مشاهدة النتائج 1 الى 18 من 18
  1. #1

    Talking انواع الاحراجات في الخطوبه....تعالو اضحكو شوي

    من مواقف الخطوبه والزواج

    واحد في ليلة عرسه جالس في زاويه وزوجته في زاويه , يكلمها مستحيه وتطالع الأرض .. يذب نكته يستهبل عليها ماش البنت تطالع في الأرض ومشكلته ولا كأن فيه أحد جالس جنبها ..
    الرجال من كثر مايكلم نفسه وبنت الناس ساكته قال خلني بسكت وأشوف وش تاليتها معها .. يعني ثنيناتهم سكتوا ..
    شوي يوم جو أخويا الزوج وقالوا بنستهبل عليه .. المهم ويقوم واحد منهم ويآخذ حصاة ويرجمها في النافذة .. عاد تخيلوا سكوووون وصوت صقعه فجأه .. البنت يوم سمعت الصوت طمرت وضمت زوجها من الخوف .. الرجال اعجبته الحركه .. ترك حرمته على جنب وطلع من النافذة وصاح لأخوياه " ثانيه شباب ثانيه " !!

    --------------------------------------------------------------------------------



    وحده جاب زوجها تمر وجلس يأكلها واستحت من رجلها تطلع النواه قدامه .. قامت تبلع فيها وهو يعطيها تمر وهي تبلع (خبله) وبعدين ودوها المستشفى
    --------------------------------------------------------------------------------



    وحده جا خطيبها يشوفها وطبعا هي بتموت من الحيا . المهم دخلت عليه وابوها كان موجود الا شويه ودخل خالها وبعدين عمها وبعد شوي يدخلون اخوانها كلهم وصار المجلس مليان ناس( وطبعا كلهم عيونهم عليها)
    ومن يوم شافتهم كان بيغمى عليها . فكرت تطلع. راحت للباب ولقته مقفل ( مقفلته امها علشان ماتطلع)
    طبعا البنت طاح وجهها خصوصا لما شافت الموجودين في المجلس وهم يحاولون يكتمون الضحك ( والله فشيله)


    المهم ظلت واقفه شوي لما استوعبت انه في باب ثاني راحت تركض له تبي تطلع وبعد كم خطوه الا هيلا هوب وتطيح
    طبعا هذي اللحظه البنت كان بيغمى عليها من الحيا وبس وصلت للباب واخيرا طلعت وهي تسمع ضحكات الشباب في المجلس عليها

    --------------------------------------------------------------------------------



    وحده جات بتخطب صديقتها لاخوها . عزمتها في بيتهم وقال لاخوها طل عليها من النافذه وشفها اذا عجبتك نخطبها لك . وافق الولد ولما جات البنت قدمت الاخت لصديقتها شكولاته . والبنت معيا تاخذ وذيك تلزم عليها. والبنت مصره ماتاخذ . ولما طلعت علشان تسأل اخوها عن رايها في البنت .


    الاخو شاف البنت وهي تاخذ من الشكولاته وتخش في شنطتها ولما سألته اخته عن رايه قال موافق على طول . وتم الزواج وفي ليلة العرس يسأل الزوج البنت : وين الشكولاته اللي خذيتيها من بيتنا؟؟ ( مايرضى احد ياخذ من بيتهم شي بدون مايستاذن .. حمش)



    --------------------------------------------------------------------------------



    هذا واحد أخوياه ماينلعب معهم .. يوم عرسه مروه ربعه وقالوا يالله مشينا الحلاق نسمكر وجهك .. يوم ودوه للحلاق ( وكانوا متفقين مع الحلاق من قبل ) وينقز واحد منهم ويتل راسه ويقول للحلاق يالله أدهر وأبو الشباب ماعاقت معه وجز راس المعرس .. مووووووووووس ..
    المهم أنهم حلقوه موس والمعرس قفلت معه ولا قدر يسوي شي .. يوم جا العرس طق الطاقيه والغتره ومشى كل شي سليم ..
    عاد يوم جا في البيت لازم يشيل الغتره موب على طول بتبتل كذا .. يوم فصخ الغتره وطلعت الصلعه البنت قالت ذا مهبول ولا فيه بلا .. ولا أحد يحلق مووس يوم زواجه ..
    اللي زاد الطين بله أن المعرس شاف البنت خايفه وفاهمه غلط قال خلني بطينها وقعد يخوفها ويقرب راسه يمها كنه بينطحها ويسوي حركات كنه مهبول .. يوم طلعت الشمس قالت البنت : ودني لأهلي .. ( قالت في نفسها أبوي ذابني على واحدن مامنه رجا !! ) عاد المعرس دق على أبوها وقال له تعال يوم جا فهمه أن أخوياه سوو كذا وكذا وأنه شافها خايفه قال خلني أستهبل عليها .. والأبو فهم البنت وعدى هاك اليوم على خير ..



