السلام عليكم ورحمة الله وبركاته
اخواني اخواتي في المنتدى
انه ليكون لي الشرف ان اكون احد اعضاء هذا المنتدى
وها انا اتقدم اليكم باولى مشاركاتي
فعسى ان تنال اعجابكم
واعذروني فأنا لا اعرف طريقة التنسيق
فارجوا من مشرف المنتدى ان يشاركني في تنسيق القصيده ولكم جزيل الشكر
"" لعنة زمان ""
قام يكتب في الدفاتر يلعن الزمن المرير
يكتب الكلمة ويشطب ثم يرجع للكتابة
لين خلصت هالدفاتر وما بقى منها كثير
والسطور ملت بعضها وابتدآ قصة عتابه
آه يا زمن العجايب كيف ضيعت الضمير
كيف ترضى تقلب العاقل جنون في عذابه
آه منك يا زمان تيتم الطفل الصغير
تغرس الهم ف طفولة لين يصبح في شبابه
حتى انتي يا سحابه ما مطر صار غير
صار مالح صار راكد وين ضاعت هالعذابه؟؟؟؟
وأنت يا موج البحر كيف تغدر بالبحير؟؟؟؟
كيف ترضى تترك الصرخة تنادي واعذايه
وأنت وينك يالربيع انكسر كل جنح طير
وانكسر مزمار راعي وانقطع حبل الربابه
والهوى غير مساره وانكسر غصن نظير
وأصبح الأخضر يباس وما بقى إلا سرابه
آه منك يا زمان ما دريت إن الفقير
تآكل ضلوعه بعضها وهو واقف في ثيابه
وان أجا للنار يضوي عافت النار الظهير
والشتا يرقب خنوعه حتى ينهش في يهابه
حتى هالنار استخارت تنخمد ولا تستعير
وتنطوي وتموت شمعه آه يا زمن الغرابه
وانت يا ارض العروبة النخل بك يستجير
مالقى فيك الدفى وعافت جذوره ترابه
وين ضعت العروبة وين ضيعت المسير؟؟؟؟
ضاعت قلوب الخلايق وما بقى الا ذيابه
تنتظر تمووت بعضها حتى تبدأ بالمغير
ثم يتناهش بعضها كنها في جو غابة
كلمة القانون فيها القضاء على الصغير
والقوي له كل كلمه والضعيف ماحد درى به
هذي عاذرة البشر ان الزمن أصبح دمير
وكل ما حوله سرب وكل شي أصبح خرابه
وقام يلعن هالزمن أنت يا زمن نكير
انت فرقت الخلايق انت فرقت الصحابه
انت دمرت البيوت وانت عطلت المسير
وانت شيبت العقول لين سد الكل بابه
ما بقى ممن هو يجيرك للأسف مات الضمير
الكل صابر في صدودك كنم ضدك عصابه
والصراحة لو بغيت إن الزمن ما فيه غير
العيب مو عيب الزمن فينا احنا هالعيابه



اضافة رد مع اقتباس

المفضلات