اليوم وقع صديقي لامونت في ورطة كــــــــــبـــــــيــــــــــرة.
طبعا كالعادة انا ولامونت نحب نتمشى مع بعض لكن اليوم حصل شي غريب في لامونت.
اتفقت انا ولامونت اننا نروح نلعب بلياردو الحمدلله انبسطنا وفرفشنا إلين الساعة واحدة في اليل.
المهم جاني النوم وقلت يالله يالامونت نمشي ومشينا طبعا محل البلياردو قريب من البيت .
المهم واحنا راجعين لقينا قطة (بالسعودي بسة) وبصراحة البسة شكلها تجنن وتقول ماع ماع قصدي ميو ميو
ملاحظة(صديقي لامونت يحب القطط مرررررررة) البسة كانت قاعدة جنب بيت مسكون .
المهم لامونت قلي البسة مرة حلوة رايح امسكها قلتله طيب راح يبغى يمسكها شردت ودخلت البيت
وياريت البسة مادخلت هدا البيت المسكون المهم راح لامونت دخل البيت وراها وانا اقله لا تدخل لاتدخل
طنش كلامي ودخل .
(ومن هنا يبدأ الفيلم)
قعد داخل البيت ربع ساعة وانا بصراحة كنت شايل هم يمكن صار له شي.
وبعد ربع ساعة خرجت البسة وتطالع فيني حوالي دقيقة وراحت وبعدين خرج لامونت ...................
لاحظت شي فيه موطبيعي عيونه بيضة وكأنه متشنج ومعصب بصراحة انا استغربت وكمان انفجعت .
قلتله وطبعا وانا أبتسم عشان قلت في نفسي يمكن يهدى وإلا شوية طالع فيني وقال كلمات غريبة
زي مخقلتثحلقماحالثةاخ ثةغاها وبعدين شرد مادري فين راح حاولت ألحقه لكن ماقدرت.
قولو انشاء لله يكون بخير.
اضافة رد مع اقتباس
....ياخي فضحك ...
...قلبي قام يرقع
...يقطق ...على قوله طاش ماطاش يطربق يطربق 
...اووووووف ...الله ياخذ بليسك ....خرعتني 
المفضلات