هااااااااي ..
كيفكووون شبااااب وصبااايا ...cool
ان شاء الله تمااام ..gooood

انا اليوم حبيت احطلكم شوية من الكلام الي دار بيني وبين نفسي للحظه وبصراحه انا اول مره اشارك في هالقسسم لاني مرره مو حقت دي الحاجات .. بس ان شاء الله يعجبكم ..


واحشني ايه مين دا الي دايبه فيه .. انا حامووت عليه والله روحي فيه واما بشووف عنيه يدق قلبي << اكيد بتقولو اشبها البنت انخبلت ..dead

هادي الاغنيه بكلماتها وبلحنها او بالمغنيه نفسها ماتهمنا الي يهمنا اش تعنيلنا هالاغنيه ..
انا دحين راح اتكلم عن نفسي وطبعا كل انسان لو ذكرياتو الخاصه ولحظاتو الحلوه ..

ياما سمعت هالاغنيه ورقصت عليها واغنيها وانا طربااااانه عالاخر كنت ادندن معاها واحفظ كلماااتها .. وكان شي عاادي اغنيه سمعتها وراحت في حاالها ..

بس الي اكتشفتو قرييبيب وقريب مررره انها ماكانت اغنيه ولا كانت لحظه غنيت فيها وخلاص ولا كانت شي عاادي .. كانت ذكرررى وذكرررى مهمه ..

انا اقلكم كيييف ...؟؟

انا تركت بيتي وتركت غرفتي وتركت سريري الي ياما ارتميت عليه وبكيت وشكيتلو همي والامي .. تركت اهلي واصحاابي .. الي وجه كل وااحد فيهم يذكرني بذكرى سواء كانت حلوه او مرره المهم انها تذكرني بشي .. عيون كل واحد فيهم ترجعني سنين واعوام لورى تعيد ايام حلووه ماستمتعنا فيها بالقدر الكاافي اشوف في ضحكااتهم حكاااوي زماان وهرج ولعب ..

دحين انتو في بلدكم وبين اصحابكم واهلكم وكل دقيقه تمر في حياتكم تحتوي على احدااث بس مين بيهتم فيها .. خلاااص عدى اليوم خبط لزق والحمد الله كل واحد يحط راسو على مخدتو ويروح في سابع نووومه ..
بس ماتدرو انو كل لحظه عشتووها بهاليووم ماتروح بالزبااله لاء تتخزن في بالكم وفي قلوبكم بس ماتهتمو فيها ..

لمن يجي يوم الفرااق والوداااع كل الذكريات الحلوه بترجع بهاللحظه ومو شرط الحلوه بس حتى المرره تسمى ذكرى لانو شي عشتوه وقعد في باالكم راح ترجع الضحكاات وترجع الدمووع وتشتعل ناار الشوق في قلووبنا ونتعطش لأيام زماان نشتااق لاحبابنا الي تركنااهم او هما تركوونا .. ليش وليه وكيف ؟؟

هادي الاسئله نترك اجوبتها للايام ..

الدنيا دواااره ومن فين مابدأنا حننتهي .. والآدمي من التراب وللتراب يرجع ..بس الي يبقى بعد المووت الذكرى ..

ومن الافضل تكون هالذكره حلوه .. يمكن لو انتا افتكرت وااحد وافتكرت لحظه حلووه جمعتكم سوى بس ربي فرقكم واخدو منك اش رااح تسوي..؟ اكيد راح تترحم عليه وتدعيلو بالمغفره لييييش ؟؟
لانو ترك ذكرى حلووه بقلبك وببالك ..

احلى شي بهالدنيا الانسااان المليئ بالذكريات بالضحكات والأحزاان يعني بالعربي انسااان حساس .. وهادا مو معنااه انو يااااااي او ماعندو هرررجه لاااء هادي افكاار متخلفه ومايفكر فيها غير المعقدين ناس ماتحب غير نفسها وبس وماتتمنى السعاده لغيرها .. وايييش هيا السعاده غير انك تكون مع ناس تحبهم وهما يحبووك ناس تجلس ذكرااهم في بالك حتى لو قابلتهم مرره وحده وبالصدفه وجلست معاهم ساعه او ساعتين مو اكثر هالناس ترووح بس تبقى ذكرااهم حلوه ونضره في بالك ..

انا تركت اهلي يمكن مو اهلي الي هما ابويا وامي واخوااني لااااء أهلي الي حسسوني بمعنى هالكلمه اهلي الي عشت في وسطهم وضحكت معاهم وبكيت معااهم ناااس تركت ذكرى حلوه في باالي ورااحت ناس مادري اذا القدر كاتبلي اشوفهم تاااني ولا وداعنا كان الاخير ..

اتغربت وتركت بلدي من فتره قرريييبه مرره ماتتجاوز الـ 3 شهوور يمكن بس اش الي وحشنييييي ؟؟ وحشتني ارض السعوديه وحشني جووها الحاااار ووحشتني رطووبتها وحشتني اسواقها وشوارعها ..بحرها ومبانيها .. اشتقت حتى لوجووه سكاان بلدي اشتقت لوجوه شبابنا المبلطين في المولات ليل ونهاار وعيونهم شغااله تغميز << فئه قليييله جداااا لكن شبابنا السعودي المثقف هدولا هما رجاال المستقبل هما الي بيبنووا الوطن ويكبروا رجااال زيهم ويربوا بنااتهم عالعلم والدين وهما نفس الشي بيجيبوا اطفااال والا مالا نهااايه هدولا شباب بلدي الي انا افتخر فيهم رجااال والنعم فيهم >> خشينا في موضوع تااني .. وزارة التربيه والتعليم خخخخخ ..biggrintongue

كل هالاشيااء كنت انتقدها داك الوقت بس لمن انحرمت منها عرفت قيمتها وكل هالاشياء الي كلمتكم فيهاااا دحين اشتقتلها واتمنى ارجع دقيقه عشان احس فيها تاااني ..

كل هالذكرياات مافارقت خياالي لحظه وحده في الغربه .. والله احلى شي في الدنيا واعظم نعمه نشكر الله عليها نعمة الاحساس والذكرى ..


اتخيل نفسك انسان عايش كدا بدون ولا ذكرى انسان مجرد من الاحاسيس والذكرياات الحلوه انسان مالك مااضي أو يمكن لك مااضي بس ماعمرك فكرت حتى انك تسترجع هالمااضي بكل ذكرياته ..

ودحين بالله بسألكم سؤاال ؟؟ للناس الي تعتبر هالاشياء تفااهه وانو الذكرياات مالها معنى ؟؟؟

دحين قداامي اشوف تدخل لغرفه وتجلس فيها لحاالك وتقفل الباب عليك وتكوون هالغرفه بعيده عن الصجه .. ومن الافضل تقفل اللمبات بس اذا انتا تخااف من الظلام زيي احسن لك خليها مفتووحه ..biggrintongue

اجلس ربع ساااعه بدون محد يدخل عليك ولا يكلمك اجلس لحاالك ومع نفسك ..................لإيش وصلت ؟؟ اش الي جاه على باالك طول هالمده " الربع سااعه " ؟؟

واقلك انتا تكذب لو لو قلتلي انك ماحسيت بشي .. لا تقلي خفت لحالي .. او قعدت استنى متى تخلص هالربع ساعه عشان اخرج لاااا انا اقلك هيا في وجهك مو داا الي حسيت فيه ولا دا الي دار في بالك ..
انا اقلك اش بتكوون ردة فعلك << مشعوذه على غفله خخخ بديت اخاف من نفسي ..eekeek

اكيد افتكرت شي أي شي ولو بسيييط افتكرت لحظه مرت عليك قبل ماتدخل هالغرفه بدقيقه يمكن او دقيقتين ساعه.. يوم ..اسبوع ..سنه ..10 سنواات .. يمكن بتفتكر وجه امك البشووش عالفطوور اليوم او يد ابوك الي ودتك للمدرسه باول يووم ابتدائي او شقاااوة اخوانك الصغاار او حتى لو كنت مقفل اللمبه ممكن افتكرت خووفك من الظلام لمن كنت صغير وضحكت على نفسك ..

كل هالاشياء ضروري تحس فيها وتمر على بالك لانك انساان انتا بشر والبشر يحس ومافيه انسان ماعندو قلب ولا خاالي من الاحاسيس ..حتى لو كان يتظاهر بهالشي أو يمكن انتو كنتو تلاحظو عليه القسوه وعدم الاحساس بس يكااابر والله يكااابر يمكن خايف من انو يعبر عن أي شي في بالو او يحكي عن أي ذكرى حلووه صارتلو وجلست في بالو ..

الذكرى شي حلوو وربي ماخلاها تثبت في العقل الا لانها حلوووه ..

وانا الي بوصلو من القرقره دي كلها >> ريقي نشششف ..dead

اني انسااانه ماكنت حااسه بهالنعمه وكنت اعيش اليووم بحلوه ومره وبمجرد اني احط راسي على مخدتي الحمره الصغيره النااعمه << لا ياشيخه من فين اشتريتيها ..biggrin
وأغمض عيوني تنمسح كل لحظه عشتها باليووم الي قبلو ..

ودحين لمن عرفت معنى اني اكوون في مكان بعيد عن المكان الي عشت فيه واتربيت وكبرت فيه الي اكلت وشربت ونمت ولعبت فيه الي ضحكت وبكيت فيه وأهم الشي الارض الي عشت عليها واتلحفت بسمااها وشربت من بحرهااا رجعتلي كل هالذكرياات المدفوونه << طلعتها مغبررره خخ ... والي اهملتها سنين وسنين ..

الشوق يفجر كل الاحاسيس والمشاعر بالانسان ويرجع يعيد عليه كل ذكرى حلوه عاشها بحيااتو .. والله هالنعمه عظييييمه ..

**واحشني ايه مين دا الي دايبه فيه انا حاموت عليه والله روحي فيه واما بشوف عنيه يدق قلبي ..**

^^^^^^^ وهادي وحده من الاغاني الي تعنيلي كثير مو عشان كلمااتها ولا لحنها ولا عشان شي من داا عشان كانت لحظه حلووه عشتها والاغنيه شغاااله معاها ..asian

وانا حبيت اكتب هالكلام عشان تحسوا بوحده من النعم الي ربي انعم بها عليكم بس كتييير منكم جحدها وماعطاها فرصه انها تثبت وجوودها ..

واسفه طووولت عليكم على بالي عالمة فلك مادري قاضيه مادري اش قصتي ..rolleyescheeky
واتمنى انها تعجبكم وفهمتو علياااا ..sleeping

يالله حبايب ألبي سيــ يووــي ..smokercool