الصفحة رقم 1 من 2 12 الأخيرةالأخيرة
مشاهدة النتائج 1 الى 20 من 26
  1. #1

    Talking أول تقرير مانجا هاهاهاها لا تفوتكم قصة pretty face

    السلام عليكم
    من زمان مانزلتلي موضوع في المنتدى علشان جذي فكرت أعرفكم على هذه المانجا الروعة لأن قصتها حلوة و متروسة أحداث كوميدية من أولها ليييييييييين آخرها و مارح تقدرون توقفون ضحك أولا راح احط القصة بعدين تتدرج الشخصيات و لا تحبطوني و ردوا عالموضوع .

    القصة :راندوه ولد مشاغب و كان معجب ببنت معاه بالمدرسة بس يستحي منها و بيوم كان راجع البيت من بطولة الكاراتيه إللي فاز فيها بالمركز الاول ركب الباص وودع ربعه و راحوا بيوتهم بقى إهو و جم شخص بالباص و مرة وحدة إتيي سيارة طايرة و تدعم الباص و ينفجر!!!!!!!!!!!!!!!!!!!!!
    يفتح راندوه عينه حتى يكتشف إنه بمستشفى و جدامه طبيب و الطبيب كان منصدم لمن شافه يقوم و قاله :
    (( أخيرا قمت من الغيبوبة ما توقعتك راح تقوم منها ))
    إكتشف راندوه إنه بمستشفى الدكتور مانابي الطبيب إللي إهتم فيه طول ما كان بغيبوبه لمدة سنة و بسرعة طلب من الدكتور منظره حتى يشوف شكله و هني راندوه إنصدم !!! بدال الويه إللي كان يرعب الطلاب و ينحشهم كان ويه بنت !!!!! و أي بنت البنت إللي كان معجب فيها وبدال شعره السبايكي الأسود كان شعر طويل أشقر مع هذه الصدمة كان الدكتور في زاوية الصفحة يتفاخر بإبداعه بويه راندوه و شلون إنه قدر يسويه جذي لمن إستلم بوكس محترم من راندوه إللي مو قادر يصدق إللي يصير له و سئل الدكتور شلون إعتقد إن هذا يمكن يكون ويهه و سواه جذي؟؟؟؟ طلعله الدكتور صورة كانت مع راندوه يوم الحادث( كانت الصورة السرية إللي محتفظ فيها صورة البنت إللي معجب فيها) و طلب من الدكتور ( بصراخ و تهديد طبعا ) يرجع له الويه القديم هني وراه الدكتور شكله لمن وصل العيادة كان ويه راندوه محترق لدرجة إنه مافيه تفاصيل و يخرع سئل الدكتور عن مكان اهله فقاله إن أهل راندوه أخذوا جثة محترقة و قالوا إنها جثة ولدهم ( آخر زمن أهل مايعرفون شكل ولدهم ) بس راندوه قام و ركض حق الباب حتى يروح يبشر أهله إنه ما مات إهني وقفه الدكتور مانابي !!!! لأنه راندوه كان مو لابس و لاشي و بيطلع حق الشارع بعد !!! و هني بطل الدكتور مانابي الخزانه إللي عنده و إللي كلها ملابس بنات و قام يقول حق راندوه نوع الملابس إللي تليق فيه و هني أخذ الدكتور بوكس ثاني و راندوه ركض مثل الصاروخ حق بيتهم لمن إكتشف شي و إهو إن أهله باعوا البيت و إنتقلوا و قام يبجي و مره وحده شاف البنت إللي يحبها و ماعرف شيسوي مرة وحدة قامت حضنته و تناديه بإختها الكبيرة و شنو صار بعدين ؟؟؟؟؟؟؟؟ لازم تشوفونها بروحكم ترى تخترب عليكم.


    [Glow]الشخصيات الأساسية [/Glow]





    راندوه : عمره 18 سنة و طالب ثنوية مشاغب و عنده سوابق مع الشرطه معروف بالمرعب بين الناس و إهو رئيس نادي الكاراتيه و الطلاب إللي يدربهم ماكلين طق اليهد منه بس هم إهو إنسان حساس و حب بنت معاه بالثنوية و يستحي منها (مو راكب عليه الحياء ) و بعد ما إنفجر الباص إللي كان فيه و أثناء الغيبوبة غير الدكتور مانابي شكله من صبي إلى ولد (ملاحظه بس و يهه) و إنصدم بأن أهله إنتقلوا و ما بقاله احد إلى أن صارت له نقطة تحول في حياته لمن رينا البنت إللي حباها بالغلط تعتقد إن راندوه إختها التوأم إللي إنحاشت من البيت قبل سنتين و يحاول راندوه إنه ياخذ مكان إختها علما يلقاها و يجمع فلوس عملية الجراحة البلاستيكية حتى يرجعله
    ويهه القديم و لازم طبعا يقضي الأيام هذه يتصرف و يتحرك و يتكلم مثل البنات حتى لا ينكشف سره الخطير.



