا وأنا فيه ملبوج
شفت الفتن في ملتقى حاجبينه
والسحر في عينه مع الزين مدموج
أسود سواده لا بسته السكينة
وأبيض بياضه طايش اللون مرجوج
زاويه طرفٍ حاجزٍ دمعتينه
لولاه كان الخد بالكحل ممزوج
كاسيه رمشٍ زاد ملحه وزينه
من فوق متكحل ومن تحت مدعوج
بين الرموش السود شفت الغبينه
واللي رماه الرمش ماعاد له بوج
مرت ثواني من حياتي ثمينه
وأنا أتهادى بين الأشواق وأدوج
مرت وأنا قابض على راحتينه
واقف مقابل له وساهي ومدلوج
مدري وش اللي صار بيني وبينه
والقلب ماردنه ضلوعي العوج
ولا انتبهت إلا بسحبت يدينه
قال أنت تبغي الناس تلحقني هروج
قلت أعذر اللي شافك الله يعينه
يبطي ودمعه بعد فرقاك مزعوج
عينك بنظرات الغلا مستهينه
قال الغلا في داخل القلب منسوج
قلت الوعد قال إيه كلشٍ بحينه
الله يفتح لك من الضيقة فجوج
قلت آه طيب شف لي الدرب وينه
قال أنتبه باقي على شفتك روج
م ن ق و ل
S A L A M E
اضافة رد مع اقتباس
المفضلات