مشاهدة النتائج 1 الى 9 من 9
  1. #1

    فيه احد يواعد خويته في محل ابو ريالين....(قصة)...!!

    هذي قصه قريتها وحبيت انكم تقروها معي

    بخليكم مع احداث القصه

    *

    *

    *

    امس بعد صلاة العشاء تقريبآ عطتني أختي 25 ريال وقالت جب مناكير لونه موفي ... ومن سوء حظ أختي العزيزة إني اليوم مطفر وقلت بلا ماركات بلا هم أروح لمحل أبو ريالين واشتريلها من هناك وتحمد الله وتشكره << الولد مخطط على 23 ريال الي بتبقى..خخخخخخخخخخ

    وصلت للمحل وللأسف مالقيت ملبق لسيارتي الا بحدود مشي عشر دقايق رجلية وتفاجئت يوم وصلت للمحل أبو يمن((أحلى تحيه لأخوانا اليمنيين ..لايزعلوون ولايكملووون الموضوع...)) المهم لقيته واقف بالبوابه ومنعني من الدخول يقول الدخول للعوائل فقط لاحووول حتى محل أبو ريالين صار للعوائل بعد ؟! يابن الحلال كلها دقيقتين بشتري مناكير وابطلع وأبو يمن مافيه امل يوافق وناظرته بعين حارة وقلت والله ماينفع لك الا حركة من حركات الفيصلية وقفت عند الباب لين ماوقف جمس ونزل عشر حريم معهم شنطه بها ترامس شاهي وقهوة ومعهم فراش وعربيه يدفون بها بزر تحلفون بالله إنهم رايحين لستار ستي مهوب محل ابو ريالين ..

    مشيت جنب البزر وامه تدفه بالعربية ويوم وصلنا للباب نزلت راسي وبديت ألعب مع البزر إغاااااااء وأناظر أمه وأقوله أنتي جايبتن رضاعته؟ وأبو يمن يقول أيوووه ياخي من الأول جيب أهلك طبعآ مع الربشه وشدة الزحمة ماقدرت الأم تسوي شي وأنا الي اشوف الأم تناظر شنطتها وتناظر راسي تناظر شنطتها وتناظر راسي عاد طلعت ريال وحطيته بعربية البزر عن قولة شكرآ اخاف اقول لها شكرا وتشكرن هي بالشنطة ..>>ابشركم انطبقت الحيله ودخلنا محل ابو ريالين...


    أول مادخلت المحل فقدت الاتصال بالعالم الخارجي لأني اول مره اشوف زحمة زي كذه هذي تسحب شماغي؟ وهذي تدف؟ وهذي تقول وخخخر لو سمحت ثم مادري الا وهي شايتتني بووووووز آخر شي قامو يوطوني ؟ توي ادري ان السعوديات جلوووف << وين اللبنانيات عنكم وين <<< مهوب منجلد ابد ...

    مشيت بالمحل بعد معاناة وكل من شفته سألته وين احصل قسم المناكير ومشيت لين شفت لي وحده فاتشة ومبوبزة لفت انتباهي المنظر وتعلثمت بهالسؤال بعد ماتنحنحت طبعا لو سمحتي وين القى المناكير فيه؟ وعينك ماتسمع الا يامناحي يامحماس تناديهم ؟! وماتشوفون الا غباري والى ساعة اعداد وكتابه هذا الموضوع وانا ضايقن صدري ودي ادري وش جالسه تسوي ؟
    المهم مشيت لين وصلت لمكان مزحوم بالمره حتى شكيت من صراخهم اني بالجمرات مهوب بمحل ابو ريالين هذي تصارخ على ابو يمن وتقوله قايلتلك أبي عشر درازن من دفتر ابو ستين وينها؟ ووحده ثانيه تقول بصوت عالي الله أكبر الله أكبر استغربت انا وقلت اكيد فيها بلى ذي ويوم قربت لها سمعتها تقول توني حاطة بجنبي درزن دفاتر أبو وجه ووجه من اللي أخذه << ماطيحت قلبه ابد
    طبعا طلع المكان هذا مخصص للادوات المدرسيه وقتها حمدت ربي وقلت اشوى ان اختي تبي مناكير ماتبي دفاتر


    مشيت أدور عن المناكير وفجاة مسكت ايدي عجوز وقالت الله يوفقك ويخليك لميمتك ساعدني باغراضي وصلها للمحاسب قلت لها تامرين امر وحبيت راسها تقدير واحترام ويوم شفت العفش اللي هي مجمعته بزاويه قلت لها والله لو تعطين افغاني 500 ريال ماشالها لك نعنبوا ابليسها ماخلت شي ماشرته ؟ قالت تعال واعطيك اللي تبي قلت والله لو تقولين لي وين مكان المناكير ماشلتها لك..>>بلاكممممم ماششفتووو حوستهاااا...

    المهم مشيت وخليتها لين وصلت لآخر المحل وحصلت قسم مافيه ناس كثير وحصلت لي شاب مرسم يناظر مجموعة ورود اعجبتني رومانسيته وسألته عن المناكير قال انا مشغول استغربت مشغول وحسيت انه مرتبك وبوقتها دق جواله واثرها خويته متواعدين المهم مشى لمها ومشيت وراه لين تقابلوا ويسلم عليها كيفك حياتي؟ وهي بخير ياعووومري وقبل لا يعطيها الورده دخلت بينهم وقلت له لو سمحت ماتدري وين احصل المناكير فيه ؟..>>هههههههههههههههه قوووووة وجهه ابو الاحراااااااااج..

    قال تراك اشغلتنا قلت له بس انا مظطر ارجوك ساعدني قال اوكي بس انتظرني بعد شوي لين اجيك رفضت وقلت له انا مستعجل قال خذ 20 ريال اطلع من محل ابو ريالين واشتر من محل غير هذا على باله يبي الفكه قلت له انا أبي عشر علب مناكير مهوب وحده قال مهيب مشكلة خذ 200 بس فكنا خخخخخخخخخخخخخخخ اخذت الفلوس واول رجل هئيه شفته عند الباب خليته يمسكهم متلبسين >>نذاله..ماشفتووو شيء..

    ومالقاها الا اختي جبت لها ثلاث علب مناكير من زود الفسقه


    منقولـ

    اللهم أعشنا سعداء وأمتنا شهداء واحشرنا مع نبينا العدنان في فردوس الجنان
    اللهم اجعل قبورنا روضة من رياض الجنة وهون علينا ضمة القبر وفتنته يا رحمن يا رحيم
    ¨•.•`¤¦¤( اختكم ومضة)¤¦¤`•.•`¨
    لا تنسونا من صالح دعائكم بهداوة البال والإلتزام الكامل والشهادة


  2. ...

  3. #2
    ههههههههههههههههههههههههههههههههه
    اش كل هذا من المناكير وعاد الاغرض الباقيه ايش بتسوي


    وقبل لا يعطيها الورده دخلت بينهم وقلت له لو سمحت ماتدري وين احصل المناكير فيه ؟..>>هههههههههههههههه قوووووة وجهه ابو الاحراااااااااج..
    هذه مره قويه

    شكرا يا عسل ع الموضوع الفله

  4. #3
    هههههههههههههههههههههههههههه
    اما قصه فله
    مشكووووووووووووره
    ر=*

  5. #4
    ههههههههههههههههههههههههههههههههههههههههههههههههه



    والله قصه جناااااااااااااااااااااااااااااان




    بس رهييييييييييبه كمان




    يسلموووووووووو خيتووووووووووو




    سلاااااااااااااموووووووووووووو
    attachment

  6. #5
    ههههههههههههههههاااااااااااااااااااااااااااي

    القصة مرة ممتعة

    مشكور جدا جدا ع الموضوع
    sigpic225142_1

    لاااااااااا تلعب مع عممممك أحمد يآزعييم

  7. #6
    ههههههههههههههههههههههههههههههههههههههههه


    قووووويه بابو ريالين ..

    لا المرة الجاية في الحراج خخخخخخخخخخ

    مشكورة خيتو ااخ تقطعت من الضحك

    تشاااو
    c896a9536e8d5d549d3cc72b44fcac8f
    I NEED YOU MORE THAN ANYTHING !

  8. #7
    خخخخخخخخخخخخخخخخخخخخخ

    مالقوا الا ابو ريالين biggrin

    لا المرة الجاية في الحراج خخخخخخخخخخ
    يسونها sleepingbiggrin

    مشكووووره على القصه ^ــ^

    تهيااتوو
    اشتقت لمكسات <3 ولهبالنا توني قاريه موضوع قبل 3 سنوات

    يالله >.<" كنه امس وقسم < مو كنها تسولف tongue احس فيني الصيحه :"(

    اسير عليكم من فتره لفتره < من زينك اصلا dead

  9. #8
    هههههههههههههههههه
    هههههههههههههههههه
    هههههههههههههههههه

    قصـــــة مو اي قصة ..
    موتتني ضحك ..
    خصوصا الجزئية الأخيرة ..

    يسلموااا عالموضوع ..

  10. #9
    هاهاهاهاهااهاهاهاهاههاهااهاهاااااا
    والله القصه من جد فلهasian
    يجيبلها كتلوج افون ويريح عمره<<<مو احسنbiggrin
    خخخخخخ
    على العموم مشكوره على القصه الحلوه يا حلوه
    واتقبلي مروريgooood

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter