أدري إنكم كلكم مرجوجين وأشقياء نفسي في المدرسة ..
وعليكم حركات و سوالف و شقاوة و ( شكاوي من الاساتذة و المعلمين ) ..
فحبيت نسلي عمرنا شوية ، بتذكر الشقاوة أيام المدرسة ..
أدري إنكم توكم مخلصين المدرسة و باديين بالإجازة ..
بس يلا فاضيين ماكو شغل ، قلت نسلي عمرنا ..
ما بطول عليكم ..
كل عادة أنا ببدأ بعدين انتوا ..
امشوا بالدور ..
اوكي ..
يلا نقول بسم الله :
مرة كنا نسولف مع الأبلة فقالت : الغبية توقف ، انا وقفت ، قالت : انتي غبية ، قلت : لا ، بس حرام اخليج واقفة بروحج .. خخخخخخ ( افهومها )
ومرة بعد كنا شاردين من الحصة كل عادة يعني انا وعصابتي ، بس هذي المرة 3 حصص ورا بعض ، كنا رايحيين الملعب ، لعبنا حصة كاملة وخلصنا والحين نبي نطلع ما نقدر ، لأن قفلوا علينا الباب ، خخخخخخ >>> مستانسة بعد ، المهم رحنا ندق الباب ونكسر فيه محد يسمعنا ، تمينا واااايد و الجو بارد كانت أيام الشتاء و نحن مثلجين و شوية إلا مطر ينصب ( واويلاه ) >>> يعني هم ناقصين ، وكانوا الإدارة يدورون علينا خخخخ ، بعدين شافتنا فراشة المدرسة وفتحت علينا الباب ، و طبعا تعاقبنا كلنا و خمينا ساحة المدرسة >>> مساااكين .
أحلى شي عندي في المدرسة المديرة ، الناس يخربون البنات و أنا خربت المديرة ، الحين مديرتنا صارت خبلة ، كله تضحك ، ويوم الأبلة تقول لي سيري عند الأخصائية أقولها لا بسير عند المديرة ، ويوم أسير عندها تقول لي : قولي نكتة و بعطيج إذن دخول الصف >>> رشوة خخخخخخ
في أبلة أنا ما أحبها أبد على آخر يوم في المدرسة أيام الامتحانات كانت تقول : بنات سامحوني إذا غلطت عليكم و أنا متأسفة إذا سببت لكم مشاكل سامحوني يمكن السنة الياية أموت أو يصير فيني شي ، وأنا قلت لها : آآآآآآآآآآآآآآآآآمين >>> في الويه ، و الأبلة تطالعني بإحتقار >>> مسكيييينة
وفي أبلة الوحيدة في المدرسة اللي أحبها و كانت غايبة فترة فكانت أبلة بديلة لها وبعد ما أحبها ويوم سألتها وين الأبلة تقول : في بيتها مع زوجها ومع عيالها عايشة حياتها ههههههه ، أنا قمت وقلت لها و أنا أأشر بصبعي عليها : أنا ما اسمح لج تتكلمين من ورا البنت انزين ، و خذيها صراخ و هزاب يا سوسو، شو قالت لي إلا قولوا شو ما قالت لي .. خخخخخخ ..
ولا أحلى شي الأبلة يوم تقولي : يا أنا في الصف يا انتي ، أقولها : أنا >>> يعني اطلعي خخخخ
وطبعا سوالف وضحك في الصف 24 ساعة ، والأبلة : بس يا ....... خلاص ، بس كشخه سوالف المدرسة منها ضرابة و منها مشاكل و سوالف و ضحك ..
تعرفون من كثر ما أنا شيطانة و شقية نقصوني في السلوك خخخخخخ >>> وبكل فخر ها
بس والله ردوا لي السلوك 100 من 100
ها شو رايكم بشقاوتي ؟؟؟
الحين نشوف شقاوتكم يا أشقياء أقصد يا أعضاء ..
المحبة : سوسو الشقية
اضافة رد مع اقتباس
ووقفت تطاااالع ومسوية معصبة
بس للاسف محد عطاها وجه
والله من جد لاننا هبلنا فيها وكانوا البنات يخافوا منها من يومها بس احنا حطمنا هالشي خخخخخخخخخخ
المفضلات