    --------------------------------------------------------------------------------



    ثنين توهم متزوجين .. أول ما رجعوا لبيتهم الا زوجها مجهز لهم عشاء .. أختنا في الله الدنيا مسودّة قدامها من الجوع .. ما ذاقت الاكل من أصبحت من زود ماهي مشتطة .. ورجلها يناديها يبيها تاكل .. البنت مستحية وما تبي تاكل قدام رجلها .. بس انها جوعاااااانة .. قالت له لا تسلم أنا شبعانة .. يقول لها يا بنت الحلال تعالي كلي لتس لقمة ولا لقمتين .. والبنت تقول أبدا الله مير ينعم به ماله محل .. ويحاول فيها من هنا من هناك وهي ميبسة دمجتها .. مع انها كانت تتعبر مع كل لقمة يبلعها وتقول في نفسها اخلص عاد يبو الشباب علينا تراك مصختها ..
    خلص زوجها من العشا وقال لها يلا ننام ترانا ورانا قومة بدري بكرة ( الضيفة عند أهله ) . قالت لها خلاص انت رح نام أنا بضف الأكل أول .. الرجل ابتسم ابتسامة صفرا وقال على راحتك .. ما صدقت المرة رجلها يدخل الحجرة الا طيرااااااااان على الأكل .. لقمة في فمها ولقمة في يدها وعينها على الثالثة .. وهي في قمة الانسجام ما درت الا ذا الي يمد لها كاس الموية يقول لها سمي خليه ينزل الاكل في بطنك وهي الي تتروع




    هههههههههه
    انشالله يعجبكم<<<اكيد بيعجبكم<واثقه
    بايو
    م ن ق و ل
    attachment


  2. ...

  3. #2

    رد: انواع الاحراجات في الخطوبه....تعالو اضحكو شوي

    ههههههههههه روععععععة

    مشكورة الله لا يبلانا بهالمواقف -^ . ^-

  4. #3

  5. #4

    رد: انواع الاحراجات في الخطوبه....تعالو اضحكو شوي

    شكرا ماي سيستر على الموضوع

    ههههههههههههههههههههه

    الواحد يضحك اول بعدين يشكر ...انا حبيت اغير
    يلا يسلمو مرة تانية

    ما بتقصري ماي سيستر
    تحياتي
    آيــــــــــــــس

  6. #5

    رد: انواع الاحراجات في الخطوبه....تعالو اضحكو شوي

    تانكيو بروذر
    يسلمو بايو

  7. #6

    رد: انواع الاحراجات في الخطوبه....تعالو اضحكو شوي

    نياهاهاهاهاهاهاهاهاهاها.................

    ياحليلهم البنات وهم مستحين نياهاهاهاهاها




    يسلمووووووووووو أختي نوتي

  8. #7

    رد: انواع الاحراجات في الخطوبه....تعالو اضحكو شوي

    شفت كيف والله من الخوف والحيا ياحليلنا
    خخخخخخخخخ
    مشكورين اخواني عالردود العسل زيكم
    بايو

  9. #8

    رد: انواع الاحراجات في الخطوبه....تعالو اضحكو شوي

    واحد في ليلة عرسه جالس في زاويه وزوجته في زاويه , يكلمها مستحيه وتطالع الأرض .. يذب نكته يستهبل عليها ماش البنت تطالع في الأرض ومشكلته ولا كأن فيه أحد جالس جنبها ..
    الرجال من كثر مايكلم نفسه وبنت الناس ساكته قال خلني بسكت وأشوف وش تاليتها معها .. يعني ثنيناتهم سكتوا ..
    شوي يوم جو أخويا الزوج وقالوا بنستهبل عليه .. المهم ويقوم واحد منهم ويآخذ حصاة ويرجمها في النافذة .. عاد تخيلوا سكوووون وصوت صقعه فجأه .. البنت يوم سمعت الصوت طمرت وضمت زوجها من الخوف .. الرجال اعجبته الحركه .. ترك حرمته على جنب وطلع من النافذة وصاح لأخوياه " ثانيه شباب ثانيه " !!
    -----------------------------------------------------------
    واااااااااااااااااهههههههههههههههههههههههههههههههه ههههه laugh laugh laugh laugh حلووووووووووووووووة تفطس من الضحك ههههههههههههههههههههههههههههه جتلتني من الضحك خخخخخخخخخ laugh laugh
    تسلميين غناتي على الموااقف اللي تموت من الضحك بس هالموقف صدق ضحكني وفي موقف اللي طاحت جدام كل الشباب ههههههههه laugh -->تعيب وباجر هي بتطيح tired

  10. #9

    رد: انواع الاحراجات في الخطوبه....تعالو اضحكو شوي

    هاهعاهاهاههههههههههههههههههههععععععع


    مشكوره صراحة ضحكتيني
    image
    يشرفني زيارتكم لمدونتي ^_____^

  11. #10

    رد: انواع الاحراجات في الخطوبه....تعالو اضحكو شوي

    Nughty Rikku


    حلوة ومواقف حلوة ...............


