السر الخطير والخلطه العجيبه..ومن تجربتي الخاصه انا بقايا الروح
السلام عليكم ورحمة الله وبركاته ..
ادري جاايه متأخر بس حبيت افيدكم قبل الدراسه ....
المهم ياحلوات الخلطه اللي جايبتها لكم انا استخدمتها ووقت ما خلصت مدتها حبيت اعطيكم النتايج ....
اليكم الخلطه اخذتها من عضوه من العضوات الله يجزاها الجنه في منتدى ثاني نسائي ...
راح اعطيكم الخلطه ...
لكل الاخوات للي يمكن يسألوا عن الطريقة الصحيحة و الكاملة لاستعمال هذا البرنامج ان صح التعبير
اولا اقول:صديقتي بشرتها كانت من النوع الحساس جدا مع بشرة دهنية في منطقة الخد و الدقن و الجبهة و الانف لكن كانت لما تغسل وشها ضروري تحط كريم ((يمكن بشرتها مركبة)
الحرمة قالت لها:
1)توقفي عن استعمال الصابون لانه يجفف البشرة و الى يومنا هذا صديقتي لا تستعمل الصابون و بشرتها الحمد لله لم تتأثر بما حصل لها سابقا.
2) تستبدل الصابون العادي (( في فترة العلاج فقط))بالصابون السائل المغربي ((ريحته شوي قوية لكن رهيييب))
تستخدمه مرة واحدة لما تقوم الصبح من النوم( و بسسس).الان صديقتي تغسل وشها بمية بس صدقوننني و تحط اي كريم منظف و خلاص.
3)تغسل وشها بمية دافية و بعدين تحط الصابون نص دقيقة و تشطفه بالماء و تجفف وشها بوفطة من القطن بعدين تاخد الكبريت بودرة مع الماء او الليمون ((اختياري))
و تحطه على كامل وشها ((باستثناء محيط العين و تحت الجفن)).
و تخلي القناع لمدة نص ساعة ((فقط)) و تغسل وشها بالماء الدافئ و بعدين ترطب بشرتها بزيت زيتون.
تمشي على نفس البرنامج اسبوعين بعدها تعمل حمام مغربي و الادوات المطلوبة:
بخاااااااار يعني حمام ساااااااااخن + صابون مغربي+ ليفة + زيت زيتون.
ادخلي للحمام و اغسلي وشك بالصابون المغربي السائل ((حطيه نص دقيقة)) بعدين اغسليه و انشغلي باي شيء تاني يعني اغسلي شعرك او افركي كامل الجسم بالليفة
لحد ما تنتهي النص ساعة على الاقل لأنه المطلوب البشرة تترطب و تتشبع بالبخااار و حرارة الحمام عشان تتنظف البشرة بعد كده من القشرة الميتة بسهوووووولة
و اكيد السر الاكبر في الصابون المغربي و الكبرييييت.
و ما زلت اشهد الله على قولي.
بعد الحمام بنص ساعة او اكثر يعني انتي و راحتك و وقتك , خدي ليفة و بحركات دائرية ابدئي بفرك الوجه و يستحسن يكون مبلل طبعا و خلي ايدك حنينة
يعني نظفي وشك على خفيف و شوفي البلاوي للي تطلع يعني بتغيري بشرتك جدريا.
بعدين كملي حمامك بالهنا و الشفا و استعملي لوشك كمرحلة اخيرة زيت زيتون او يمكن تحطي اصفر بيض مع شوية عسل
و حطيه قناع لوشك كم دقيقة ثم اشطفيه و استعملي زيت زيتون مرطب في المرحلة الاخيرة.
على كل حال:
اتمنى هذا القناع يكون نافع لكل الاخوات
و ارجوكن اخواتي في فترة العلاج لا تلعبوا بالحبوب او البثور للي في وشكم و يمكن في فترة العلاج تطلع قشور خفيفة فخلوها فحالها و حطوا بس مرطب قبل النوم
و لا تلمسوها خلوا كل شيء لما ينتهي الاسبوعين حتى لا تحصل تسلخات او غيره.
انتو عارفين ان العدو الاول للبشرة هما اصابع الايد.
هذي طريقه الخلطه .. وانا استخدمتها على نفس كلام الاخت ... يعني يوميا اغسل وجهي بالصابونه المغربيه .. وبعدها ادهن وجهي بخلطه الكبريت مع الليمون ....واغسلها بعد نص ساعه ....وادهن بعدها وجهي بزيت اللوز المر ... لاني ما احب زيت الزيتون على وجهي ....
وداومت عليها لمدة اسبوعين ... وما استخدم غير هالخلطه بوجهي في الاسبوعين
ولما جا اخر يوم بالاسبوعين ... سويت حمام مغربي .. بخار وصابونه مغربيه ولبفه ...
طبعا انا سويت بخار لوجهي بآلة البخار اللي تشتروها من براون ....وجلست نص ساعه وجهي صار كذا لونهمن الحراره مو معصبه طبعا ..كنت متحمسه ابي اشوف النتيجه ...
وبعدها استخدمت الليفه مثل ماقالت الاخت وبحركه لطيفه ودائريه على وجهي ...
بجد لما نشفت وجهي احسه مرطب وتقريبا الآثار اللي بوجهي شبه اختفت .. والله شوفوني حلفت اللي بالبيت كلهم يقولون استمري عليها بعد اكثر لانها بعد فتحت عندي البشره .. وصار لونها معتدل....والحمدلله .. قولوا ماشاء الله ..
وحاليا بعد ماخلصت من هالخلطه حبيباتي ... استخدم موية الورد مثل مانصحتكم فيها من قبل .. بس سويت شي زياده صرت اشرب المويه العاديه واضيف اليها ملعقتين من مويه الورد .. طعمها حلو .. وبنفس الوقت فايدتها كبييييره ..اولا تصفي البشره من السموم اللي فيها .. يعني تشربيها تصفي بشرتك من جوه .. وامسحي فيها وجهك بعد ماتغسليه بصابونه غير معطره .. افضل تستخدمون اللي انا استخدمها الحين بدال الصابونه المغربيه واللي هي صابونتي لي سنتين وانا استخدمها وهي حلوه ...اسمها ((صابونه البابايا))طبعا اللي بدون حبيبات سودا تلاقوها عند العطارين ومحلات بيع الميك اب ...وسعرها 8 واذا يبغوا ينصبوا عليك يخلوها بعشره ..يالله مافرقت كلها ريالين <<<نصبوا عليها ههههههههه
مويه الورد تستخدميها على وجهك اربع مرات في اليوم ...وطبعا لازم تشربي ثمانيه اكواب مويه يوميا .. وانتي قسمي اي كوب تشربي فيه مويه بنكهه الورد ...خخخخخخخخ
وخلطه تزيدك بياض وفي نفس الوقت وانا استخدمها بعد ...
اللي هي خوذي ملعقتين من الحليب البودره((نيدو -انكور..الخ))اللي موجود ببيتكم
ومعاه ملعقه من الحليب السائل ((سعوديه-المراعي ..الخ))وتخلطيهم مع بعض لما يتكون عندك سائل كثيف يشبه خليط الكيك <<<تعرف تشرح ماشاء الله ...
وبعدها ادهني بها وجهك ...وخليها لما تنشف .. ولما تجف يالغلا انتي وهي .. قومي وباصابعك السبابه والوسطى <<لازم والا بتخرب الخلطه ههههههههه
وبحركه دائريه لطيفه وتشيلين الحليب الجاف من على وجهك بهالطريقه ...
بعدها بيبقى شوي من اثار الحليب الجاف على وجهك غسليه بمويه عاديه دافئه .. ونشفيه زين .. وامسحيه بقطنه فيها موية ورد عشان تترطب البشره .. وانتي جربي وقولي لي بهالموضوع النتايج ..
والله والله والله ان كل المكتوب قدامكم انا نفسي بقايا الروح استخدمها .. والخلطه الاولى استخدمتها وخلصت منها والحمدلله والنتائج مبهره ماشاء الله ..
اتمنى اني افدتكم بقصة حياتي ... لاني بجد عانيت من هالشي وما ابغاكم تعانون كثير مثلي لاني ما خليت اخصائيه او اخصائي بشره وما زرته ويعطوني حبوب وكريمات ومقشرات مااا فاادتني كثر ماا زادت علي الحاله وكرهت شكلي ...
يعني يا بنات اللي معزمه وبتسوي الخلطه تتكل على الله ... وتكتب لنا تجربتها بهالموضوع و ان شاء الله اشوف وش صار ببشراتكم ....
ملاحظه:: تبين تعرفين اذا كلامي جد ... خوذي كاميرا .. وصوري بشرتك من الجهتين اليمنى واليسرى ...انا سويت هالطريقه عشان اتطمن .. طبعا صورتها قبل وبعد .. والله فررررررررررق ماشاء الله ....الحمدلله وياارب تتهنوووووووووون فيها يالغوالي ....
وانا نزلت الخلطه لعويناتكم الحلوات .. ...
والله يجملكم خارجيا وداخليا ...
لاتشكروني ... ابيكم تدعوون لي اذا استفدتم بجد ...
دمتم بخير
اختكم((اخصائيه صغيرونه للبشره))
بقايا الروح
الحقوق محفوظه لدى بقايا الروح((الرجاء عدم نشرها ))الا وكتابه اسمي المستعار على نفس الموضوع .. فللامانه القلميه والتجربيه حق على الجميع واحترام لشخصي انا ..
جزيتم الجنه
اضافة رد مع اقتباس
المفضلات