السلام عليكم
هذي القصيده اعجبتني وحبيت انقلها لكم
وان شاءالله تعجبكم ......
يشتكي هاجـوس من قسى وجـــور الحبيب
له ثمــان أيــام متغير ولادري وش دهـــاه
مدري وش علمه حبيبي وان دعيته مايجيب
مدري ويش اللي مخلي خلي عني دوم لاه
مادرى انه في غيابه قلبــي مجــروحٍ عطيب
ولادرى ان الجرح يبرى لابتدت لحظة لقاه
أشهد ان الحب بلوى والهوى سهمه يصيب
مير مشكــايه على اللي عالـيٍ باعلى سمـاه
كـــامل الأوصاف خلي يمتلك عقـــلٍ لبيب
والله انه عن جميع البيـــض زايد في حلاه
لاتثنى عـــــوده اللين خطــر عقلــي يغيب
داعـــج العينين عينه كنـــــها عيـن المهاه
ليتني أقدر أضمه علهـــا اوجــاعي تطيب
وارتشف من ريقـه المعسـول في جمرة شفاه
والله انــه علتــي ثــم والله انـه الطـبيب
ياعســى ربـي يجيـبه ياعســاه وياعساه
مسكنه ذيك المدينه واسمها ماهــو غريب
ديـرته رس المحـبه زادت بقلبـــي غلاه
يالله انك تجمــع الخل بخليـله يامجيب
بالحـــلال ويشهد الله قلبي ماحن لسواه
وسلامتكم
المفضلات