كيفكم يا سهرانين وسهرانات وطفشانين وطفشانات وفايقين وفايقات
المهم انشاء الله بخير
اليوم حبيت احكيكم عن الي سااااااااارلي في المسلسل (بنات عمري)
القصة تبدأ انو داكا اليوم كنا بنتفرج المسلسل في (المغربية) وانا منرفزة من الاحداث فبأقول لماما لو البنت
(التوأم الطيبة) اسمها سمر تتصل على جوزها وتقولو الحقيقة ووووو.....الخ بأشرحلها الي لازم يسير
وبعدين في نهاية الهرج قلتلها وبكدا يسير ضربو حجرين بعصفور>>>>>>>المثل يقول (ضربو عصفورين بحجر)
طبعا هادي الساعة سرت نكتة البيت ماتسمعو الا ضححححححححححححححححححححححححححححححك عليا
بس انا عشان مندمجة مع الشرح والاحداث الي بتصير في المسلسل
وبعدين قاعدة بأقول لماما>>>بعد ما شفنا سمر تقول (مش عارفة اعمل ايه)
البنت( سمر )دي >>>>>التوأم الطيبة
لو انها عندها لابتوب وفتحت الماسنجر كنت قلتلها الي تسويه بس مشكلتها ما تقعد عالنت كتير
>>>>يعني يعني عندي ايميلها
ولمن اختها التوأم الشرير اخدت المصانع قلت لماما والله مسكينة هديكا( طلعت من السابع من غير حمص)
طبعا كلهم ضحكو علياوانا بأفكر ياربي ايش هوا المثل وعرفتو قمت قلت لا لا (طلعت من المولد من غر حمص )وبرضو يضحكو وانا مني فاهمة الهرجة واخيييييييرا اتزكرت المثل (طلعت من المولد بلا حمص وقلتلهم اشوفكم تضحكو هادي قلتها صح ) ولاكن للاسف الضحك عليا ما وقف وكل ما نتفرج المسلسل في كل حلقة يزكروني بالمثل دا
اااااااااااااااااااااه حالة بس منجد اني لمن اندمج في شي ما افكر انا ايش بأقول
سلااااااااااااااااااااااااام موعدكم الجاي في نفس الوقت دا مع فشلة جديدة من فشلات رانيا من فشلاتي
مع تحيات أضواء
برعاية ......الخ >>>>>>>>>>>>خلصينا وانهي الموضوع
خخخخخ
اضافة رد مع اقتباس
المفضلات