    1068650759
    رينا : رينا عمرها 17 أو يمكن 16 سنة و مع راندوه في نفس الثنويه و إهي أخت يونا التوأم إللي إنحاشت من البيت تحاول تعرف سبب نحشت إختها من البيت و إهي بنفس الوقت تحب أختها حب ماينوصف و بالسر كانت تحب راندوه إلى أن سمعت بخبر وفاته و لكنها للحين وفية حقه و ماحبت غيره ( مسكينة ماتدري إنه للحين عايش لا و عايش وياها بعد ) تفرح رينا لمن تشوف أختها و إهي منصدمه من شلون تغيرت و تحاول بكل الطرق إنها ترضي أختها و تموت من البجي لمن ماتلقاها .

    1068650985
    يونا : و إهي أخت رينا التوأم بس إهي الأكبر و هي الشخصية المجهوله في القصة يونا كانت تحلم دايما إنها تكون مصففة شعر بصالون، و محد يدري وين راحت بس هذه مهمة راندوه إللي راح يلحقها حتى يوصل لها .الشخصيات الباقية حسب ظهورها

    1068651232
    مانابي جون : الدكتور المجنون صاحب الفكرة الغبية إنه يعطي راندوه ويه بنت هذه الدكتور المنحرف عقليا هو سبب مصايب و عذاب راندوه اليومي مع إن راندوه ما ينكر فضله لأنه أنقذه و رقع ويه بس مارح ينسى هذه الفعلة الشنيعة المهم مانابي دكتور جراحة عنده عيادة خاصة و هناك يعالج راندوه لا تغركم عيادته مافيها مرضى غير راندوه و لا حتى ممرضات بس الدكتور يحاول دايما يساعد راندوه في كل مشاكله و خصوصا في البحث عن يونا و نلقاه في أغلب الأجزاء مكفوخ و مطقوق من قبل راندوه.يتبع في الرد القادم
    اخر تعديل كان بواسطة » كونان العرب في يوم » 14-11-2003 عند الساعة » 00:40
    0


  2. ...

  3. #2

    رد: أول تقرير مانجا هاهاهاها لا تفوتكم قصة pretty face

    أسفة على التأخير في وضع تكملة الموضوع لأن الجزء الأول منه تعرض للمشاكل cry أتمنى تسامحوني و ألحين أكمل :
    1068919635
    1068919922
    الأم و الأب :
    مالهم دور وايد بس يقعدون يناقشون نحشت يونا من البيت معاها ( يعني مع راندوه ) و يحاولون يفهمون تصرفاتها اليديدة .

    1068920086
    يوكي:
    هذه كانت من رفيجات يونا القدم لمن تشوفونها تحسون شلون إهي لطيفة و حساسة بس لا تغركم المظاهر لأنها لمن تعصب(تصير rambo ) على أتفه الأسباب تكسر راس إللي يمها و تفقد إحساسها و للاسف لمن تفقد أعصابها مافي احد غير راندوه يكون واقف يمها ( واه حزني عليك يا راندوه )

    1068920425
    ميدوري :
    أكبر مغازلجيه wink في المجموعة همها في الحياة إن الصبيان يعجبون فيها و و دايما تعاير يونا ( راندوه ) بإنها تشبه الصبيان.

    1068920507
    كيكو :
    تحب أفلام الديناصورات و في سرداب بيتهم مليون حيوان محنط و عندها سنجاب ذكر ( نصيحتي تشوفون القصة أحسن ما اقدر أشرح عنه ) و كانت من اصدقاء يونا القدم و تلعب في نادي كرة الطائرة .

    1068920609
    الأغبياء الثلاثة :
    هذيل نفسهم جماعة راندوه و ربعه أيام كان عايش ( ذبحت الصبي dead ) و كانوا طلاب عنده في نادي الكاراتيه و كانوا يتظاهرون إنهم يعزونه و يقدرونه و إهم من داخل ودهم ينتفونه بس إهو كان وايد قوي و لمن شافوا يونا لأول مرة ( راندوه ) أعجبوا بشكلها بس لمن كفختهم يونا أعجبوا بعد بقوتها و حاولوا المستحيل يدخلونها تشترك معاهم في نادي الكاراتيه و يسوون اي شي علشان يونا ( راندوه ) و يخافونها خوف بس مو مثل راندوه هذاك كان إرهابي smoker و هم دايما يحوطونها لمن تدخل المدرسة حتى لحد يقرب صوبها و تعاقبوا مليون مرة عشانها ( راندوه عرف يستغل ويه البنت إللي عليه )

    1068920903
    كوبوياكاوا :
    مدرس الرياضيات المثالي في المدرسة من حيث الشكل و المظهر و الشعر العجيب gooood و معروف عند أغلب الناس بأكبر مغازلجي و يموت على البنات laugh و يكره راندوه كره العمى و يكره حتى أحد يذكر إسمه و صادف و إلتقى يونا ( راندوه ) وراندوه بما أنه يعرف حب الإستاذ للبنات قعد نص ساعة يمسح فيه يعني أنا احبك يا أستاذ و أنا بنت حلوة و ما أعرف راندوه و من ورا هالسالفة تبدي العداوة بين يونا ( راندوه ) و الإستاذ .

    1068921091
    ميوا :
    بنت عم يونا و رينا تفاجأ راندوه إنه بطل عينه و شافها بفراشه ( الله يعينك يا راندوه ) بعدين عرف إنها كانت دايما تشارك يونا بفراشها و ميوا كانت أعز صديقات يونا و تعرف عنها أكثر من أمها و أبوها و تشك براندوه من أول ما تدخل البيت و دايما تحاول تمسك عليه شي حتى مرة دشت عليه بالحمام بس إهو سمع صوتها جان يلبس ملابسه و ينط من الدريشه و تتجسس عليه ليل نهار و إهي محبوبة بين الطلاب و سبب ثاني لعذاب راندوه .

    1068921202
    ميكي :
    المسؤول عن مجلس الطلاب إللي مشتركه فيه رينا و كل الطالبات يتمنون يصيرون صديقاته cool و الصراحة وايد مغرور بالاول لمن راندوه سمع إشاعات البنات حواليه ( يا كثر إشاعات البنات ) إن راح يصير رفيج رينا إنفجرت فيوزات راندوه و راح له وووووولازم تشوفون القصة تعرفون شصار فيه اهم شي عندنا إنه بالأخير بطل عن رينا و اعجب بيونا .

    1068921257
    يئيدا :
    بنت يموتون عليها صبيان المدرسة كلهم و يتمنون يصيرون رفجانها قررت ترك الصبيان و قررت تحب البنات !!!!! و أكيد إستنتجتوا حبت منو أكيد يونا ( راندوه المسكين ) مثل الذباب حوالي العسل تلحقه وين مايروح تبي تروح وياه و تهدد كل إللي يفكرون يقربون bandit صوبه خصوصا الأغبياء الثلاثة و تلعب في نادي التكاواندو للبنات إللي تمتلكه عائلتها .

    1068921374
    يوريكو :
    رئيسة مجلس الطلبة في مدرستها الثانوية تلتقي بيونا ( راندوه ) في يوم المسابقات الرياضية لمن يبدا التنافس في جميع أنواع الرياضه بينهم و تحاول يونا ( راندوه ) الفوز بالكاس علشان خاطر رينا و لأن مدرستهم بحياتها ما فازت بهالمسابقة و لا زم يتخطون يوريكو للفوز بالكأس devious .

    1068921489
    كوهاياشي :
    عجوز آخر منحرف chinese يحب الحريم laugh laugh و الأسوأ إنه يشتغل في معبد و هذه المعبد هو الموقع إللي يتدربون فيه أعضاء نادي الكراتيه كل سنة و بما أن الأغبياء الثلاثة رايحين هناك أكيد لازم يسحبون معاهم أحد و هذا الشخص لازم يتنافس مع كوهاياشي و يفوز عليه و إلا إضطروا يرجعون للمدرسة بدون تدريب أو يخلون ميوا تشتغل عنده و تهتم فيه speechless .

    1068921548
    جيناي :
    cheeky هذا المخترع العبقري هو صديق مانابي الدكتور و دايما يعطيه إختراعاته إللي في الأخير يستفيد راندوه منها في حياته اليومية و في تغطية سره المشكلة فيه إنه ما يحس بالبشر حتى لو حرقهم بماي يغلي و لا خلاهم يركضون 20 الف كيلومتر لمن تقرون القصة بتفهمون .

    1068921760
    أغبياء ثلاثة ثانيين ؟ confused :
    هذه المجموعة البائسة تلتقي فيها يونا ( راندوه ) في طريج البحث عن يونا لهم دور فعال في مساعدتها خصوصا بعد ما إنطقوا على إيدها و كما هو متوقع طلعوا من طلاب نادي الكراتيه و أعجبوا بيونا و قوتها( كالمعتاد wink ) .

    1068921936
    يوشيدا :
    لمن يشوف رينا اول مرة حسباله إختها يونا و يساعدها بس العصابة smoker إللي كان يشتغل فيها ماتخليه و يقبضون عليه و تاتي يونا ( راندوه ) حتى تنقذه rambo و يكتشف راندوه إن هالولد كان له علاقة مع يونا في الماضي و إهو يعرفها و يحاول يعرف منه .

    1068922088
    هاجا :
    رئيس العصابة إللي كان يشتغل فيها يوشيدا و كان إسمها الكرمسونز هاجا كان قاعد يتفاخر بإللي سواه في يوشيدا لمن وصلت الإمدادات devious وتمت عملية الإنقاذ و كفخه راندوه .

    1068922203
    ماياكو :
    دورها أقصر دور بالقصة و إهي أم يوشيدا و إللي كانت تعتني بيونا في الفترة إللي كانت موجوده فيها عندهم بس دورها خلص .


    و هني راح أكتب رأي أنا في القصة :
    أولا أعتقد إن القصة حلوة و قريبة للواقع يعني لأن عملية التجميل البلاستيكية ممكن تغير الويه و بعد الرسومات روعة أحب هالنوع من الرسم بسيط بس دقيق و القصة تحط كل شي ممكن يصادف بالحياة اليومية أحلى شخصية عندي هي راندوه asian قبل لايتغير ويهه و يصير ويه بنات و طباعه قبل لمن كان كله يتهاوش و يكفخ و يهدد بس عليه حركات و إهو بنت هاهاهاها المهم كتبوا رايكم إنتوا بعد في القصة و الشخصيات gooood

    معلومات عن القصة :
    القصة إلى ألحين صارت 33 شابتر و مستمرة للحين ماصارت أنمي و هذه السلسة أعتقد إن الرسام هو ( كانو ياسوهايرو ) هذه المانجا لسن من 18 إلى فوق بسبب اللهجة القوية و بعض الكلام إللي مايناسب الصغارو هذه النوع من القصص تناسب البنات أكثر من الصبيان و إنشاءالله كل ما تطلع شخصية جديدة راح أضيفها للموضوع.

    إضافات :
    جم صفحة من المانجا حتى تستمتعون فيهم و تشوفون البداية و إللي يبي المانجا و تنطبق عليه الشروط إللي فوق يدزلي رسالة خاصة و انا أبعث له الموقع.

    و في النهاية :
    أسفة بخصوص حجم الصور مالقيت مواقع حاطه صورهم صغيرة فاضطريت انسخهم من المانجا عندي ( وااااااااي ياكثر ما اقرق و أكتب tongue أتمنى في احد تحمل كل هالقرقه ) و ألحين خلص الموضوع ^^ إنشاء الله عجبكم و اتمنى أشوف ردود و قبل لا احط الصفحات أشكر المراقب كونان العرب على تعديل الموضوع gooood و أشكر كل من إقترح و ساهم في موقع تحميل الصور إستفدت منه وايد و مشكورين asian .
















    الصفحات كلها بالإنجليزي .
    اخر تعديل كان بواسطة » shin-2 في يوم » 15-11-2003 عند الساعة » 20:19
    0

  4. #3

    رد: أول تقرير مانجا هاهاهاها لا تفوتكم قصة pretty face

    مشكوره اختي شنتو على المانجا

    بس اللي مستغرب منه من متى صار مدرس الرياضيات حلو جذي ( كوبوياكاوا)^_^

    شرح رائع -ويموت من الضحك- وفكره حلوة انج تكتبين عن مانجا

    المانجا وايد حلو وانا شفت الصفحات ويعطيج العافيه على الموضوع الرائع ^.~

    تحياتي
    attachment
    0

  5. #4

    رد: أول تقرير مانجا هاهاهاها لا تفوتكم قصة pretty face

    مرحباً shin-2

    أشتقنا لك ولمشاركاتكِ
    و شكراً على تقديم المانقا .... الحقيقة لم أسمع بها من قبل لذا شكراً لكِ على تعريفي بها
    و أشكركِ على أسلوبكِ الشيق والممتع ... أعجبني جداً
    و أود متابعة الأحداث فمن فضلكِ أبعثي لي روابط المانقا ...
    و ألف شكر لكِ shin-2
    0

  6. #5

    رد: أول تقرير مانجا هاهاهاها لا تفوتكم قصة pretty face

    CeLeBi أشكرك على الرد في الموضوع وييي فشلتني >>>>> مو مصدقة أحد مادحها
    العفو و إنشاءالله يكون صج عجبك أنا كان في ودي من زمان اكتب تقرير عن مانجاو طاح إختياري على هذه المانجا و إنشاءالله عجبوك الصفحات
    Angel on Earth
    أشكرك أخوي أينجل على الرد في الموضوع
    إشتقنا لك و لمشاركتك >>>>>>>>>>>>>>> ويييييي ماشاءالله عليك للحين تتذكر إني كنت أشارك
    و أنا آسفة لأني قصرت بحق المنتدى و من زمان ماشاركت و لا تابعت اخباركم>>>> قلبتي الموضوع سوالف بسج
    المهم أنا بعثت الروابط و إنشاءالله تعجبك
    بس ماأدري ليش الموضوع موجود في ميجا تون لأن هذه مانجا المفروض في مانجا تون ؟ مو مهم المهم تستمتعون بالتقرير
    0

  7. #6

    Talking رد: أول تقرير مانجا هاهاهاها لا تفوتكم قصة pretty face

    السلام عليكم
    مشكورة اختي ليمونة عالموضوع واااااااااااااااايد حلو gooood وان شاء ما توقفين عن هالمجهود الطيب
    0

  8. #7

    رد: أول تقرير مانجا هاهاهاها لا تفوتكم قصة pretty face

    مرحبا

    مشكووورة اختي العزيزة على التقرير الرائع ..الله يعطيج ألف عافية على الجهود....

    القصة روعه ..عجبتني وااايد...أحب هذي الأنواع من القصص الغريبة ki ki ki ^-^

    وفي خاطري اقراء بقية القصة .......@-@

    في موقع لتحميل الشابترات أبغي احمل باقي الأجزاء ... biggrin


    ومشكوورة مرة ثاانية وتسلمين على المشاااركة الحلوة ... gooood


    بالتوفيق wink
    0

  9. #8

    رد: أول تقرير مانجا هاهاهاها لا تفوتكم قصة pretty face

    تشكرات إختي شن تو على الموضوع
    وعلى العموم آنا أعرف هذه المانجا ( الفضل يعودلوحدة من قريباتي )
    بس هم شكرا والله يعطيج ألف عافية asian
    اخر تعديل كان بواسطة » love & peace 2 في يوم » 19-11-2003 عند الساعة » 12:11
    0

  10. #9

    رد: أول تقرير مانجا هاهاهاها لا تفوتكم قصة pretty face

    biggrin وعليكم السلاااااااااااااام شلونج تاما شخبارج شمسويه الحمدالله عجبج الموضوع و أنا بالمنتدى إسمي shin-2 مو ليمونه

    MIZUKI
    اهلا ياهلا بالغالية و إنتي مشاركتج أحلا و أحلا بعد الحمدالله إن الموضوع عجبج و طلعتي تحبين هالنوع من القصص المهم أنا بعثت لج الروابط إنشاءالله وصلوا بالسلامة و تزورينا دايما ( هذه الجملة بس جذي يت في بالي فكتبتها )


    مين ؟؟؟ love & peace 2 عندنا يا أهلا و سهلا و مرحبا
    ويييييييييي فضيحة طلعتي تعرفين القصة tongue بس انا متأكدة إنج مو جايفتها كلها biggrin المهم إذا جذي تعرفينها ممكن إذا لقيتي غلط في التقرير تدليني عليه ؟
    و بعدين تعالي إنتي إيرانية و انا ماادري ؟ كشفتج نياهاها تقولين تشكرات glasses
    0