    اتمنى تصير معااااااااااااااية ......
    .
    .
    .
    .
    .
    .
    .
    .
    بس متى ؟.


    تسلمي على الموضوع ..

    اشواااااااااااقي فجــــ العزيز ـــــر

  12. #11

    رد: انواع الاحراجات في الخطوبه....تعالو اضحكو شوي

    هههههههههههه
    مواقف رائعة


    والكاتب لهذا الموضوع اروع

    مشكورة اختي ريكو عالطرائف ^_^


    اخوكي: كريس
    attachment

    أمي يانبع الحب عطاء...أمي ياجود الخير وفاء...أمي أنتي ضياء..في قلبي صبح مساء
    أمي ياطيف جمال...غناكي لحن دلال...صاغ الخلاق لنا...من ذاك اللحن جلال
    سكرى أشواقي بها...هيمان الوجد شجون...كل الآلام على...صدر الأحلام فتون

  13. #12

    رد: انواع الاحراجات في الخطوبه....تعالو اضحكو شوي

    مشكورين اخواني

    cute_Polyana خخخخخخخ شكرا عالرد الحلو والحمد الله اعجبك وانشالله ماتمرين بمواقف زي ذي

    kawtherحياتي شكرا عالرد الحلو وضحكتك الاحلى


    فجــ عـزيـز ــر اخي مشكور لمرورك على الموضوع وانشالله تمر بموقف زي كذا بس اكيد ماتتفشل خخخخخخخخ


    christian vieri هلا والله صابونه <<<عفوا كريس اخوي الحمد الله اعجبك الموضوع وشكرا عالرد الرائع زيك


    يسلمو
    وبايو

  14. #13

    رد: انواع الاحراجات في الخطوبه....تعالو اضحكو شوي

    هههههههههههههههههههههههه...
    والله ماقدرت امسك عمري من الضحك.. asian asian
    موااااقف صج محرجة و مضحكة بشكل.. tongue tongue
    وخاصة اللي طاحت واهي تحاول تطلع من الميلس..موقف لو استوى معي كنت تمنيت ان الارض تبلعني!!
    واللي زخها ريلها واهي تاكل من الخاطر..ويها اكيد احترق!! مسكينة..
    واحلى موقف..اول واحد..مررررة حلو.. asian
    مشكوووورة اختي Nughty Rikku على هالمشاركة الرووووووووعة..
    تحياتي لكي ..همس الخفوق
    اخر تعديل كان بواسطة » همس الخفوق في يوم » 19-11-2003 عند الساعة » 15:46

  15. #14

    رد: انواع الاحراجات في الخطوبه....تعالو اضحكو شوي

    ههههههههههههههههههههههههه .... انشالله تصير لعدوتي وععدوي عشان افرح ههههههههه مشكوووووورة اختي نوتي ريكوو عالموضوع الحلو ...

  16. #15

    رد: انواع الاحراجات في الخطوبه....تعالو اضحكو شوي

    هههههههههههههههههههههههههههههههههههههههههههه موقادر من أول وحدة تضحك

    على عموم مشكورةNughty Rikku على الموضوع رائع وممتاز gooood gooood

    مع تحيات
    حامي منتدى مازنكايسر
    sigpic5824_1
    .:
    "(
    لا تقف كثيراً عند أخطاء ماضيك لأنها ستُحَوِل حاضِرك جحيماً )":.
    myanimelist - goodreads - formspring

  17. #16

    رد: انواع الاحراجات في الخطوبه....تعالو اضحكو شوي

    الله يرجك رجا مبرحا laugh وش سويتي كل ذي احراجات من جد الله يرجك رج الببسي في الشاني laugh

    وتسلمين على المشاركه الحلوه 3d

  18. #17

    رد: انواع الاحراجات في الخطوبه....تعالو اضحكو شوي

    خخخخخخخخخخخخخ
    مشكورين اخواني
    همس الخفوق الحمد الله اعجبتك والله حاله الله لايبلينا يارب خخخ

    كاتي مشكوره عالرد الحلو زيك وانتي حاقده شكلك على صديقتك خخخ لايكون تطيحين انتي فيه كوني حذره

    مازنكايسر ههههههههه الحمد الله اعجبتك مشكور اخوي عالرد

    هلااااااااااااااااا
    فاينلو شلونك ؟؟؟
    خخخخخخخخخخخخخخخخخ الله يرجك انت ذبحتني ترجيج لا ومطلعلي كلمات جديده ببسي وشاني خيير وين قاعدين
    نياهاهاهااها
    شفت وش يصير فينا من الاحراجات الله لايجيبنا فيها يارب
    سلام حبايبي ومشكورين عالرد

  19. #18

    رد: انواع الاحراجات في الخطوبه....تعالو اضحكو شوي

    روعة المواقف مت من الضحك مشكوورة اختي على هاي المواقف الطريفة
    اخر تعديل كان بواسطة » @ ران @ في يوم » 25-11-2003 عند الساعة » 01:37

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter