رحم الله امرءاٌ قرأ موضوعي فابتسم وازداد تبسماً فازدادت شفتاه ابتعادا
حتى إنشق حلقه .. عفواً أمزح لاتعصبون
المهم بقولكم سالفتي مع الجني
مره كنت جاسه أتأمل وأفكاري رايحه وجايه بس لو تشوفون المكان اللي أنا أتأمل فيه
هاتوا أذانيكم كنت في المطبخ أنظف
المهم وإذا بي أرى شخصاً أمام عيوني ياربي مين هذا اللي مو من أخواني
صارت ركبي تتصافق من الخوف
قلت : بسم الله مين انت تكلم اعترف وارفع يدينك ع الجدار << أي جدار متأثره بالأفلام
قال : أقول شوفي شغلك وفكينا بالله
قلت : يالله حتى انت طفشان مين انت ؟.؟
قال : يادلخه أنا قرينك
رحت عطيته ضربه على كتفه
قلت له : روووح من قدام وجهي قال قريني قال << مستقويه
طالع فيني بنص عين
وقال : وأنا وش اللي مطلعني منك لابارك الله فيك ولا في الساعه اللي صرت فيها قرينك
تورطت ورطه
قلت : انطم واحمد ربك انك معي من المفروض انك تكون أسعد قرين
قال : ايه هين
قلت له: لايكثر ماتعرفنا يا ابو الشباب
قال : أنا دناكيرو
قلت : هاااا أجل انت من العيله الكريمه
قال : ايه مو هذا اللي مورطني
(( أعزائي القراء والمتفرجين واللي جالسين وواقفين
سوف أقدم لكم الآن الحوار بين ( دنكونه ودناكيرو)
دنكونه : يالله حيه كان قلت لي إنك من العائله كنت أسوي لك ذاك المفطح
قول تم بكره العشاء عندي
دناكيرو: أقول انطمي بس لو سويتي شكشوكه قابليني
دنكونه : أفا ياقليل الأدب هذي آخرتها والله إن وجهك مو حق نعمه هخهخه
دناكيرو: وش فيك ماتعرفين تضحكين ؟؟
دنكونه : الموضه << عاشت مصرفه
دناكيرو: أقول ياللحيه الغانمه
دنكونه: وش لحيته ياخبل الحين شايفني بشنب
دناكيرو: هااااه إيه حنا آسفين ع الغلط الا قولي لي وش في شكلك رايح كذا؟.؟
دنكونه : وش فيه شكلي هاا مو عاجبك طق راسك في الجدار ماناقصني الا جني
دناكيرو: يمه أعوذ بالله منك على طول شبيتي في وجهي لا بس أقول شكلك كن أحد مفحط في وجهك
دنكونه : إيــه هذا الزمن عمل عمايله
ايه صح نسيت أسألك وش جابك في ذا وش اللي مطلعك؟.؟
دناكيرو : هاااا أبد الله يعافيك بس بمثّل في مسلسل ودوري إني مارد قلت بتدرب معك
دنكونه: الله حتى انتم عندكم هالحركات مسلسلات وكذا ؟.؟
دناكيرو : والله انك خبله بماركه مسجله أقول يازين الخبال ذا بس شايف وجهك مقلوب
قلت بتسلى شوي خبرك أمي وأبوي مصيفين مع اخواتي وأنا في ذا محجوز معك ياوجه الفقر
دنكونه : هـاااا هـه << شرقت
دناكيرو : طيب ليه ماتروحين التنترنت؟.؟
دنكونه : وشوو
دناكيرو : ذا اللي تخبطون فيه
دنكونه : ايه قصدك النت
دناكيرو : عليك نوور هذا هو ليه ماترحين وتدخلين منتدى مكاب
دنكونه : قصر حسك لايسمعونك الحين قال مكاب والله انك ضحكتني والله مدري مين الخبل
دناكيرو: هااه وش اسمه
دناكيرو يشمّق
دنكونه: مكسات
اخس انتم تعرفون تشمقون ياحليلكم بس
دناكيرو : كله سوا عباره عن أسماء محد منتبه
دنكونه : هخهخه ياحبي لك
دناكيرو: فكرتيني بسيارة ولد خالي إذا خربت صوتها مثل ضحكتك
دنكونه: أقول انطم عطيتك وجه
دناكيرو : والله مامنك فايده خليني أروح
دنكونه : شايفني ماسكتك بس يالله ورني عرض أكتافك وخلني أخلص شغلي
دناكيرو: يارب تكسرين الأطباق يارب << نذل
دنكونه : هيه انتظر هل ستعود لي في يوم آخر ؟.؟
دناكيرو: أحلى يالفصحى ايه يمكن لو مالقيت لي شغله تعرفين العطاله منتشره هذي الأيام
(( انتهى الحوار بالمصافحه بين جميع الطرفين وراح وكملت شغلي وبس وانتهت القصه ))
تهيااااااااتوووو ((شلة the devils))
المفضلات