  11. #10

    رد: أول تقرير مانجا هاهاهاها لا تفوتكم قصة pretty face

    قهر ماطلعت ولا صورة

    تحياتى

    شكرا
    0

  12. #11

    رد: أول تقرير مانجا هاهاهاها لا تفوتكم قصة pretty face

    ؟؟؟؟؟؟؟ ماطلعت ولا صورة ermm
    ولا حتى حقي انا أعتقد هذه مشكلة بموقع التحميل لاني كل ما أدخل يكتبولي الصفحة غلط خلاص أنا راح اروح منتدى المشاكل و الإقتراحات و اشوف السالفة bored
    و مشكورة يا اخت guss who على التنبيه gooood
    0

  13. #12

    رد: أول تقرير مانجا هاهاهاها لا تفوتكم قصة pretty face

    والله حسافه قريت الموضووع جذيه من دون أشوف الشخصيات ولا شي
    A loss a hope that I see the pictures
    Anyway Thank you Shin-2-Sama
    lovely_girl
    0

  14. #13

    رد: أول تقرير مانجا هاهاهاها لا تفوتكم قصة pretty face

    العفو يا Takyto
    الله صورتك الشخصية تهبل هذا هسوكا صح ؟؟
    إللي عنده حل حق الصور يقولي إذا تبوني أحملهم مرة ثانية أو أحطهم بملف أو أي طريقة ثانية أنا أتقبل إقتراحاتكم بس مو بالموضوع رجاءا
    0

  15. #14

    رد: أول تقرير مانجا هاهاهاها لا تفوتكم قصة pretty face

    مشكوورر يا ليمونة موضووعك حلووو يا غالية ولك تحياتي الكتكوت
    0

  16. #15

    رد: أول تقرير مانجا هاهاهاها لا تفوتكم قصة pretty face

    هلا بالكتكوت إللي للحين ما صار دياية و قلنالكم إسمي shin-2 مو ليمونه فضحتونا المهم الموضوع عجبك و أتمنى أحد يرد على الإقتراح إللي فوق اوكي
    0

  17. #16

    رد: أول تقرير مانجا هاهاهاها لا تفوتكم قصة pretty face

    أهللين يا shin-2 لا لسة ما صرت دجاجة يا ليمونة و بعدين انا ما شفت أقترراح مكتوووب فوووق يا ليموونة وووووووووووووشكر
    0

  18. #17

    رد: أول تقرير مانجا هاهاهاها لا تفوتكم قصة pretty face

    السلام عليكم

    انا اول مره اكتب في المنتدى nervous

    اختي shin-2 شفت موضوعك واعجبني كثير

    بس حسافه ما ظهرت الصور لي cry

    المهم وين لقيتي هذا الشريط وين لقيتيه

    واتمنى انك تفيديني

    mhm73
    0

  19. #18

    رد: أول تقرير مانجا هاهاهاها لا تفوتكم قصة pretty face

    مشكورة
    0

  20. #19

    رد: أول تقرير مانجا هاهاهاها لا تفوتكم قصة pretty face

    بالترتيب :
    كتكوت بس فضحتنا و قلبت موضوعي جات ليمونه تفاحة بطيخه خلاص كيفك و العفو مرة ثانية

    mhm73
    أهلا أختي و يشرفني يكون موضوعي اول موضوع تردين فيه و الأحين لازم ارحب فيج بمكسات أهلا و سهلا و مرحبا و إنشاءالله تفيدين و تستفيدين

    kilua
    العفو

    راح اعيد الإقتراح مرة ثانية حق إللي مالهم خلق يصعدون فوق و يشوفونه إني احط الصور بملف و انزله أو أحط الصور في رد بروحه و إللي عنده إقتراح غير جذي الله لا يهينه خل يحطه و إهو المستفيد
    0

  21. #20

    رد: أول تقرير مانجا هاهاهاها لا تفوتكم قصة pretty face

    موضوع رائع جدا والقصه الفتت أنتباهي جدا جدا

    صراحه روعه بس الي أغمه عليه سنه
    زي مسلسل مو متأكده من أسمه (ذا ديد أوف زون ...مو متأكده)


    والشخصيات حلوه مره بس القصه ما طلعت معاي


    وشكرا
    0

الصفحة رقم 1 من 2 12 الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter